meslai's Profile

之前同朋友食過，今日等咗一陣有人問我哋幾多位，之後有職員喺入面向我們招手，我們就入咗去坐低，然後有位個子高大的男職員不斷問係咪有人叫我哋入嚟，好似唔信我哋咁，令到我哋都好尷尬，唯有離開，最後食唔到。其實招呼我哋坐低就可以了，為何要令到客人覺得難受呢？真係以後都唔敢再入去。…Read More

今日同啲朋友一行10幾人一齊去呢間酒樓飲茶，我哋叫咗超過20碟點心，但係上菜比較慢，我哋差唔多要走嘅時候候都仲有啲點心未到，於是我哋唯有埋單，同埋想取消未到嘅點心。點知道負責收銀嘅姐姐姐唔信我哋，堅持話我哋食咗點心唔認數，懷疑我哋呃錢，唔通我哋食千幾蚊會為咗慳幾十蚊講大話？直至到見到經理同佢反映，收銀員先肯幫我哋取消，而且一句道歉都冇，我真係唔明白點解會有呢啲員工，我哋嚟食飯，唔係嚟受氣。真係要同陶源酒家嘅老闆講聲，希望你好好培訓吓酒樓嘅員工。…Read More

今日第二次幫襯，叫咗一個豚肉鰻魚雙拼飯$118，另外加一，套餐有飲品及湯，上菜速度好快，溫度亦好夠，肚餓時食熱飯最滿足。豚肉好大塊，有三片咁多，調味剛剛好，鰻魚亦十分之肥美，整體來說，十分美味。只係考慮到健康，希望餐廳的套餐配埋蔬菜更加好。…Read More

今日經過尖沙咀食完中午飯，行咗一陣、仲有啲肚餓，所以入去呢間甜品店試吓。:)我叫咗一碗蛋白杏仁湯圓，杏仁茶中有滿滿的蛋白，口感香滑，加上三粒芝麻湯圓，令人十分之滿足。朋友叫了芝麻糊，溫度偏暖，但是夏天食就剛剛好。環境都光潔明亮，坐得舒服自在。…Read More

今日喺深水埗工作，見到有間餐廳人頭湧湧，原來係銀杏冰室，好似係鼓勵長者就業的社企，好奇入去試吓。💗見到個餐牌好多選擇，仲好平添，第一次嚟唔係好知點落order，有一位長者店員向我解說，真係好有耐性，於是我叫了是日蒸魚、番薯飯、炒菜、婆婆靚湯。😋味道十分健康，沒有過多的調味料，吃到食材原本的味道，有啲似細個婆婆煮的餸菜，特別係個番薯飯，真係好特別，婆婆靚湯係用蓮藕、綠豆、荷花葉煲的，啱晒夏天飲呀！最特別係食嘅時候，坐附近啲長者會同你傾偈，大家交流一下，好開心呀，滿滿的人情味💗附近的長者街坊有福啦，咁優惠嘅價錢食到健康嘅餸菜，每日嘅精選飯都係$12😊👍🏻👍🏻…Read More

成日聽到人話好食，今日第一次上嚟食。我叫咗瑞士雞翼、魚肉、菜心，要瑞士汁，每一樣嘢都好好味，食得出係用心製作的食物，係有少少濃味，但係食落去有質感。我朋友就叫咗酸齋、蘿蔔、水餃、蝦條，啲蘿蔔超甜！反而我哋覺得啲飲品有啲甜，如果可以揀無糖飲品就更加好啦。我覺得啲姐姐服務態度都幾好，幾有禮貌🙂👍🏻…Read More

第一次食呢間新開的餐廳，叫了一份厚切吉列豬扒，豬扒好大份，足足五大件，而且每塊都好厚切，豬扒配有兩份醬汁，包括芝麻醬，仲有平時食開嘅酸酸甜甜豬扒汁，豬扒肉質幾好，比想像中好味道，個餐仲有麵豉湯同蒸蛋，好大份，$98其實好抵食…Read More

本身我係好鍾意食越南嘢，荃灣開咗芽莊，梗係要去試吓啦。我哋發現有二人餐，其他分店好似唔係好覺有，於是試吓。二人餐包一個小食拼盤（有越式炸春卷、牙車快沙律、牛油雞翼）、一份炒芥蘭苗、兩份湯河、燒雞或者燒牛肉，我哋揀咗燒牛肉。牙車快沙律，估唔到味道係咁清新，食落去好開胃。炸春卷，一直都係咁好味；最驚喜係牛油雞翼，充滿牛油的香氣，香脆可口。燒牛肉味道就一般，而且size 有啲細, 下次可以試吓燒雞。可能因為係二人餐嘅關係，兩碗河粉就比平時細碗咗，但係味道係一樣的，男士可能會覺得少咗D，兩個女仔食就應該啱啱好呢度環境好舒服，座位又闊落，啱晒傾偈…Read More

前幾日同朋友慶祝生日，特登book咗呢間餐廳同佢慶祝。我哋叫咗一個貓耳朵蟹肉意粉、一份鮮果沙律，一份薯條，仲有一個蘋果雪糕甜品。貓耳朵意粉超好味，雖然個樣有啲簡單，但識落煙煙韌韌咁，充滿蟹香味。鮮果沙律唔記得咗原本個名，食到好多美味的新鮮蔬菜，顏色色彩繽紛，好美麗。薯條好大份，配埋蛋黃醬，十分惹味。印象最深刻就係呢個蘋果雪糕甜品，蘋果係煮過的，熱熱地，配埋凍冰冰番薯味雪糕，同埋蜂蜜味蛋糕，真係好特別，我同朋友都覺得好好味我仲做埋會員，即刻有九折添…Read More

今日第一次試吓呢間新開的韓國餐廳。環境裝修得好有韓國feel , 而且座位之間比較寬敞，坐得都幾舒服。我哋叫咗三樣嘢：一份青蔥炸雞，一個魚糕湯、蟹籽蛋捲。青蔥炸雞，味道一般，比較乾身。魚糕湯就幾有風味，都幾足料的，如果可以多少少蔬菜更加好，因為張相好似有好多菜，嚟到嘅時候好少菜。蟹籽蛋捲就好好味，入面有好多蟹籽。有七折，就大約$400。…Read More

今日同我同事一齊去食酸菜魚飯，啲魚肉好新鮮又有酸菜嘅香味，加埋薯粉一齊食真係好惹味只係可惜啲米飯有啲怪味，好似有一陣塑膠味 店員服務好好，幫我哋換咗一碗新的飯，同埋同意向廚房反映…Read More

睇到網上有人推介，所以來試試。我哋兩個人叫咗炒拉麵、牛肉薄燒、炒雜菜，燒餅。味道方面：炒拉麵，炒雜菜，同埋燒餅嘅味道係好似的，味道－般，沒有特別驚喜。唯獨牛肉燒就幾好味，牛肉包住香蔥，充滿香氣。服務方面：有一個女侍應沒有問我們，就給了我們一碟蕃茄前菜，說明是收費的，然後立即走開，我哋兩個當堂呆咗，因為我們都不喜歡吃蕃茄，感覺不太良好，好似強制我哋要食咁，好無禮貌！最後我就叫佢哋拎走。環境方面：好似一間酒吧，氣氛良好，只係碟子的質素有待改善，不夠美觀。試吓就OK。唔使再嚟😅 …Read More

今日經過葵芳，諗起好耐冇食金潮，於是同屋企人過去排隊，排咗30分鐘左右竟然有位，好開心有得食！我哋叫咗粉絲蒸扇貝、豉油王墨魚咀、小炒王，全部都好好味😋 尤其係粉絲蒸扇貝，扇貝真係好大隻，充滿鮮味👍🏻👍🏻墨魚咀真係好彈牙，十分之惹味👍🏻小炒王就不過不失，鹹咗少少，配白飯就一流😁真係好多人，排隊都要啲時間，但係呢個價錢食到美味嘅小炒，都係值得的…Read More

餐廳裝修幾靚，除咗座位比較狹窄之外，整體上都幾有情調的。食物都OK，未算話好好食，但係環境有加分的。服務好差，侍應成日都唔理人，成日等好耐先有人應，其實啱啱入去之前都冇人service , 有個男職員唔係好尊重人，影響咗我哋食嘅心情。唔知會唔會係人手太少，太忙？或者係餐廳嘅文化就係冇服務？除咗食物，服務方面都要努力，先可以做得長遠的，希望呢間餐廳會明白。…Read More

今日行商場經過呢間餐廳，見到都幾靚，於是諗住試一下。其實環境係幾靚嘅，座位同座位之間都比較闊落，所以傾偈都好方便。只係啲食物真係麻麻地⋯⋯我叫咗個係豬扒肉眼配薯條，要求全熟嘅，但係其中一塊超過一半都係粉紅色，我真係食唔到，於是叫咗侍應過嚟，佢亦都冇同我換過，只係話幫我同廚房反映一下。。之後我都係埋單走人。…Read More