tweentyfung's Profile

星期日嘅下晝想話同老友係大角嘴覓食填飽個肚慰籍心靈。行過見到呢間舖裝修頗有日系隱世小店感覺，仲有個健康套餐step 1234咁好似好豐富好多嘢揀，就行咗入店，殊不知呢個係罪惡嘅開始。嘢食黎到嗰刻我真係呆咗。$78一個餐黎到得三啖蕎麥麵麵同幾片packaged黑椒牛肉，沙律嘅份量最慷慨，呢個價錢嘅套餐居然連飲品都冇包，最平嘅飲品都要加$18先有。味道一般正常，感覺只係將超市買嘅食材組裝，性價比極低，完全食唔飽，唔會幫襯下次。另外堂食餐具居然係一隻細膠叉，觀感同門面預期有落差。各位行入去之前三思！…Read More

週末下奏臨時被放飛機，夜晚仲有局未返得屋企，即興係網上search附近嘅cafe，見到塔羅主題覺得幾得意，就黎咗hea時間。當然真係好熱，叫咗affogato，雪糕係movenpick 楓糖口味，甜中帶有微粒堅果，同espresso嘅味道幾夾😋幾好食最驚喜嘅係塔羅環節，menu下方有塔羅諮詢嘅詳情。塔羅師友善有耐性，有燒聖木同水晶冥想環節淨化卡牌；關於現況嘅描述好準，而且牌同牌之間互相呼應，好神奇！關於未來就未知，中咗再update🤣整體體驗非常良好🫶🏻離開嘅時候真係有種淨化完心靈嘅感覺哈哈推薦！下次會叫埋朋友一齊黎同試下甜品…Read More