hungryb520's Profile

這間店我經常在逛街時經過，今晚有緣試試了。店內環境時尚且色彩繽紛，給人一種摩登感，而且整體感覺乾淨整潔。點餐方面，提供了二維碼下單方便快捷。雖然主打台式滷味，但小食較為吸引，味道水準不俗，可以一試。甘梅香脆地瓜條 $38地瓜條炸得香脆，且瓜肉甜美，再加上甘梅粉的酸甜可口，這款小食絕對是首選。滷水雞翼 $14雞翼表皮滷水大致上色，雞翼尚算入味。人氣蔥抓蛋餅 (火腿丶玉米丶起司) $54蔥抓蛋餅的餡料豐滿，蛋皮包得扎實，芝士半溶鹹香美味，口感味道一般。眷村懷舊排骨滷肉飯 $75酥炸排骨香脆肉嫩，滷肉碎入味，不會太油膩，配料好多，有滷蛋、栗米、蔥粒、炒椰菜和酸菜等等，豐富了口感，撈起飯食美味。清新冬瓜仙草檸檬 $31冬瓜荼清涼解渴，甜度適中，冬瓜味突出齒頰留香，搭配滑溜的仙草和清香怡人的青檸檬，凍飲好飲。滋潤桂圓紅棗蜜 $26熱飲，滋潤又養生，味道香甜，正常發揮。…Read More

這間咖啡店有復古風味的裝潢，充滿了懷舊感，店內的落地大玻璃窗使得光線充足，空間也相當寬敞。在食物方面，提供泰式fusion菜，確實有點新意。，得閒去下食下亦無妨。我們揀了兩份午餐套餐，味道都不錯，價格也可以接受。食飯時間差唔多滿座，都好旺場。沙律新鮮的蔬菜令人口感爽脆。椰菜花忌廉湯湯底順滑甜美，帶有椰菜花獨特的香氣。烤大蝦海鮮椰香喇沙飯 $128以喇沙燴飯充滿椰香味，口感creamy，配料十足有豆角、青口、八爪魚腳和鵪鶉蛋，而主角蒜蓉烤大蝦味道鮮美，香氣撲鼻。喇沙飯都算有驚喜。黃咖喱軟殼蟹麵包 $118麵包是兩吋厚多司，表面香脆，包心挖空注滿香甜黃咖喱汁，而軟殼蟹炸得金黃酥脆，充滿泰式風味。伴有新鮮沙律菜，非常美味。士多啤梨玄米奶昔 $58賣相吸引，香濃的士多啤梨味，配搭玄米淡淡香，口感軟滑好飲。Cappuccino $44味道正正常常，但個杯好靚，飲落係幾開心的。…Read More

今晚放工和閨蜜一起去了依間文青cafe晚餐，這里的裝修風格很有木質感，給人一種溫馨舒適的感覺。美食質素不錯，非常合適girl talk。手切48月橡果西班牙火腿伴松露63度溫泉蛋忌廉野菌伴蘆筍火腿的鹹香味道突出，簡單地搭配溫泉蛋，蛋液攪拌沙律菜已經非常美味。醬油烤北海道豬腩伴烤茄子蓉•烤雞腿菇•油浸乾蔥肉•日本枝豆豬腩肉細嫩柔軟，入口甘香，搭配上口感爽滑的雞腿菇，帶有濃郁的日式風味。干邑龍蝦湯首先欣賞一下注入湯的儀式感，龍蝦湯味道濃郁，充滿了龍蝦的鮮美滋味，並散發著幹邑獨有的迷人香氣。湯中有鮮嫩的大蝦和蘆筍片增添了口感。台灣日月潭紫芽紅茶來一杯冷泡紅茶，可清一清味蕾，茶味特別帶有木質和花果香，入口甜潤口感順滑。鵝肝紅花大啡菇意大利飯 $368鵝肝厚切，表面煎香，油脂豐腴，而厚厚的大啡菇釀了邪惡的芝士，意大利飯呈現金黃色，相當入味，還有很多蘑菇碎豐富了口感。杜洛克黑毛豬胺伴焦糖菠蘿•野菌西蘭花苗•香草鴨油烤薯仔 $398黑毛豬肉質軟嫩，慢煮下保留肉汁，配菜有西蘭花苗、薯角、車厘茄，仲有焦糖菠蘿香甜又多汁，整體健康又唔油膩。RELISH Tiramisu（+$38）香滑的忌廉面層佈滿可可粉，手指餅濕潤有著香濃咖啡酒味，整體唔會好甜，可以享受完美的句號！…Read More

西班牙餐廳一向有情調，依間也不例外，適逢七夕來一躺，慶祝一下。柔和的燈光和玫瑰的點綴營造出浪漫氛圍，而美食更是俾到驚喜，美味用餐帶來甜蜜回憶。餐前麵包 $0鬆軟麵包配黑醋和橄欖油，開胃小點。四重芝士意大利雲吞配辣味蕃茄醬 $168滿滿的辣汁蕃茄醬汁掩蓋意大利雲吞，雲吞薄皮口感煙韌，充滿芝士的餡料加上辣汁蕃茄醬，帶來意想不到的美味。傳統西班牙烤乳豬 $238分了乳豬脾部位烤至香脆，肉質柔軟，搭配慢煮蘋果蓉和利酒烤豬汁，兩者味道出色，絕對是必食之選。味噌蟹膏西班牙飯 $228菜式精緻，兩件蟹蓋釀入西班牙炒飯，再佈滿咸香的蟹膏，味道非常濃郁，加上三文魚子的點綴，增添了口感，整體口味偏咸，兩個人共享一份蟹蓋份量剛好。西班牙油條 $88脆口的油條撒上糖霜，搭配朱古力醬和雪糕，結合了甜甜的滋味，非常美味。…Read More

每次見到個招牌都以為只有麻辣鍋食，辣字讓我有些害怕。但事實上，原來有提供非辣的香鍋、酸菜魚、烤魚和焗龍蝦等選擇，這麼多選項難怪平日總是排隊的人很多。酸菜味江團魚 $236江團魚片的份量很多，魚肉嫩滑無骨，每一口都充滿了魚肉的口感。魚片又彈又脆，配料中有豐富的大豆芽菜、酸菜、紅辣椒、青辣椒、泡椒、蒜片，甚至還有蒟蒻。酸菜湯開胃美味，辣度可以選擇大辣、中辣、小辣或無辣，我選擇了小辣，不算太辣，酸味和辣味很容易入口。另外加左水晶粉，飲埋啲湯飽到傻左。手撕包菜 $78椰菜炒得夠爽口，食完成碟即刻覺得自己健康左。有大、中、小及BB辣揀，怕辣揀BB辣就無有怕啦。蜜語水果茶 $38裡面有多種水果片，如西瓜、香橙、火龍果和青檸，凍冰冰飲完透心涼，解辣一流爽晒。…Read More

跟住開飯地圖走，揾唔到間店，仲以為摸門釘，原來在轉角斜路上，餐廳店子細細座位唔多，但持續有客人光顧，就知係好野。 點選麵食可以優惠價追加小食及飲品，價錢$5至$40不等，我地追加左好多款。 八珍甜醋雞絲沙律 $35擺盤好西式，感覺食緊西餐，沙律菜新鮮，雞絲肉嫩，配埋八珍甜醋拌住食果然係份外香~一口鮮蝦炸雲吞（4粒） $40雲吞皮好薄好脆口，蝦膠餡料蝦味濃且彈牙，沾上甜酸汁美味，精巧的炸雲吞非常出色，甚有驚喜。龍抄手 （2粒）$15雲吞皮薄滑嘟嘟，雖然底部滿佈紅油同辣椒，但食落唔算好辣，容易入口，$15有兩粒又幾抵喎。 香脆辣子單骨雞翼（4條）$30唔好睇少呢個雞翼，新鮮熱辣炸起，初時食落唔覺辣，但愈食愈麻，好刺激。 慢煮吉列豬扒擔擔麵 $98吉列豬扒香酥脆卜卜，但肉質唔會炸到乾身，擔擔麵湯底杰身濃郁，麵條Q彈，連埋中間隻流心蛋，美味到好似食緊日本沾麵甘。 自家製檸檬薏米水 $10好多薏米夠足料，味道清清地唔甜好解渴。 豆沙鍋餅 $68上碟熱辣辣，豆沙餡軟糯飽滿，正呀!只係稍為外皮硬左少少。…Read More

上次經過發現有依間酒吧餐廳，今次和朋友來食下。原來這裡有魔法表演的，可惜撞唔岩時間，餐廳環境舒適，座位寬敞，手工啤酒有多款選擇。美食方面，對手撕豬肉漢堡甚為欣賞，依家仲回味，真係好好味的，大家唔錯過呀～脆炸蜜味啤酒單骨雞翼 $88雞翼大隻單骨食方便，以啤酒醃製帶有酒香，外皮炸粉香脆，雞肉軟嫩有肉汁，肉裡仲有的麥香甜美，非常好食。啤酒慢烤香麻手撕豬肉漢堡 $128漢堡大件餡料滿滿的，非常慷慨，麪包鬆軟，肉絲有花椒麻香的惹味，味道不辣仲有點甜，口感絲絲的，加了菇片和洋蔥絲，增添口感。仲有青瓜片，口感清新爽脆，非常好的配搭。配有皮炸薯角也非常香脆，茄汁仲加了七味粉非常惹味，這款fusion burger給人帶來了驚喜，值得一食。明太子海鮮忌廉意粉 $128份量都好多，扁意粉口感煙韌，好掛忌廉汁，海鮮配料有蜆肉和墨魚粒，明太子鹹香美味，唔錯。Heroes - Plato:W.I.L. $88辣椒麥啤，主要使用2種辣椒調制，先飲到煙燻味，然後麥味同果味滲出，初時辣味不太明顯，辣椒味後勁凌厲，每啖都辣辣地。 Purple Dream $108青檸蝶豆花蜂蜜酒，杯邊已聞到蜜糖甜美，飲落非常順喉，讓人完全忘己自己在飲啤酒。…Read More

與友人晚飯食下依間，居酒屋地方唔大，環境佈置充滿日式情懷，美食超多選擇，味道和價格都令人滿意，讓放鬆心情，食下串燒一樂也。燒日本鱈魚干 $30燒鱈魚干香口脆薄，鮮味十足，點少少沙律醬，輕輕細嚼滋味滿足。軟殼蟹手卷 $38手卷大件，軟殼蟹足料，炸到非常酥脆，加多些沙律醬，食落特別美味。蟹肉蟹膏壽司 $26以鮮甜蟹肉結合埋咸香鮮味的蟹膏，一口咬下去，讓人感覺非常幸福。厚切鰻魚壽司 $28雖然鰻魚不算厚，但肉質軟嫩，入口即化，淋上少許醬汁，味道十分美味。燒鮮黃花魚 $148黃花魚一開二，魚皮燒得又脆又香，魚肉嫩滑，加上少許鹽的調味，味道非常鮮甜美味。原條燒茄子 $48賣相吸引，茄子大條中間劏開，佈滿蒜茸辣椒非常惹味，茄肉軟棉相當入味。京蔥雞串 $32京蔥香甜爽脆，雞肉軟滑彈力有肉汁，少許醬汁已經好美味。豚肉荔枝卷 $34薄脆的豚肉包裹着甜美的荔枝，味道咸甜脆軟，讓人百吃不厭。鹽燒豬五花 $68肥而不膩的五花肉充滿油香，經烤過後，口感依然軟嫩，簡單鹽燒吊出原味唔錯。燒鮮菠蘿(2串) $32菠蘿新鮮清甜，咬落爆汁無渣，唔錯。…Read More

炎炎夏日出住汗去露營我真係唔想，依間以露營為主題的餐廳正合我意，和友人歎住冷氣chill下食下好正。餐廳地方好大，放置了露營車、露營枱、露營椅、露營燈等，環境營造了好似去左露營咁，入到去好有遠離煩囂的感覺。美食方面都有啱食的，價錢合理，假日來chill下最好不過。All Day Breakfast $108五顏六色的早餐豐富了眼球，令人食欲大增，全素菜配搭好健康。沙津菜新鮮爽脆，烤南瓜香甜，酸種包脆卜卜，炒滑蛋熟度剛好口感軟綿，牛油果軟滑入口即溶，軟熟的車厘茄遇上酸甜軟滑的忌廉芝士，酸x香x甜=正！啖啖滋味好享受。法式香草檸檬牛油蜆配酸種麵包 $158大蜆好多隻夠肥美，蜆肉味道鮮甜且彈牙，浸滿香草牛油湯汁，配上酸種麵包，可以索汁食都唔錯。戀愛預告 $58賣相討好，飲落有著玫瑰的芳香和荔枝的香甜，已經好好飲，加上雲呢拿雪糕和荔枝果肉，讓整杯飲品變得更加立體，豐富了口感，非常好飲。好雙乳的莓莓 $48士多啤梨藍莓乳酪酸甜美味，仲食到兩粒士多啤梨果乾，果味更突出，確實俾到驚喜。…Read More

上次食過餐廳手搖海鮮，已經愛上了，今次和朋友來食下其他菜式，估唔到同樣出色，值得推介朋友來食。路易斯安那蟹餅 $148蟹餅口感豐富，入口酥脆。蟹肉絲餡料非常足料，滿滿的鮮甜蟹肉絲充滿了整個蟹餅，讓人咀嚼時能充分感受到蟹肉的鮮美。蟹餅外層酥脆，內部卻非常軟嫩，咬下去時口感非常舒服。而且這道菜也不需要加太多調味料，就已經非常美味。墨汁意大利燴飯 $168：燴飯口感creamy，味道濃郁，非常適合喜愛濃郁口味的人品嚐。墨汁的味道獨特而濃郁，加入洋蔥粒和魷魚粒使得菜品更加豐富多樣。整道菜的八爪魚也非常新鮮美味，而且份量十分足夠。整個燴飯的質感非常鬆軟，湯汁溶入飯粒之中，入口非常順滑。整體非常出色值得一食。日式煎銀雪魚配白麵豉忌廉汁 $298銀雪魚外層煎烤得略微有些酥脆，而肉質則非常嫩滑入口即溶，味道鮮美。配上白麵豉忌廉汁，鹹中帶甜的口味加上淡淡的豆香，令銀雪魚升呢，添了不少滋味。仲有軟滑的薯蓉混入了薯粒，令口感有層次。西班牙玉桂棒伴雪糕 $128Ｃhurros好長，外層酥脆口感煙韌，有香甜的玉桂味，搭配雲呢拿雪糕，不會太甜，非常美味，適合作為餐結尾的甜點。…Read More

常來觀塘的我又發掘到新餐廳，又要捉朋友同我試下啦，餐廳設每位最低消費一套餐，網上訂座更有85折，記得先訂位喇。晚餐只有數款套餐選擇，牛、魚、雞及豬，唔洗點揀，套餐包括餐包、沙律、餐湯、紅白酒及薯條酒任添。西班牙鬆脆包前菜先來麵包打響頭炮，質感外脆內軟，配上香蒜希臘芝士醬同油浸蕃茄。翠綠青沙律配香蒜吞拿魚油醋汁沙律菜新鮮爽脆份量不少，灑上滿滿芝士碎同混入不少吞拿魚。烤甜粟米瓜湯店員隨後遞上2小充滿泡沫的咖啡杯，心林都無點咖啡，一飲原來是粟米熱湯，有意想不到效果。香辣薯條餐牌上寫住任食香辣薯條，沒想過會以一大盤送上，薯條上的辣粉夠惹味，仲有茄汁同酸忌廉醬，還想說太邪惡了，只可吃幾條，點知最後清盤了～烤法國鱸魚配甜茄香草檸檬橄欖油 $398主菜以小蠟燭保持温度，上菜時店員細心講解食物，原條鱸魚已去掉主骨，只有尾部碎骨，基本上可以啖啖魚肉放心食。香草烤伊比利亞黑毛豬 $398黑毛豬以慢煮方式調製，望落呈粉嫩色，好juicy 食落一啲都唔鞋，不用沾燒汁已好夠味，呢道菜絕對有驚喜。紅白酒優惠期內免費贈送100分鐘指定紅白酒任飲，店員會主動添酒，十分有禮。餐牌上還有單點甜品，但真的太飽了，下次再試試。…Read More

咖啡店位於荃灣廣場附近，坐落於繁忙既食店街，進入餐廳後，能暫時把外面的煩瑣暫時放下。餐廳設2層高，但座位不算多，高枱位置可望街景，能否安排就要碰碰運氣了。日本櫻花蝦蟹肉露荀扁意粉 $128櫻花蝦灑滿意粉實在慷慨，配料仲有不少菇菌及露荀，蟹肉溶化在醬汁，食落似蟹膏蟹醬，撈勻後掛滿意粉，充滿咸香味好好食，難怪差不多每枱都點一客。水牛城炸雞翼 $68醬汁是同雞翼分開另上的，令雞翼外皮保持香脆，醬汁甜甜辣辣夠惹味。是日甜品 $68林好左食窩夫點知售罄，只怪自己太遲點餐了，失望左3秒後叫返個柚子芝士蛋糕安慰下自己。柚子味夠清新可減輕芝士的膩感，味道唔算好甜，但下次一定要再挑戰窩夫。Dirty  $45友人最愛嚐盡不同的Dirty，表示香滑濃郁。Bailey's Mocha $52加入甜酒既朱古力咖啡，每啖都飲到甜酒、奶味及朱古力味，比一般mocha更多層次，值得一試。…Read More

中環午市時間度度都人多到打仗甘，想揾間坐得舒服少少又唔太貴既真係有難度，呢間餐廳地方算大共2層，有幾個室外座位，望住街景飲杯咖啡又幾好喎，餐廳內枱同枱之間有一定距離，坐得好舒服。午餐都有十數款供選擇，由$128-$308不等，全部已包括自助沙律吧及餐湯。沙律吧有2款沙律菜同6款配料，醬汁都有6款甘，一啲都唔欺場喎，配埋餐飲另+$18-$22不等。是日餐湯餐湯為大蒜薯仔湯，初初仲擔心蒜味好濃，好彩還可以接受，薯仔蓉打至口感綿滑，飲落都好creamy。蒜香辣蕃茄汁大蝦意粉 $148辣度有正常、少辣或加辣，我來個正常好了，點知食落都幾辣，大蝦去殼食落啖啖肉，意粉唔會太淋身。吉列炸蝦伴芝士漢堡扒 配 薯菜 $148友人點的漢堡扒份量足，特別讚賞炸蝦，蝦肉唔霉又唔乾，得一隻炸蝦友人表示唔夠喉。…Read More

餐廳坐落於地牢位置，遠處已望見霓虹燈箱，所以都好易揾。外面看起來似普通西餐廳，入內滿有渡假露營feel，有晒帳幕同露營枱椅，當然唔喜歡椅矮都可以坐返正常座位，仲見到有鋼琴可以showtime。美食唔錯幾好食，甜品有驚喜，值要試呀。水手城單骨雞翼（5隻）$78單骨雞翼size 唔細，單骨食落好方便，有著脆炸外層，沾滿醬汁酸酸辣辣開胃刺激，仲有青瓜甘筍條配酸忌廉醬中和下辣味，perfect。 熱盛海鮮併盤 $258併盤有芝士焗蠔、虎蝦、魷魚圈及半殼青口。焗蠔大隻滿滿芝士邪惡惹味。細隻青口味道鮮美。魷魚圈炸粉略厚，魷魚口感彈牙。虎蝦散發陣陣咸香，味新鮮肉爽口。瑪格麗塔手工薄餅 $128餅底薄脆卜卜的，大小適中二人份量剛好，餅底塗滿蕃茄醬，加邪惡拉絲芝士、香葉碎和黑水欖，風味十足唔錯。日式綠茶紅豆比利時窩夫配雪糕 $68綠茶紅豆絕配組合一定好食，加了綠茶粉茶味更濃。窩夫外脆內軟，和雪糕一起食冷熱交融，沾上草莓漿好味。慢煮菠蘿配朱古力布朗尼配雪糕 $88菠蘿夠淋果香味突出，仲有層薄脆焦糖的，加上一球海鹽雪糕，鹹甜之間沖擊一下味蕾，而布朗尼朱古力味濃郁，蛋糕較為軟身，甜度適中。整體美味用心製作，甜品好正值得一食。凍水果茶 $42好足料好大粒雜果，甜度剛好，飲落清涼暢快，味道唔錯。荔枝接木骨花特飲 $42荔枝味清香，加梳打口感清爽，甜度適中，好飲。…Read More

約左友人放工去旺角晚餐，大家攰到唔想林食咩，知道好燒式串燒專門店於砵蘭街有分店，大家二話不說朝店奔去，好彩行快2步唔洗等，過多陣店舖開始爆滿了。 店內雖沒有豪華裝飾，但以食物質素及店員服務取勝，店員還提醒串燒可自選辣度。 日式汁燒魷魚筒 $88魷魚筒分成三串上碟，塗上薄薄燒汁，味道甜美，魷魚夠淋身好易嚼。 炸池魚 $38池魚仔大條香脆滋味，炸粉夠薄又唔會好咸，值得一試。 蒜蓉燒茄子（原條） $38開邊茄子舖上滿滿蒜蓉，每啖茄子都濃濃蒜味，中意濃味既朋友必點之選。 陰公豬 $28個名太QQ忍唔住要叫，冬陰公味香濃，甚有泰式風味。 厚燒玉子 $22玉子一串4粒，厚厚玉子味道甜甜地，熟度燒得剛剛好。 串燒豆腐 $20豆腐外皮微脆，好似食緊臭豆腐既感覺，內裡又不會太乾，好味。…Read More