WongChunnnnn's Profile

自從出黎做嘢之後 好耐都無翻過屋企飲湯啦但今日竟然機緣巧合遇上咗呢間荔湯係門口望到啲餐牌都好清晰好靚入到去門口有個好親切嘅姨姨係度介紹有咩湯好飲我就選擇咗碗《海底椰蟲草花雪梨無花果燉排骨湯》加多個燒賣不得不提嘅就係呢度啲燒賣竟然係 $10蚊 10粒 嘅 係荔枝角呢區好少有，仲要係好食靚嘅燒賣 ，CP值勁高！好快姨姨都拎埋碗湯俾我 走果陣仲不忘同我SAY GOODBYE 勁有親切感翻到公司一開 ，湯都好足料，再細細品嘗一啖真心好鮮甜 連啲湯料都好好味😋真係好似有種細細個啊媽煲湯俾我飲嘅味道，下次會再叫埋蒸飯 ，因為望果個餐牌 好似幾低又吸引👍🏻…Read More

今日朋友心血來潮 請咗我去荔枝角醒廈食飯 原本心諗工廈會有咩好食 點知一食大有來頭！入到去餐廳都乾淨 ！ 有種高質嘅西餐Feel 再睇睇個Menu 有咩食 ！見佢哋有個A5牛扒 ，我咁鍾意食肉 當然都唔放過啦可能因為撞正中餐放飯時間 出餐都要少少時間 ！一上到枱  牛扒都有驚喜 叫咗 5成熟  見佢哋個外相都幾靚仔！牛扒輕輕一切 放入口 嘩 牛扒好肉嫩 勁有口感 配埋佢啲汁食 牛扒味好濃厚！好推介鍾意食牛扒嘅你過嚟品嘗 ❤️以後都唔睇小工廈餐廳 因為呢間啲食物都幾高質😋👍🏻…Read More

話說幫朋友慶祝生日 就嚟到尖沙嘴嘅串楊食飯！一入到口門已經俾佢個日本風嘅裝修吸引曬 ！好似去咗日本啲居酒屋🏮咁啊！入座後同朋友都唔客氣咁落單！有手羽 和牛 鰻魚 羊架 雞肉串燒等等🍢🍖不得不提 就係佢哋嘅海老串 再配上餐廳獨家嘅串楊汁 ！味道勁入味之餘 口感都好一流 ！ 加上串揚汁令到原本好味嘅海老 更加好味 🦐！而我哋就叫咗果汁酒同生啤 ！ 推介果汁酒俾唔係幾飲嘅酒嘅朋友！🍊🍶🍹因為佢口感甜甜哋 容易入口 ，再配串燒食 口感超正啊 ！😋最後先叫店員幫我哋拎個蛋糕出嚟  ，但美中不足嘅係原本靜靜雞去叫店員上 結果佢行過嚟問個壽星係係咪可以上蛋糕啦 ，搞到個驚喜無咗😂由8點半食到 11點半 味道環境都唔錯 係可以回頭嘅餐廳之一！…Read More

喵喵喵 又到中午熱辣辣嘅日子啦 😿因為喵喵我呢排啲客人都係LCK 度 ，所以就黎到LCK 黎下有咩好食啦喵喵！ 😼 係我喵喵煩腦咁點先可以食到間好食嘅餐廳嘅時候 ！竟然俾我嘅喵喵鼻仔 聞到方圓幾里 有啲陣陣香味 散發緊出黎 ！😻如是者 我跟住啲香味行 ，行下行下 發現 原來啲香味係呢間叫飲食男女嘅餐廳傳出黎嘅！即刻入去呢間飲食男女 ！係門口已經感受度呢度多客 ，可能因為呢位大部份都係寫字樓嘅關係 ～等咗大約 3分鍾就已經有位俾我入去 唐員都好有禮貌咁 安排我去住卡位度 再黎打開個MENU 睇睇有咩食 ！即刻叫到有個叫 西冷牛扒拼炸蝦配黑椒汁 ！我喵喵星人 最鍾意就係食牛扒啦 喵喵 ！😽如是者 我再叫埋多杯凍奶茶 做配角！好快 飲食男女就已經上咗菜俾我呢隻肚仔餓都爆嘅喵喵 ！唔得啦 我忍唔住啦 即刻咬啖個牛扒先！😻嘩嘩喵喵喵！ 好好食啊喵 ！佢啲牛扒每一個部分都好肉嫩 ！唔會好似出面啲牛扒 咬唔到 ！而要配埋佢餐廳特製嘅黑椒汁 ！即刻令到我呢隻喵喵 食慾大增啊！係呢唔洗 10 分鐘嘅時間 我已經食曬食個牛扒餐啦而我同行嘅喵喵2 號 就選擇咗 香煎雞扒拼珍寶腸配蒜茸汁唔錯唔錯 佢啲雞扒汁同珍寶腸都好夾 ！ 而我緊係乘機偷埋佢條腸仔食啦！同時佢啲雞扒口感都OK ！ 而份量都啱啱好 ！呢間飲食男女咁好食 係荔枝角翻工嘅你 唔係唔過嚟食啊嘛 ！…Read More

好痴線 一個價錢 食咗好幾餐咁！😻原本朋友約食呢間斗滾嘅餐廳 初頭本身都覺得咪好似街邊打邊爐咁 有咩咁出奇 ，點知去到 大有原機 ！🙀餐廳位於尖沙咀 銀座 12樓度 本身坐開地鐵嘅我 都幾方便 由地鐵站一出行唔洗五分鐘就到地下約咗食9:30 由地下坐升降機到12 樓 一打開 當場嘩咗一聲 ！餐廳竟然咁有人氣 勁多客人係到食 ！🥴咁我哋張枱安裝係露台度 唔好以為露台 露台 佢嘅露台係有兩部冷氣 點吹都唔怕熱 ！一坐到去 店員就安排上雞煲 🐔仲叫我哋選擇辣度 🔥 鍾意食辣嘅我 當然就叫咗大辣黎食啦 ！雞煲一黎到 店員仲好細心咁 教我哋 要點食 個雞煲 煲一陣就鉸一鉸佢  一到10 鐘 就可以打開食得啦 ！啲雞越食越入味 越食個身就越多汗 即刻出去攞嘢飲。嘢飲 選擇唔錯 都幾多 我當場攞支涼茶 降降火先啲雞唔經唔覺就食完 店員黎到就話 ：「依 ！你哋食曬啲雞啦喎 等我幫你哋加雞啦 ！」我心諗「呢道加雞竟然係免費嘅！」 如是者我哋即刻再免費加多咗隻大辣雞 ！🤩啲雞食完咁上下  店員就行過黎同我哋講聲 見大家都食曬啲雞 咁我哋開始幫大家上海鮮打邊爐啦 ！我心諗 食咗兩隻雞都有少少飽 仲有海鮮食 !? 過咗一陣之後 店員攞咗一碗大過我哋張枱嘅海鮮拼盤入黎 ！我一睇 嘩嘩嘩!!! 又鮑魚海鮮 帶子 超多種海鮮俾我慢慢食 ！🦐🐟🦑有個朋友唔好海鮮 我就食埋佢啲鮑魚海鮮😋真係食到飽飽地啦 店員再次行過黎 收走個大盤 同雞煲之後 佢竟然攞咗個超級補嘅雞湯煲過嚟俾我哋一邊補一補佢 一邊打埋邊爐 ！我BUG 咗一碗湯黎飲 ⋯⋯ 心底裡講咗句 「好飲 🥲  好似當年我啊媽煲湯俾我飲咁 ⋯⋯」我不禁飲完一 又一碗 仲食埋啲雞 好補 好似食咗十全大補丹咁🥴店員行過黎同我哋講 「只要你哋 Like 禾哋個社交平台 同留言好味好味 ！就可以有牛送俾你哋 任叫㗎！」如是者 我一啖牛肉 一啖雞 食完再黎啖湯 🤤真係好底食  我哋9點半仲要食到12點先起身走 ，老闆行過嚟話 如果唔係乜嘢堂食時間 你哋仲可以食耐啲！最後仲送咗碗糖水做結尾～END最後送上極大海鮮盤…Read More

之前廳有人話筲箕灣開咗間幾高級嘅打卡餐廳 食咗咁耐九龍區嘅美食嘅我 今次就入一入港島區較邊嘅筲箕灣 試試呢一間 打卡餐廳啦！～一黎到門口 就見到門口有一台戶外位可以坐 大概坐到兩個人咁多 啲右邊仲有隻幾得意嘅兔仔好得意  搞到我都打咗幾張卡啊！唔單止兔仔啊 仲留意到餐廳有好多關於貓貓嘅海報同咖啡 問一問個店員原來大有來頭 ！  餐廳用緊嘅咖啡豆 係來自日本叫貓咖 嘅牌子 每購買一包佢哋嘅咖啡粉 貓咖就會將部份嘅錢 捐去日本嘅 動物幫助中心 超級有意義啊 搞到我呢個貓奴都即刻叫咗杯貓咖咖啡黎飲 ！須便可以幫下啲貓貓狗狗 ！之後就黎到主食啦 我哋叫咗個 鮮忌廉牛油果雞肉意粉 ！每條意粉同雞肉 都夾雜住濃濃鮮甜嘅牛油果香味 ！ 認真開胃啊 ！食完個意粉🍝 我哋再叫咗個紐西蘭芝士焗三骨羊鞍架 黎食 ！唔好以為呢度好少份量  我哋兩個都差啲食唔曬架 ！羊肉都勁有味道 一定好適合鍾意食羊肉嘅你啊 ！…Read More

之前由舊鋪食開 依家開咗間新鋪當然要黎試下味道啦 ！黎到新鋪串燒 燒物 一如既往都係咁好食啊！大啖大啖都係肉🍖不得不提呢間鋪最出名嘅花甲/花蟹粉 味道超級鮮甜 超適合香港人嘅口味啊  勁開胃！仲可以俾你自選辣度 蔥 芫茜！收晒工 同三四個朋友一齊黎食住串燒 飲下燒酒同啤酒🍻 再加條鱸魚慢慢食 仲有餐廳老闆啲音樂品味幾正 真係聚腳嘅好地方 😎 …Read More

行過紅磡一間叫做打卡點嘅餐廳 見到門面裝修幾有風格 就即刻入咗去睇下有咩咁得意先原來係間點心專門店 開頭都以為只係裝修特別 ，但睇埋個餐牌原來啲點心 仲特別過間餐廳 ！即刻叫咗個彩虹鮮蝦餃 、 雪茄春卷 同翡翠鹹水角彩虹蝦餃裡面真係有彩虹 10分！雪茄春卷 真係成支雪茄 仲有埋個雪茄牌係度 10分！翡翠鹹水角 竟然可以整個成個藝術品咁 10分！唔單止點心嘅外型夠曬特別 味道都相當好味！😋😋呢間咁特別嘅打卡點心餐廳 點可以淨係得我知 你哋都快啲過去打卡啦 ！…Read More

之前好忙行過都無試過呢一間花斑茶社 今次終於有時間整翻杯啦 ！廳一直有飲開嘅朋友講 話花斑茶社 一定要去飲黑糖珍珠厚鮮奶 仲話呢杯飲完翻唔到轉到！我心諗 ：有無咁好飲啊 如事姐 我即刻叫咗杯黑糖珍珠厚鮮奶Try Try 佢 ！一飲 濃濃牛奶味即刻係我口裡面爆出黎啊 好鮮甜 好正啊！再吸多一淡 ！ 一粒又一粒嘅彈牙珍珠入曬我個口裡面 ！真係無推介錯 呢杯野真係飲完翻唔到轉頭 勁好飲啊～！問世間 點解依家先俾我遇到呢杯黑糖珍珠厚鮮奶 我不禁流下兩行男兒淚點解我會咁 ？我唔知 可能係可惜佢太好飲 我一啖就飲曬佢落肚哎～ 唔講啦 我準備去買第二杯黑糖珍珠厚鮮奶啦…Read More

佢啲小籠包新鮮熱辣 ！ 真係全部都即叫即做一咬落去 即刻爆曬汁出黎 湯汁四溢  💦 好正啊！另外想提一提佢嘅甜心  高力豆沙 同流沙煎堆行過一定要買翻屋企食， 大人細路都一定啱食  真係勁好食啊 ！😋👅…Read More