Anny103's Profile

慕名這cafe的下午茶set已久 ，終於在網上訂到枱 ，是日下午5:00最後一輪。當日與朋友準時出席，服務員很有禮貌 還主動為我們影相留念。可惜當我們開始品嚐時 發覺scones 是冷冰冰的而且很乾，一切使散，完全冇香味. Mini三文治內的三文魚腥味很重，麵包太乾身 似乎預備左好耐 雖然我們係最後一輪，但以半島酒店的名氣，水準令人大失所望！以$400-一位的下午茶包8款迷你茶點，一小杯軟雪糕和一杯飲品 份量與同級酒店差不多，但質素就名過其實！我選擇鮮榨橙汁但味道似盒裝橙汁，是否我味蕾有問題🤨 總括來講tea-set打卡一流但食物味道一般。唔會再有下次亦唔會推薦給朋友。…Read More

這間餐廳的羅宋湯由開張到而家我們一家都十分捧場。非常好味和足料😋疫情期間時常買定十包八包放喺freezer. 在open rice購買湯包餐券無數次。但最近買咗6個牛腩羅宋湯湯包回來，發覺味道無變，但湯料只係以前的一半😱明白現在百物騰貴，不過價錢已經調整左 ，但$60-一個外賣急凍湯包竟然只有一塊一吋左右的牛腩和幾片椰菜，紅蘿蔔消失！牛腩雖然貴但係椰菜相對比較平，咁嘅價錢似乎物非所值！希望餐廳認真檢討下！…Read More

平時在皇后用餐一定會叫紅酒牛尾，是我的favourite 。今晚特登叫個外賣回家諗住煲個白飯 好好享用。點知打開外賣盒一看 已經心知不妙！盒內完整三件中段加一件極細尾段牛尾和一小塊紅蘿蔔。$148-一個order淨牛尾唔會期望很大份。但至少有充份醬汁！但係乾爭爭見到盒底，完全同以往不同。賣相已覺不對 牛尾周邊肥膏佔咗1/3 明顯未清理過。咬落感覺未炆得淋 同以往入口即溶的感覺原全不同 味道唔咸唔淡 怪怪地。唔知係咪換咗廚師 直覺和以前的紅酒牛尾不一樣。如果唔係我親身去買 還以為是另一間餐廳的出品。太失望 配不上是皇后經典 希望餐廳主持留意吓 ，唔好掉咗個金漆招牌菜啊！…Read More

昨天中午光顧長期捧場的餐廳 水準唔會令人失望，但今日卻徹底改觀！叫咗個set lunch係白色雞皇飯。這個飯差唔多係餐廳的signature. （除咗焗豬扒飯）但今次卻非常失望。啲雞肉望落同以前差唔多 但食落口卻嚡和硬。唔知係咪昨日賣剩？ 即時冇曬胃口。求其用白汁食咗啲飯 😤 清理餐桌時 待應見到碟雞完封不動都當睇唔到，問都唔問立即收碟！唉😮‍💨點解會咁嘅？ 希望餐廳檢討下 唔好水準下降！另外待應姐姐更幽默，我要求美極豉油時 佢竟然答我係咪還有要求 ，一次過啦！語氣好似叫我唔好玩嘢，多多要求😱😱 咁嘅服務態度好趕客呀！…Read More

今日叫工人姐姐用yuu優惠買set 2人套餐。點知打開外賣竟然白计雞皇飯變成白飯😱😱. 唯有炸雞送白飯。究竟是太忙或其他原因呢?😤😤 相信大多數客人買外賣是不會取出袋中食物來檢查的。希望有關方面留意下la…Read More

我們全家都喜歡這間中餐廳，多年来都捧場。過時過節就來龍苑家庭聚會。間中約吓朋友飲茶。每年都renew會藉 直至疫情嚴重才減少外出吃飯。最近每星期都在這裏飲茶,點心燒味和炒粉麵都保持水準！不幸昨天午餐幾乎樣樣中伏😱鳳瓜一噚雪味，义燒和油雞與普通燒味店無異，干炒牛河油淋淋冇味道, 究竟發生咩事？是否換咗廚師?希望餐廳檢討下！…Read More

今日在又一城睇完早場已經11:05，諗住去錦麗食越南湯粉，點知行入餐廳只見成班伙記在吃飯，企咗一陣都冇人招呼！乜營業時間唔係11:00開始嗎？見到客人都懶得招呼，只顧自己吃，似乎服務態度有待改善！…Read More

今早8:30諗住去食過早餐才睇早埸，試吓再叫早餐牌上推介的义燒魚柳湯粉，點知待應答話义燒未到！噢my god,同一答案已經是無數次!為什麼要show在早餐牌上呢？…Read More