Danny da Dreamer's Profile

係夜已經唔繽紛嘅9:15pm，大膽行入去問：「仲有冇嘢食呀⋯⋯」，換黎嘅係好熱情嘅回應：「你地想食乜嘢呀？」 即刻喺兩個餓住嘅肚仔，注入咗啲溫暖！係舖頭門口見到「令人會流口水」嘅roast chicken，我地毫不猶豫就「叫雞」，再加兩杯飲品 。「之前食過未㗎？」男員工問（似係老闆） 「第一次咋！」「啊，咁就會再返嚟食㗎啦！」 佢滿滿自信嘅回答，同新鮮出爐、有滿滿油香嘅烤雞係成正比㗎：雞皮脆、雞肉嫩；攞上手，熱辣辣 ！原來唔止做雞做得出色，連旁邊嘅配菜（我地點咗coleslaw & 炒蘑菇）都係用心做嘅： coleslaw無水汪汪、可以化咗雞油嘅膩；蘑菇係有兩種，一片片 + 有椗嘅，兩款配菜嘅份量，會令你覺得物超所值！「係呀，俾多啲，食得開心啲嘛～」 老闆再次自信 + 自豪咁回應 。有機會去嘅您，花少少時間睇下menu第一版，會感受到用心開食店嘅人，果一份理念同熱誠 。「如果想食快餐嘅，咁呢度可能就俾唔到你啦！」老闆呢句話，講出咗黎呢度食嘢嘅心態 。最後，兩杯飲品，都係高質嘅！唔俾飲筒你，唔係想「走塑」，而係飲品加咗果肉鮮榨嘅，會俾埋枝長匙羹你，係咪好細心？俾你講中：我地真係會返嚟再幫襯，試下menu第一款雞（又蘋果又檸檬⋯⋯），應該都會好正嘅！ 感謝你地係繁華嘅商業區，開咗間久違咗嘅人情味餐廳！…Read More

樓上有人位7成水，3成料⋯⋯我地呢次外賣就已經係8成水⋯⋯堅難食⋯⋯第一次食糖水，食兩啖就要丟😥真係好意外，點解可以有咁嘅質素⋯⋯同埋以前係好多人排隊食的⋯⋯不解🤔…Read More

中午想食西餐，用點餐app見到呢一間，就試吓啦：- 忌廉蘑菇湯：有驚喜～ 味濃、好重忌廉味，難得係裡面有好多一片片嘅蘑菇，令到湯本身嘅粒粒口感之外，仲可以有嘢咬下；配上嘅蒜蓉包，亦無因為送餐距離而軟身咗，仍然香脆好味！- 雞肉溫泉蛋意粉：好足料呀～份量超大的，性價比超高；雞肉係有醃過的，入味，加上薄薄嘅翠肉瓜，整體來講係食得又睇得！- 炸鮮奶：估唔到有呢一味菜，又咁啱差少少先免運費，咁就order試下。可能係用咗膠袋包實，唔喺好香脆；不過兩件當中有一件嘅餡係有紅豆啊！有啲驚喜呢～ 面包皮可以再薄一半就好（小小意見）相信日後我會再reorder的！繼續努力💪🏻…Read More

想讚賞你們的出品：今晚點了一個burger套餐，溫度及味道不但沒有因為是外賣app運送而打折扣，burger十分足料，配有一些調味粉的薯條很美味，並仍然香脆！最難得是裡面嘅煙肉很crispy呢！可提升嘅地方，會係波菜可以分開放（係apps裡面睇以為係另上嘅），同埋薯條嘅份量再多一點就好！謝謝你們用心製作呢個性價比很高嘅食物，將來會一定再encore🤗…Read More