JovisHub's Profile

到達南丫島後 上OpenRice看看附近有什麼甜品咖啡店好去 看到這間好評如潮經過看到不用排隊就進去進去之後好有家居的感覺 位置不多 就像在朋友家作客一樣 看到價錢牌$78 1件蛋糕 心想應該幾好食先會係一個咁樣嘅環境定呢個價位 最後叫咗一件$78嘅豆腐芝士蛋糕 一杯$40 lady Grey 從一杯$68自家製雪糕新地豆腐芝士蛋糕嚟到賣相都OK 第一啖食落去只有失望豆腐芝士蛋糕太甜豆腐味係有，但係唔香濃芝士味完全搵唔到蛋糕質地完全冇口感餅底完全冇牛油香味同埋超級散覺得自己整嘅，應該會好食啲雪糕新地揀咗荔枝味 超級甜同埋有大量假嘅荔枝香精味質地就係雪葩冇咩特別覺得有啲Over price 總括而言就係太貴，唔好食環境亦都唔適宜坐好耐個人嚟講應該唔會再去…Read More

今日滿心歡喜睇到咁多好評諗住去食個泰國嘢 價錢一啲都唔算平 船麵一定要試啦跟住我再叫心思思想食嘅香葉肉碎炒飯好耐個船麵嚟到賣相正正常常，但係味道就真係麻麻哋，金邊粉嘅麵質一啲都唔好食，一嚟到好似撈麵咁啲湯又俾唔夠。個泰式鳳爪嚟到見到個份量咁大都有啲開心，但一食落口心諗點食得晒。佢雞腳同埋個醬汁嘅味道係完完全全分開，我可以好清楚食到雞腳冷藏味，再加一啲唔好食嘅醬汁。香葉肉碎炒飯嚟到個賣相我已經拗晒頭，一嚟到淨係見到白飯上面有兩隻全熟咁滯嘅蛋，加埋右邊一大堆超級濕嘅肉碎。肉碎超級鹹完全冇香葉同埋炒嘅香味淨係食到好多鹽同埋蒜蓉嘅味道仲要勁多水。啲飯有啲係煮到乾晒勁黐牙。順帶一提，由入門口開始啲侍應已經好似好唔想招呼人咁，態度差，座位又唔舒適。…Read More

我覺得一間舖頭好多人排隊冇問題，但係舖頭令到好多人冇必要咁排咗個幾兩個鐘，就係特登用嚟博宣傳。我早兩日去12:00已經好多人排隊 基本上12點已經排到隔籬街街尾。我都懷疑過究竟自己可唔可以買到，但係店主一路冇出嚟交代，令到更加多人一路排落去。排咗差唔多兩個鐘，差唔多排到舖頭，店主都開始出嚟交代，同隊頭20個後嘅人講我哋應該唔會買到。包括我在內好多人都話唔爭在試吓排，有啲人聽咗佢講就走咗，差唔多排到我，前面仲有9個蛋撻，然後有一個人俾錢嘅時候叫咗兩個唔知喺邊度出現嘅朋友過嚟買，然後每個人頭限買三個，所以佢一次過買晒所有剩低嘅。嗰三個人自私係一回事，但係我哋反映咗唔應該插隊之後店主覺得冇問題，本身可以多8個人食到，但因為店主完全冇反應，大家鼓譟咗之後都冇辦法。希望店主可以反省一下，諗吓點樣改善呢個問題。…Read More

今日去食早餐 最後冇食到就走左 成間舖頭一個人都冇 早餐本身得5個餐 假期得返三個揀入到去完全冇人招呼 個侍應一臉嫌棄嘅樣子 落單嘅時候問多兩個問題都好似嘥佢時間咁 跟住我哋都未諗完佢就自己走開咗話落單先 完全頂唔順呢種態度所以走咗 之前食過食物都叫正常態度亦冇咁差 唔知搞什麼飛機 不要有下一次都有好多大家如果再唔幫襯嘅話佢一定可以執笠 亦都唔明佢憑咩咁串 唔知佢大角咀間分店係咪咁呢 大家經過真係唔使入去幫襯附近有好多好食嘅餐廳紅星餐廳係一個唔錯嘅選擇喔…Read More