jimmy seven's Profile

有訂位，7點入座，即刻點個雞煲出去攞野食，熟食：魚皮，薯格，炸骨腩，響鈴生食：倉魚，牛仔骨，蠔，花甲，聖子，牛舌，羊肉片，鱔片，鯇魚片，蝦。食物紙，花竹蝦，牛小排，牛頸脊，豬，封門柳，鮑魚，鰻魚，元貝，魚片，羊扒。黎到一樣一樣試，出面拎既食材大部分都唔掂，蠔變左，牛仔骨無味，花甲唔鮮，聖子有沙，鱔片普通，倉魚正常蝦梅梅地，好明顯外面既海鮮都唔係新鮮，或者係新鮮但係擺左係出面室溫咁耐，都變變地。食物紙既就正常，牛肉最好食係牛小排，牛頸脊，封門柳完全唔得，鮑魚要燒，仲要自己調味先好食，鰻魚好食，花竹蝦元貝，魚片，羊扒正常。其實出面好多打邊爐料係完全無試過，因為又雞煲又海鮮又牛肉又熟食，再加上咁多配料真係食唔到咁多，同埋質素問題，我地最後都係不停點食物紙上面既食物。外面擺太多食物，太貪心，但人流唔夠，外面食材去既速度唔快，加上唔係放係凍櫃，所以好多野有機會變左唔新鮮。3號餐，埋單320，試過一次，唔會再去。呢個價錢好多質素好既放題可以選擇。…Read More

係kkday買coupon, 2個人，約8點上去有位，首先叫烤魚，10分鐘到，份量大，裡面有窩荀，雲耳，腐皮，芽菜，味道都可以，但魚多骨。跟住叫酸菜魚，無酸菜，個味道似係用調味料調出黎，酸味假，無麻辣味，無香味，魚片滑但無味，外面食酸菜魚越食約出味，但呢到越食越淡。邊爐料，和牛，明顯唔係，不過好食既。滑牛，黎到好似腐屍肉，淺粉紅色，唔好食。魚皮，貢丸正常。花甲，死既，食左2隻有怪味。我唔食小龍蝦既，所以無試。蜂巢糕，好食。環境，坐得都舒服，但地方太細，樓底矮，咁啱我地後面有人飲酒，大聲講野，已經覺得好嘈好唔舒服。服務，上菜快，但埋單要比加一，假期費20，醬料費48，我唔覺有調味料區。2個人落樓700蚊，唔低。如果呢個價錢，可以去食其他放題，唔會再去。…Read More

見開左好耐, 又覺得係深水埗屹立咁耐既小炒菜館, 應該都唔會差得去邊, 所以約齊人去試下, 點知瀨野打去訂位, 問我留唔留餸, 我問有咩要留, 佢話豉油雞, 我心諗豉油雞都要留? 橫掂黎開, 梗係留啦, 跟手又問我留唔留海鮮, 下, 海鮮唔係要睇下當日有咩新鮮先食既咩, 點留? 咁我話唔洗12人, 食左好多野1.豉油皇中蝦 - 因為冇芝士, 所以嗌左豉油皇, 唔錯, 又唔算貴 $12兩2.薑蔥肉蟹 – 唔係好夠味, 唔知點解樣樣上枱時總係唔太熱, 唔夠鑊氣, 3.蒙古骨 – 唔好食4.味菜豬肚 – 唔熱就梗, 總要豬肚冇味菜既味, 似白灼豬肚+味菜伴碟5.青芥辣牛肉 – 係出面食多數係牛肉粒, 呢到係牛肉片, 當堂扣一半分6.椒盬豆腐 – 好難會煮得唔好食7.雞油豆苗 – 可以8. 啫啫芥蘭煲 – 芥蘭有少少苦9 . 豉油雞 – 又唔熱又唔熟但係要預訂既豉油雞, $180, 食得出係雪雞, 真係越食越火, 求其係超市, 燒爉檔買都好食過佢10. 蠔餅 – 唔係潮式, 係茶餐廳式, 因為用雞蛋, 叫蠔仔奄列似D11.生炒燸米飯 – 冇食到, 唔知好唔好食12.豉油皇炒麵 – 合格唔知點解呢到好多人黎, 1/F 樓底矮應聲, 好嘈, 傾唔到計, D侍應經過既時候唔理係, 係咁撞食到咁上下, 後面果枱投訴條魚(好似係鱔)唔熟, 唔離骨, 果個女侍應居然話”係咁架, 係痴住D骨架! 熟架喇” 但成枱人話要再蒸一蒸, 係蒸, 唔係換, 都要搞左兩三分鐘, 心不甘情不願咁拎去返蒸, 阿姐, 生野食痌人架總結: 野食唔得, 環境唔得, 服務唔得…Read More

今日有朋友生日, 特登找了呢間黎食飯, 但係只可以講不過不失, 唔值得特登去食我地叫左好多野, 但好食既真係唔多金錢雞:( - 只係一舊雞肝上面放了一塊叉燒, 一夾塊叉燒就跌落黎, 又冇咩汁, 我係太子鳳城食過一次, 有一塊餅係底, 跟住一塊肝係壓平左, 再一片肥叉, 上面再淋密汁, 一口食落去係唔會散, 好食好多炸蟹鉗 - ok, $28/只唔錯雞蛋焗魚腸 :( - 魚腸太少, 蛋太多又太熟, 好實, 食落唔夠香, 又冇魚腸既腥香味椒絲腐乳通菜 - 冇腐乳味霸皇鴨 - 碟頭夠, 不過食落去, 好乾, 冇咩香味, 同埋D味好死實, 完全唔好食香煎藕餅 - 呢個最好食蒸牛肉餅 - 山竹牛肉碟上焗蓮蓉西米布甸:( - 少少甜, 但冇蓮蓉香味, 鳳城又羸馬拉糕 - 好食蓮蓉包 - 蓮蓉香, 不過個包太厚, 食半個都好漏千層糕 - 太多野係入面, 完全食唔到係咩, 又甜, 我覺得唔好食如果想食好味, 我會去鳳城, 如果想平平地, 食野又唔太高要求, 呢到都OK, 一人都係$120-130不過住係九龍既人, 唔值得過海去食…Read More

一個人去, 想點個牛肉餅+粉麵or餐, 點知牛肉餅一客要兩個, 咁最後我要左一客牛肉餅同一客京蔥羊肉餅京蔥羊肉餅先來, 一食, 好大浸油益味, 再食, 京蔥羊肉餅京蔥但係冇京蔥味, 第一啖有羊味, 但係食到中後已經冇晒味, 另外熱度不夠再黎牛肉餅, 一食, 都係油益味, 跟住都係同羊肉餅一樣, 食到中後已經冇晒味, 熱度不夠相比起九龍城, 呢到既羊肉牛肉餅完全不合格, 仲要逼你一客要叫兩件…Read More

幾個月前都有黎過食, 初開張時ok, 之後一次都覺得多左好多人, 野食唔多但都有幾多好野食, 咁既價錢都叫做合理, 今次真係失望到極點! 我都未試過食自助餐食到唔想食海鮮得三文魚, 食開都係切一片片, 佢地係一舊舊, 成舊擦子膠咁, 咁大舊一定有筋, 又腥, 因為唔新鮮, 你有冇食過暖既三文魚未, 另外一隻唔知咩魚生, 白白的, 冇味, 另外八爪魚同醋晴魚正常, 蝦同青口都冇果下夠膽, 長腳蟹腳唔好講, 不如你唔好話有啦, 每次拿廿幾隻出來, 未出已經有人拎住個夾等, 又唔排隊, 10秒唔夠就清左隻碟, 跟住20分鐘後先再出, 到8點已經唔出, 咁你不如話我知冇好過喇, 另外hams同凍肉, 生果呢d大路野就好正常另外煎大蝦和煎鵝肝, 煎大蝦既蝦唔新鮮, d肉梅既, 煎鵝肝叫合格熱葷 – 我真係未見過一個自助餐可以咁少, 8-10個, 但有兩個係飯, 一個咖哩,一個炒菜, 一個魚, 一個肉丸, 一個烤雞, 另外果d我唔記得係咩, 但係我唔會食, 最搞笑係連燒味都冇…..仲有, 有個凍豆腐, 佢真係將舊大既百福豆腐倒轉倒出黎, 加d芝麻汁係面就當日式凍豆腐, 真係吹到”啤”一聲甜品 – 可以叫正常我見有食評係8月頭係唔錯, 可能剛做promo, 好d卦, 但係我去到真係唔得, 一來野食唔多, 二來你d野又唔refill, 三來又唔好食, 咁你想點姐~~~~~肯定我一定唔會再黎食, 大家想試既真係要諗清楚, 兩舊水我出去食其他野冇咁嬲…Read More

辣子雞 - $36 - 唔錯, 不過雞切到好細粒, 唔知係咪大陸食都係咁既呢?酸辣粉 - $10 - 幾得意, 唔係湯粉, 係涼伴炒豆苗 - $12 - 正常餃子 - 煎$15, 蒸$12, 白灼$9 - 食白灼, 唔錯帽子餅 - $7 - 厚左d, 唔夠鬆炸醬麵 - $10 - 偏咸同麵條好硬見到有幾他小菜, 但唔算平, 3x/碟如果想食餃子, 呢到唔錯, 不過其他就中規中矩…Read More

朋友邀約, 去前都知道環境差, 但親身去到先發覺真係差得好緊要, 污糟不特指, 仲要周圍濕淋淋, 大煙, 裝修舊, 完全將食慾減一半都黎左, 都要食既, 如果好食都ok既, 不過.....火鍋醉雞鍋 - 呢個最好食手切牛 - 一pat野咁放上碟, 賣相極差, 又碎濕濕, 都算, 食落口居然"un".....失敗滑牛 - 都係一pat野咁放上碟, 呢碟冇咁碎濕濕, 不過食落口, 都係"un".....失敗牛丸, 雲吞, 水餃, 粉腸, 龍喉 - 冇咩特別, 一般貨式脆肉鯇腩 - 都ok, 不過切得太薄BBQ鱔 - 切得太薄, 可能驚燒唔熟, 不過食落口冇咩肉食牛舌 - 又係切得太薄, 係薄得可憐, 放落口根本唔覺得有野...失敗牛肉粒 - 又係"un".....佢D牛都唔知點搞雞軟骨, 腸仔 - 好食, 不過好難唔好食蠔 ($15隻) - 唔算太大隻, 其實蠔連殼係好難燒, 好難熟, 因為個殼太厚, 所以好易燒到個殼邊燶晒但係隻蠔都係未熟另外問佢蝦幾多錢, $28/兩, 好貴, 一隻差唔多$40-50, 超級唔抵食每個人都要成$220, 個人覺得唔抵食, 唔好食, 唔值得食, 唔會再去食…Read More

今日食完, 每人$222鵝肝 - 都幾大件pama ham - ok三文魚 - 新觧螺-麻麻波士頓龍蝦仔-細隻冇肉蟹腳-唔吸引反而其他熱盤都唔錯甜品睇落少款, 食落都唔少, 同質素都幾好, 幾特別, 有榴槤拿破崙餅, 好味道以呢個價錢, 呢d食物, 可以翻卓…Read More

我尋日去葵芳湘川滬食, 5:45入坐貴細碟味道普通服務麻麻, 碗碗碟碟叫幾次先有(你諗下我地5:45去都麻麻, 黃金時間會點)食完隻片皮鴨, 冇人同我地講可以拎走, 到我地問先話可以拎走, 但到左我地走佢都冇拎俾我地, 我地又唔記得左問佢, 就咁就冇左個鴨殼沙窩雲吞雞D湯好咸其他完全冇特別…Read More