benben01hk116's Profile

特意去咗沙田青年大邦 YOUNG DABANG 試好出名既超長年糕，整體感覺有啲兩極。點咗佢哋招牌酥炸魷魚皇年糕鍋，原隻魷魚上枱好有氣勢，仲有炸餃子、鵪鶉蛋、魚糕同拉麵，配搭算豐富，打卡一流。味道方面ok，但食落去偏油膩。蜜糖蒜香雞都係大份量，真係一隻雞上枱，仲有一大堆蕃薯片墊底，3個人都食唔晒，算抵食，但味道就比較單一，食多幾件會覺得漏。牛油香蒜薯條就完全唔掂，超普通又無牛油味，覺得浪費咗quota。牛奶芝士麻糬波份量少又無驚喜，價錢唔抵。熱帶水果梳打價錢唔平，3個人share其實每人得幾啖，唔推介。環境幾適合同朋友聚會，坐得算闊落。服務態度普通，無特別突出。總結：如果係想打卡，試下佢啲巨型炸雞鍋、超長年糕會幾過癮；但以味道同性價比嚟講，都可以一試既。…Read More

呢間係上環開左好耐既小店，因為同事買咗黎做散水餅，終於食到啦。每個Tart以為係迷你版，點知原來份量都幾足，可以切開4份分俾同事食，每個人都試到唔同口味~同事買左9個裝：- 咖啡焦糖燉蛋撻：焦糖香濃，似法式燉蛋嘅感覺，係最好賣既一款。-香橙伯爵茶撻：茶味同橙香好match，清新唔膩。-覆盆子朱古力撻：朱古力厚重，配上莓嘅酸，味道層次豐富。-雲呢拿士多啤梨撻：士多啤梨新鮮，酸酸甜甜幾討好。-Coconut Lime tarte：椰香加青檸，覺得有d酸。-黑芝麻抹茶撻：芝麻味好突出，加埋抹茶味有少少苦。-雜莓芝士蛋糕：芝士軟滑，配莓酸甜度啱啱好。總括黎講，賣相真係精緻，切開又唔會散晒，啱晒office分黎食。價錢雖然唔算平，但勝在味道多變又有水準，用嚟做散水餅真係幾得體。記得個包裝盒可以拎返間鋪，就可以換$25 現金卷！…Read More

睇youtube介紹呢間茶記，由一名OL接手繼續經營。吸引我既地方係仍然保留原有既裝修+班底，食既唔止人情味，仲有滿滿既老味道。就係老師傅煮出既味道，唔係一色一樣既預製味道。而新香更係少有自設餅房既茶記，每天都有新解麵包蛋撻出爐，真係非常難得。當日常既事開始減少，意識到日常好快就會變成回憶。今次試左佢地既撈麵套餐，一個撈麵+半份西多士或雞翼，非常岩我呢D又想食麵，但係又食唔到一個完整份量西多士既人!!!!!食物：1.撈麵套餐: 潮式炸醬公仔麵 + 西多士 $402.撈麵套餐: 麻辣口水雞公仔麵 + 西多士$403.支裝維他奶+$64.蛋撻5.凍奶茶+$21.潮式炸醬公仔麵 $40 宜家已經好少係茶記見到有炸醬公仔麵，見到餐牌有即刻叫個試下先。茶記炸醬既味道當然不是譚仔個鹹鹹地帶酸既味道。呢次食既款係帶有少少甜味，非常客易入口，配公仔麵簡直係絕配，因為甜甜地既味道，食多幾啖都唔會出好鹹或者好膩既感覺。公仔麵既麵質亦非常彈形，唔係煮到一半等有客人叫再煮返熱個種又硬又un既口感。2.麻辣口水雞公仔麵 $40惹味香口既味道一直都係我既至愛，見到茶記都有麻辣口水雞，一定要叫黎試一試。一入口肉質嫩滑，而且新香不是主打麻辣或者川菜既食店，當然對呢種比較專門既味道，要求相對都要降低返D，而佢地既麻辣味道適中，公仔麵係上面既提過係彈形，唔會好似食緊D好淋或者咬落少少硬既半熟麵感覺。3.西多士(撈麵套餐)西多士就驚喜不大，唔係話唔好食，係好食就一般應有既水準。只包中間有我最愛既花生醬。不得不提半件西多士+撈麵係剛剛好既選擇!!!!4.蛋撻新鮮出爐酥皮蛋撻，剛剛出爐蛋撻已經脹卜卜咁從焗爐拎出黎，事不宜遲就叫過黎食。酥皮非常鬆軟，層次分明，而蛋漿味道不會太甜，香濃蛋味。5.凍奶茶凍奶茶口感順滑，奶香濃郁但唔會太膩，茶味香醇帶微微苦澀，本人係幾鍾意帶少少苦澀，飲落茶味既感覺比較重，而奶既分量唔洗特別order都已經做到好適中，有時太多奶又好掩蓋左茶香，而奶少又會好澀。總結: 面對舊區重建，港人消費模式既轉變，大量連鎖經營既進攻。本地食店既經營環境雪上加霜，近年已經不斷有老牌既茶記結業，茶記算係香港人既集體回憶，非文化遺產。新興既冰室已變質，再不是以往茶記風味，即叫即整已變得奢侈。不要等到傳統老店結業前幾天先趕住去搭尾班車，襯日常事未踏入回憶既大門，請大家多多支持!!!!…Read More

夏天真係越黎越熱，出街指定動作一定係搵間甜品店食下冰。時下既甜品店由食物擺碟到店內裝修都越來越精緻。今次到旺角花園街既甜悅，打開Menu一睇，已經眼花繚亂。由傳統既中式糖水、台式仙草、芭菲、窩夫、刨冰、果汁，總之同個甜字有關係既都會叫到。既然來都來了，就當然叫多幾款試下，冷/熱各一，加多個豆腐花，試真D呢間甜悅味。1. 鮮奶桃膠椰皇燉蛋配蓮子 $69滿滿既桃膠塞滿個口，個種滿足感真係好難用筆墨形容，唔好以為重量不重質，桃膠軟硬度適中，不會咬到咀仔攰，只會多D黎密D口！食糖水成日會掛住食料，不知不覺就會飲哂糖水，但係呢個椰皇係比埋杯鮮奶你，可以自己Refill，奶香沿沿不絕送入口。2. 鮮雜果益力多芒果味綿綿冰 $67大家對綿綿花冰一定唔會陌生，冰好多間都可食到，但係大部分都談不上綿綿。甜悅既綿綿冰，單睇表面已經非常綿密，放入口中即時感覺到綿密既感覺，有少少龍鬚糖剛剛溶既感覺，或者係用用摸摸綿花既感覺。而味道揀左芒果同益多力，益力多強勁既甜味幫助帶出芒果既香味，而且味道唔會太單一，再好食既食物，短時間大量進食會有D膩。3. 蝶豆花富士山奶凍 $42藍色外觀加上頂部鮮白色，仿如一座迷你既富士山係你眼前，未滿足味蕾先滿足眼睛。第一口已經感受到濃濃既奶味，質感唔會太硬。就算食多幾啖都唔會話好甜好膩既感覺。即使係細食時女士都可以一個人食哂。…Read More

以前係禾峯開業多年既老牌冬菇亭大排檔～陳根記。因為工作關係多左係石門呢邊搵食，陳根記晚餐對我黎講係較貴，但係午餐同下午茶係好抵食。今次就同大家講下午餐先，午餐既選擇已經好多元化。佢既Menu分左4種：1.廚房飯 2.是日精選 3.湯飯 4.抵食推介廚房飯1.滑蛋牛飯飯2.京都豬扒飯3.咸肉豬油炒飯4.生炒牛肉飯午市推介1.蒸魚排骨飯2.椒鹽豬扒食後感：可能係大排檔班低，炒野真係有鑊氣，蒸魚時間亦剛剛好。特別想講一講椒鹽豬扒，平時出街一定係又乾又硬。但係陳根記既椒鹽豬扒真係好食，味道唔會死鹹死辣，肉質彈牙，咬起黎有少少Juice感覺。如果新鮮既炸蒜，真係錦上添花 。而炒飯類味道偏淡，但係講求健康既年代，起碼不是過鹹，要多少少味可以自己落鹽落豉油，算係可接受水平。總結：2餸飯當道既年代，令我更加追求即叫即整既食店。拎出黎熱辣辣，出哂煙既飯菜，未放入口已經滿足視覺既享受。陳根記以54蚊左右既價錢，包凍飲，即叫即炒即蒸，我無投訴。…Read More

04/09/2015 Friday去食個日係happy friday，當然係約好朋友一齊gathering一下啦，星期五仲要係食dinner時間，多人等位是常識吧。所以就係openrice隨意搵下有冇工廈既食店可以試下。左搵右搵見到間叫"慕茶"，咁就打電話去book位，其實唔book位都ok，因為見食店內都唔係好多人係度食緊。先講講環境，燈光都幾暗，而且室內幾熱，見到店主都擺左把風扇係度吹，其實人唔太多又冇限時，我覺得唔係露天街邊都已經可以。睇餐個牌都係一貫cafe既餐單，意粉/甜品/小食拼盤。當晚我地係三個人，叫左兩碟意粉，分別係"田園沙律"，"白油蜆肉意粉" ，"肉醬意粉"，加多個小食拼盤。野飲就一杯mocha/一杯綠茶紅豆/一杯綠茶latte。田園沙律係最正常，我覺得沙律都應該係冇咩可能可以出事掛。首先上台既係小食拼盤，幾舊薯角，4隻炸雞翼，仲兩個內藏沙律既雪糕筒。老實講，光看到"內藏沙律既雪糕筒"既外觀已經完全沒有食欲，雪糕筒完全係林哂既。剩下就是雞翼+薯角，實在唔明點可以賣到$108咁既價錢。不過個拼盤實在太難頂，所以連相都冇影過。然後黎到係兩碟意粉，賣相同我係屋企煮既一樣，唔緊要，食物都係擺入口(要求下降中)，味道先係皇道，食得出係家的味道，就係極普通的味道，雖然份量係幾多，但係三人聚會又唔係大食會，所以都係打動唔到我。去到飲品呢一環，真係一場災難。首先講朋友個杯熱既綠茶latte，個朋友飲完一啖，面容扭曲，之後我地逐個飲左一啖，接近水的味道，完全係沖濟既味道，而且仲要係沖到勁淡，完全不能入口。第二杯係抹茶紅豆，第一啖，ok wor，水準keep到，keep到水咁淡既味道。好彩有幾匙紅豆吊吊個味，先有返個甜出黎，叫做有d安慰，到杯凍mocha，其實係一杯凍朱古力，茶記水準，以"慕茶"黎講應該係最似樣既一樣食品。總捨黎講，我係一定唔會有第二次接近/進入/幫襯呢間野，味道已經唔係普通既level，係去到難食既地步，三個人食左371，以一個接近400蚊既價錢換黎一個災難既享受。…Read More