winniewinwin331的个人专页

少有地發現銅鑼灣有好食嘅滷味又好食，份量都頗多，價錢又唔貴！一個沙薑雞飯或者滷水鴨飯都係$48一坐低就即刻送咗兩碗例湯😆仲可以自己可以斟水＋紙巾，真係幾推介🙌🏻…查看更多

早排拍拖去元朗dinner諗唔到食咩行行下經過《安娜餐廳》想起之前經過都試過有堆人排隊望過餐牌又覺得幾好啊据扒唔會有太多選擇，而且價錢又平於是入去座，見到都3/4 full當時大約8pm都不用等位我地叫了2個餐一個係西冷牛扒餐 （五成熟）- $107wa，一上菜見到勁大塊嘅扒好嫩滑！好juicy ！真係剛剛好5成熟肥瘦適中，肉質咬落好有口感，真係好好食另一個餐就係免牛柳餐（五成熟）- $116wa，又係好好味！真係大件夾抵食一啲都唔低質，CP值極高兩個set都配薯菜，配菜就正常發揮但值得一提，我好喜歡佢地既羅宋湯羅宋湯係真材實料，香濃超多料，有肉碎香味係偏濃郁既味道(但我超鍾意)兒家出面好多羅宋湯都係水稀稀...另外個set仲有餐包，係烘咗既多士一叫完餐就好快上多士，好香脆，自己搽牛油🧈成個set餐都係$100頭，超掋食…查看更多

之前朋友送左2張$100時代廣場 coupon所以就去時代廣場《PizzaExpress》食pizza感覺好似價錢貼地啲，而且不需叫太多食物又可以用coupon我都係第一次食呢間但可能因為遇上coupon時段6pm一放工過去，已經開始大排長龍最後等了~50min先入到席但入面其實好大area，有勁多位置而且坐得好舒服，好多sofa應該係當日staff供不應求都招呼不切太多客人(coupon時段我諒解的)排排下隊，大約6:30pm已經有個外籍同事講話外賣已經暫停供應因為訂單過量做不切但環境太多人而且附近聲音好噪其實有好多人聽不到最後令到有一堆人白白空等無得外賣(呢個位餐廳做得唔夠好，應該show指示牌)雖然是連鎖Pizza店但我覺得食物同環境質素不錯我地叫了2個大pizza其中一款是「北京烤鴨薄餅」$168其實一上碟，我心諗都好大塊！(圖中是食用碟的3倍)如果2人份量食，應該只吃到一款大pizza而北京烤鴨薄餅真係好有烤鴨味，幾有新鮮感！我覺得幾好味，配合薄餅底，幾match醬汁份量剛剛好，不會太乾身整個pizza可以濕濕地，而薄餅底又脆口，有口感反而另一個pizza就不太推薦了原因...太辣了！！辣到我食唔到😣「卡拉布雷斯薄餅」$188係餐牌上介紹，係餐廳招牌方形pizza有意式辣肉醬、拿坡里辣肉腸、辣甜椒、青辣椒、燈籠椒，新鲜馬蘇里拉芝士、火箭菜，香草醬、2款芝士等等成塊pizza基本上8成都係不同款式的辣椒而辣椒是真的辣的辣椒我本身都吃到正常小辣的，但都辣頂唔順只會形容呢個pizza得個「辣」字最後有盤小吃「烤焗雞翼」$88共6隻，都掋食，可以一吃味道正常發揮，外皮不算太脆口但內肉都多汁，配埋醬汁係幾好味的…查看更多

如果唔係朋友推薦我係原全唔知有呢間鋪日日係銅鑼灣番工放工甚至去P記做gym經過行過都唔知原來係一間餐廳😂😂我朋友大力推薦，所以聚會就揀去《班蘭葉印尼餐廳》真係望住Google map搵都會miss左呢間鋪鋪面係好普通賣印尼小吃原來可以入去堂食一試之下，無諗過呢間既野食咁好食！由於朋友大大大大力推薦一定要食燒魚所以無謂浪費時間睇餐牌，直接叫左2件燒魚+1碟菜第一條「巴東燒魚」$138 配白飯waaaaa 佢個醬汁100分！！！！真係無介紹錯！炸魚超級有驚喜！平時好小會出街有得食炸魚，而且係超級大條魚又厚身條炸魚以為會好鞋身，但出面魚肉反而皮脆肉嫩滑，好好味！！！😍推薦！而且條魚又唔多骨，所以即刻book mark，下次帶鍾意食魚既老公仔去食！第二條「燒原條烏頭魚」$118 (無配飯，要自行另加飯)呢條魚仲大條😂但其實魚質既味道唔太識分反正就係好食😂😂但呢條魚既醬汁相比巴東醬汁，我地比較喜歡後者前者醬汁係比較辣同咸少少， 係有後勁果種辣， 慢慢辣上來後者巴東醬汁就BB辣，好野味，係停唔到口咁狂食😂「石栗馬拉盞炒通菜」$72一上菜已經食左先影，所以少左忽哈哈馬拉盞炒通菜相對上比較多沐炸蒜就林左少少，失色但都好味呢杯「珍多冰」就.......老實講係失望的因為珍多冰的綠色條條發脹曬好似放左好耐時間所以我都無飲曬希望下次會做番好啲！一定會再食！下次再食其他！…查看更多

都不是第一次食百芳但食得百芳，每次都係食炸雞脾/炸雞翼因為我食親都覺得炸得好好，係剛剛好的好有時去到大商場唔想食得咁貴，百芳係一個好選擇只係有時可能太多人要等位今次等左約10分鐘就入得坐位都舒服，不會太逼我叫了「香酥雞翼便當」$56有3隻炸雞翼，唔會外皮炸得太乾而肉質係仲keep到嫩滑有肉汁所以都出個post讚下我覺得便當好好食特別係鹵水粉絲，個調味好好味其他便當材料有菜脯、半隻鹵水蛋、粟米粒、高麗菜同其他材料好夾，撈埋一齊食好開胃基本上次次都食曬成碗我朋友就叫了「炸雞腿肉燥乾拌麵」$66拌麵就唔會一般般，肉燥份量比較少而且唔算多汁，如果撈曬成個麵食係會唔夠汁，呢到扣分但炸雞腿又是必吃的！有炸雞腿就加番啲分老實講，我講得炸雞腿係no.1，炸雞翼係no.2我地兩個飲品都係跟餐送指定飲品揀了一杯熱的炭培烏龍和凍的茉莉綠茶無特別，唔會太甜，正常~下次再試其他野食~…查看更多

呵呵呵之前第一次食《雲壽司》係銅鑼灣今次就試太子分店~果時下載了佢地的Apps可以儲積分之餘，第二餐食可以有9折優惠！本身我地想用9折優惠，點知入到門市望一望個apps有張「2週年50元電子優惠卷」仲掋玩！等於85折🤣9折優惠又可以留待下一次使用😆襯今次去開太子果邊，行完花墟就去食晚飯大約6:30pm店內約2/3 full，不需等位而且有好多職員同師傅serve我地坐得舒服，價錢平宜而且壽司keep住有水準！新鮮CP值超高既壽司！由於我地不算肚餓所以叫的份量不算多朋友叫了「自選12件壽司」($208@12件) 平均每件$17.33而我就叫了「火炙壽司拼盤」($88@8件) 平均每件$8.8真心好到無需要特別逐件壽司介紹件件都高水平、新鮮~其實店內仲有好多唔同既食物選擇包括我之前食過既OMAKASA仲有定食/小吃/盛盒...有機會再試！而且最緊apps既積分換領都多了好多不同禮物選擇！可以換coupon當錢用 /換壽司/清酒/刺生食！好吸引，變相不單可以有9折discount仲可以多件壽司食！(之前只有飲品換領)…查看更多

🦐🦐🦐🦐🦐超級無敵多蝦蝦蝦🤣影相都忍唔住舐咗好多下👅當日係老公正日生日，想玩得輕鬆又開心經朋友介紹下，知道有呢間釣蝦場 《🇭🇰 蝦立方休閒娛樂釣蝦場》朋友提點我記得預先打電話book位(我朋友話有時full曬場，所以book定位實無輸)當日係平日，去到大約2/3 full所以如果大家想週末/happy firday去就最好預先book定~book位前都有上網望過其他釣魚場，分別唔同地區，評價差距都大其實新蒲崗對我地黎講都遠，所以都有考慮過但最後都決定去呢間玩左3hrs！原因一：壽星仔女生日既前後3日，可以free 3hrs釣蝦！(價值$330 @3 hrs，即係2人同行1人價錢！🤪)而且係超多蝦蟹，不定時會不斷加份量！(圖中戰利品😂)原因二：Google同朋友對呢間店既總評價好高分！而且我地去完既feeling都一致俾呢間鋪既職員態度高度評價！生日最緊要玩得開心！無壓力，行程無出現意外😂職員一知道你需要幫手(例如個勾唔小心勾左上天花板😂😂😂釣到孖蝦/釣到蟹...)唔洗你自己叫，佢地都會勁快自動會出現過黎幫！真心超好！！！一開始店員會好詳細講解然後即時表演示範如何1min內釣到蝦+甩勾😂其間加左2次蝦，一大盤倒落個池(記得把扼黃金15mins，蝦蝦會不斷上釣😂😂)真心無諗過原來釣蝦係出奇的好玩！🤪嗰日除咗釣到孖蝦（職員會即時幫你影，兼影你相留念😂😂仲有支嘢飲送！）跟住我哋仲要係最後1分鐘嘅時候竟然釣到蟹！自己見到眼都突埋👀...Lucky winnie 打爆機😆🤭壽星大佬表示當日行程很滿意🤘🏻釣到的戰利品可以選擇自行帶走 or 即場free加工整「鹽焗蝦」鹽焗蝦/蟹係真心超好味！因為啲蝦蟹勁新鮮又生猛！全部都大大隻 ，肥嘟嘟，超多蝦膏，好鮮甜😆位置：鑽石山mtr行過去~6mins好方便，釣蝦場好寬敞又有冷氣嘆，坐得舒服又乾淨可以自己帶飲品去/即場買都得玩、食、嘆咩都齊曬😆😍 呢間鋪頭我俾100分！如果有朋友生日/聚會，我一定好樂意提出再去呢間釣蝦場！…查看更多

之前試過幾次經過呢間《嚐囍》每次都見到一定排曬長龍心中印象覺得好似好好味加上鋪前貼滿拎過米之蓮獎，就更加大期望話說早幾日去開西環果區決定早啲去晚飯所以大約5:45pm就walk in拎飛排隊當時我地係第17張飛係門口出面排隊餵蚊😢等左1hrs 15min先入得....已餓扁PS. 餐廳6pm先正式開始晚市一入座即刻order食物同例湯要讚的是：燉湯好快送到有得飲！菜膽燉白肺（$48@盅）好清，無油係湯面無味精，飲師傅工夫！雖然味道少少淡，但好足料白肺好乾淨，而且好好味本身叫椒鹽九肚魚，點知話無曬sosad所以改叫椒鹽魚腩（$90@碟）椒鹽表皮正常，但係魚腩好乾身😢😢而且有好多魚骨，食得唔過癮😣嗚嗚，呢個真係不推薦大家跟住我地叫既煲仔飯到了！白鱔煲仔飯 ($98@煲)白鱔好味！肉滑！大骨易拆肉，呢個係讚的職員話先加豉油，再蓋煲焗30秒會更好味，我地試左係ok的~我地無將最底層既飯拌起，所以有好多飯焦而且飯焦好好味！鍾意吃飯焦的朋友可以去試應該就係職員話加豉油焗後既效果脆得來不會太乾身，而且再點甜豉油好好味見到評語話呢個菜好味蒜蓉粉絲蒸娃娃菜 ($78 @碟)我地又試下喇~ 點知...同普通蒜蓉粉絲蒸帶子果啲味道一模一樣只係無左帶子😂😂原全無特別需要試而且質感偏乾，唔知係咪蒸既時間長咗少少?地方比較多枱，我地選擇搭枱 (無影內在環境相，逼逼地，費是影到人地個樣)其實同對面既距離都算近，如果唔識對方都有點兒尷尬剛好坐我地對面是內地人，佢地比較興奮同多話題都怕距離太近而口水亂飛，所以我地都小說話，快快食完就走人以等左90分鐘，但食物味道質素又未達心中所想所以真係期望越大，失望越大🙈如果你問我會唔會再去呢間餐廳我會選擇試下附近其他餐廳先…查看更多

小妹又要食sushi喇😆😆😆今次同男朋友去《鮨樂》由銅鑼灣出發行去新隆基大廈都係15min放工行過去都好近我地行到過去一眼就見到，成間舖頭黃啡色大大隻字寫住《鮨樂》等咗大約5分鐘就入得一入舖頭個個都會同你打招呼就算你兩個人，都會比四人卡位坐得好舒服，而且好好禮貌坐低之後，服務員會介紹今日咩壽司特別新鮮或者季節當做/ 值得一試聽完介紹之後，我哋最後order左幾款特別壽司鰤魚壽司🍣 $38@件好推介，真係好肥美好當造活赤背壽司🍣 $48@件新鮮爽甜，可以一叫炙燒魚背壽司🍣 $28@件入口即化，性價比較高另外亦叫咗鹽燒牛脷🐮 $32@ 3件炭燒表面+多肉汁自己多數都會叫燒牛脷呢個味都OK另一款係special snack鮟鱇魚肝🫕 $59@碗好特別，第一次食清酒浸住醃製了的魚肝鹹鹹地，仲有少少酒味味道好夾👍🏻推介一試👍🏻👍🏻大食男朋友當然唔夠飽啦所以我哋叫咗一碗丼飯特選刺身丼 $158@個平價之選，刺身新鮮，而且份量不少最鍾意食帆立貝，夠晒jeng😆但係飯底調味偏鹹，未必個個都鍾意最後「梅」壽司盛盒12件 $308好好食呀，件件都新鮮又大件又好味，特別係個海膽壽司哇 成個口都係海膽味 超正😍如果有節日想慶祝都可以考慮吓食呢間平均消費400左右食得開心舒服同好服務銅鑼灣或者灣仔行過去都好方便～…查看更多

【生日攻略 - 餐廳蝕住做???】每人$3xx食曬2種OMAKASE晚餐？！你無睇錯！我無講錯！因為平到連自己都唔相信…直到埋單俾錢，見到寫住2人total 只係$622！先敢相信！話說，小妹係一個好睇CP值既小師奶又要環境好，又要有服務，又要平又要地點就腳etc...真係好難搵der但竟然俾我發現原來呢間好出名的「雲」有做新會員同生日優惠所以大家不妨考慮一下~首先，我地大約6:30去到餐廳整個餐廳是無人的，不需等候有3個服務員、4個廚師隨時standby亦好有禮貌同well serve我地點左2個OMAKASE一個係「雲 KUMO」$ 450刺身4點、壽司7件、手卷1條、麵豉湯另一個係「「翔 SHO」$38010件壽司、手卷1條、麵豉湯不論係邊個set壽司都係高水準，而且件件都好新鮮！大家真係要去試！記得記得要download apps儲分同拎生日優惠！同埋早啲去，6:30pm左右唔洗排隊，齊齊食得開心壽司刺生新唔新鮮？我話好新鮮！有相有真相~ …查看更多

平時放工都會係銅鑼灣附近搵野食最近天氣凍左特別想打邊爐於是諗起銅鑼灣-灣仔中間有間《癡膠雞》如果淨係想食麵，價錢都好平大部份飯麵平均只售$60左右但係真材實料，而且湯底幾好飲今次同男朋友一齊叫左一鍋齊齊食《癡膠雞 - $108/半隻》好多雞件同大大塊既花膠，好足料有雞髀、雞翼同雞胸等成個熱鍋份量剛好適合2人前熱鍋一直煲住，所以全程都可以飲住熱辣辣嘅老火雞湯🔥當中我地飲左好多老火雞湯先開始打邊爐lol特別一讚，姐姐見到湯底就快無會好主動無限增加！加分加分另外我地追加了幾款配料：米線($15)已經煮好的米線，另外送上可以直接加熱辣辣嘅老火雞湯食米線麵質唔淋有彈性份量亦都多，男朋友當然要食個麵感覺飽肚啲~美國牛頸脊($38)份量俾我地預期的多出面鋪可能只有4-6塊呢到大約有10塊而且係有牛味，加配呢款ok竹笙($28)感覺份量相對少左啲因為得4條，但size都長身打邊爐就岩曬，吸曬湯底精粹生菜($15)正常size，合理價錢，屬於新鮮爽口~明太子釀雞翼($20/隻)雞翼漲卜卜，多肉又多汁，好juicy餡料飽滿，一咬開啲汁有少少bit左出黎而且食得出多明味道雞肉又滑又煎得香口👍🏻2個人都係座卡位，好舒服如果大家係銅鑼灣想食平價打邊爐《癡膠雞》就fit曬要求🤤…查看更多

有日去左奧運站附近，行行下去左大角咀發現原來果邊都有間田園風格既café成間餐廳裝修都係花花草草，係吸睛的而且價錢又唔貴，所以同男朋友決定試下呢間餐廳入面座位分佈唔會太密，所以座得幾舒服而且2個人都係坐4人位連啲碟都幾靚，都係花花草草style其實餐廳有好多食物選擇但真係太多所以我地揀左2人dinner set先黎個南瓜蓉做頭湯+蒜蓉包南瓜蓉湯味道唔會太濃味唔食南瓜的男朋友都覺得ok之後上個煙三文魚沙律大大份勁足料🥗而且菜係幾鮮🥬第一款主菜63度溫泉蛋卡邦尼意粉賣相幾靚，個流心蛋好有動感💯意粉烹調時間岩岩好，麵身有咬口唔會過淋卡邦尼忌廉汁剛好有掛汁🤤份量好大碟，夠曬我大食的男朋友🤓第二款主菜英式啤酒炸比目魚配香料薯條好大碟哈哈，好多炸魚兼好多薯條🍟炸魚total有4件，件件都好大好厚肉👍🏻啖啖juicy而且肉質唔會鞋口而且仲有少少沙律菜平衡番👍🏻另外薯條脆口，表面加左少量香草配埋2款醬汁都好好食非常滋味可口風味十足。呢個2人set 性價比不錯因為無諗過份量幾多而且味道+賣相幾好餐單真係好多choice，可以再戰…查看更多

如果你想偷偷準備一個充滿儀式感的生日慶祝俾另一伴/姊妹💕 咁你可以睇以下文章拎啲靈感~因為呢個晚飯小妹感到被重視同幸福姊妹製造個非常開心的L̻a̻d̻i̻e̻s̻ N̻i̻g̻h̻t̻t̻t̻t̻t̻t̻不論室內定室外，周圍都是打卡位~ 如果唔係姊妹帶我去呢間餐廳慶祝生日都唔會試到呢間咁高質嘅西班牙菜餐廳💙其實呢間鋪都幾隱閉最好預早花少少時間行過去鋪頭係個角落，而且門口亦不顯眼一入門口已經係一個靚靚打卡位𝘼𝙫𝙤𝙘𝙖𝙙𝙤 𝙇𝙤𝙗𝙨𝙩𝙚𝙧 $210牛油果包住啖啖鮮甜龍蝦肉配埋柚子汁同三文魚子真係好好食!!𝙋𝙪𝙡𝙥𝙤 𝙂𝙖𝙡𝙡𝙚𝙜𝙤 $200啖啖肉汁既章魚同肉丸配上醃製蛋黃同奶油混合而成既醬汁一咬成口都係熟成度剛好的章魚配埋少少草青味豆豆會有多重fresh既感覺 幾有趣𝘾𝙝𝙪𝙧𝙧𝙤 𝙎𝙪𝙣𝙙𝙖𝙚 $90呢個甜品係熱嘅中間夾住啲雪糕甜品到咗記得打完卡快啲食😂因為煙花蠟燭燒完已經雪糕溶晒右 𝑨𝙜𝙪𝙨𝙩𝙞 𝑪𝙖v𝙖 "𝑹𝑶𝑺𝑬" $110 左 𝑨𝙜𝙪𝙨𝙩𝙞 𝑪𝙖v𝙖 𝑹𝙚𝙨𝙚𝙧v𝙖 $105兩杯sparking都係店員推薦好岩女士們飲容易入口 無澀味顏色靚可以打卡之餘味道都係少少甜味ROSE就會再甜多少少右 𝑪𝙖𝙛𝙚 𝑪𝙤𝙣 𝑳𝙚𝙘𝙝𝙚 $120左 𝑪𝙝𝙞𝙡𝙡 𝑷𝙞𝙡𝙡 $120 由於戶外風景好靚食完野就轉到坐出面之後再叫多兩杯coctels都係店員介紹下去試杯兩味道我覺得中規中舉但係𝑪𝙖𝙛𝙚 𝑪𝙤𝙣 𝑳𝙚𝙘𝙝𝙚味道幾特別就係似coffe加vodka 幾有趣𝒮𝒽𝑒  𝒶𝓁𝓌𝒶𝓎𝓈  𝓈𝓊𝓇𝓅𝓇𝒾𝓈𝑒  𝓂𝑒!! 今次真係估佢唔到の獲得港女大炮一枝🧨(ﾉ≧∀≦) ﾉ ━☆ﾟ.*･｡ﾟ・嚇到我未回神擺唔切post枝炮就熄滅咗😂呢間餐廳確係高水準✨有戶外同室內選擇每個位都係打卡位仲可以睇日落🥰超靚靚慶祝生日記得可以預先order煙火💥Staff會同走過黎同你唱生日歌tim😂😂🍴La Rambla (中環)📍中環港景街1號國際金融中心3樓3071-3073號舖…查看更多

要係銅鑼灣靜靜地坐底嘆杯咖啡用電腦做工作幾少時最理想之地一定是「The Coffee Academics 」已有小數外國人發現此休憩之地地方大又有輕鬆音樂聽加上有陽光照入黎暖暖的好舒服忌廉芝士煙三文魚配牛角包 $78今次叫個輕食餐一個包再加少許沙律，再配杯lattle忌廉芝士煙三文魚配牛角包係經典組合味道好好食，有好多塊三文魚三文魚多到每啖都食到忌廉芝士味濃但唔會搶曬三文魚的味道大家配合都係少少咸味，開胃吸引配埋沙律食就又fresh又有口感杯Lattle味道正常拉花係靚的，所以好岩打卡而且拉花技術好穩定每次飲lattle的拉花都好靚~…查看更多

米芝蓮泰國餐廳!!平民價就可以試到！唔怪得勁多人排隊等都要一試地理位置非常便利，灣仔地鐵站A3 出口, 步行約5分鐘就到係藍屋前面，等位其間無野做都可以入去參觀/影相打卡~雖然環境座位相對較close，但係都有隔板隔住音樂會比較節奏感同大聲，晚餐心情都食得好開心，好有放假feel全場80%客人都係外國人，全部staff亦都係外國人，所以order food時要講英文~虎蝦炒金邊粉 $118好有去泰國食pad thai既Feel🤣 兒家無得去旅行，就去食美食當去左...lol先講賣相，勁  多  料  !!一碟pad thai有四隻蝦🦐而且調味配搭相宜配合醃蘿蔔同芽葉，撈勻後食落無乜油膩感，多左爽口既層次感😋之後非常推薦食生菜包!!泰北肉碎生菜包(鴨) $118內餡可以選擇豬肉/鴨肉鴨肉比較小有同特別所以今次選擇試呢款~有驚喜!!好多料，味道少少辣，加埋香料。我覺得剛剛好，好過癮配番生菜感覺fresh啲🥬好食~見到隔離枱係叫左一人一碟生菜包🤣 最後試埋呢個鍋炒泰式打拋和牛配油炸雞蛋 $138呢個幾惹味，一個白飯都差啲唔夠食蛋白烘邊脆口，蛋黃同配菜混合之後勁好味！由於呢款係一個小炒，所以醬汁較濃郁，所以一定最少配一個白飯食~旁邊有啲泰式酸辣沐可以調味，建議小小咁沾點試味較好，一次過就會太喊~牛肉多汁嫩口，加埋四季豆同洋蔥，好有口感 Good!!…查看更多