herm_xx的个人专页

✨ 今日Herm姐約埋成班friend 去打冷，越多人越可以嗌多啲野食🤤🤤 呢間陳儀興我細細個就聽過呢個名啦，但係食就未食過。✨ 潮式獅蚶👧🏻 呢碟獅蚶係陳儀興嘅secret menu，食開嘅就一定會必點。獅蚶用咗唔同嘅醬料醃製，食落口有少少嘅酒味同辣味，一啲都唔腥，仲要好易上癮🤤。✨ 滷水鵝肝、鵝腸👧🏻 打冷必點當然會係滷味，Herm姐不嬲都好中意食滷水豆腐，滷水汁唔鹹得黎又好入味，調教得幾好。再者，鵝腸包滿住脂肪，真係食完真係要減肥😂😂。✨ 避風塘炒蜆👧🏻 呢味餸係個friend 特別點嘅，朋友仔最中意食蜆肉。呢個避風塘風味配落蜆肉真係好夾，嗰啲香蒜辣椒再配埋鮮甜嘅海鮮，真係食極唔停。✨ 水煮牛👧🏻 Herm姐最中意就係食辣野，呢個水煮牛就最啱我口味啦。每一塊牛都好嫩口好滑，份量仲要好多添。😍✨ 避風塘炒蟹👧🏻 打冷當然要必嗌避風塘風味嘅野食啦，炒蟹超級惹味而且有好多炒蒜放面。炒蟹仲夠多肉同蟹膏，真係會食到lamlam脷。…查看更多

話說小妹今日屋企無煮飯，娘親又早放工，咁我地兩個就決定出街食好西。嚟到旺角見到呢間博多拉麵別天神，門外人頭湧湧，通常食肆多人排就實好食，所以就決定入去試下先。餐牌小妹點咗呢個別天神套餐，套餐已包豚骨拉麵、餃子4隻、仲有小龍蝦蟹子沙律，價錢都幾實惠。講講食物質素先，拉麵湯底濃郁，麵底煙韌，叉燒就肥美，未算係入口即融，糖心蛋嘅蛋黃係流心嘅，總括黎講，拉麵係出色嘅。呢隻餃子應該係啱啱煎起就上碟，皮又薄又脆，𥚃面啲肉汁好多，食完會覺得好滿足。個人建議，4隻餃子其實真係唔夠喉，下次帶埋條仔去食一定要嗌多幾隻。總括嚟講，呢間餐廳嘅拉麵同餃子都頗為出色，小妹決定下次一定要帶條仔黎試。…查看更多

是咁的，小妹同友人A會係月尾出實習，很肯定無時間出去食好西，所以友人A今日就帶咗我去呢間岩浪天扶良日本料理食好西。呢間日本餐廳主打omakase，廚師會選擇當日新鮮嘅食材做料理，真係諗起到興奮。前菜 海膽豆腐講真，小妹無諗過海膽同豆腐呢兩種食材係咁夾，本身豆腐只有好淡嘅豆味，但係加埋海膽係上面一齊食，會變得好有鮮味，而且兩種食材texture 都係軟綿綿咁，係幾夾，呢碟前菜真係令小妹大開眼界。刺身 拖羅自從友人A帶過小妹食過拖羅之後，嗰種味道念念不忘，而呢間餐廳嘅大拖羅亦令小妹讚不絕口，佢非常肥美，入口即融，味道濃郁，畢生難忘。小食 汁燒魷魚望落去平平無奇嘅燒魷魚，竟然俾到好大嘅驚喜小妹。出面有部分燒魷魚會好韌，但係呢碟魷魚一咬就斷。最令小妹驚喜嘅係魷魚入面滑潺潺嘅嘢，有好濃嘅魷魚味，友人A都覺得好新奇，細問之下原來嗰啲係魷魚嘅卵，又試到新嘢了。主食 壽喜燒呢間餐廳用嘅係和牛，煮到半生熟嗰時，點下蛋汁，嗰種味道，嗰種口感，係非筆墨可以形容，牛係入口即融，非常出色。其他…查看更多

✨ 今日終於可以拋低友人A同老母去撐枱腳，老母喺不久之前都好俸行素食主義，盡量出去餐廳食飯都唔會食肉。今日Herm姐就帶住老母去愛家素食食lunch。✨ 餐牌✨ 紅菜頭湯✨ 豆乳味噌叉燒湯烏冬 配金盞花茶👧🏻 佢地嘅叉燒其實都係素，口感幾豐富。而且金盞花茶Herm姐都係第一次食，甘甘地幾開胃。✨ 下午茶 - 墨西哥卷👧🏻 Herm 姐就好中意食呢個墨西哥卷。呢個墨西哥卷加入嘅都係蕃茄、青瓜、生菜呢啲健康蔬菜。除此之外，墨西哥卷仲加咗素豆腐同素芝士，味道同普通芝士差唔多㗎！✨ 炸吉塊👧🏻 炸吉塊好似我地食開嘅麥樂雞，呢個吉塊雖然話係炸，不過完全唔油膩㗎，事關佢地係用光波爐整，完全無油，食幾多都唔怕啦🤫…查看更多

✨ 話說呢排小妹食得太多好西，肥咗5kg，咁都俾友人A發現咗，條友就日日笑勁小妹，真係佛都有火。知道友人A好怕辣，所以小妹就決定帶佢食麻辣懲罰一下佢。✨ 先講餐廳環境，呢度嘅枱櫈唔會太密集，好鬆動，坐得巧舒服，而且仲有幾張好大嘅卡位，梳化亦都好好坐。一入門口亦都見到有啲band鼓結他嗰啲，應該某啲日子會有band show。✨ 餐牌✨ 麻辣干煱👧🏻 呢度嘅麻辣干煱可以自由選擇辣度同麻度，小妹知道友人A真係好怕辣，所以揀咗小辣。一上菜已經聞到陣麻辣嘅味道，小妹未食都feel到口水分泌愈黎愈多。今次揀咗豬頸肉，腐皮條同蕃薯粉，蕃薯粉吸收哂麻辣嗰啲香料，真係好香。✨ 辣子雞👧🏻 辣子雞係用海量嘅辣椒粒炒香一啲好細粒嘅雞，而小妹揀呢道菜就係想用海量嘅辣椒嚇死友人A，結果不令小妹失望，佢一望到碟嘢就開始滴汗，食完之後，佢個枱面係有一攤水，笑死小妹。呢度嘅雞炸得好香，辣椒亦好足料，多得誇張。友人A雖然怕辣，但係佢食咗一啖之後又係咁食，正宗又怕辣又想食辣。…查看更多

✨ 話說小妹上個星期去咗越南旅行，啲嘢食幾好食，但略嫌清淡，小妹呢啲肥婆返到黎香港總係覺得口淡淡，所以友人A就話不如食和牛，刺激下味雷。黎到呢間丸十，映入眼簾嘅就係一塊塊脂肪多而均衡嘅和牛，小妹生平第一次見到啲脂肪俾我多嘅肉類，好開心。✨ 餐牌✨ 和牛紐約客👧🏻 呢間餐廳嘅待應會先上未煮嘅全塊和牛，和牛脂肪真係好雪花，望到都流口水。由於小妹今次太專心、太期待呢塊牛，竟然唔記得幫佢影相。之後店員就拎咗一塊熱石上黎，好細心咁問我地和牛嘅生熟度，然後幫我地煎。和牛點上佢嘅x汁，就好似如魚得水咁，成塊和牛啲味出哂黎。正如連登仔所講，「其實牛排衣家野，同海鮮一樣，靚既唔洗搞甘多調味，鹽同黑白椒就ok」，少少汁就調到個味出黎，好出色。✨ 汁燒牛肉烏冬👧🏻 呢份烏冬睇得出廚師係有諗過點上菜。平時牛肉烏冬係一碗一次過上，但係今次啲牛肉會分開上，牛肉唔會因為烏冬湯底而溝淡，好濃味，不得了。…查看更多

✨ 人地生日，你會選擇買咩蛋糕？✨ Raw Chocolate Cake👧🏻 Herm姐媽媽早幾日生日，Herm姐就上網搵咗好幾間整蛋糕嘅小店，務求實行罷買美心😤 點知俾我搵到呢間做純素蛋糕嘅小店，令到Herm姐好開心。 純素標榜無加白糖、蛋、奶製品，仲要否含反式脂肪同任何添加物。食落口味道完全唔會失色，朱古力味好濃郁，仲要配上咗新鮮嘅士多啤梨同肉桂🤤🤤雖然有啲貴，但老媽喜歡就得啦😘💸 $488 (4吋)…查看更多

✨ 天氣開始轉涼又有陽光，難得有一日假期，友人A就同Herm姐我揸車出去西貢兜兜風。喺白沙灣碼頭附近開咗一間較為高級嘅日本料理餐廳。我同友人A心血來潮就走咗入去試。✨ 呢間餐廳customer service 超級好，好有喺日本嘅味道。WAtheater 嘅餐具setting 都好講究，可見做食物嘅人花咗好多心思去了解客人對餐廳嘅觀感。✨ 餐牌，我同友人A每人都點咗一個餐，裡面除咗有主食之外，仲有沙律、前菜、湯、漬物同埋甜品，價錢算係中上。✨ 前菜 - 南瓜配牛蒡絲👧🏻 Herm 姐對佢有驚喜。南瓜一直都唔係我杯茶，但主廚將佢整得好冧身，好易入口，加上佢底有少少汁，Herm姐二話不說就飲埋，好清甜。✨ 主食 - 鰻丼👧🏻 上主菜嘅時候，主廚會特登出黎介紹丼飯嘅特色，烹調嘅方法同埋教我地點樣食先可以食到丼嘅精華，最後更會同我地討論我地對食物嘅評價，可見呢個主廚對食物有一份執著。先唔講主廚點煮，鰻魚食落去肉質鮮嫩，醬汁滲漏哂入魚肉入面，但外皮烤起黎唔會好鹹同燒焦。✨ 主食 - 黑豚腩片醬燒丼👧🏻 黑豚腩片塊塊厚度勻等，燒得每一塊嘅外邊都有少少脆口。加上腩片本身搽滿哂醬汁，所以白飯無添加其他醬油之外，主廚仲教我地應該一肉一飯，間住食而去中和味道。✨ 自家製甜品 - Tiramisu 雪糕…查看更多

✨ 今次Herm姐就同友人A去到台灣黑糖珍珠鮮奶名店飲下手調增下肥🤤🤤🤤✨餐牌✨ 大家可以望下，佢地嘅珍珠全部係手製㗎，仲要有睇店員即炒黑糖珍珠，真係杯杯都物照所值呀。今次Herm姐無飲到幸福堂嘅招牌，但係就試咗兩杯好特別嘅珍珠鮮奶。✨ 仙氣山水畫👧🏻 呢杯其實即係黑糖珍珠仙草鮮奶。呢杯山水畫無招牌黑糖鮮奶咁甜，好啱Herm姐口味。為咗去畫呢一杯山水畫，店員好小心咁避開黑糖漿黏上杯面，而造出黎嘅作品，又真係得黑同白色喎，好有心機👍🏻✨ 莓天想你👧🏻 呢杯其實即係士多啤梨珍珠鮮奶。Herm姐好少可喺台灣手調飲品店買士多啤黎嘅野飲，一黎係因為Strawberry未係Herm姐嘅favorite，二黎係因為好多店都為咗減低原材料成本所以都淨係加人造糖漿。但今次呢杯俾到友人A好大surprise，草莓珍珠好有咬口，而且飲品仲要飲到啲士多啤梨肉，真係好抵飲㗎。✨飲完幸福堂，記得去店後求翻支好籤呀😍😍！！…查看更多

✨ 睇波當然要去酒吧飲下酒飯下小食，因為琴日友人A揸咗車所以唔飲得酒，所以我地就淨係食咗main menu，同埋飲咗杯drink。✨ 餐牌✨ 呢間酒吧好啱Herm姐嘅心水，一黎就送咗啲小食上枱。小食係Herm姐最中意嘅Doritos 🤤🤤 佢地仲要Refill俾Herm姐，真係好有我心㗎。✨ 美國特級肉眼扒 12oz. 👧🏻 識Herm姐嘅都知我好中意周圍試牛扒，呢到都唔會例外。今次呢塊Rib Eye 雖然望落平平無奇，但係廚師煎得佢個外皮好香，肉汁好Rich，唯一美中不足嘅就係有少少熟。✨ 德國蜜汁燒豬手👧🏻 Herm姐好少可食豬手，但係友人A特別中意食豬手，所以點都好，我地都嗌咗一份。呢隻燒豬手份量好大，一份都可以兩個人share，加上外皮香脆可口仲有少少蜜糖味，真係好惹味。✨ Lemon Squash…查看更多

✨ 今次Herm姐同友人A去咗食一間超級唔normal嘅Supernormal餐廳。話說Herm姐等咗友人A帶我食呢間餐廳好耐㗎啦，因為我真係想試下佢地嘅軟殻蟹漢堡🤤。✨ 餐牌✨ 明太子原隻軟殻蟹漢堡👧🏻 軟殻蟹漢堡係Herm姐去supernormal食野嘅原因。成個burger都好rich，啖啖都會食到軟殻蟹同明太子。軟殻蟹炸得黎唔會好油膩，加上佢地擺喺burger入面嘅配菜真係好多，所以herm姐真係食得好飽。✨ 柚子麥啤浸脆皮德國鹹豬手👧🏻 呢期supernormal 做梗promotion嘅鹹豬手，友人A就嗌咗一份。因為炸鹹豬手製作需時，所以餐廳超級貼心，將漢堡壓後時間上台，令到Herm姐我可以食到熱辣辣嘅burger。而且鹹豬手係會切好上台，咁樣就好方便我地唔洗切。✨ 檸檬蜜桃蘋果梳打…查看更多

✨ 除咗西式、日式、韓式嘅美食，小妹都好中意去酒樓食下飯，飲下茶。今日小妹我就同老母去咗銅鑼灣譽宴食個飯。✨今次嗌咗佢地嘅晚餐之選，包括蒸海星斑、炸子雞同菜苗。✨ 蒸海星斑👧🏻 小妹最中意就係用蒸魚鼓油去撈飯食㗎啦🤤🤤 今次呢條蒸魚蒸得啱啱好，返開魚肉都無血紅色。而且肉質鮮嫩彈牙，魚骨比較少，好啱小妹我呢啲唔中意有骨嘅人🤣🤣。✨ 脆皮醬燒炸子雞 - 半隻👧🏻 佢地挑選嘅雞，脂肪唔會好多，肉嘅比例會較為多，好易飽肚。加上雞子雞嘅雞皮炸得好脆口，令到小妹我食極唔停。✨ 鮮茄海星浸菜苗👧🏻 佢地嘅菜苗小妹我特別喜歡，菜苗無咗嗰陣草青味，食落好爽口。加上除咗菜苖以外，仲加咗蕃茄、草菇等去調味，令到菜苗唔會更單調。…查看更多

✨ 今日同友人A去咗將軍澳見個朋友順便食個晚飯😋 小妹我突然間心血來潮就去咗呢間四季．良晨食台灣野。7點左右過去都開始多人，排咗5分鐘左右就入得去食。✨餐牌✨ 麻辣牛肚麵👧🏻 小妹嗌咗一個麻辣小辣嘅牛肚麵，而麵底就簡咗台灣麵。一上台嘅牛肚麵大大碗，真係好啱大胃嘅小妹😚，麵底較為稔身容易入口，而且牛肚份量十足 👍🏻👍🏻✨ 三盛紅燒牛肉麵✨台灣烤香腸、 鹽酥花枝丸👧🏻 台灣嘅街頭小食一向都係小妹我嘅摰愛，每一次食台灣野都係必嗌。烤香腸做得好細心，廚師會將台灣腸切片再烤，令到香腸外層好脆口，唔會到有漏口嘅感覺。✨ 芝士奶蓋白桃烏龍、芝士奶蓋抹茶👧🏻 芝士奶蓋手調飲品而家愈來愈普及，我地都繼續跟住風去試唔同店舖嘅芝士奶蓋。白桃烏龍，味道清甜、比較淡口，加埋奶蓋點綴一下，令到味道無咁寡。 而奶蓋抹茶，小妹我選擇咗少甜，抹茶粉好香濃，份量同味道都啱啱好。…查看更多

✨ 今日決定唔同友人A去覓食啦，小妹我轉場搵個中學嘅老朋友去上環聚舊。經喺Openrice 嘅一翻搜查，俾小妹我搵到一間食慢煮嘅餐廳，就即管去試試。✨ 餐牌✨ 西冷牛扒(中)👧🏻 經過店員嘅講解，medium size 嘅牛扒已經好足夠俾兩個女仔去食嘅。通常小妹我食開medium rare 至到medium，今次就由廚師發辦等佢決定成熟程度。呢塊西冷因為係用慢煮方式去烹調，切開係比較粉色，但咬起黎肉汁好豐富，幾特別。✨ 炸蕃薯條👧🏻 小妹我最意呢個蕃薯條嘅醬汁，係沙律醬加上黑松露粉呀！如果一直有睇開小妹嘅食評，都知我好中意黑松露嘅Dips。蕃薯條嘅炸粉唔太口，蕃薯條亦都唔會太稔，好有咬口。✨ 燒露筍苗👧🏻 通常食露筍苗都係用黎做伴碟，而佢地就用咗黎做一個appetizers，但小妹我就特別喜歡，燒香咗嘅asparagus 唔會好硬，亦都唔會帶好一陣草青味。小妹我就suggest大家加少少鹽調下味就更好。✨ 比利時三倍麥啤、紅桑子啤…查看更多

✨ 呢排考試都無乜心情食好西，唯有同友人A落去旺角民華填下肚，再翻大學再戰lecture notes😤😤 不過填還填，民華的確又無令我無令小妹我失望，仲要價廉物美添。✨餐牌✨ 常餐👧🏻 小妹喺茶餐廳最中意嗌常餐，貪佢咩都有啲嘛。今次小妹就簡咗我嘅最愛-沙嗲牛麵，麵底超煙韌，不錯。仲要烘熱咗嘅多士配上溶咗嘅牛油，有咬口得黎又不失牛油香。$46黎講真係幾抵。✨ 西多士👧🏻 小妹令一個至愛就係西多。雖然民華無小妹中意食嗰款搽滿花生醬嘅西多，但呢款厚身嘅麵包都足以滿足我嘅味覺😛😛。✨ 菠蘿油配紅豆冰👧🏻 友人A唔知係咪想做菠蘿油王子呢，所以佢又嗌咗份菠蘿油黎食。熱辣辣嘅菠蘿包再配上一塊勁厚又凍凍地嘅牛油，真係好perfect 嘅perfect match🤤。咬落口，味蕾真係充滿住刺激㗎。…查看更多