vinccic's Profile

放工後，喺灣仔返工嘅男朋友帶咗我嚟「1963 木十豆寸」 行兩層樓梯，嚟到後樓梯。裝修得好復古，好靚！好想成個餐廳行一轉！ 職員帶到我哋去到最入坐低，俾低MENU。每隻碟的花紋都好靚，筷子上面都有幾款字，「多吃青菜」等MENU嘅Dinner Set 遍貴，$2XX蚊per one，有湯、前菜、配菜、主菜、同野飲，但全部都Fix死咗，所以我地散叫咗幾個菜1. 滷肉飯比想像中細碗，一個人食啱啱好，滷肉唔太肥2. 台式滷味拼盤 入面有豬耳、牛腱、蛋、蘿蔔、豆干、海帶，味道唔會好咸，但都係份量較少，冇乜特別3. 台式三杯雞 4. 台灣絲瓜蛤蜊 對呢碟有啲失望，好似屋企餸咁，冇賣相之餘，味道普通 5. 新竹米粉 食到一半嘅時候，侍應生同我哋講冇晒牛肉麵(好失望)，所以我哋改咗做新竹米粉。但都係冇乜味，又比較油男朋友之前嚟食Lunch係OK唔錯的，但晚餐就好失望了。Set Dinner較貴，而且冇得揀喇，份量好少，味道又比較普通。   …Read More

話說肥仔有一次由灣仔行去銅鑼灣嘅時候，經過呢個"風雲丸"，就Bookmark咗下次食！我地去嘅時候，正正係晚餐時間，雖然條排唔太長，但等下等下都等咗45分鐘，入到去就發現有2張枱因為滴水嘅關係，冇俾客坐。當差不多排到你嘅時候，就會排menu俾你揀定。特別在佢地有小朋友餐，分量應該係少點。但我地發現沾麵係冇得揀麵嘅軟硬度。平時其他沾麵店都有得揀麵質嘅軟硬度同湯嘅濃度。不過佢有4款麵既份量，啱晒不同食量嘅人。我揀咗，溫麵，並盛(200g 最少的)。先飲一啖湯，湯唔太咸，都幾濃郁同'傑'身。麵質比較粗，而且幾彈牙。叉燒好大舊，但脂肪比例多咗，同埋好鞋....肥仔揀咗，冷麵，特盛 (400g)咖喱味係重嘅，我坐對面都聞到，但叉燒都係偏肥同鞋囉.....肥仔個咖喱湯食到最後唔夠湯，向職員要求加湯時，可惜只可以加普通魚介湯，令咖喱味啖咗好多。如果麵店可以應因返客人若order嘅份量，俾返適當份量嘅湯就好喇！最後，同日本餐廳一樣，佢地係有圍裙提供嘅！著白衫嘅、食飯唔小心嘅，記得問職員拎喇！ …Read More

同一班朋友經過見到新開，食下串燒好似幾香，就入去試下。原來唔係淨係串燒食，仲有西餐同少少海鮮食嫁喎！一開始梗係飲湯食包喇，係忌廉薯仔湯！好香好creamy！有d薯仔粒o係入面！平時唔食薯仔既我都飲晒！我地仲叫左少少海鮮。有青口、蜆等等。整得好好食，好新鮮！我地一路食一路講，好快就食晒！閒說因為呢道近海，佢地會每朝去買新鮮既材料返黎！讚丫~之後就黎左個雜菌芝士！呢個超正，岩晒心意！又雜菌又芝士！好香，唔會太’ 漏’ 搞到食唔到其他野。慢慢食，好好！之後d串燒就到喇！有雞、牛、雞翼、雞腎、茄子、大條栗米等等，可惜冇晒魷魚…..燒得岩岩好，d醫油好襯d串燒，甜甜地幾好味！食咁耐宜家先主菜丫！叫左西冷、羊膝同埋鴨胸！個羊膝超大個呀！完全唔’ 蘇’ ，朋友怕蘇都食得到！最後食唔晒要打包！個鴨胸真係好正！已經飽飽地既我都食左好多舊！不過可惜咸左少少！最後最後黎埋個炒飯！真係滿足到爆炸呀！我好似講到有讚無彈咁….. 不過佢裝修應該可以改下，如果唔係吸引唔到人呀！…Read More