Mavis5611's Profile

食完飯想飲杯嘢，朋友就推介話飲天仁茗茶，因為佢話有個選擇係特別好飲嘅。我一向飲天仁茗茶都係揀913茶王，好少會飲其他味嘅。既然佢話特別好飲，我就比面佢試下啦。佢就幫我叫咗913鮮奶茶茶濃少甜走冰，我飲第一啖就覺得真係幾好飲，奶味和茶味平衡得幾好，兩樣嘢不會邊個搶曬風頭，融合得天衣無縫，飲落幾香，幾清新。果然無介紹錯！下次飲天仁茗茶，這個選擇就是首選！…Read More

食咗三次啦！我覺得這間素食Buffet都幾抵食，我每次都係揀星期五夜晚去食，$150/人。其實出去食飯，如果唔係食foodcourt或者快餐，多數餐廳都差不多人均$150。我覺得這間素食餐廳食物選擇都幾多，又幾好食，對我來說，完全值得這個價錢。去到就覺得環境好清新，好靚，好浪漫（前提係無咁多人先可以感受到）每次去必攞美食串燒：這個必須要搶啊！見到就要攞啊，攞埋比朋友啊，因為一轉頭就會比人攞曬。一入口真係好驚喜，我真係覺得這個假肉好食過真肉，無真肉嘅騷味，同埋更加軟熟，更容易消化。碗仔翅：我真係好中意食菇同木耳，呢度嘅碗仔翅就集齊曬兩樣嘢，啖啖都係菇同木耳，好足料。Pizza：香脆可口，咔，咔，咔。芋頭蓉焗西米：好甜品feel。西芹炒蝦：假蝦都好食，refill 又refill。仲有好多嘢食都幾好食架，不能盡錄。口味都幾清新（除咗炸物），感受到食材嘅新鮮。哎，寫寫下食評又好想再去食……溫馨提示：午餐時段食物選擇較少，建議夜晚去。…Read More