Mewo's Profile

碗野個湯好似水咁完全食唔落口大家都係食完餸就走了仲有一個椰青三十幾蚊，加埋碗麵成舊水完全唔值，真心樓下吉魚蛋都好食過佢，我而家好嬲，dislike!!!!!!!…Read More

mewo每過一排就會好餓肉, 好想食燒肉, 今次試左呢間金金日式燒肉店, 就咁聽個名, "金金"有啲似中菜鋪, 伏伏地, 但見倒咁多好評都走去試下啦, 點知一食又有驚喜。個人大愛呢個前菜。凍豆腐+芝麻醬冇咩味, 但加埋上面嘅(食落類似)調好味嘅蝦滑一齊食, 口感同味道都好有層次。魚生salad. 好fresh好長, 男朋友食到流哂口水主菜, 好豐盛......個人大愛個牛舌同埋 帆立貝(雖然要燒較長嘅時間先熟)最尾燒埋啲菜, 不過太飽食唔哂。好豐盛嘅一餐, 略嫌對我嚟講有點兒貴左少少😂不過個食物質素都抵嘅。…Read More

上網睇到話呢度以前係幾出名 所以特登黎試下佢主打係正宗既咖哩 食落係好明顯有別於平時食到既日式同港式咖哩 日式咖哩一般係甜味行先港式咖哩相比下就多少少咸味同辣味而呢度既咖哩就比較重辣同埋香料味今次我叫既係咖哩雞飯雞肉同平時既印度菜一樣表面有一層光滑既橙黃色辨識度非常高 只係睇件雞肉既賣相已經睇得出係邊度菜式另外都點左一碟薄餅味道唔濃但幾香口我就鐘意點咖哩食就咁食對我黎講太淡同埋太乾最後特飲都唔貴 十幾蚊左右 可以接受…Read More

呢間BAR開左好耐一直放工都經過心思思想試, 但都冇機會星期五LUNCH TIME終於同班同事試到SET LUNCH 60-80蚊左右我嗌左牛肉漢堡雖然LUNCH多人但都好快上菜過左10分鐘熱辣辣既漢堡就黎啦塊漢堡排好大又厚超級JUICY, 正好多人食BURGER都忽略塊包但係NO 9 漢堡塊包都好有HEART經過烘烤後薯條好足料, 但略嫌淋身個人比較鍾意食脆身、外脆內嫩既薯條SO FAR間餐廳都唔錯環境氣氛好好同時食物質素OKD酒好吸引但唔知係點有機會夜晚收工黎試試先…Read More

上環呢條街真係開左好多素食、健康輕食既小店，見到呢間門面用白色做主調，感覺清新，好似好適合炎炎夏日食個輕食LUNCH。MENU選擇唔多，但係每款都好吸引好COLORFUL每款都有用心設計過營養分量，用少油少鹽既方法烹調肉類，配上大量唔同種類同色彩既蔬菜 ，然後仲可以揀沙律、雜薯粒同15穀飯做主食，符合晒而家要營養均衡，生機飲食同低GI等等既飲食潮流，難怪LUNCH TIME咁多靚靚又著重健康既OL幫襯 (PS 唔知個型男店主係咪原因之一)我嗌左南瓜藜麥沙律 ， 純素朋友注意，呢個沙律有feta cheese，但係佢只係英文MENU SHOW有芝士，所以嗌既話記得走芝士呀成日聽藜麥係SUPER FOOD，今次第一次食，原來咁有咬口咁好味；南瓜睇落去好似芒果哈哈，平時食開又淋好甜既日本南瓜，呢一款相對爽口同冇咁甜，同沙律菜藜麥好夾，食落非常FRESH，嫌唔夠味可以落少少醬，佢隻沙律醬好香，入面有黑醋，酸酸地幾開胃。呢度要讚一讚餐廳真係好有HEART，會將沙律醬分開上，因為每人對醬汁份量都好唔同，有D人甚至係唔落汁，最重要係，預先落醬會令沙律菜冇咁爽脆。最後我仲加左杯肉桂生薑橙茶 ，起初我擔心有糖會太甜，店主強調只係好少好少好少，我就放膽一試，果然唔太甜。先聞到肉桂同橙既芳香，然後飲落有橙味既酸甜，最後係少少薑既辛辣，層次非常豐富!!超級鍾意呀~ 店主仲好好人，本身薑橙茶係凍飲，佢都肯加熱俾我~ BTW 我真心覺得薑茶應該要熱飲既。…Read More

細細個已經好鐘意睇one piece由luffy搵志同道合既同伴出航到而家懸賞15億一路都有睇今次黎到呢度第一個感覺 係選址好有心思！竟然諗到係黃埔號上面開海賊王餐廳對香港人黎講真係又驚喜又親切餐廳入面都係模擬船入面既境觀有好多窗可以見到出面既海除左船之外 入面都有不少熟悉既面孔 主角們既statue都可以係度搵到 係開心既最後就係食物味道唔標青 中規中矩 但外觀真係滿分上面既牌仔我仲帶左番屋企而杯墊亦都好靚完全係感受到誠意 ！隔黎既souvenir store都好多正版商品買 （我無買）體驗係開心既 …Read More

世華係呢度已經好耐以前黎食過幾次都麻麻地 唔太好食今次見到佢裝修左 就黎試下入到黎第一感覺已經好左唔少 特別係通風 唔好焗左啲油煙味係度 食完番屋企唔洗洗頭洗衫之後service啦 其實我唔認得啲人 不過都正正常常 無乜特別最後就係塊扒喇 配酸汁 肉質算煮得幾嫩 食落口都幾juicy 係唔錯既 比起以前又老又un都幾明顯進步左 煮條就普普通通 幻想中既味道差唔多 都ok既最後既最後就係餐茶 我覺得呢個都幾重要 我叫左個凍檸茶 都幾ok整體黎講今次黎到比以前好左好多 抵讚 …Read More

一入到間甜品舖 見到都好主打抹茶同埋梳乎里 本來想試推介嘅紫薯梳乎厘 但係可惜賣曬 又唔係特別想食抹茶嘅嘢 嗌咗個 生朱古力布甸芭菲 一杯有齊幾種享受 口感豐富得黎 又一次過滿足到幾個願望 首先講個雪糕 Cookies and cream嘅雪糕 都係正正常常 唔算太特別下層嘅布甸 都幾滑溜 牛奶味又香濃 抹茶蕨餅 好開心食呢個芭菲都有抹茶蕨餅配搭埋喺入邊 抹茶味的確好香 蕨餅做得好軟 又大一啲煙韌嘅感覺 最有驚喜係面頭嗰幾舊生朱古力 好滑好香推介 仲加咗兩條朱古力百力滋 真係唔同嘅口感都集於一杯芭菲…Read More

同朋友行到攰咁岩見到呢間餐廳既餐牌同裝修都幾好咁就試下，點知！有驚喜喎～特別覺得要支持下有心做既良心小店！價錢平民化，但質素係同區入面黎講非常高。珍寶生蠔👍🏻👍🏻👍🏻見到佢竟然有生蠔食！抱住放膽一試既心態每人叫左一隻，點知黎到見到，好新鮮同都幾肥美，食落帶海水味，唔腥之餘仲好鮮甜，下次要再食😋帶子位由其鮮甜。我地幾個估左陣，究意係美國定法國蠔尼 ..... 下次問下老闆先個忌廉湯正正常常(我個人覺得有少少偏淡)，不過好既係d栗米幾甜，同埋個蒜蓉多士整得幾香幾脆大蝦忌廉Risotto👍🏻👍🏻👍🏻好鐘意食Risotto, 不過通常都會比較饇，平時食開Risotto 既人應該都知，Risotto 絕對唔係一個人可以完成既事。今次叫左呢個大蝦忌廉Risotto, 食落又唔算好饇喎，飯既軟硬適中，個汁creamy得黎唔膩。要大讚既係隻蝦! 佢地真係用原隻大蝦上菜, 成隻手指公咁大隻架。三文魚天使麵呢個係我今晚最中意既菜式，因為味道做得最好。佢做法比較多蒜，味道岩岩好，加埋上面幾塊三文魚，易入口得黎食完好舒服。有時西餐，都會因為食得太Heavy食完有睡意，而呢道菜就係比較light 既一款，食完仲可以精精神神咁完成晚上既活動。不得不提，對於我，除左食物，其實服務都好緊要，呢度既老闆同埋d員工都好有禮貌，同埋好貼心！…Read More

第一次食米苔目 原本一路以為係米線既一種點知完全搞錯晒佢一啲都唔似米線反而似係一條條嘅銀針粉感覺我見佢話米苔目係限量供應 如果米苔目專門店黎到無得食都幾大鑊不過今日就完全有貨既配料方面佢地有既野同米線同粉麵其實超似丸類 基本肉類等等配料份量同味道都ok既湯底我叫左豬骨 都幾清甜落左多唔多雞粉同味精我唔清楚但是我覺得唔覺 米苔目食落口唔係煙un果種反而係好有肉地食落口好似啖啖肉咁 幾有滿足感幾十蚊貨仔黎講 我覺得可以一戰…Read More

是日到筲箕灣探望老朋友，於是就找了間在附近的印度菜。佢介紹話GANGES 係香港唯一一間米芝連一星既咖哩店, 近期岩岩裝修完，所以叫我地去試一試。店內環境簡約整潔，跟一般的印度餐廳感覺不一樣。本來諗住都係普通咖哩菜, 但佢地好有心機, 重新製造左一批fusion 菜做新餐牌, 所以我地都識左幾樣。芝士菠菜：一開始想像是菠菜上面有芝士， 想不到是菠菜打成茸，質感有點像印度常用的醬料，入口味道相當之不錯，伴飯一流全晚最愛菜式：炭燒豬頸肉 豬頸肉是厚切方塊口感很好，老闆說是在印度傳統的烤爐裏面燒烤，受力均勻，所以能鎖住肉汁咖喱韓牛牛尾：今次既Fusion 菜就係用左韓牛。本來有啲唔知點expect, 但因為係材料有所改變, 食落特別有牛味，但煮得未夠「淋」身，食嘅的時候有點兒狼狽.. (彈到成身都係) 食得出用芒果原隻打成，如果芒果再多啲就好啦.... 個人一向喜愛食薄餅，這款薄餅混合了不同種類的芝士，帶點甜，挺特別…Read More

上網得知呢度開左間新既board game cafe就黎試下呢度一入到黎地方唔特別大 但係好闊落因為佢枱同枱之間預留左好多位所以坐得幾舒服除左board game之外 呢度都幾多選擇可以醫肚野飲一杯大約三四十蚊左右一set套餐full set就約一百到二百我地人少少就一人點左一個平set百零蚊我嗒左個蜆肉意粉 連野飲小食甜品味道黎講都可以 出去純餐廳食咁多野應該要100 所以可接受 呢度仲可以任坐任玩 呢度都幾多好少見既game 店員仲會教你玩 幾好 :)…Read More

約咗朋友去上興趣班之前 去呢間新開嘅餐廳食個快快晚餐再去上堂 經過咗一兩次 每次都會見到有人喺入面食嘢 想試咗好耐 炸雞翼分咗兩種炸嘅程度 覺得好新奇所以同朋友叫曬兩款試下 另外再嗌咗個 mozzarella Cheese stick同埋薯條同朋友開心share 食物全部都好夠熱 又唔會油淋淋 兩款雞翼都炸得好juicy 我個人比較鍾意crispy啲嗰隻 好酥脆 醬汁方面就試咗Buffalo, Tariyaki,sweet garlic同honey mustard 款款都各有千秋值得一提嘅係店員都好nice 好有耐性咁為我哋介紹唔同嘅醬汁 佢推介嘅茄汁xGarlic Aiolo混醬薯條真係好正 本來諗住叫埋薯條可以飽啲 但真心覺得驚喜 佢哋仲推介我哋下次可以嚟試下個spicy challenge 有多款勁辣醬汁畀大家去挑戰 有啲醬汁仲勁過胡椒噴霧嘅辣度呀 下次真係要去挑戰下飲品方面就試咗天然可樂同埋天然能量飲品 相信可以平衡返食咗咁多炸野嘅邪惡感…Read More

平時中環食開飯，主要都係西餐日本菜多，見新開左間四川菜就即刻拉朋友去試下。餐廳裝修係行中國風，但整體環境很舒適，有卡位坐亦都方便傾計。菜單上選擇不算很多，基本上是行簡而精的路線。其中印象最深刻既就係缽缽雞同雪豆蹄花湯。缽缽雞入面有多種唔同既材料，有雞嘅內臟、雞爪、有素菜例如冬菇，瓜，薯仔等，亦都有蝦、鴨舌、奄春蛋等等。我好奇問老闆既然入面有咁多種唔同嘅材料，點解這道菜叫缽缽雞；老闆就好詳細地解釋了這道菜嘅來源：原來以前在成都沒有太多材料可用，於是人們就善用雞的每一個部份去製作這味菜式；到近代為了迎合現代人的口味，就加入不同的材料使內容更加豐富，但依然保留返以前嘅名。我哋都乘勝追擊問咗老闆一個大家都好想知嘅問題：到底無骨鳳爪係咪都係出自阿婆嘅口....老闆都忍唔住笑左，話所有雞既部位都係人手去拆件，一啲工人負責𠝹開皮，一啲工人就負責拆骨，分工合作，既快捷又乾淨，完全唔牽涉到阿婆。大家聽完之後就放下左心頭大石，開懷暢食了哈哈。老闆都特別推介左 雪豆蹄花湯，話岩曬我地女生養顏養胃。湯入面有原隻豬手同大量既雪豆。平時飲開媽咪煲嘅靚湯，我特別嘴刁，但呢個湯我都飲左兩大碗。湯底雖然有藥膳味，但好易入口，清甜得來冇味精味，唔似其他餐廳嘅湯飲完會好口渴。豬手原隻炆到好腍，就算冇事先分拆都好易夾到。而且膠質滿滿，食完亦都唔覺得滯。老闆都推介我哋食豬手嗰時點佢哋嘅自家特製醬料，我哋試咗少少，點完醬料再食層次比較豐富，但因為豬手吸晒湯底嘅味道已經好正，就沒再特別去點醬了。雖然餐廳主打麻辣，佢嗰種辣都係非常容易入口同埋開胃，有嗜辣嘅朋友就快去試下啦！…Read More

今年新年同情人節太近，結果令壽堂同令尊翁擇左情人節食團年飯........ 委屈左女神大人luuuuuu 為左對佢好啲，擇左呢間新開既法國餐廳，諗住係佢出名之前靜靜地咁同女神過情人節。黎到老闆好熱情咁招呼我地，仲同我做左個少少既介紹。唔講唔知，完本諗住一心黎食法國菜，原來Figaro 既廚師正正就係老闆娘。老闆娘係日本人，但學法國菜，所以創左 Figaro 呢間fusion 菜出黎。老闆娘主內 (煮) 老闆主外 (酒)，好適合黎拍拖既我地! 平時我同女神大人都飲唔少酒.... 但其實唔係好識飲。老闆見我地想點海鮮想點生蠔就推薦左支白酒比我地，試完味之後都幾夾啲野食。Figaro 既酒大部份黎自法國沿海一帶既酒莊，雖然唔係波尔多出品，但唔代表唔好。佢地server 既價錢更貼地更大眾化。真心講，可能老闆既熱情介令覺得特別好味 :)  講番正餐，太座因為唔食牛肉，而餐牌上比較多牛肉，所以我地擇左比個多entree。今日生牡蠣 (日本產) 其實本來係諗住食法國生蠔既，但結果叫左日本生蠣。味道無咁重，偏淡，但肉質比較爽口，帶子位一樣甜美。加上佢地自制既醬，係非常好既starter (特別夾我地杯白酒) 甜蝦吞拿魚油塩麴漬 (3 pieces) 吞拿魚撈埋甜蝦，再加上黑椒同乾蒜粒。超好食! 黎左 3 杯，我同女朋友都爭住食埋最後果碟! 本身其實無諗過咁好食，但微酸既 tuna  加上黑椒同乾蒜好夾，我地再將啲蝦膏撈左入去，味更濃更好味。特製寿司球 (Sushi Tartine of the day) (6 pieces) 六款唔同既寿司，融合左法日兩國菜既特點。有牛油果，smoke salmon, lotus root, tuna 同我既最愛scallop。值得一提既係 salmon + 紫蘇葉我相信大部人食過，但佢地用 smoke salmon + 薄荷葉既combination 就比較少人做，都幾清新。鴨肝法國煎蛋波特菇燴飯 今日既主角。(何惜鴨肝賣哂，換左做Parma Ham) 女朋友聲稱自己識整隻蛋，估係將蛋醬"發" 成泡去煎.... Either way la, 老闆娘煎出黎既蛋入口既溶，入口漲卜卜咁，但好light 唔會太膩。佩埋個波特菇燴飯，做出明烈既對比，食完好幸褔! (女朋友又話自己識整喎....... 係...你岩....) 到最後既甜品啦。今次我地擇左 Cream Brulee。 同平時既 cream brulee 都似，但佢地好有心機咁放左少少薑汁同埋選用既草莓特別大粒!整體黎講食得好開心! 老闆老闆娘最後都有出黎同我地say bye bye, 好nice . 雖然女神講到佢樣樣都煮到(唔知仲以為係家常便飯)，但我並唔相信係到處食到既野。老闆娘既background 加上細心既 mentality 先可以煮得咁好食，再加埋老闆對酒既熟悉，食完我仲諗佢地先係天生一樣。highly recommend it for  小情侣! …Read More