oliviatse's Profile

豬扒份量十足，同行友人叫左蔥油豬扒飯，我就叫左豬軟骨飯，我地分別都加左蛋，而我鐘意蛋汁撈飯，所以叫左燶邊蛋，蛋白位置脆口，豬軟骨一般，軟身少少就perfect, 但味道係唔錯的，仲有我鐘意既蓮藕做配菜，加左肉燥汁撈飯好開胃，另外豬扒好脆口，豬扒入口軟熟唔乾身，好有驚喜，而蔥油就好香，重點係好多，對於一般般蔥既一群，下次再黎，會叫肉燥豬扒飯，因為肉燥味道好好，送飯一流下次有機會再試埋其他小食，海蜇亦都係唔錯，重口味之選…Read More

鐘意煮野食既我，最近迷上研究甜品，但一個唔好甜野既人，點先可以吸引到我，當然係賣相laaa🙈 但呢粒鈕一次過滿足曬我好多個願望💕見到咁多款，眼闊肚窄既我，第一眼就被呢個拼盤吸引住😍靚到要餵飽部相機先😂 充滿好奇心既我，忍唔住即刻要問要問應該食邊樣先la，從師傅既介紹我感到佢對甜品既熱誠 呢個麵包布甸加左麻薯，口感煙韌，仲有加自家制糖蓮子，食落去唔係傳統死甜果種，加埋麵包布甸一齊食，感覺唔似成緊西式甜品，好香，幾特別，中間仲加左焦糖軟糖碎碎，正！ 之前自己都有整過Apple crumble , 但呢個最特別佢係將蘋果做左兩個口感，上面個脆脆絲都係蘋果黎，我最鐘意撈埋雪糕一齊食，而底層就係焗左既蘋果撻好驚佢溶所以之後就馬上食佢喇，但一食落發覺佢唔係雪糕，食落凍凍地，質地好滑，軟身，加埋個拿破侖脆脆食，唔錯，而粉紅色果兩支棒係士多啤梨蛋白，脆脆地，唔太甜，好香士多啤梨味，如果有得散買呢個棒就好喇😍楊桃做甜品真係好少有，之前食過楊桃味雪條，之後一直想搵楊桃做既甜品，而家終於比我遇到喇，上面兩塊係楊桃乾，咬落去係煙韌，香甜既味道，中間加左柚子絲，爆珠，楊桃酸酸甜甜好夾，最底桂花糕好清新，再一個創意之作個人係抹茶&芝士控，所以希望抹茶+紅豆可以再多d , 檸檬芝士餅少d，檸檬味少d 🙈, 但食落去味道出奇地夾咁多個裡面，呢個係我最鐘意，除左創意滿分，呢個係最唔甜既，白朱古力忌廉充滿好香既黑松露味，加埋個蘑菇形狀蛋白脆食一流，香橙燉蛋好滑，感覺自己唔似食緊甜品一樣，love it , 會再黎散叫，因為迷利版太細喇🙈玫瑰花係脆脆黎，我好恨咁將佢整碎，撈埋佢地一齊食，食落去脆脆+軟身荔枝，口感好得意 中間用左 Mascarpone Cheese , 怕甜既我將果醬整走左d先食到 , 呢個甜品有師傅專設既匙羹，所以唔怕擔心食唔到最底果層gaaa朋友點左呢杯好有效果既特飲，加左乾冰係底，所以會出煙，有氣而且唔太甜，杞子+番石榴味好 fresh食親甜品我就例必order 茶/水，畢竟我唔慣太 sweet 😂返到屋企好奇心驅使我睇下呢個師傅呢來歷，原來師傅來頭不少，從佢對甜品介紹，可以感受到師傅對甜品既熱誠，執著，從中不斷改良，制造驚喜，下次一定要黎睇睇有咩新攪作，支持一下小店…Read More

今晚因為大雨關係，唔想係街行黎行去搵野食，於是朋友就介紹左呢間，係地鐵出口就可以直達既餐廳本身想叫2人餐，但諗諗下想試下佢呢度既甜品，於是我就決定散叫喇 睇 menu 以為佢係平時食開既水牛芝士沙律，黎到本身有少少失望，因為心諗係食果樣，但變左第二樣個感覺會唔多好但食落又幾好食，個醬係用生果mix出黎，食落感覺好 fresh , 同所有野好夾，而木瓜食落好清甜，合桃食落脆身，變左有無水牛芝士都唔重要，因為其他野夾埋一齊真係幾好食，呢個絕對建議大家試下而主菜我揀左意粉，黎到見到竟然係好鐘意既意粉幼度，即刻忍唔住要試試佢，因為芝士汁嘛，呢個粗幼度可以吸得多d汁食落去口感適中唔會over cook , 汁夠濃啱曬我呢d重口味唯獨有d細碟，大碟d就好lu甜品我見到好多人都叫窩夫，但平時周圍都有得食到，所以我今次就試試個可麗餅，一黎到發現點解唔係抹茶紅豆既？落單可能手指指睇錯左Lol , 不過我已經比佢既焦糖香蕉吸引住，二話不說咁起動我隻叉🙈，入面係花生醬+香蕉，雪糕係雲尼拿，食落個味好好，同埋個可麗餅好夠熱（記得差唔多時間就叫店員幫手上甜品）呢個簡直係錯有錯著，我返屋企一定會試下整😋 最後野飲我就叫左 ☕️店員教要先咬左個焦糖蕃薯，再用匙羹飲一啖咖啡，再攪混個底d蕃薯，咖啡味唔太重，蕃薯竟然同咖啡係 match 到，好神奇😋👍🏽飲完好精神去睇戲，但訓唔著係度打左我係 openrice ge 食評😂 因為今晚真係好有驚喜，所以忍唔住要為佢打返篇 comment 而朋友果杯士多啤梨奶昔，就非常之少女😌，朋友話唔太甜幾好 之前已經聽過呢間餐廳，起初覺得有幾間分店會唔會全部menu都一樣，但友人食過原來每一間裝修& menu 都會唔同，咁我又有藉口再試埋其他分店喇，希望其他既一樣會有驚喜，到時再同大家 share 😛 …Read More

今日行過食左一碗好好食既淨餸，野食好食不在話，入面既伙記更加令我好意外，除左同你吹水外，仲會細心提你有野飲跟，隔離檯唔飲野，伙記仲主動加多幾條菜比啊小姐不特止，仲附上一杯凍水！香港地難得仲有d咁有人情味既鋪頭，從來未食過豆卜會預先處理好，配埋腩汁&辣汁，好好食，會再幫襯！…Read More