or#tm66612057's Profile

☕️我特別喜愛Dirty，先落牛奶，再將expresso滴落奶度，表層expresso底層牛奶，唔好攪匀，唔好影咁耐相，正常每一啖嘅溫度同口感都唔同。呢個Dirty我比100分。Expresso係用鋪頭house Blend，Ethiopia natural shakisso水洗豆，帶點莓、雲呢拿、花香，味道唔太酸、body較thick。首先，奶同Expresso比例啱啱好，奶唔會搶左Expresso嘅味，咖啡味係第一啖係重，而且奶只係飲到少少，先品嚐Expresso。第二啖奶開始出啲，有冰火交融嘅感覺。之後幾啖，凍奶開始cover Expresso嘅熱，最後兩者已經融合了。Dirty冇時間比你慢慢影相，都唔能夠比你慢慢嘆，但係當中嘅層次係要即時感受，品嘗咖啡嘅變化同獨特，奶啡中我最愛Dirty。✨ 白色為主嘅日式簡潔的佈置，陽光會透入店內，加上有鏡、植物裝飾品，會有不同倒影，好有層次。座位唔算多, total8個，雖然坐係木箱上，但感受到好relax。冇食物，只有咖啡，focus咖啡，學習，品嘗咖啡。每杯飲品都附上一張寫小字條，If it’s yours, it will find you。咖啡師同客人好似朋友咁，好nice，好enjoy，多謝你地。…Read More

Total B💛黃💛便宜高質素西餐廳🍔農場迷你漢堡: 三個小小的漢堡, 有3隻味。傳統牛肉迷你漢堡、菠蘿炸雞迷你漢堡、蜜糖芥末吉豬迷你漢堡。雖然細細個, 但依然好多好多層, 非常足料。先食牛肉, 牛肉非常juicy, 醬唔多反而突出牛味。炸雞好脆, 係粒狀而唔係塊, 幾新奇, 但而家無整跌啲材料。菠蘿酸酸甜甜, 好開胃, 呢個配合成為左我係呢三個漢堡入邊最鍾意嘅原因。芥末吉豬炸得非常之脆口, 我而且有芥末濕濕地唔會太乾。🐤水牛城香辣香脆雞翼: 一共有六隻雞翼！香脆而入味, 不過甜多過辣, 我會想食辣味重d, 但佢另一隻係秘製辣醬, 可能會再正d, 下次試下先。🐷燒烤醬燒豬肋骨: 有兩塊咁多, 仲要有啲厚身, 真係好抵食。淋身易切易咬, 而且肉質唔錯, 幾juicy。好鍾意嗰個醬, 甜而香, 好夾豬肋骨。仲有沙律同薯條配送, 真係好開心、好滿足。💰 人均HKD 150✨ 舖頭細細, 裝修亦都唔係特別豪華, 但係好有家的感覺。位置唔算太方便, 所以星期六晚都唔係好多人, 但其實我覺得佢幾好食值得有更多人。位置喺秘附近, 王子廚房嘅舊舖, 有機會去啦！…Read More

有23款比你揀, 有啲係同一味有微糖同無糖, 適合唔鍾意飲太甜嘅我。每樽350mL, 而且樽身非常靚。🔳無糖黑豆: 豆味香, 好滑, 凌晨時分飲好舒服。不過味道淡咗啲, 但真係好明顯係無糖。黑豆係限量發售架！⬜️特濃微糖: 呢一隻真係有點甜味, 加上係特濃, 喺味覺上真正感受到豆漿。豆味濃郁而且香, 加上滑溜, 夏日消暑健康飲品。🔲無糖黑芝麻: 呢一隻令人失望。雖然有好多黑芝麻碎, 卻飲唔到黑芝麻味。同原味豆漿一樣, 香滑。如果想試, 記得搖耐啲, 因為較多沉澱。🟥西瓜味: (限量發售) 好過癮！西瓜同豆漿嘅融合, 意外地夾, 一開始仲驚中伏。西瓜嘅甜味同清涼配合豆嘅香濃, 將整杯飲品昇華。飲到底嘅時候發現有西瓜蓉(沙), 足以證明係有用真西瓜。Super Like!!💞 比較: 西瓜>特濃微糖>無糖黑豆>無糖黑芝麻感覺上需要少少甜味, 先可以帶出豆嘅味道。而且微糖都唔算太甜, 唔怕✌🏻💰 HKD 20-28✨ 採用左加拿大非基因改造黃豆, 開咗要即刻飲, 未開可以放兩日並放入雪櫃, 因為冇防腐劑, 所以唔擺得耐。我嗰日經過臨時想買返屋企, 店員好好會提供冰袋, 大家都可以自備冰袋, 盡快返屋企。…Read More

日常料理💛黃💛🍱滑蛋三鰻魚飯thx：將一條鰻魚切開成好多件, 肉質都幾嫩, 有d過份腍, 相對地冇乜彈性。鰻魚唔係話好大塊同好厚, 勝在冇骨, 而且係平民餐廳, 期望本身唔太高。滑蛋有洋蔥甜甜地同蔥花, 滑蛋似水波蛋多啲。鰻魚汁濃郁, 好多汁但唔係杰身鰻身燒汁, 水狀似的, 令成個飯變得好水, 冇左理想中米嘅口感。整體感覺一般。Any肥, 三鰻Thanks!🍚日式豬軟骨飯：豬軟骨大大件好厚身, 份量都好多, 有成3件，但佢唔係日式湯麵嘅豬軟骨, 並唔係入口即溶；佢係似港式嘅硬身相對有咬口, 要用力咬, 咬得爛嗰啲軟骨嘅, 箍牙嘅人難啲咬到。我自己就中意入口即溶嘅, 但中意肉味重同想咬下嘅呢個啱你。飯配埋紫菜芝麻同木魚, 較日式, 但醬唔多, 比較乾身, 少少甜，不太油。🐣千島單骨雞翼：單骨雞翼真係好正, 好方便, 對於女仔黎講, 單骨雞翼唔會破壞儀容, 真係好中意。單骨雞翼有成9條。千島即是千島醬, 將雞翼炸咗佢, 再加千島醬炒, 一定要咁炒先夠入味。結果好惹味, 估唔到最驚喜係佢。撐蘋果！(+$8)五大訴求未到手我地唔會罷就💰 人均 HKD100✨ 一入去已經見到好多文宣, 講真有少少心情被打動, 胃口受影響, 但呢一年又有邊日心情冇被影響？播榮光, 真係感動, 大家仲識唔識唱？…Read More

🍝香蒜帶子炒意粉: 呢個係每日精選有機會, 每日都唔同, 聽到就好想試下, 所以就叫咗。意粉炒得幾香, 夠乾身。都有成四粒帶子, 雖然帶子唔太大粒, 但知道帶子煮熟咗會縮, 所以可以接受。有不同配菜, 唔會太dry。餐包埋湯同埋飲品, 喺中上環區食唔算太貴。🦪廣島蠔意大利飯: 我個人來講特別鍾意Risotto, 濕濕地腍腍地, 我中意果種texture。有好多粒蠔, 細細粒但係好Juicy, 仲有一陣海水味, 同個飯非常之夾。有唔同嘅菇, 最夾Risotto, 但係唔知點解佢有啲青菜, 變得有少少怪怪地。整體而言我鍾意呢一個多過意大利粉, 不過呢啲好個人喜好。🍫朱古力四重奏: 朱古力味非常濃郁, 四重奏包括朱古力底、朱古力雪糕、朱古力醬同可可粉所以咁Rich。飲嘅時候充滿童真, 好滿足, so sweet。💰 人均HKD100-130✨ 大廈比較人被隱秘, 要係德輔道中行入永和街, 右邊入口就係, 希望大家搵到！！！一入去, 唔算好大嘅空間, 大概有20幾個位, 然後有個房仔, 有10個位, 係bar枱或者高枱。有一塊好大玻璃, 自然光透入, 好舒服, 而且可以望住街嘅行人食飯, 人來人往。有一幅黑白格仔牆, 之前好似係貼咗好多文宣, 依家只係剩下一啲電影嘅資料。中午時分非常多人, 12點就已經好爆, 要早啲到！佢哋好好, 見我同個friend鍾意影相竟然主動攞部即影即有相機幫我哋兩個影相真係好開心。雖然唔係特別好出色或者好驚喜, 但係我覺得食晏或者上班族食下都幾開心, 因為環境真係好舒服。…Read More

日式鰹魚吉列豬扒瀑布闊麵: 整個餐有前菜三款+主食+麵豉湯一碗+飲品。前菜好精巧簡單, 但非常開胃。麵豉湯普普通通。吉列豬排嘅炸衣薄身, 好熱好脆, 咬一啖清脆而落, 皮無散, 即係油夠熱！肉質中規中矩, 都鬆軟, 但唔係豬味濃果啲。瀑布闊麵香港少有, 所以黎到都突登食！有大概三隻手指嘅闊度, 煙煙韌靭, 幾彈牙, 好滑身, 滑到有啲難夾起。雖然唔係好多條, 但唔知係唔係因為太大條, 要不斷咬, 感覺有啲多有啲漏。鰹魚湯湯底, 清澈有鮮味, 幾啱日式麵, 好飲過麵豉湯。💰 HKD 68✨ 鋪頭唔算好大, 但係日式設計, 以木系為主色調, 再加上貓貓嘅裝飾。雖然我唔中意貓貓, 但日本風, 都帶給我有家的感覺。…Read More

US安格斯頂級西冷牛扒: 性價比高。因為係slow cooked, 無得揀幾多成, 肉質紅紅地, 帶少少紅。腍, 但個皮唔夠脆。牛味算香, 汁亦鎖緊喺入邊。係街食過嘅牛扒, 性價比算係好高。🍟 炸番薯條: 我比較鍾意食番薯條, 因為比較甜。薯條長細, 但腍咗少少, 但味道真係唔錯。係食扒咁Heavy之前, 呢個係一個好好嘅前菜。✨ 成間舖頭比較暗, 有bar嘅感覺。裝修好old school, 我幾鍾意個風格。有高枱有低枱, 算多位。有唔同地方嘅特色啤酒, 不過依家好多都賣晒, 少失望。…Read More

🖤🤍721黑白是良知梳乎厘Pancake: 名字提醒我地721！黑白是良知！呢個梳乎厘Pancake其實係Oreo芝士奶蓋味。個Pancake口感好鬆軟, 空氣感極高, 入口即溶, 睇到條片幾qq。空氣感極高, 而且非常厚, 真係好驚喜。味道上, 蛋味重。相對黎講, 呢個會比較甜, 有好多好多Oreo碎粒, 好滿足。芝士奶蓋, 比較流質, 似cream, 芝士味較弱, 但反而呢個味道先好。如果茶嘅, 鹹啲同埋thick身就最好。但配甜同, light啲先唔會蓋過原本Pancake嘅味道, 所以呢個balance做得唔錯。加埋軟雪糕, 佢寫係韓國哈密瓜味, 但我唔知點解食到蜜瓜味, 哈哈!! Any肥, 我對個雪糕都好滿意, 因為我好中意！🇭🇰🐷港豬噢工程梳乎厘Pancake: 港豬你係唔係？呢個我妹妹特別叫, 因為佢特別中意個名。呢個梳乎厘Pancake其實係格格脆芝士奶蓋味。質感一樣就唔多講, 講下味道。呢個相對無咁甜, 朱古力味重, 因為可可粉係個面上, 每一啖都食到可可粉。一樣覺得好正！都係加蜜瓜味雪糕, 妹妹就唔太中意蜜瓜味, 下次希望有其他味。💰 HKD 28/1件 38/2件 45/3件 (四選一)…Read More

🍣丼瀛特上築地壽司杯: 真係一個全新嘅體驗, 真係未試過一杯杯咁樣食壽司, 外觀已經覺得佢勁靚。有7款壽司, 有赤牡丹蝦、三文魚腩、三文魚籽、時令魚、芥末八爪魚、蔥吞拿魚腩、帆立貝、松葉蟹二本爪、海膽！非常之新鮮, 蝦非常鮮甜, 三文魚籽粒粒完整分明。呢個食法唯一唔好處就係我淨係想食刺身而唔想食飯, 所以我就將啲飯俾晒我男朋友食, 哈哈。🎡串炸摩天輪: 摩天輪相信係好多女仔覺得好浪漫嘅事, 不過我唔太girly, 將炸物放喺摩天輪反而幾合我嘅性格。所有炸物都炸到香脆而且熱辣辣, 即叫即炸一啲都唔失禮。有七款炸物, 每款有兩件。 有吉列廣島蠔、天婦羅、忌廉蟹肉薯餅、蟹鉗、炸鵪鶉蛋、脆炸流心粟米餅、牛肉薯餅！🦪日本廣島生蠔: 多數會食澳洲或者歐洲嘅生蠔，日本蠔通常用來做熟食, 但今次就是吃日本嘅廣島蠔。非常新鮮, 雖然唔算好大隻, 但係就夠晒鮮味。唔算好鹹同埋夠晒海水。店員介紹有除左落檸檬嘅另一種食法, 佢附上另一種醬汁, 但我都係覺得食生蠔一定要加檸檬汁。🦐燒大蝦頭: 真係好大隻好大隻！蝦甜甜地, 幾爽口彈牙, 冇因為燒而乾哂水, 仲有少少汁正！…Read More

沖繩味之賞💛黃💛驚喜原味道關東煮🍢關東煮: 湯好甜有鮮好濃, 飲得出應該有雞肉同鏗魚汁味, 好有日本關東煮嘅味道。關東煮有8種食材: 什菜魚丸、鳴門片、粟米丸、海帶結、大根、竹笛、溫泉蛋、冬菇、油揚。大部分材料都只少有2舊, 真係好足料。全部都好彈牙, 材料一啲都唔cheap, 湯入唒味, 好正。我最中意溫泉蛋。💰 HKD 28✨ 開業1個月, 仲未好出名, 所以而家promote下。聽講大部分食材來自日本沖繩, 所以先叫沖繩味之賞。主要賣關東煮同日式車仔麵。係茶芝味附近, 細細間, 可能你未必會留意到, 但而家可以留意下, 而且同茶芝麻油味搞緊合作, 可以一齊買。老闆好好, 會介紹唔同餐同配搭。多謝老闆介紹。…Read More

菓屋💛黃💛果汁奶真係好舒服🍈北海道/靜岡蜜瓜奶: 叫咗少甜, 真係少少甜啱啱好, 我覺得少少甜帶出味。見到同飲到密瓜蓉, 好重蜜瓜味, 好正好滿足。係咁熱嘅天氣, 非常清涼, 生津止渴。💰 HKD 31✨ 裝修非常靚, 係日式裝修, 但無打卡位😅 店員好nice好好, 好想再試其他味, 想試芒果奶同木瓜奶。佢仲有其他茶。仲有啲限時優惠有時未必要飲珍珠奶茶/奶蓋, 果汁奶很不錯👍🏻健康。要等一段時間佢整, 可以善用等嘅時間去買其他嘢食。…Read More

魚露生蝦: 生蝦新鮮彈牙, 有2個醬汁點嚟食, 有唔同嘅辣同唔同嘅香, 好少食到咁新鮮嘅生蝦。炒鮮蝦金邊粉: 蛋網包住靚靚。金邊粉濕濕地, 酸酸甜甜帶少少辣(可以加辣椒碎), 本身有少少重口味, 得配合埋個蛋就中和左, 變得剛剛好, 好夾。呢個我遲啲會再encore😋燒豬頸肉: 好香口, 幾趣口。肉質有口感而易咬。有唔同醬汁, 更加帶出豬頸肉嘅香。芒果煎糯米飯: 通常食糯米飯都係蒸, 而糯米係比較飽肚, 食完一餐飯呢個甜品就食唔得多。呢個係煎糯米飯, 個飯壓扁咗, 然後加蛋漿去煎, 出面香口入面煙韌, 即刻冇咁膩同飽肚, 配埋甜嘅嘢椰漿同埋少少帶酸嘅芒果, perfect, 可以食多幾件🤣✨ 之前有泰國人推介, 佢話係正宗泰國菜, 所以好想試。發現夜晚都幾多人, 所以建議要book位。Service非常好, 一餐飯同我哋玩左3次碟, 因為唔想味道被污染, 好貼心。冇限時咁坐, 可以同朋友傾吓計幾好。下午茶比較抵食, 生蝦可以用較平嘅價錢食到。…Read More