呢間貴為桔梗嘅姊妹店 一開張已經見到勁多foodie有介紹😆終於約到成班frd一齊去😛今次就去左位於觀塘一間商廈嘅一樓!舖頭面積好大 有outdoor位可以坐 裝修偏向係藍棕調木頭feel🤍我地就揀左坐outdoor位 有好大個rooftop 而且會見到有bartender即場調酒🥳比較似一間rooftop bar indoor就反而係cafe感比較重! 呢間同桔梗一樣都係主打台式西餐 晚餐限時90分鐘😬🔺干貝燻鮭蘆筍燉飯 $178評分：8.5/10全部frd一致認同呢個真係好好食!😋白汁蘆筍本身就係一個唔會出錯嘅combo 味道夠香濃 燉飯軟綿有咬口🥰唔會比汁浸到濕曬 干貝外層有輕微燒過嘅痕跡 食落彈牙鮮甜👍🏻份量都唔細 而且有幾塊薄切翠玉瓜 爽口解膩 呢個真係值得一試!😚🔺台灣風味牛肉千層麵 $148評分：8/10表面芝士味濃郁 本身以為係典型嘅千層麵 但竟然食到麻辣味😳相信呢個就係佢嘅台式風味! 整體調味適中 唔會過鹹 牛肉味都突出 算係有驚喜嘅一道菜🤘🏻🔺龍蝦蟹肉香草沙拉 $158評分：7/10上碟個下比佢個擺盤impress到🤩跟住都抱住好大期望 但食落又有少少平平無奇🤥似係一個牛油果蕃茄沙律 牛油果仲係好生 唔夠軟熟 入面混左少少蟹肉 但唔認真食都唔算好食到🤧表面有少量三文魚籽令口感豐富左 龍蝦份量大家自行定斷算唔算多 呢個價錢黎講食到都唔錯 唔會有雪藏味 都算爽口彈牙😬整體味道唔差 但冇太大驚喜🔺經典風味炸雞 $128評分：7/10Order個陣以為係炸雞粒 點知黎到係炸雞排 炸層粉漿唔算厚 但比較鬆散🤭一切基本上就分開曬 調味唔算鹹但偏油膩 好彩另外搭配左2個sauce 分別係台灣版嘅美乃滋同香菜優格味味🤩雖然食落去同個味好似有啲分別 但都可以解膩同換下口味 🥳🔺餐包 🥖野食黎之前都送左每人2塊嘅餐包 比起食個啲牛油餐包 個人更加鍾意食呢種比較健康嘅麥包🥖煙韌鬆軟得黎中間食到少少橄欖嘅香味 算係幾特別嘅一種👍🏻🔸人均消費：$250🔸食物質素：7.5/10🔸環境+打卡指數：8.5/10🔸服務：8.5/10🔸Encore指數: 7.5/10…Read More
成日食完都心思思想再黎! 店鋪裝修有種美國公路嘅感覺，有唔同車胎同路牌嘅裝飾主打食唔同種類嘅burger 牛肉/雞鴨/海鮮/素食等咩都有 包你有一款鍾意!❤️另外都有小食沙律 同多種飲品👍🏻今次去食lunch set 一個burger+$30連埋薯條同野飲，留意平時夜晚就要單叫返架啦!~🔺蜜糖芥末大烤菇煙肉牛肉漢堡 (8.5/10)入面有嘅材料基本上睇名都知道曬，所有材料都好大份同足料!大烤菇咬落去爆汁，而且有返咁上下厚度 。牛肉厚實唔鬆散 ，充滿肉汁 ，而且唔會話好乾同鞋。蕃茄生菜個啲配料都沾滿曬蜜糖芥末，好香口。煙肉成塊上就有少少油膩~🔺大烤菇芝士牛肉漢堡 $110評分：9/10呢個burger同上面其實雷同 不過多左芝士個橫切面其實已經見到半溶嘅芝士 好濃味大烤菇同牛肉都係一樣出色 個人唔係特別鍾意食bacon 所以呢個口味係好鍾意有肉有菇已經好豐富夠飽!🔺脆薯條 跟餐+30 (另加牛油果醬+$12）(8.5/10)因為佢menu上嘅牛油果芝士薯條係double價錢! 店員推薦話可以就咁加牛油果醬 咁梗係即刻okayguacamole 質感偏稠同酸 唔會太稀。點醬時仲隱約咬到少少牛油果同蕃茄粒 口感唔錯配埋佢個薯條一齊食真係超正！薯條係粗薯 每條都炸得啱啱好 本身帶有少少鹽味 唔使額外點醬。🔸人均消費：$180🔸食物質素：8.5/10🔸環境+打卡指數：7.5/10🔸服務：8/10🔸Encore指數: 8.5/10
