Soso1205's Profile

今日嚟呢間餐廳食下午茶，點咗個豆腐手幹麵，埋單都係$30。個豆腐好足料，真係成件上，外脆。嗰面見佢都係即時整。配料非常充足，真係好好味。而家喺香港好少可以食到$40樓下但係都係好好味!!! 真心推介，我會再光顧的。 …Read More

老人家好鍾意食稻香呢個品牌，老人家話要去食稻香，心知不妙！ 叫咗個豆豉蒸鱔，呢個係唯一一個覺得OK可以接受嘅，但係價錢要$148。仲有一個$108嘅蒸豆腐扇貝，呢個價錢自己屋企整仲好食🤕️ 食食吓嘅時候，見到豆腐上面有啲不明物體，同咗經理講，佢話多謝意見反映😂 OK 仲叫咗個燒肉拼粟米餅，個燒肉有一陣溢味。最後叫咗個$88炒菜，可以少啲油。 最後關於服務，舉手好耐都係冇人理。 我見到有人要敲杯叫姐姐😂 真係搞唔掂喎…Read More

叫咗個$118西冷牛扒，知道而家通脹，唔會太高期望，但係點會諗到，嚟咗個塊扒，絕對唔係呢個$118價值囉，食落去似啲快餐$40-$50嘅扒，認真搞唔掂喎呢間嘢！！食完絕對覺得好似俾人呃！！因為真係唔值$118呢個價錢！！因為真係唔值$118呢個價錢！！因為真係唔值$118呢個價錢！！塊扒好明顯用鬆肉粉整林晒完全食唔到牛肉味淨係咬到林謝謝嘅嘢真心黐線！！！！！！！因為唔知食咩先入去諗住試吓點知嬲住走…Read More

行過諗緊食咩，見到有間韓式餐廳，就同朋友走咗入去食，個Menu都幾吸引，所以我就嗌咗海鮮湯，朋友叫咗石頭鍋飯。份量偏小，石頭鍋飯有飯焦，其實係幾好食嘅啲飯焦，可惜啲配料真係少，咁樣好難下次再去食囉。同埋我哋兩個人每人嗌一個餐，前菜都係比一份，問咗可唔可以加，話冇晒貨我個海鮮湯，全部海鮮都係超細粒，仲要食嗰個蝦米咁嘅嘢有沙真係好唔掂喎！份量少，味道一般，所以令我覺得價錢偏貴。伏！唔抵！不太建議去食 似茶餐廳多個似韓國餐廳。連最基本嘅韓國筷子都冇 ～ 係普通茶餐廳筷子…Read More

態度惡劣!第一次入去，見餐牌有下午茶，就order 下午茶。因為第一次叫，唔知原來下午茶包一個面再加有小食包埋，個丫姐淨係問要唔要加埋個小食，又唔講聲係下午茶會包埋（相信講句「包埋呢個小食」唔會花費佢好多時間）咁就走左，話我唔要個小食喎… … 嘩嘩嘩！態度差到呢！！過咗冇耐，見佢哋（d丫姐）竟然一齊鬧食客！鬧個食客：「坐喺d未執嘅位度，即係加重我嘅負擔姐！」（其實個地方有幾大？得個幾張枱，張張枱都有人，叫人坐邊？）仲有，見個丫姐碗面都放喺另一張枱，等個食客自己過去拎！認真第一次見識！我認自己見識小！呢間…不了食埋丫姐d氣！食個下午茶姐…總之就垃圾！食物味道又一般！不了！…Read More

叫侍應俾沙律醬，竟然可以無人理!!叫左4次之後...再問，侍應竟然話老闆係度唔俾得痴線！咩餐廳！最後杯薏米水係臭叔水！未食過係咁差既餐廳！食完係嬲住咁走！真係堅嬲！！!!!!!!!!!!!!!!!!!!!!!!!!!!!!!!想全部0星！退左杯薏米水，改左第二杯。無退反個加薏米水既3蚊😡 …Read More

去呢間餐廳因為mami係報紙見到做推廣~ 拎左張平5蚊既coupon就走左去試lard salad 正常啦...係個醬汁可以再改善...其實個價錢都幾便宜,開頭無諗過有蠔食...見到就當然試下啦面個層其實食唔出係咩...老實講...唔好食試個蠔...係細粒左d...我食個粒仲要有少少沙...不過都係個句...咁既價錢..合理啦雞翼正正常常...不過唔夠入味菜心超好大條但係係苦既呢個串燒其實係ok既...醬汁個味道適中串燒其實見佢個setting係即叫即燒,可惜原來一早燒好哂客人一叫..職員就打開個蓋未熱過就夾俾你亦都試過佢既雪耳木瓜..呢個真材實料...讚總括泥講...適合d狂食野既人士去既唔可以期望太高食既係午市...都發覺好多團體到場比較嘈雜喜歡歎既人就唔係幾岩去仲有...職員態度一般...目無表情...笑容欠奉…Read More