ntafha's Profile

而家疫情未過，好多時都買外賣回家吃。昨晚家人在這店鋪買了20隻鍋貼同一個蔥油餅，佢竟然比咗5個發泡膠盒！而家周圍都話減塑，為地球出一分力，不用膠盒膠餐具，但呢間店舖竟然仲用緊最唔環保的發泡膠盒！所有餐具當然都係膠 😔 結果愈食愈內疚，已經叫家人盡量堂食或選不用膠的店舖。食物以這價錢來說係不過不失，唯一係鍋貼塊皮真的太厚，同有少少臭豬肉味，但加左醋味道都ok。希望這店舖日後轉紙盒（其實好多鍋貼餃子舖都用紙盒），比D企業良心！…Read More

早兩日見有朋友對呢間素食店讚不絕口，又post 咗張靚文青相上 ig 然後好多人留言問佢嗰度係邊度，原來就係荃灣素年門口。適逢晚餐禁堂食要諗喺邊度買外賣，就試吓呢間素年啦！點咗一份日式吉列豬扒咖喱意大利飯同一份魚香茄子意粉，飲品就點了藍莓黑提子燕麥奶。攞完喺車上食。日式吉列豬扒咖喱意大利飯啲豬扒好似真豬扒，連無肉不歡嘅老公都食得津津有味 😋。個汁好好味，豬扒好鬆軟，讚！本身想叫我朋友推介嘅青咖喱素意粉，但見飯已經點了咖喱，廢事全部食物都係咖喱，所以就問老闆娘辣野有咩推介，佢話可以試吓魚香茄子意粉。果然老闆娘無介紹錯呀，辣味恰到好處，好好味！藍莓黑提子燕麥奶都好 fresh 好好飲，下次如果有得堂食更好，始終入咗外賣紙杯用管飲無咁 chill ~不得不讚佢外賣用紙造盒，不是膠盒。餐具飮管都不是膠。全間舖都係粉紅色，文青feel。等外賣時有對年輕男女都喺度影相。柰何嗰日著得太街坊又廢事除口罩影相.. 下次去食要著好D影番張相 😂…Read More

一向支持這間小店，酸辣粉及小食味道不俗。特別喜愛他們的麻辣雞翼和手抓餅。而且名為玖零後，又後生仔主導，支持一下。但昨天再去幫襯的時候，所有員工都沒有戴口罩，準備食物的也沒有戴手套。期間不斷談話，有人玩手機。手機是最多菌物品之一，玩完手機即觸模食物，十分不衛生。最後仲有一個冇戴口罩的員工在廚房食物面前咳。雖然酸辣粉水準像以往一般不俗，但愈食愈不安，萬一為了一碗酸辣粉染病便後悔莫及。最後唯有全碗倒了。…Read More

食物有特色，味道不錯，甜品有心思，有驚喜！是日去了下午茶，點了New Yorker bagel, 百花果蜜桃茶，黑松露帶子扁意粉，vanilla latte，yogurt cup。各樣味道都不錯，看得出心思，值得推介。唯一不足了店子不大，要坐 bar 枱或搭枱。…Read More

本以為台式餐廳飲品不會差得去邊，點了青蘋果汁，一飲就知用粉沖，失望。食物點了豬扒肉燥飯，不過不失但沒必要再來。餐廳侍應黑口黑面。唯一可取是價錢平，是平價的台式餐廳。…Read More

4人用餐, 點了雪菜肉絲年糕, 咸肉百葉小唐菜, 上海粗炒, 小籠包, 蘿蔔絲海蛮皮及砂碢雲呑雞。咸肉百葉小唐菜的調味可以，但咸肉太肥。上海粗炒有點乾。小籠包不過不失。砂碢雲吞雞唔抵食，一百六十幾蚊每人浄係分到一碗多啲。半隻雞係個碢入面好難處理，員工又唔肯幫我地分，話無人手，服務極差。…Read More