今日要去荃灣處理一些事情，就再去惠顧呢間小店。我幾個月前來過一次，試左佢地既意粉同漢堡，佢地大廚好掂，食物色香味全，性價比高過noc。今次就試左全日早餐同黑椒鴨胸pizza。全日早餐既窩夫口感鬆化，蛋香同牛油比例岩岩好，其他包括炒滑蛋，薯仔沙律，車厘茄都得好好，細節都好認真處理。pizza餅底係薄脆，芝士同茄蓉份量合適，配上鴨胸同黑椒，非常美味。飲品叫左Latte同京都極上玄米茶拿鐵，我吾係飲咖啡專家，不過都飲得出呢款咖啡豆係優質貨，非常好飲。今時今日經營食店非常困難，我見佢地生意吾算太好，但都好認真做好每個細節，係難得有誠意既小店，希望大家去開荃灣可以試下，支持下本地經濟。…Read More
我點了北海道帶子墨汁意粉，跟餐的餐湯是蕃茄魚湯，飲品點了凍檸樂餐湯已經有驚喜，湯底是鮮甜的西式蕃茄魚湯，加上豐富的配料，十分美味主菜亦一絲不苟，連放一旁的迷你蘆筍亦新鮮爽脆，意粉軟硬適中，帶子比較大隻，外面煎得金黃，裡面鮮甜，好味
我再點了心太軟作為甜品，食得出是級數比較高的黑朱古力，外面焗得鬆脆，裡面流心，是高水準的功力其實呢間小店食物水準媲美酒店級，2位年輕人用心製作，值得支持
