Lam_Lisaa的個人專頁

慶祝朋友生日， 所以就揀環境比較特別嘅餐廳。佢係以森林為主題，俾一種好舒服感覺。食野都好好食！最推介係「白汁忌廉煮藍青口」！好好食又唔僧好膩，特別個係個白汁～另外見好多人都有叫「慢落豬」。緊係要叫返個試試，都無令人失望～好有肉汁，都好入味！另外點多個原隻大頭蝦意粉!都好好食，最鍾意有大大啖蝦肉。最後依個點品都好好食~…查看更多

咁岩出去銅鑼灣買，朋友話想食韓國野，咁就係揀左依間。因為係見到個環境好靚，好岩2,3個人食飯，傾下計。咁我地得2個女仔黎食，叫得唔多野食，最後就叫2個主菜加1個小食，份量就岩岩好，聽講蛋包飯係最出名，咁緊係要點返個啦。我地叫咗泡菜炒五花肉蛋包飯。個蛋包飯好好食，泡菜都唔辣係少少甜個款，職員仲會幫你切開隻蛋。最好食係個韭菜煎餅！好香，好脆！推介最後叫多個炸芝士豬扒忌廉年糕我覺得一般，年糕正常都煙靭，但個豬扒太乾身，有啲硬。整體都OK，係Times Square 食野黎講都唔貴。…查看更多

朋友生日所以揀左間日本餐廳~一入去環境好好，好有日本既感覺，唔錯之後點左２款刺身都好好食。條秋刀魚(8/10)池魚 (9/10)另外叫左壽司同串燒都好食甜蝦好鮮甜擺得好靚，但無特別出色最後都點左支酒，容易入口。整體都好好，只係少貴，不過同朋友食生日飯係唔錯選擇。…查看更多

依間上海嘢真係出哂名！出哂名難食！唔信邪嘅我，今次一個人去挑戰一下。行到埋去，睇餐廳門面正正常常，入去坐低望下其他人就覺得伏已中一碗簡單嘅酸辣湯雲吞麵，望落好似好靚，但食落口唔酸唔辣，淡而無味，雲吞亦只有三粒，咁嘅份量，老實俾著我都唔敢俾客啦！講番個雲吞，都預咗佢係急凍雲吞，不過估佢唔到個皮咁厚，料仲要得嗰少少，真係搞唔掂。聽同事講，佢其他麵都真心麻麻，如果行過路過見無位想入去lunch就真係要考慮清楚喇！…查看更多

好耐冇同成班friend一起去食放題，咁岩大家都想食牛，就黎食呢間牛涮鍋。環境幾好，光線充足又唔會好刺眼；衛生都算OK，除左個牛肉碟有少少油，其他無咩大問題。選擇真係幾多，雖然我地都係食牛肉居多。首先湯底都有幾種，仲有鴛鴦鍋。火鍋配料各式各樣都有，腸仔同各類肉丸，基本牛丸龍蝦丸墨魚丸都有；蔬菜都應有盡有，但係睇落大家都係鍾意食肉所以冇乜人去夾菜，如果要填飽肚仲有公仔麵。仲有雪糕可以食，味道都正常。可以話做到一個正常放題應有既水準，一般般。…查看更多

同friend一齊去食壽司，其他餐廳都好多人，見到呢間人唔多唔駛排隊，就去試下壽司質素如何。食壽司都預左應該唔平（除非爭鮮），希望有咁上下質素。我地嗌左油甘魚+鰈魚裙邊，小肌手握壽司，池魚同香蔥吞拿魚腩。油甘魚比較滑身。油脂較多，雖然口感幾好，但係冇味；鰈魚裙邊好薄，比較軟，口感唔錯但係都係冇味。小肌手握壽司幾好味，小肌魚其實好細條，一舊壽司上就有一條魚，肉質比較結實，好鮮美，幾好味。池魚一上臺已經把可食用既肉挖出黎，方便顧客食用，後面個條魚應該唔可以食。魚肉都切得好厚，油脂幾重，但冇乜味。吞拿魚腩還算好食，feel到吞拿魚好肥美，魚味濃郁，份量都算多。…查看更多

中午原本想食茶餐廳就算，但見到有一間泰國野，諗住試下泰味如何。印象中都覺得泰國菜係酸酸辣辣甜甜（就似冬蔭功湯一樣），呢份虎蝦炒金邊粉都不例外，酸辣甜各佔一D，但覺得味道都係偏甜，面身上有炒蛋碎同韭菜碎，亦有幾塊蝦肉，老實講其實得兩塊，而且麵捲埋一舊視覺上好似好大份其實真係好少，份量真係少到呢，覺得真係唔抵。而最特別係有附加白砂糖同花生碎，我估佢原意係想我地撈埋佢？定只不過係噱頭？但係其實麵本身夠甜冇乜必要。味道OK幾好食，環境衛生其他方面都中規中矩，但份量實在太少，唔會食得飽。…查看更多

好耐冇同中同一起食飯，聽聞荃灣有新開火鍋店，就一於一起去試下～一行到門口就睇到裝潢真係好靚，feel到真係有用心設計過。因為個餐廳主題都係舊時香港，無論係張檯，座椅，門框定餐具，都好有復古風，而且牆上仲會掛住舊時的縫紉機，感覺去到50年代香港的高檔中式餐廳！我地點左幾份小食同埋湯底揀左人參鍋，先講下冰凍蜂巢豆腐，浸過湯底後份豆腐變得似豆卜，又似好多腐竹搭埋一齊，口感幾爽，好特別既小食！而我地都試左竹笙，浸過後變得好似有彈性，爽口彈牙，配埋湯汁，更加鮮甜美味，如果要比較其實好似響鈴但係更好食！而七色丸就好特別，以為好似一張碟擺滿七個丸子，點知係由一個拱橋式的木架承托著每一個用獨立托盤裝著既七彩丸子，睇到都開胃！然後有侍應介紹話原來每隻丸子都唔一樣，有咖哩味，南乳味，黑松露同鹹蛋黃等口味！而香江拼都幾抵，可以食到牛既唔同部位，有牛小腿，牛柳粒，安格斯肥牛等款式，對鍾意牛既人一定好滿足！我地三個人都算大胃王，但其實都食得好飽。總體算係高質，同朋友再聚既飯局配合餐廳懷舊主題真係fit曬！…查看更多

早幾日成班fd去荃灣行街搵野食，咁啱見到間裝修幾vintage嘅餐廳。入到去發現環境好闊落，坐得好舒服。我地嗌咗個香江拼同白湯人參湯鍋。先講講個香江拼，啲肉上嘅時候係以花嘅形狀咁上，十分精緻。而個人參湯底好香好夠味，個湯底勁足料，有我最鐘意食嘅鴨血，佢同豆腐都好Q彈，呢兩個野可以話同個湯底perfect match！同場加點咗個花花綠綠，估唔到菜都可以擺到咁雅緻然後食咗個花雕醉雞，肉質都好鮮嫩，肉味鮮甜。最後再食咗個芥末八爪魚，好爽口好好食！味道清新，汁液粘滑純粹，真係好好味。環境方面，有梳化坐，舒舒服服。餐廳感覺古色古香，仲有啲似博物館咁有好多部紡織機。問落先知因為係近南豐紗廠所以用紡織嚟做題材。好有心機。總括嚟講呢次食飯唔單止好食，氣氛都好好，得閒都會再嚟食。…查看更多

餐廳環境真係比較逼，可能擺枱方面真係要再諗諗如果唔係就浪費咗佢地純白色咁靚嘅裝修ORDER咗3個餐，味道較為一般，真係無乜驚喜雖然係賣相方面有努力到不過比起賣相，好唔好食先係基本！甲羅燒較為失望，雖然食材係新鮮，不過絕對無令人嘩一聲嘅感覺！扒嘅火喉可能要再控制得好啲，咁就可以再JUICY多一啲！…查看更多

放假梗係齊齊出動，鍾意角落生物嘅朋友，可以趁活動去打下卡所有食物都有角落生物加持一定加咗唔少分大家熟悉嘅芋圓、拌麵、滷肉飯等等台式嘢食都可以食到不過味道較為一般，如果想食到最正宗最台嘅味道可以有更多更好選擇…查看更多

個人喜好問題食BUFFET我一定MARK定海鮮刺身難得嚟到老牌酒店文華東方，果然薑係越老越辣，佢地嘅海鮮食得出的鮮同甜，生蠔大隻新鮮，蟹肉彈牙！三文魚刺身唔會薄到變紙甜品都值得一讚！精緻之餘，唔會得個甜字絕對對得住依個價錢！…查看更多

佐敦咁多好嘢食都可以立足咁多年就知依間餐廳有料到兩個人$380相當滿足！洋蔥湯好香好清，飲落口相當舒服好好飲！焗豬扒意粉醬汁惹味唔膩，一碟份量剛剛好！最後決定叫埋甜品，疏乎厘軟綿綿，唔會死甜，好好味！ …查看更多

OMAKASE，大家好自然會有較高期望一嚟要好食二嚟擺盤方面點都花多少少心思可惜好多間都係名大於實味道普通之餘，裝飾亦唔令人驚豔！晴空嘅食材尚算新鮮，不過無論壽司定刺身都只係普通水平，如果以同樣價錢，我可能會選擇其他店舖。擺盤方面，亦如大家所見，唔夠精美，餐具方面亦未必好考究，浪費心力，希望餐廳會再努力啲啦！…查看更多