把口就係賤's Profile

叫咗個all day breakfast. 算係驚喜.首先啲野食全部熱辣辣. 就連蕃茄仔都好熱好熱. 👍炒蛋好滑, 味好濃, 好有蛋味, 好好食. All day breakfast每一樣食物我都好滿意. 係腸仔多咗啲, 有4條腸都太多喇, 如果可以換做其他野食會好啲. (同埋冇我最憎既茄汁豆 ;p)餐廳個裝修都幾有特色. 感覺好舒服. 同埋冇限時食幾耐. 又唔會話好嘈. 超級適合女仔去傾計食野. 想傾幾耐都得.上菜希望可以改善. 同枱有朋友叫咗個意粉. 意粉上咗菜先. 到all day breakfast上菜果時, 我個朋友個意粉都食咗一大半. 希望餐廳可以叫意粉等埋all day breakfast, 差唔多時間先上會好啲.星期6的下午去, 人都幾多. 但等位都好快. 等左10分鐘. $90 一個all day breakfast連一個粟米湯, 食得好飽. 氣氛超好. 絕對可以再戰! …Read More

環境有啲陰濕. 坐低叫野食, 先叫雪菜肉絲米既常餐, 冇. 再叫蒸魭魚, 都冇. 最後叫咗個粟米豬扒飯.先講食物, 豬扒Ok. 都有幾多塊. 幾好食. 粟米個汁好傑, 唔好食. 有湯送, 飲品加錢. 其實食物質素ok lah, 可接受. 畢竟你都唔會expect啲咩.衛生差咗啲. 啲餐牌油淋淋, 應該好耐都冇清潔過. 成間餐廳比人感覺就係唔乾淨.上菜速度正常. 人都ok多, 但唔洗等位, 因為裡面有好多大枱. $42一個飯, 好大碟, 都算幾平.奈何衛生差, 不推介.…Read More

叫咗個burger. Burger一到枱面, 就已經見到塊牛上面個芝士乾晒. 一定係煮好咗一陣. 個包已經凍左. 一定係貼心, 驚塊牛係冬天燙襯我個嫰唇.食食下見到塊漢堡裡面有條頭髮. 我會心微笑, 個廚師應該係男人黎. 條頭髮甘短.先唔講頭髮既問題, 塊漢堡牛筋多到一個點. 每食一啖都要吐返啲野出黎. 我完全體會到「所有事情都要留一手」的人生宗旨.同埋餐牌話配薯條，好明顯就吾係薯條。依啲叫薯塊。係一舊舊架。只不過係返工放lunch食個飯仔, 好似我啲甘實在的人, 裝修對我如浮雲. 上菜速度都算ok. 地理位置有啲麻煩. …Read More

叫左個雜錦壽司盛. Total $64. 包一個湯烏冬, 3 舊炸雞, 同7舊壽司.壽司都幾好食. 吞拿魚都好鮮甜.烏冬就普通, 正正常常.最難食係啲炸雞. 舊雞一半以上都係粉. 可以改名做炸粉with雞粒. 直接棄之.上菜係有架列車, 直接送到你枱頭. 都快手.總括壽司都Ok. 食落都飽. 平日lunch去食都要等一陣. 不過位都算多. 吾洗等好耐.叫菜可以用tablet落單, 落單而言, 非常方便. 但係如果要睇menu, 亦都係只可以睇部tablet, 都幾吾方便. 希望可以擺返啲紙menu係每張枱果到. …Read More

叫左個叉燒包同炒蛋腸仔配厚多士. 加埋先$30. 都叫好抵食.叉燒包係雪山叉燒包. 熱辣辣, 個皮好脆，好甜. 以雪山叉燒包黎講的確唔錯. 叉燒都真材實料, 唔會話好肥, 汁又唔會話太多. 都叫做有驚喜. (不過個人始終都係鐘意食傳統蒸既叉燒包. 我覺得雪山叉燒包個皮太甜)炒蛋的確好滑. 不過我個人覺得雞蛋味唔夠濃. 如果係合埋眼食, 應該會食唔出係炒蛋黎. 方包就香口鬆軟. 同樣熱辣辣。上菜好快. 服務都ok. 仲要$30 only. 值得再去. …Read More

先談衛生, 叫咗個外賣. 食食下先發覺盒裡面有一隻小強.間餐廳有好強的一致性水準. 睇其他OPenrice既食評, 小強會定量分配比各位客人.再黎, 啲野食超難食. 啲炒蛋為外星黎既蛋, 有漂白水味, 顏色有啲綠色. 食完為之一振. 令人感嘆世界竟有如此境界的炒蛋.飯同啲菜好唔合群. 啲飯超油. 但啲菜又無油, 兼無味, 純清水煮.成個飯係為減肥人士而整.每樣野一啖過, 仲勁過慈禧食飯每樣野只可以食三啖.珍珠奶茶簡直係垃圾. 啲珍珠超硬. 如果吐出黎跌落枱面, 枱面應該會凹咗. 叫咗少糖都甜都嘔. 叫咗少冰都超多冰. 得個甜字. …Read More

食過幾次. 第一次為牛肉拉麵. 牛肉得好少. 仲要係果種cheap cheap牛. 拉麵個湯為味噌湯. 麵根本未熟透, 硬既.第二次食, 食咗個煎魚柳. 魚當然又係最Cheap果種. 薯菜得勁少. 食完根本唔夠. 一啲都唔好食. 個餐會包一杯飲品和一個西/中湯. 飲咗個中湯, 直程係 “挪喉”. 味精多到令人難以置信. 飲咗一啖, 完全唔想飲落去.仲食過一個雞扒焗飯. 雞扒得4舊. 雪味之濃, 令人為之一振.成間鋪的唯二好處是, 上菜極快. (當然亦表示, 根本就亂煮). 另外, 位超多 (因為無人會食啲咁難食既野). …Read More

總共叫5樣野. 5個細食既人食. 整體滿意. 坐得舒服.首先係個帶子墨魚汁忌廉意粉唔錯. 都幾大碟. 個汁好濃好稠. 都幾好食.仲叫咗個三文魚Pizza . 感覺都唔錯. 有6塊, 如果可以再多啲餡就最好. Pizza皮有啲太厚.芝士泡菜豬肉炒飯對我黎講有少少重口味. 不過辣既程度岩岩好. For我依d去譚仔食10小既人.蘆荀泡菜手指. 個菜式令人有少少難以理解. 唔係好夾.不過最唔夾既係個朱古力香橙迷你Pizza. 純粹好奇張橙放喺pizza到係咩味. 結果真係唔得. 朱古力同橙係甜既. 但係仲有好多芝士喺個底到. 又鹹又甜. 超怪星期六13:00到. 唔洗等位. 坐等都舒服又闊落. 上菜都Ok快. 不過會限時食飯時間90分鐘.服務都幾好. 人手足. 唔會話食得好飽. 每人唔洗$100.…Read More

叫咗個三文魚扒, 同一個羊架跟set. 總共213元正.單係個三文魚扒, 一塊, 吾係大塊, 就已經100幾. 價值略貴. 但味道都算ok. 個羊價算係好食, 有3塊.跟set加$19. 會有飯, 有湯, 有炒菜, 同埋小菜. 都會幾飽.不過服務都幾好. 啲阿姐好有善. 好幫手. 同埋, 個廚師係你面前到燒, 完全感覺到佢係一個好企理, 好整齊既人.有一個小小既問題, 係我其中一隻碟裂得都幾嚴重. 應該都會有幾多污糟野收咗係啲裂縫到. 希望餐廳可以留意一下, 換咗啲碟去.我會話，唔值個價。…Read More

食咗個古滑雞飯. 一心諗住米芝蓮. 果真, 證實米芝蓮的不可信.雞係幾滑, 有5舊. 真心無咩特別. 稱不上好食, 又唔喺難食. 食完就係「哦, 原來依個係米芝蓮級數」.飯加左啲薑蒜, 係幾好食.不過份量超細, 完全唔夠飽. 同枱的男仔, 直程想叫多份食.平日的12:00放lunch時間去食, 人都唔算少, 有人排隊.坐落都舒服. 野食都叫正常速度到上菜.$50黎講, 都算ok接受到.若果是一般餐廳, 我會比個openrice既ok評價.但既然上咗神枱, 為米芝蓮, 就唔得啦. …Read More

平日lunch去食, 人都幾多, 未至於要等位, 不過都坐滿. 叫咗吞拿魚刺身lunch set. $150. 有一個燉蛋, 沙律, 湯同吞拿魚刺身飯. 食完都幾飽. 沙律同湯沒技術可言, 不評論了. 燉蛋裡面有啲其他料, 有啲怪. 裡面有啲喺海鮮, 可能唔喺好新鮮, 苦的. 差啲想嘔返出嚟. 吞拿魚刺身普普通通, 食唔出刺身既鮮味. 食物質素整體嚟講有啲失望. 仲要喺咁既價錢. 坐得好迫. 四面都聽到隔離枱啲人講咩. 我聽到好多八卦. 野食唔算好食, 又貴, 坐得又唔舒服, 不了.…Read More

平日既lunch time大約12:30去. 放飯時間, 人好多, 要等位, 不過唔洗等好耐. 因為人流都算快. 我地3個人等咗10分鐘. 第一次去食, 叫咗個綜合河粉, 有牛丸, 牛肉, 牛腩. 大約$50. 果然係嚟自越南既餐廳. 有果種我喺越南食生牛肉河粉既味道. 牛肉和牛腩都好有料. 大大舊. 絕對唔係得啲碎碎. 牛丸好有牛味. 同平時喺街食到既唔一樣. 食過一次都好滿意. 係飲品好貴. 特色熱飲都要10蚊起跳. 上菜都算快, 價錢又ok. 絕對會再黎食越南既味道.…Read More

食咗一個壽司Lunch set, 大約100蚊. 都算ok抵食, 一個set有10舊壽司, 一個細既蕎麥麵, 仲有一個細既海藻小食. 魚生感覺都OK新鮮, 喺魚生既部位有啲唔靚. 不過先100蚊, 不強求了. 最出名既好似喺大阪燒. 可惜我個人唔鐘意食. 不過聽食大阪燒既友人講, 佢覺得幾好食. 整體感覺都ok. 最有特色的喺個裝修. 好有日本風味. 坐得都舒服. 侍應服務快又周到. 上菜都算幾快. 唯一問題喺, 放飯時間人比較多, 雖然店面已經幾大, 都要等位. 我大約13:15去到, 等咗15分鐘先有位.…Read More

星期六的Lunch 12:00去. 開始要等位, 人都幾多. 叫咗好少野食, 因為menu上面款式唔算好多, 或者唔吸引我. 有啲可愛的包點點心, 雞形包, 豬形包. 得可愛兩個字, 唔算好食. 不過價錢喺普通酒樓既2倍. 其他果啲燒賣蝦蛟同樣, 普通質素, 兩倍價錢. 仲叫咗個秘魯咖啡排骨. 其實見到秘魯兩個字, 都知純gimmick野. 同咖啡唔夾. 係個牛尾燴飯好食. 叫咗咁少野都$500幾埋單. 坐得好闊落, 但卡位入去都幾唔方便. 坐咗入去既人如果想去廁所, 其他人都要行出嚟讓路. 好唔值. 其實去依家, 都只不過因為八月花等位等太耐.…Read More

平日晚餐去食的, 大約7:00. 都坐滿, 不過未至於要等位. 叫咗個魚生飯. 大約100蚊. 成個飯唔喺好多. 男仔應該食唔飽. 魚生感覺都ok lah, 普普通通. 只喺價錢有少少唔值, 都唔飽. 侍應好足夠, 上菜又快. 另一個好處喺任坐, 坐得都舒服. 食完飯都仲可以吹好耐水. 餐牌choices都幾多. 有魚生飯, 咖喱飯, 又有火鍋, 冷麵同烏冬. 如果對食物要求無話好高, 純粹想一大班人食餐飯, 吹下水, 都算喺一個唔錯既地方. 起碼超近黃大仙地鐵站.…Read More