yankeyau's Profile

前2日同老公去呢間日式高級餐廳食飯，個人覺得佢有西式fusion菜嘅風格。我地2個都點左dinner set，好多野食點左一杯mocktail「love fire」有氣梳打配以甜甜嘅荔枝同菠蘿味，清新！前菜係角切魚生沙律，魚生有吞拿魚同油甘魚，切得好大粒；仲有八爪魚粒，幾爽彈以意大利醋為沙律醬汁，酸酸甜甜好開胃刺身壽司盛赤蝦同油甘魚都好肥美，厚切火炙吞拿魚腦天額好特別，呢個部位都係第1次食，炙燒逼晒啲魚油香出黎，入口嫩滑黑松露帶子壽司嘅黑松露味好出，帶子亦鮮甜馬賽魚湯有海鮮嘅鮮味，啲蜆肉大粒而且好嫩，唔會煮得好老海膽三文魚籽茶碗蒸呢個真係全晚最有驚喜，連蒸蛋都有溝埋海膽喺入面，好奢華嘅感覺一啖食落口有魚籽爆裂同滑溜蒸蛋嘅口感，海膽增加左整體嘅鮮甜味，完全唔腥串燒有雞軟骨、白鱔、味噌燒半殼蠔，白鱔配有馬山椒，皮燒得好脆，而魚肉都仲係有魚油汁滲出黎牛肉稻庭烏冬粉紅色嘅牛肉薄薄地係上面，好有食慾烏冬麵質係彈牙嘅 食晒成碗勁飽最後以綠茶雪糕作結，好滿足呀！…Read More

前排同老公去幫襯呢間新開嘅日本料理店，1千內食到一餐晚市omakase，仲要尖沙咀區，真係勁抵！！飲得之人仲可以加$188/$288 飲freeflowsake可以揀隻靚杯飲我試左自家製話梅梅酒，入口清甜，帶有話梅嘅酸味，無乜酒精味，女士飲真係唔錯先付明太子炸蓮藕、本地東風螺（醃得好入味）、螢光魷魚（原汁原味，無過多調味，食得出魷魚嘅咸香味）刺身：-愛媛縣蜜甘鯛 ，聽聞係用蜜甘養大嘅一種鯛，師傅將魚熟成左4日，口感煙靭-南澳龍蝦刺身，真係見住師傳將活龍蝦整成刺身，而龍蝦膏就煮汁，所以入口好香蝦膏味，同蝦肉嘅鮮甜味-仲有北海道八爪魚、燒到全熟嘅鯛魚白子，白子味道好濃郁好豐富-野生獅魚，熟成10日，魚味好濃郁， 有煙薰味至於壽司（有6款）：八傑貝，口感好似象拔邦，第1次食！島根縣嘅池魚長崎縣嘅熟成toro，熟成左10日，完全食唔到筋位，入口即化！！呢個超好食鹿兒島A4和牛丼，係sukiyaki味道如果呢個可以encore就好佢個蛋黃勁杰身，好濃郁嘅蛋味， 配埋燒香左嘅和牛，呢幾啖飯真係一絕湯有大隻嘅蜆肉，清甜，食完和牛丼再飲湯岩岩好呢件蛋原來都好多功夫，佢係加左蝦、帶子肉、白身魚嘅蛋，口感有啲似蛋糕，真係食到蝦嘅味道綜觀成餐飯我都好滿意，啲師傅好好客，會介紹每款壽司，會同我地傾下計， 計我慣用手係左手都留意到，擺放壽司嘅方向即刻改左貼心！ 食物好味，好多都加入熟成嘅方式去煮，都係第1次食熟成壽司，完全無影響魚嘅鮮味之餘，仲令口感更口…Read More

前2日同老公黎呢道慶祝生日，不得不讚讚呢間餐廳嘅牛同埋生蠔！！餐廳環境幾靚，枱與枱之間都隔得開夜晚燈光暗啲，幾有情調餐廳擺放左個黑板，寫左啲餐牌入面無嘅菜式同埋生蠔款式我問侍應有冇推介嘅生蠔，佢大概講左呢幾種嘅生蠔特質俾我參考最後我揀左美國珍珠蠔（左）同西班牙Arousa(右），店員教我食左美國蠔先美國蠔肉厚，口感creamy，味道鮮甜啲。西斑牙蠔口感爽口，海水味濃啲。呢款加左檸檬味中和啲咸味，更加鮮燒牛舌芯呢串串燒真係不得了牛舌勁爽彈，完全唔韌！有牛味，黑椒同鹽味又夠即刻叫多串食美國prime牛小排全晚最驚喜係呢塊牛小排顏色賣相好靚，牛肉肉質好嫩，油脂好香，牛肉味好出，配埋佢嘅醬汁同脆蒜 層次豐富！係我今年食過最高質嘅牛…Read More

上星期同bb友去呢間食刺身拼盤，覺得呢間餐廳幾好食，所以推介比大家！環境好日本風情，係懷舊嘅居酒屋感覺「梅」象拔蚌極盛刺身拼盤，共有11款刺身，樣樣都係貴野，好食過放題好多象拔蚌口感幾爽口，帶有少少甜味，唔腥！海膽都幾鮮甜 ，難得食到係甜嘅海膽！ 仲有大拖羅、帶子等等啲肉都勁肥厚！配以廚師調製嘅麵豉醬，用嚟點貝殼類嘅刺身，味道幾特別，帶有啲咸味。免治雞肉軟骨棒雞肉棒係第1次食，附上生蛋黃點黎食，好特別呀！ 雞肉棒外皮燒到微微焦香，內裡有雞肉嘅肉汁有啲似壽喜燒嘅味道七味牛舌粒呢碟牛舌芯口感係軟稔嘅，有洋蔥嘅甜味同七味粉嘅香辣味，份量都幾多下火炙帶子海膽迷你漢堡本來以為呢款係用紫菜包住粒帶子同海膽，但原來係好似三文治咁麵包烘到焦脆，口感豐富左，海膽質素係同刺身一樣甜甜的柚子酒呢款酒我覺得好岩女士飲甜甜地好易入口，酒精味無咁重…Read More

上2星期同老公去左呢間餐廳食Fine dining， 好有情調 我地早2星期book的，因為朋友話佢採取預約制，呢枱好少。環境好寧靜，枱與枱之間都算闊，適合情侶/幾個朋友聚會、享受美食我地order左$880/人嘅set-羊肚菌忌廉蘑菇湯滿滿嘅蘑菇同羊肚菌，好足料，忌廉唔算重，所以飲完一碗都唔覺膩，但有少少飽手工黑松露帶子酥店員介紹話酥皮係每日師傅自己整嘅當我切開佢時，酥皮薄得黎有清脆嘅聲音，令人食慾大增呀入面除左包住帶子，仲有黑松露+ 羊肚菌帶子係剛好熟，肉質好嫩餐廳有法式麵包提供，可以refill味道係淡淡嘅香草味我地用黎點帶子酥嘅汁-慢煮鮮鮑魚南非鮑魚，再用返鮑魚嘅肝同膽去餚個source。本身鮑魚無咩味，所以我地點好多source，好香好rich口感爽彈呢個醬汁配麵包一流，如果有多啲醬就好啦-法國鵝肝 澳洲安格斯牛柳鵝肝嘅邊邊位煎得好脆，微焦牛柳我order左5成熟，食得出牛柳有煙燻過，好香，醬汁有少少甜，係用橙同醋酒調的。-西班牙伊比利亞黑毛豬鞍不得不提呢碟真係好好味，比牛更出色！豬鞍係煮到帶淺粉紅色肉，好juicy好嫩。以蘋果蜜桃做醬汁之餘，仲加左令我幾有驚喜嘅話梅， 出奇地夾，話梅味又唔會過重意大利飯呢個idea幾好，令客人可以試晒3款意大利飯，每樣食2啖，唔會膩。三文魚子（日式白汁）、燒汁鮑魚（鮑魚汁）、魚子醬（忌廉汁）我最鐘意係三文魚子配日式白汁意大利飯日式白汁突出左三文魚子嘅鮮甜味好想食多啲最後黎個甜品作結好滿足好飽嘅一餐-法式烤牛奶 威士忌菊花蜜烤牛奶本身無乜甜味，牛奶味較出，口感順滑，配上菊花蜜就令甜度剛好，有菊花香幾特別！餐廳有2點值得一讚，第1係menu上有得加錢任飲酒精飲品，我老公想飲 而我就麻麻地，店員主動話佢地唔會強逼人飲酒，我地只加一個任飲酒精飲品都ok好貼心 第2係店員每道菜式都有講解下，令我知道我食緊咩野，品味時更能投入…Read More

上星期同老公去呢間打邊爐，揀左買一送一優惠嘅M5澳洲和牛放題，勁抵食！ 今次已經係第2次食呢間野啦！！ 要再encore！餐廳近門口有一排L字型自助區，有打邊爐嘅食材、 前菜、壽司、甜品同熱食。壽司都幾搶手， 但我見refill得幾快好欣賞佢嘅炸物，全部都熱熱地同脆口！個春卷幾好食如果拎完，佢有時會refill新款式，我食到中段果陣見到有炸饅頭勁脆刺身質素都唔錯，甜蝦同帶子都好鮮甜，劍魚腩就唔夠油脂感。打邊爐揀咗兩個湯底一個係龍蝦蕃茄湯，另一個係麻辣湯。龍蝦湯隻龍蝦係另上嘅，唔驚佢煮得太老，幾貼心，同埋幾多膏。麻辣湯底勁多花椒八角，好香！！煮蜆真係一流，食果陣索晒佢啲辣湯送左一盤海鮮，有扇貝、鮑魚、螺、生蠔、蝦等等，鮑魚幾爽彈螺肉高質，encore左幾次， 愈煮愈入味M5和牛盤盤質素都保持到， 我見佢一盤其實有唔同部位，所以油花都唔同，覺得咁樣幾好，又公平啲，又試到多啲唔同口感。m5牛牛肉味重，又嫩滑呢個價錢食到都抵！…Read More

上星期同同事嚟呢間食韓國菜，鐘意佢呢度可以自己任夾泡菜同埋炒粉絲， 唔洗次次叫店員refill泡菜咁尷尬！泡菜唔會太酸太辣，味道適中的。炒粉絲就次次來都會食一碟仔，雖然係免費，但到落足料！！好有誠意！粉絲炒到岩岩好，又唔會太乾或者漿住我最鐘意食佢嘅烤雞，感覺上健康，岩減肥女士。所以我就叫左佢個韓式辣焗烤雞lunch set，包埋飲品係70幾蚊咋！呢個價錢但有半隻雞嘅份量，好抵食！雞皮邊帶有少少微脆，雞肉肉質實且嫩滑，唔會老柴，特別係雞脾位。配菜沙律有加芝麻醬，所以都唔錯，幫助解膩。同事叫左牛排骨湯，$92但勁多牛排骨件件都好大舊，好抵食。呢度啲lunch set 都有好多款式，連pizza 都有，所以同同事成日黎食…Read More

好耐無食過放題啦！ 今日同男朋友一齊去食lunch buffet, 佢話觀塘呢間質素唔錯，所以我地就book左呢間。真係要提早預約，閒日都勁多人呀！一入門就見到幾大下嘅自助區，可以拎小食、熟食、飲品、酒、沙律、甜品。種類都幾多，等緊野食果陣可以拎黎食下！刺身質素都幾唔錯甜蝦、帶子、油甘魚、赤背、象拔蚌等等，味道係新鮮有甜味，可能因為呢度多人食，所以啲貨去得快，保持到新鮮度！ 最正係帶子，有滑又爽蒜蓉蒸帶子，呢個係必點！！蒜蓉味好足，粉絲同帶子都好入到味蒸得岩岩好，唔會老避風塘炒白鱔，白鱔有魚脂味鑊氣幾夠，好似係出面食中菜咁嘅水準，幾驚喜烤鯖魚，呢個烤得個魚皮幾乾脆，加啲檸檬汁都算好食鹽燒牛舌加左黑椒同鹽嘅牛舌已經好調到牛味出黎，唔韌榴槤炸彈係每次都會點的，呢間幾好嘅係佢夠熱，新辣辣榴槤汁流出黎.. 好正甜品方面，呢度有雪糕雪條櫃，亦有自家甜品。 朱古力泡芙同埋慕絲係幾好食嘅紅棗燉椰汁，1點去到已經係煲底 好彩等左10分鐘又有新一煲。 椰汁味係幾濃嘅，難怪咁搶手…Read More

前排同男朋友慶祝周年紀念，所以佢安排左呢間幾有情調嘅餐廳燈光暗暗地，加埋掛牆嘅畫同裝飾，都幾浪漫呢間餐廳做緊酒+生蠔優惠，如果有點酒，就可以用換購價$50換半打/一打生蠔，好抵呀！ 重點啲酒都唔貴店員好好咁幫我揀左款岩我飲嘅白酒生蠔我揀左$39/隻嘅法國吉拉多NO.0, 真係差不多大隻過手掌呀肉夠肥厚，口感幾爽脆，味道清甜 每人食2-3隻都好滿足了。Parma ham 沙律用意大利果醋去拌嘅沙律，味道ok，巴馬火腿都俾得大方，有咸香味唔會過咸美國特級安格斯西冷（7成熟）我地點左西冷7成熟，熟度剛好，肉色係粉紅色嘅，口感唔會太韌。調味以黑椒同鹽為主，唔會搶左個主角但得一提係薯角外脆內軟，好好食！！忍唔住食晒烤焗海鮮拼盤果晚差不多每枱都點呢個菜式，搞到我都忍唔住order試下 個擺盤好靚，好豐富咁。最好食係龍蝦，肉質爽彈，外層有好多焗過嘅芝士，增加左個香氣。另外芝士黑松露大啡菇都好食，充滿黑松露味…Read More

難得同男朋友出去食潮州菜，佢話想揀間環境坐得舒服，唔想咁熱嘅餐廳，唔想食大排檔果啲， 所以我就揀左呢間座位闊落，冷氣又夠。點完野係之後，侍應放低左壺菊花茶同埋一碟小菜： 貢菜+花生，貢菜都係第1次食，幾爽口幾特別喎滷水鵝拼盤：潮州菜特色之一嘅滷水，樣樣都想食下，所以叫左拼盤。 有紅腸、腎、鵝片、蛋、腩肉、豆腐。滷得幾入味，特別係腩肉同豆腐。鵝片幾嫩，亦有鵝肉味，肥膏唔多酸甜梅膏骨呢碟真係好配飯！酸酸甜甜好夠味，啖啖都係肉，食落有少少梅味，但唔會好酸好咸，連軟骨位都好爽。份量多，夠3-4人蠔仔烙睇菜名我以為係蠔仔餅咁，點知完全唔係！好驚喜成塊好巨型，4個人食岩岩好，唔會膩。炸得好脆口，個底有好多蠔仔加埋質感類似魚糕嘅野， 好特別。一點要點少少魚露，成件事昇華左，好香口。難怪枱枱都點啦。潮式糖醋麵呢一碟相對就好似平凡啲啦！面層幾脆下，但個底係軟麵，食落唔會乾。加埋糖同埋醋，又幾好食嘅配搭！原來份量都真係好多，完全食唔晒所以打包回家。 仲可以有泊車優惠…Read More

平時喺香港食嘅放題都係比較多國菜式，今次係為左食有日本味道嘅日式料理而黎，其實之前都食過呢間餐廳，所以都好期待今次嘅放題，估唔到就算做放題食物質素都依然維持到！全日價錢都係$178，四位就送一支清酒，但係我哋得兩個人又好想飲，所以就加$90任飲清酒我就試咗兩款比較岩好少飲酒嘅女士，梅酒同柚子梅酒： 梅酒真係好重梅香味，酒精味唔算重，入口唔嗆喉。至於柚子梅酒就較重柚子味，鐘意果味重嘅人可以揀呢款男朋友就揀咗東京盛純米吟釀清酒，飲清酒可以係10幾款杯入面自己揀呢款清酒入口有米香，甘而微甜，好順滑。食物方面，每人都可以揀一款主食，我揀左蟹肉蟹膏飯定食同壽喜燒：壽喜燒嘅湯底最緊要，呢款岩岩好，唔會太甜太咸，滾完啲菜好鮮甜蟹肉蟹膏飯啲料就鋪晒喺面，拌勻再加醬汁提一提個蟹鮮味幾好味！先付都些左幾款，最推介炸池魚仔同芥末章魚。池魚仔炸得好脆口好香，又唔會太乾，配酒飲真係一流好似去左日本咁芥末章魚嘅芥末唔嗆鼻，幾溫和，章魚亦好爽口關東煮：湯底真係好有日本味道材料夠入味，特吃係福袋同蘿蔔。蘿蔔清甜無渣；福袋入面係軟綿綿嘅麻薯好好味串燒以雞為主，炸雞皮、雞軟骨都好出色，脆口而燒胡椒柚子雞肉串就好有驚喜，胡椒柚子係日本一種調味醬，帶有少少刺激，我好鐘意！！呢款雞肉好好味encore 海鮮都有幾款，清酒煮蠔同帶子都唔錯，兩者都唔會煮到過火，蠔好肥美無腥味，有酒香總括黎講無乜令人失望嘅菜式，同平時係呢間食嘅日本料理質素一樣，幾用心希望keep到！！…Read More

呢排凍凍地，勁想打邊爐暖下！ 所以搵左呢間八幡屋，一個價錢食晒海鮮和牛打邊爐同刺身，仲有放題嘅串燒、炸物、甜品，幾抵食！我食嘅係180分鐘刺身海鮮火鍋盛宴，可以同男朋友慢慢食。湯底我哋揀咗壽喜燒同埋蕃茄龍蝦湯。蕃茄龍蝦湯入面有半隻龍蝦，啲龍蝦肉都幾爽口， 湯底重蕃茄味。刺物拼盤： 餐廳首先會送上一盤刺身拼盤，有甜蝦、希靈生蝦、三文魚、帶子等等。劍魚腩同埋帶子真係好值得encore劍魚腩有魚脂香味，食落滑口而帶子都幾大粒，新鮮無乜雪味甜蝦都幾大隻，多肉澳洲M5和牛淨係食和牛都已經抵番，本身以為淨係第一盤先咁靚，原來每次encore都同樣高質牛花紋分佈靚仔，食落嫩口又有牛味海鮮拼盤就有蝦、鮑魚、蜆同帶子等等鮑魚口感爽彈，幾新鮮下。出面亦有自助區拎下壽司、甜品、火鍋材料有電子落單叫小食， 炸饅頭好好食，好脆甜品的泡芙同朱古力蛋糕亦係必食總括黎講呢間餐廳服務同埋火鍋食物質素都不錯…Read More

上星期同家人來呢度打邊爐, 個湯底好正！ 所以決定寫下食評未食火鍋之前，店員話最近做優惠，每人交一隻大閘蟹大閘蟹都算大隻，而且好多膏，真係食完仲想繼續食呀！ 值得一讚係店家準備埋薑茶，雖然係贈送嘅，但都做得咁足醬料就係最basic果幾款：湯底揀左杏汁白肺湯，店員叫我地打邊爐之前飲番2碗，真係好正喎！因為佢幾多料下，有雞腳、豬骨同豬肺，所以成煲湯乳白色，而且好濃香。豬肺洗得乾淨，點d豉油食都幾爽彈。我地叫左幾款食材：日本黑豚肉，黑豚肉厚薄適中，都幾有豬味，口感唔柴白鱔片， 最鐘意呢個，肉質新鮮，食落有魚脂感又帶有少少爽彈生根， 平時都好少叫生根，但個湯底好味之餘又唔油膩，生根吸左d湯汁，好味椒鹽粟米份量都幾多，夠3-4人食， 粟米炸過但唔會炸到無晒水份椒鹽亦好香，岩做餐前小食…Read More

一向好鍾意食中菜，呢間其實想食好耐，特別係麻辣菜式，可惜同行人士唔太食得辣，所以今次試下佢其他菜先！裝修幾靚，座位都坐得幾舒服，唔會逼。要行幾級樓梯上樓。酸菜炒肥腸我揀左中辣，佢嘅辣唔係麻辣果種，係加左新鮮辣椒仔去炒果種辣，香得黎又唔會太辣。酸菜嘅酸度剛好，份量幾多下。肥腸處理得好乾淨，又唔會有好多肥膏黐住，口感爽口，唔會咬唔開。其實就咁食或配啤酒都幾正，唔會過酸。但佢配飯真係令我愛不釋手，食晒成碗酸酸辣辣好開胃，辣度可以俾你揀炸饅頭炸饅頭本來我無乜興趣，驚好油。但見好多人推介，就試下！ 有驚喜！！ 外皮好脆口，放左半個鐘都依然脆卜卜， 而內裡又唔油，一口氣食左3個都唔覺得油膩最鐘意點好多煉奶，好食！洛神花茶我哋叫咗洛神花茶，冰凍解渴，最欣賞佢係少甜女仔岩飲！ 而且都幾解辣同油膩感。樽底見到有龍眼肉呢間幾高質價錢唔貴，份量同味道對得起佢價錢。咁岩食完飯落大雨，店員仲勁好叫我地坐下先等雨細左先走， 唔會趕客…Read More

見疫情緩和咗d, 就去食我好耐冇食嘅串燒，一般串燒店是但叫幾串已經過百元，所以今次你試吓呢間自助任食串燒調味係自己調嘅，有晒最重要嘅孜然粉、椒鹽粉、辣粉、海鹽、日式燒烤醬、泰式醬汁， 已經好足夠，個人覺得好惹味了款式方面， 雞牛豬羊都有，亦有幾款海鮮同蔬菜，幾款丸類第一輪即刻燒晒d肉類試試！ 話就話係自助，但其實我地只需放枝串燒落去個爐架到，佢就會自己轉動，都唔洗點動手好方便，又唔會咁易烤焦。燒到咁上下就搽燒汁個人覺得牛肉方面，口感都唔韌，亦好有牛味，最出色係牛舌，好爽彈！燒豬肉的話可以點泰式辣汁，個味道即刻好似泰式燒烤，好match! 台灣腸個皮好脆口，肉都夠juicy豬大腸就要燒耐啲，燒到個皮有焦香嘅感覺，食落脆卜卜又唔會太油處理得幾乾淨燒年糕豆腐同埋燒賣好有驚喜！！ 燒完撒d椒鹽粉，好似食緊小食店的炸燒賣咁甜品有每人一杯雪糕同埋任燒棉花糖總括嚟講覺得呢間幾抵食，味道同質素同係串燒店食嘅差不多，上食物嘅時間都好快！…Read More