ashley62310's Profile

屋企人係大陸落黎，Book左晚麗豪酒店俾佢住得舒服啲，夜晚落左樓下食晚餐，估唔到唔貴又幾好食👍🏼。茶芥 $20/位、小食 $18/碟。。🥢南翔小籠包 $78招牌菜之一，皮薄多汁，整得幾正宗。。🥢龍井河蝦仁 $268呢個屋企人讚不絕口！蝦仁爽口彈牙，簡單龍井炒已經好鮮味，蝦仁細細粒，可以一口食，份量適中。。🥢三鮮炒年糕 $138年糕QQ好煙韌，配菜入味又多，炒得好香。。🥢上海雞絲春卷 $68小食類好抵食！又大碟！雞絲春卷好脆，春卷皮薄薄地，餡料加左啲菜好特別。。🥢豆沙鍋餅 $56份量多，豆沙好食，好滑，鍋餅皮煎到脆脆地。。🥢桂花酒釀丸子 $58酒味重丸子🍡好多粒，整得好QQ，2-3人share都夠食。…Read More

誤打誤撞搵左間勁地道又抵食既泰菜😂仲要係觀塘旺區😆.✅食物定價超平，但份量唔馬虎，仲要好鬼好食✅必叫小食類，好似炭燒豬頸肉先$58，九龍城勁多賣緊$98，但份量差唔多，燒得惹味又爽口 ；越式春卷都好正，鍾意佢個餡撈得好好味。✅ 香葉肉碎炒飯勁香口，超多肉碎，仲要有粒粒辣椒🌶️好泰國味，飯炒到粒粒分明✅生菜包$58又係勁抵😂😂佢啲炒肉碎勁正，加埋勁多洋蔥🧅惹味✅餐牌選擇好多，老闆話師傅係正宗泰國人，所以野食整得好正.❌講明熟食市場，環境就當然係麻麻架啦❌位置係1樓，平時好少會行上黎，都係地下有個牌先知上面1樓有間咁既餐廳❌除左環境，真係無咩可挑剔😆..🍽️Order左既菜式：炭燒豬頸肉 $58越式春卷 $58香葉肉碎炒飯 $65生菜包（豬肉）$58香茅椒鹽雞中翼 $68菠蘿冰 $ 26象啤 $ 28.…Read More

Lunchtime係科學園食飯真心慘😅間間餐廳都逼爆人，今日又黎飯堂食lunch，平均5/6十蚊個餐，已經係科學園差唔多最平。。🥢叉燒炒滑蛋飯$54上菜極快，方便我呢啲快快手食完既上班族，滑蛋夠滑，唔會加太多水炒蛋，有蛋香味，配埋大大舊叉燒，叉燒都燒得幾香口，同埋重點係多蔥。。🥢咖哩坑腩飯$63咖哩牛腩加幾蚊就升級坑腩飯，坑腩最正係一條條坑，牛味夠晒濃，又帶少少牛骨軟膏，咖哩好唔錯，香而不太辣，似港式咖哩煮法。。跟餐加$13有腩汁菜心，合理價錢，份量適中。…Read More

成日食外賣都唔知食乜好，今日經過大埔買餸見到呢間粥店好多人排，見天氣凍凍地幾適合食粥⭐️狀元及第粥 $38足料既及第粥，粥底夠綿，豬肉丸彈牙入味、豬粉腸同豬內臟都洗得好乾淨，粥身色白鮮明，唔錯唔錯。⭐️ 鹹肉粽 $17定價好平既鹹肉粽，但都絕不馬虎，應有盡有，重點既肥豬肉同鹹蛋黃都有齊。⭐️ 鮮鯇魚腩粥+ 咸蛋 $41街市買鮮鯇魚腩都唔平，佢有成5-6片，真心足料，個粥綿綿加上魚腩，又咁岩無咩骨，暖粒粒幾正。⭐️牛脷酥 $10岩岩新鮮出爐既牛脷酥，香脆可口，餸粥食岩晒。⭐️炒米粉 $14大大盒都係收$14，無咩好炸型啦，加埋辣椒醬食炒米粉最正，夠鑊氣。⭐️蝦米腸粉 $16本來想食炸兩但賣晒，最後叫左蝦米腸粉，腸粉夠滑身，加埋蝦米更加香。⭐️豆漿$9支裝豆漿$9/支 ，正常發揮，不過不失。…Read More

食放題，第一時間會諗起邊間？ 做放題做到差啲上市既大喜屋應該都係我地香港人食左十幾年既童年回憶🤣讀書時食到而家出黎做野，都仍然屹立不倒係香港，過左都起碼2年無食，今日lunch time 同朋友食下有無唔同左。.午餐時間幾抵食，$188 由12點食到3點，食完個lunch基本上都唔會食得落dinner。一餐=3餐錢🤣.放題基本野就分自己落單同外面自取，自取吧款式都唔少，飲品仲分左凍熱飲品/清酒/啤酒… 食物種類就離不開沙律、海鮮、熟食咁.放題最緊要食刺身，成日覺得我食刺身可以食到回本🤣 鍾意放題既刺身係一片片叫，食幾多叫幾多，唔食個啲唔使迫你食。大喜屋仲有樣好係即叫即整，係就係預左等耐少少，但每次你食幾多片先切幾多片先夠晒新鮮。除左刺身，其實壽司都唔錯，尤其係平時出面都好貴既卷物、炙燒左口魚、海膽手卷，都係回本位。.食完凍野就食熱野，有一品料理、炸物、燒物、串燒、主食… 最後仲有一人一杯雪糕。款式都唔少，但好似記得殿大喜屋多好多野食，咁當然係一分價錢一分貨啦。以呢個價錢食飽飽，3小時舒舒服服，絕對好滿意。…Read More

今日係銅鑼灣約左屋企人食中餐，擇左呢間幾特色既中菜館，位置方便係希慎廣場內。.想講價錢都幾抵食，比我想像中平同好食，前菜簡單叫左個「陳醋手拍青瓜 $48」酸酸地好開胃「XO醬生啫唐生菜 $98」好有鑊氣又惹味，上碟滋滋聲。「名館厚切叉燒皇 $88」叉燒真心唔錯，$88黎講係好抵食，肥瘦適中，「黑松露翡翠炒帶子 $138」黑松露味重，加上帶子彈牙爽口。.仲叫左個好好味既「招牌酸菜滑魚片$298」，辣度適中，夾雜好多酸菜同薯粉，香料好正宗，花椒味較重，魚片無骨好滑。.最搞笑係個甜品「十三么$118」，我屋企人好鍾意打麻雀所以好欣賞個甜品😅打卡岩晒。口味都算唔錯，係椰汁糕😬.估唔到呢間中餐館食物同價錢都幾ok, 可以考慮再黎食😆…Read More

好嬲好氣憤，呢間餐廳唔知點解會有好評，好垃圾好差。一定要同大家講。話說我上星期黎食，食完本身唔係好食但又收得貴都算。以下幾點真係好難接受囉！.1: 餐廳無酒牌賣酒，睇著食食下野被人拉2: 嚴重違反限聚令，一張檯坐成8個人都得，睇著佢地無show針卡3: 廁所極級污糟，衛生情況好差4: 食食下野聞到煙味，原來仲容許其他人喺度食煙5: 間鋪勁細間，大熱天時係出面等位好耐，本身又話入得，但等勁耐都無枱，根本就係拖著你時間係度等。.大家想受氣就去食啦😪😡😡…Read More

😩😩好失望呀！😭😭😭😭係米線關注組睇到話好食，特登黎食個套餐，餸少不在講，價錢勁唔抵😒😒擺明係搵人食文既。個套餐啲料全部都好cheap,咩栗米蔥同蕃茄都可以算配料🥺🥺最慘係一場想黎食米線、點知佢個米線係分開上既，所以個米線好凍，就算加落熱湯都唔夠熱，米線好硬又碎，食落口唔係一注注，係一忽忽咁😔😔收呢個價，除左個環境都叫ok咁，食物真係唔掂又無料，好似午餐肉咁平既料都要薄切。湯底無咩特別，比清湯濃少少咁 。好被昆既feel 😞😞😞…Read More

又係一間唔知點解咁多好評餐廳😅😂 叫左個原味pancake, 舖頭請自助，叫完嘢食之後等嘟嘟機響就自取，餐廳勁唔環保，用膠叉😅但仲要收得唔平。以為佢夠soft會好淋，點知咬落口成pat粉咁，唔太喜歡個口感。…Read More

$4x個早餐有菠蘿包同蕃茄火腿通粉，跟野飲。個菠蘿油係唔錯，可能朝早新鮮出爐，牛油嫌佢唔夠厚，反而個通粉就麻麻哋，湯底好淡，冇乜蕃茄味，價錢有點偏貴，平時早餐三十幾，呢度要$40起跳…Read More

壽司好鬼大舊，搞到最後食唔晒😅😅😅下次可唔可以唔好咁多飯，佢既魚生壽司我覺得麻麻，反而鰻魚壽司性價比幾高，大大片鰻魚。其他野食都算平價既，而且間鋪夠大，成班frd岩黎。…Read More

呢間點心鋪唔係開咗好耐，啱啱開張嘅時候成日都幫襯，而家質素每況愈下，好麻麻地，呢個沙律角，得返沙律醬，蝦都好少，個炸粉有啲硬唔係好夠脆。其他點心都麻麻地，比起以前差太遠了。…Read More

夏天要黎食真係要鼓起好大勇氣，天氣真係好熱😅🤣而家開咗新鋪喺隔離店，地方大左冷氣大左，豆腐花夠滑身，但我都係中意佢個豆卜，夠脆卜卜又有豆味，煎豆腐都好食，所以雙拼岩岩好。…Read More

以前食嘅時候得元朗先有，而家越嚟越開得多分店，愈出愈多新款，但其實我始終鍾情佢個豬肉燒賣配辣椒油😍😋出面真係搵唔到。.反而白魚蛋麻麻地，好似無咩味咁，都係燒賣好食，仲要蒸唔係炸😅😂…Read More

由細到大都嚟呢度飲茶，點心好食過晚餐。午餐個燒腩仔幾十蚊喳😅😂但係勁好食🥰🥰好食到叉燒明明都好食但都比不上。燒腩仔最正係脆邊得黎唔會硬，係極鬆脆個種🥰🥰…Read More