SzeFan9705's Profile

叫左成2百蚊外賣，有粥有牛肉麵等。第1. 啲粥用料唔太新鮮， 皮蛋同豬潤有陣怪味。第2. 牛肉麵一打開好大陣鹼水味，啲蔥不但唔覺香，第一感覺仲有啲難聞... (但亦頂硬上食左:(但可能因我有左關係，食完2個字後即去嘔返晒出黎，家人話應該係太勁鹼水喎😂）另外仲有加左淨腸粉同XO醬炒麵，依2樣重味多醬既野算係正常一啲。而以上既份量亦比其他食店較小（不過小都好既，起碼可以令我浪費少啲野食）總括黎講，冇下次！（其實本身見佢有分店同埋之前啲平價都算正面所以一試，點知咁伏😭）…Read More

叫左2個麵，一個酸菜牛肉，一個紅燒牛肉。一打開，2個麵除左麵底外，基本上合樣係一樣😑之後個湯底得陣小小咸味。跟住我先試刀削麵，真好野，成餅野咁，叉都叉唔開。然後試下另一個似拉麵既麵，真係好驚喜，我地竟然食到有雲吞麵既味道，哈哈哈。再者仲有個小食同唔知咩餅，都係唔好味🙉🙉🙉係連我兩個細佬咬左啖都唔食啦唉其實我地係係外賣平台叫野食，都係衰貪佢有優惠咪試下囉，極度後悔冇上黎睇食評囉。完全浪費左一餐，真陰公…Read More

中午1點去食，好多人但係唔洗等位既。野食一般啦，本身諗住諗唔到食咩都可以再黎，點知食完野飲到最後一啖檸蜜時就比個阿姐催，大大聲問我:食完未啊？好多人等位啊！係度玩電話 。 我馬上睇下張單，我1:03分落單，再望一下個電話，只係1:20分。雖然只係食左45蚊野，唔係咩大客，但都唔洗咁啊？飲野時望一下個電話都唔得?講真本身都有啲趕時間，而地方又迫又唔好坐(背對背)，飲埋啖野我都會走唔會話想阻您發達，其實阿姐您只要問我要唔要再收走我隻碗我就會起身走人啦，唔休做都唔洗咁冇禮貌掛，真係連再多啲人既譚仔既服務同坐位都仲好過佢囉…最後，真係好唔好意思，今日唔打唔撞黎左貴店幫襯得咁少，佔用左貴店廿幾分鐘黎食野，我真係唔會再黎打攪你 啦……Read More

好唔好食我唔知，但只想提醒各位要去的話要有心理準備等成個鐘都未有得入，只因佢地大好人，客人遲到入坐照入，準時到既客人到左要等遲到既客人食飽飽先入到。而我地只係一啲早到左，但知要等多大半個鐘(由book左既時間開始計起）都未入得而走人既客。…Read More