valalunglung's Profile

今日出左成日街夠朋友買去旅行既用品，行左成日又買左成日野，點都要食餐好既滿足一下個胃啦。呢間餐廳之前同事食過，話好食叫我去試下。諗唔到食咩既時候諗起就黎食。好彩時間仲早上到去有位，餐廳既環境唔錯，令人覺得好舒服。炸雞翼，外層炸到好脆，肉質嫩滑。芝士煙肉焗釀燒烤菇，烤菇唔會燒到好乾身，而且烤菇好厚肉，面層有滿滿的芝士和煙肉。傳統卡邦尼意大利麵配溫泉蛋，食之前當然要將溫泉蛋同意粉拌好啦，但自己覺得唔夠creamy，而且醬汁唔係好夠，如果多D汁會好D，麵質就岩岩好~~…Read More

每次想食壽司首選一定會係元氣，而且身邊好多既朋友仔同我一樣都係元氣既fans。平時最怕等位既我為左食佢都一定會排隊熱辣辣既炸蝦卷，炸蝦的外層炸得香脆加上彈牙的蝦，一定要點啦~~元氣卷可以話係我既最愛，一定要叫2碟，新鮮的肥美的三文魚加上壽司飯包住的香脆的三文魚皮，超完美芥辣八爪魚，一定要係元氣食，佢地既味道係最好，而且夠辣三文魚腩，好肥美滿滿既新鮮蟹子，食一啖成口都會有蟹子吉列炸蝦，卜卜脆的炸蝦，夠大隻~~軟殼蟹手卷，熱辣辣炸得香脆的軟殼蟹加上滿滿既沙律醬，超美味甜品今次食千層蛋糕~~…Read More

之前行開百德新街，見到呢間餐廳好多人食，又多人排隊，朋友就話佢之前食過，呢間的漢堡包真係唔錯，所以今次就約埋一齊去食。8點鐘到餐廳已經滿座，而且已經有人排緊隊，所以我地都要等左一陣先有位由於唔係好肚餓就叫咗一個軟殼蟹漢堡兩個人一齊食，漢堡包真係好大份，麵包鬆軟，而且軟殼蟹好大隻，軟殼蟹炸得香脆，而且肉質好厚，加上蕃茄和生菜。食完半份都已經飽:)芝士旋風薯條，超多的芝士醬係上面，薯條香脆，配上芝士醬一齊食超夾，搞到我地食唔停口…Read More

今日同同事去兆萬買東西，發現多咗一間韓國餐廳，自己嘅記憶中兆萬見得最多的一定係放題，現在多了一間韓國炸雞，而同事平時最喜歡的就是韓國菜，佢又點會錯過門面簡簡單單就已經吸引人的眼球，待應帶我地到座位發現有一個好貼心的地方就是居然有USB的充電位岩哂電話唔夠電的朋友雞蛋卷熱度足夠，內裡有明太子上面再加一層芝士，入口雞蛋卷軟淋淋，啱啱好又唔會太流，可以配上芥末醬一起吃原味炸雞外皮炸至脆身，雞肉的肉汁被鎖住在裹面，咬落多汁，肉還是嫩，粘上2種醬汁味道又會有一些的特別。炸雞再配上薯條自己都係第一次，不過對於喜歡食薯條的人來說又是一種特別個拼盤好適合我依d心大心約細既人。好多韓國既小食咩都有樣樣都可以食一D，重勁多芝士蔚藍吹雪就是藍莓乳酪沙冰，飲落好似食左勁多藍莓咁，好足料，本身我唔係好食得辣，夾埋杯沙冰簡直一流…Read More

放工之後約左朋友去食飯，成日都係尖沙咀食野真係有時都唔知食D咩好。所以有朋友提議去食齋，齋平時就好少食，今日就去試下。炒芽菜，爽口得黎加上有小小辣味，真係唔能夠唔叫既小菜素鵝皮脆又唔油，仲要好鬆脆，裡面包住甘荀絲、冬菇絲同木耳絲材料十足上海粗炒麵好可惜，菜比較多，但太過油膩，食左少少已經唔想食紅豆煎餅完全唔係上海個隻，好似放左好耐先煎出黎咁，自己覺得太甜猴頭菇津白甘栗煲熱辣辣咁上黎，而且煲到D食物入哂味，每啖都有滿滿既醬汁…Read More

今日的甜品走左去食Lady M, 之前就想去中環的分店食，但每次都忘記。今次諗左好耐銅鑼灣有咩甜品點知朋友就話去Lady M。不過估唔到既係原來都好多人排隊，等左30分鐘先有坐好彩同朋友傾下計一路等都唔覺得耐。原味千層蛋糕，每一層都做得好薄配上分佈平均的軟滑忌廉，味道甜道適中，有入口即溶的感覺士多啤梨海綿蛋糕，忌廉香滑，海綿蛋糕鬆軟加上細細粒的士多啤梨果肉，自己比較鐘意呢到既士多啤梨蛋糕，唔會話好甜…Read More

放工想吹水又想食翻餐好嘅安慰下自己，去左一間俾門面設計吸引嘅café，入到去環境都幾舒服，好適合同一班好姊妹黎個girl’s talk。食物種類好多，樣樣都好想試下，但可惜兩個女人仔個胃唔大英式鬆餅配玫瑰蘋果果醬，鬆餅比想象中細左少少，不過味道冇令我失望小食一定唔會少，由其個芒果芥末醬，令人想一啖接一啖甘食，成個拼盆有多士條、燒雞翼、芝士炸魚條、炸薯角、黑松露溫泉蛋、沙津。最驚喜系芝士炸魚條，芝士可以拉到一支筷子甘長，芝士控必食。另外，雞翼有少許甜，好似蜂蜜雞翼甘，不過不失，溫泉蛋好重黑松露味，落足重本。薯角沙津菜就比較清新燒羊架火喉岩岩好，有7成熟，完全無so味，而且可以食到肉汁嘅甜味，一個字，讚！擺盆好靚，成個羊架比人個感覺好高貴，而且同價錢成正比，睇得出廚師嘅心機。…Read More

友人係九龍灣番工，接埋佢放工就一齊食下野吹下水。呢間餐廳既環境都好得別，係日本鐵路既裝飾。小朋友一定好喜歡。蒲燒鰻魚飯，勁多既紫菜係面，仲以為鰻魚燒到變炭咁。唔講紫菜既話，個飯都真係唔錯，鰻魚大條又肥美肉質嫩滑，配上燒汁味道十分豐富。仲有雞蛋卷同埋D燒汁一齊食味道特別。而且份量都好大，食完好飽。魚生飯，雖然係切粒既刺身，但係都好新鮮，又多。…Read More

Lunch真係諗唔到食咩好, 見讚記唔多人食個簡單lunch都唔錯。白汁加栗米，個汁比較杰身，撈完個麵唔係好夠汁咁….炸魚柳香脆，魚柳好滑，食落口仲熱辣辣，仲有2塊火腿。意粉就比較淋啦。一個lunc都係$48好平，份量又多。…Read More

寶島的外貌似足一間普通港式茶餐廳，但其實它的食物種類有很多選擇，除了一般茶餐廳的炒麵炒飯外，也有日式鰻魚及韓式辛辣麵等。今日我就叫左個窩燒芝士麵配牛肉，一上枱已經聞到芝士香噴噴，面頭的牛肉份量不少，雖然有少少過熟但都不算太韌，可以接受。辛辣麵的軟硬度剛剛好，因為我比較喜歡偏硬的麵，不怕會越食越淋。牛肉之前已經用洋蔥煮過，所以食落有陣陣洋蔥香甜味。*如果芝士可以多D就更好啦…Read More

同朋友去葵芳行完街之後諗唔到食咩好就去食吉野家試新出既芝士火鍋。芝士火鍋可配公仔麵, 烏冬或粉絲。鍋入面既餸有青椒、黃椒雞粒已經煮好。有一碗芝士,你鐘意放幾多都得, 我就將佢全部放哂入個鍋到, 等到煲滾再放入麵就食得。芝士味好濃郁，雞肉好滑，公仔麵撈芝士一齊食口感好特別。…Read More

又係食甜品既時間啦~今次試下黎間貴族甜品, 心太軟配兩個雪糕但朱古力味唔夠, 皮太厚。芒果河粉撈真係第一次食咁既河粉一D都唔好食, 好後悔叫咗最後就咁食芒果同芒果沙冰算數。龍珠二世上面有好多西米, 珍珠Q嫩帶勁, 龍眼少少甜, 芒果好彩唔酸。…Read More

午市及晚市時段經常爆滿，所以我通常趁佢一開門就入去午市套餐跟埋紅/白湯&野飲，我揀左紅湯，湯入面都有不少蔬菜料，少少辣帶點酸，主菜有成10幾20款野揀，炒飯呀魚柳呀同意粉等，我就叫左牛排7成熟配薯菜肉質方面唔可以要求係高級貴價貨，但就一定好味過茶餐廳鐵板餐，有少少筋但切走佢唔食就ok, 面頭個汁有啲豉油味 (港式据排通常都係個汁有豉油味~~~)底層既薯條應該因為剛開鋪新鮮炸起既關係，所以係熱辣辣呢個價錢食到呢個質素，好OK啦…Read More

同朋友食完晚餐，之後話想食蛋糕，附近又有Passion就去食啦!去到餐廳剛剛好長檯有3個位真係好Lucky平時嚟到都好多人多都滿座。咁啱今個月係聖誕節就出咗聖誕樹款蛋糕，出面係一層朱古力而入面就係柑橘慕絲蛋糕。朱古力加柑橘慕絲一啖食落口，口感好特別，好有柑橘味。朱古力拿破崙，好香濃嘅朱古力味，我食試咗少少已經唔想食，上層朱古力塊好脆。RASPBERRY拿破崙，酥皮好脆，吉士好creamy又多，一啖食落口好滿足，想買多件食…Read More

每次行完街都會黎食呢間泡飯，上枱時會用隻碟仔裝啲脆米俾你食既時間就加落啲飯到，好有咬口呢個飯岩晒我呢種懶人全個飯用羹就食到，湯入面有啲菜粒、粟米、鮑魚絲，加埋個鮮甜既魚湯，真係好好味…Read More