Debbie M's Profile

見網有呢間店嘅宣傳，特意一試。服務（趕嘅，唔俾時間你諗叫咩，但有保持笑容）。飲品有啲貴（已經話怕甜，但仲建議我飲68蚊嘅虎咬獅），但其實好甜（應該係好個人嘅），但我飲唔到） 。初時表達太甜唔理我，我埋咗單之後見冇人等位諗住打埋食評，之後負責茶水嘅一位男士問換第二啲嘢好唔好，咁我欣然接受咗杯凍咖啡。算佢啦。食物方面，我揀咗好卵 緊張咖喱粉麵，咖哩麵ok ，我鐘意。如果同朋友來，會想試試啲蛋糕。Overall, 可以一試。…Read More

位於中環escalator 附近，外面看來有點格格不入，但在炎熱嘈吵的環境中，不失為鬧市綠洲。餐湯有cream art,加上truffle oil。味道👌但有點膩。Set lunch 主菜會定時轉換。健康又好食之選係呢款三種魚的main course。配上波菜跟薯菜粒，美味又有營養。我鐘意其他的魚都ok,但不及我的至愛，都係三魚maincourse好啲咖啡質素不俗，Americano 唔落奶更能享受咖啡香。latte art 甚是細緻 (呢杯係mocha)~ 張畫就...見仁見智~~~如果想食簡單啲，可選早餐 ~ 有Egg Benedict之類的~~~ 🥚🥚🥚…Read More

Lovely colonial ambiance in Tai Kwun (Central Police Compound) offering authentic Cantonese flavour. A small menu, though limited choice but no lack of awesome dishes. Can chill over cocktails indoors or alfresco.Recommended: -Wok-fried rice noodles with Angus beef-Crispy cod with vinegar and ginger glaze-Smoked bean curd with mixed vegetables-Pan-fried turnip cake with conpoy and XO sauce…Read More

這陣子多吃了，趁自己一個人，去吃吃廣東人的comfort food ~ 唔該，一碗細蓉 (1個1両重的麵餅+4顆一雲吞)。麵是傳統地放上面。雲吞皮薄、蝦夠彈牙與大地魚湯很配合。有些朋友喜歡雲吞像乒乓球般大的。不過我還是較喜歡細細粒的，因為一口一粒，剛好吃畢雲吞呷呷湯，再吃口麵，味道層次分明。也就不只是為了均衡飲食，吃雲吞麵總是配碟芥蘭合適。鮮嫩的韭黄亦為上湯錦上添花望望餐牌，都算頗貴啊。😅不過還是值得的，傳統要好好保留着啊～。…Read More

青衣城多咗第二期，食肆好似多咗好多，但若6點半後搵食已開始有難度。6點半攞枱，8點前交枱。屋企人話想食生蠔，於是試吓Oyster Station。原來每日都有1款10蚊隻，至於來自邊個國家就當日而訂。今日係:南非。好creamy。感覺好似港產蠔仔嘅珍寶版。配咗杯南非chenin blanc。無論係味道同質感上杯酒都俾啲蠔搶晒，唔夠balance。墨魚汁魷魚燴意大利飯。上碟唔係咁嘅，不過唔記得影。墨魚汁好似係可以抗氧化同防癌。食到成口黑晒都冇計。炭燒西班牙極黑豬配青蘋果醬。向來燒豬排同蘋果醬都好配。呢個唔例外。配菜感覺幾有機，好嫩。我特別鐘意條甘筍。不過咁，上菜嗰陣碟豬唔夠熟，侍應話西班牙豬係咁喎。不過我哋都係唔慣。埋單嗰陣知道張單過500蚊用某某銀行信用卡有9折(特價品唔計)。再加件蒜蓉包。熱辣辣脆卜卜。…Read More

約咗兩位ladies食飯，仲有啲新年氣氛想食中式; 但又唔想佢哋怕太油膩~結果呢杏本雪影叉燒包外層香脆，肉汁濃郁，剛焗起的。加上係第一碟，回味無窮~香蔥金腿花膠蒸腸粉，取名為炒筆生花; 但皮太厚，同花膠唔夾。中東吉品飽魚酥，飽魚我係滿意的，酥皮亦鬆脆; 不過放响底嘅燒鵝就~~真係有啲'酥'味。唔夾。香茜星班燒賣。除咗星班外，其實仲加咗墨魚，呢兩樣就夾了，墨魚巧妙咁將原來軟軟嘅星班加上彈力。呢款唔錯，又唔駛成日食豬肉咁膩。松露翡翠竹苼卷。翡翠係指卷內嘅波菜。啲白菜切成一朵朵嘅花，好靚，好優雅荷葉飯滲着我鐘愛嘅葉味!一人份量，對兩位輕盈嘅ladies好似多咗啲。對我就啱啱好~附送美點隻輝。一軟一脆嘅甜品，滿足我兩個要求。…Read More

用一個Q 字頭嘅網站book 大公館，去到先知冇booking。聽講網站已經冇經營。餐廳full咗，不過店員幫助callD1地下的日本菜Umai。見menu有好多選擇，而且看來頗有日本風，所以就來一試。部份menu~枝豆冇咩特別，不過配sake都唔錯。我點咗八海山。生蠔偏creamy。蠔味十足，aftertaste 不俗。其實唔配汁仲好。串燒鷄軟骨，好食。不過冇我鐘意嘅燒銀杏。烓牛舌not my cup of tea, 但朋友好鐘意。壽司水準一般，10件$280，唔貴。雜菜牛肉壽喜燒。太鹹了，配的蛋汁有蛋味。另: 點了咖喱飯，亦覺太鹹了~至於氣氛呢…啲歌有啲雜，一時播90年的日劇歌，一時又播吓小數民族歌、台灣歌~怪怪哋嘅。不過整體都食得幾開心。…Read More

個幾月前去食過青衣城的南小館，可能係新開張，服務一般。今次感到有明顯改善。脆脆的花生做餐前小食，不過不失。蕎麥茶，好香咬口十足嘅海蜇，配上青瓜及醋感覺清新鎮江小排骨，調味得宜。雲耳爽滑令人開胃 腐皮卷香脆可口但略嫌油膩粗炒上菜唔夠熱，配料稍覺不足。炒年糕軟滑彈牙黃花魚肉味可以，但外皮略為油膩黃金南瓜露荀鹹蛋香濃郁，配上南瓜露荀平衡油膩感。一人幾口最合適 (成碟就唔好了)。咸肉炒飯ok大良炒飯味太重商場內集團開嘅餐廳，比較標準化。附近冇好多嘅選擇，7點左右埋單外面已大排長龍~…Read More

老闆請食飯，要超近公司，又要食好啲嘅，我安排咗龍璽。VIP房除咗有張可坐十幾人的大枱，仲有梳化。兩面落地大玻璃，氣派十足。中式酒樓嘅餸菜有時的確令人摸不著頭腦。我的至愛: 水晶玫瑰，當然並唔係水晶，亦同玫瑰冇關。佢係小海母。外國的朋友見到佢，通常都俾呢個樣我睇，然後有禮貌咁淺嘗(但睇上去似食怪獸)。其實佢好爽好滑，又含碘同蛋白質，從中醫角度又可以化痰潤腸。黑松露蜜豆炒蝦。呢碟一般啦，冇咩驚喜。知唔知呢碟係咩?居然全場大受歡迎的魚湯浸羽衣甘藍。望落好似好老 冇咩睇頭; 食落呢~軟軟的，湯又入味。係當日所點三碟菜之中最受歡迎的(瞬間食畢)。加上又有抗氧化營養素，維他命A、C、鈣質等。(自己試吓咁煮先!)龍曆新年少不得意頭嘢，呢碟~煎金蠔，有好市的寓意。(居然有本地人唔知~) 半乾的蠔味當然濃郁，外面脆脆哋，沾上甜甜嘅醬汁，好味! 以養顏的蛋白杏仁茶作結，味道雖無驚喜，但亦可算是為整餐飯劃上美麗嘅句號。老闆請食飯㖿，豈能隨便坐，隨便影。所以相片只得呢5張…Read More

朋友租公司船到蒲台島，因而沒有公眾船時間的限制。看著黃金色的夕陽，與朋友一起對著海吃海鮮餐，甚是享受。當中的紫菜湯，鮮甜極了，贏得我們一致讚賞。另一碟甚是令眾人另眼相看的是蒸魚。除了鮮味十足外，肉質彈牙結實。好吃極了!不太吃海鮮的朋友，可以吃可口的酸甜排骨。也不錯的啊!…Read More

16大3小，本以為要分兩枱坐，幸好預訂了一張大枱可以一起坐~ 今次吃午餐，且大夥兒的，所以決定叫點心及潮粵菜色。點心包括傳統的蝦餃、蘿蔔糕、潮州粉果、綿花雞、咸水角及腸粉等; 亦點了香軟熱騰騰的香芋流沙包。品嚐點心後，先來潮州的鹵水拼盤及廣東的老火湯。鹵水鵝掌味道濃郁; 喝了老火湯亦感暖氣運行全身。雖然今天沒有咕嚕肉我有點失望，但換了海山骨亦算不錯。骨排醃上了惹味的蝦醬，炸起來香脆可口。接下來的蠔仔烙、炒龍躉球、上湯浸菜苖及蠔仔泡飯。全都頗合口味 (如果龍躉球可以少一點油可能會更理想)。當雙麵黃出場之時，我發現姪女雙眼發光，小妮子總喜歡吃麵，加上雙麵黃是外脆內軟，沾上醋和糖後口感豐富。當我也想來一口時，我發覺雙麵黃經已吃光了~而大人似乎都一致同意 狀元炒飯 有水準。飯炒得夠乾身，蛋黃包著飯粒，香口而不油膩。甜品方面，有部份人(包括我)都是第一吃傳統潮州甜點: 反沙芋。切成手指般大小的芋頭，加入沙糖炒勻至包圍著芋頭外面的糖香脆乾身。小時候總愛吃西式蛋糕。人愈大，愈會欣賞中式甜點，不但材料、做法變化萬千，營養亦豐富。…Read More

潮、粵菜都很合口味。雙面黃香脆而不油膩; 棗紅糕棗味香濃甜度適中。聽說用來炒芥蘭的臘味來自和興。個人則頗喜歡海參豆腐煲店位於iSquare 3 樓，地點方便，不用再乘升降機再上。會再來試試其他菜式~~…Read More