砂梨's Profile

疫情關係諗住近近地叫附返酒樓新明苑外賣10分鐘左右去到新明苑 才收到外賣平台通知餐廳取消左訂單我問新明苑職員 職員就話無收過平台通知有單叫我即場落單 我想叫返本身想食既野 但職員就話無跟住我再睇個app 又出現返另一樣原本想要嘅嘢但係我已經係第二間度買咗最後我都喺新明苑叫左另一樣野食諗住提佢地要留意平台放左咩餐單啦點知有個著西裝職員走黎叫我自己問平台咩事仲話唔想接咁多平台單 想做現客生意其實已經唔係第一次出現呢個情況上次係夜晚接近9點被佢地取消單我嗰次諗可能佢地就收工cut唔徹單不過加埋今次既經驗哦 學著西裝嗰位職員話齋 係佢地做生意丫嘛想接現客單丫嘛 唔想接平台單丫嘛收到 我諗我明勒…Read More

呢間餐廳員工好巴閉剛剛經外賣平台叫了個餐想點凍檸茶 備註了少冰少甜但我自已按錯了熱檸茶當餐送到的時候發現餐廳貼了相片中的字條其實我查看紀錄也會發現是自己下單的問題如餐廳真想突顯顧客的錯可在貼在包裝袋上的單據上做紀號我又真係無加錢 餐廳照單做就得了寫這樣一句係想反映咩呢 想表達咩呢自己落錯單 咪自己受囉餐廳寫句咁既野係想個客點…Read More

新開韓國餐廳 幫襯過兩三次印象係外賣等得耐 又出錯餐上次叫一個晚市套餐外賣 無俾泡菜同芽菜今次叫左個五色炒粉絲我點豬的但是佢俾牛 有d牛好深色 有d又好淺色呢排要戒口 唔食得牛 但d牛好碎碎地 揀得好辛苦外賣拎走左... 難道拎返落去換...... 唔太想囉......不過公道講句 其實係俾左幾多肉的 只不過係俾錯左啫至於五色呢 有蛋有粟米粒 幾條紅蘿蔔絲同翠玉瓜絲其實味道尚可既 不過呢個價錢服務態度一般般 出餐慢又唔準都係過一排先再去幫襯了…Read More

第一次試呢間 叫左個一人套餐三杯雞肉燥飯 轉新竹米粉雞肉浸左湯 預左會淡味少少肉燥同豆卜都夠味 整體黎講ok小食滷水豬腸豬腸夠入味 好食凍特濃朱古力都ok 夠味食物講完 講下 d 服務 (以下內容純粹本人單次用餐經驗) 點餐嗰陣轉左新竹米粉 但出左個飯 我同侍應甲講佢一黎就遞張廚房單俾我睇，話：「呀小姐，呢度寫得好清楚係飯架喎!」跟手仲指住我張機單話：「呢度都係寫飯」我：「唔係喎，我落單時話要米線」點餐時問過米線同米粉既問題，一時口快自己都講錯左但佢已經去出餐口同廚房講改米線我叫唔到侍應甲，同路過既侍應乙講其實我係要米粉侍應乙幫我傳達左之後，侍應甲好大聲咁話：「下!? 又米粉!?」我睇返落單張手寫單，寫住個「米」字 (見相)呢個位我真係忍唔住，同侍應甲講：「我落單嗰陣已經話要米線，唔係『又』架!」我講錯左自己都唔好意思，但係「下又米粉」呢句，我認為無必要俾個客聽到知張機單寫得好清楚係飯，咁手寫單個「米」字係咩?米粉？米線？我認為係飯既機會甚微如果我落單時講錯無得好賴，但如果係入錯機，一開始話我知我可能都會要，咪食飯下次先食米粉囉，雖然最後都轉返新竹米粉，食物味道亦唔差，但咁既服務態度，仲要收服務費，我個人短期內都唔會想再黎…Read More

12月23日與友人到旺角採購聖誕禮物, 行到下午兩點幾, 到朗豪坊食 tea之前未試過食紅蔥頭, 見佢唔駛等位又有好多choice, 所以揀左呢間因為我地一行三個女仔都未食飯, 所以叫左兩個 lunch set 同埋一個 tea set 午香肉丁炒公仔麵 (Tea Set) : d 麵炒得好乾身, 午香肉丁唔辣但係好香好醒胃 咖哩芝士焗牛柳飯 (Lunch Set) : 咖喱好香有少少辣, 牛柳好"林"好好食, 可惜 d 飯都太"林", 扣左少少分 茄汁鮪魚螺絲粉 (Lunch Set) : 螺絲粉口感唔錯, 但唔係好食到有鮪魚, 個醬汁幾甜, 我食覺得 OK, 不過友人覺得太甜, 同埋無咩特別D 相係開動左之後先映的, 唔係好睇到個實際份量, 但係三個 set 既份量都 OK 多女仔食既話就咁叫以上任何一個set都可以for 一個人既 lunch加上佢係 set 附飲品, 價錢又唔係貴, 其實都幾抵食~…Read More

今年六月同七月分別同兩批唔同既朋友過左澳門.....六月同我去既朋友唔係成日去澳門, 覺得佛笑樓 OK, 可以 encore~因為乳鴿同梳乎厘真係好好味~~七月同我去既朋友們成日去澳門, 覺得佛笑樓唔 OK, 唔肯去~因為價錢貴, d 野又唔係特別好食~~我雖然去過澳門好多次, 覺得七月朋友們講既野合理, 但都係偏向六月朋友既諗法~佛笑樓 d 野其實真係幾貴, 但係我始終念念不忘佢既梳乎厘同埋乳鴿~~雖然對我黎講, 乳鴿既味道好濃, 就算我唔點醬, 就咁食會覺得好喊~~但係配個炒飯, 叫多個炒雜菜, 味道就剛好了~~乳鴿既肉好嫩, 好 Juicy 同埋入味.....而個梳乎厘, 一份細既都好大份, 四個人分都係剛剛食得哂......同埋o個度既待應會見你食到咁上下, 預番個時間再問你可以開始焗未.....因為個梳乎厘要剛出爐, 熱辣辣, 香噴噴咁上枱先最新鮮好食~~佛笑樓既梳乎厘有好香既蛋味同奶味, 表面烤成金黃色, 配埋朱古力醬, 賣相一流~~金黃色表面香脆, 入面既蛋奶泡發得好靚, 食落好細, 好棉同好滑~~我本人好鐘意呢個口感, 不過個個人口味唔同, 朋友中都有一兩個唔太鐘意~~總之對我黎講, 個梳乎厘內外既色香味口感都一流~~如果問我佛笑樓有咩唔好, 我會話價錢係幾貴的......同埋以葡國菜黎講, 部份菜式味道較濃, 要以炒飯或炒雜菜味道較淡既菜式佐食.....但係為左個梳乎厘, 我係會繼續去的~~…Read More

去過第一兩次, 呢間野似乎係招呼熟客多, 因為兩次都無人同我地講解收費, 要自己問......除左基本收費, 湯底茶芥另計, 送一Jar野飲, 同每人一柸細細柸既牛奶公司雪糕~~Jar野飲有得揀的, 不過已經唔記得有咩 option, 因為去兩次都係叫西瓜汁~~西瓜汁係鮮搾的, 好多沙, 好好飲!!另外一提, 伙記一般唔會主動上茶, 如果想飲茶要自己叫佢上~~雪糕可以打完邊爐先叫, 有四種口味: 芒果, 紅豆, vanilla 同朱古力味~~話就話任食係兩個鐘, 不過兩次都可以坐好耐無人趕我地走~~第一次係 7/9/2008(星期日)晚去, 誤打誤撞搵到呢間, 上到去唔算多人....第二次係13/9/2008 中秋節前既星期六晚去, 8點左右開始打, 人多左好多, 因為果晚有波睇, 好多人去睇波, 但係我地都可以坐到11點幾~~如果一大班朋友gathering, 又想坐耐d既話, 可以去呢間~~講番個邊爐, 第一次係皮蛋芫莤湯底, 第二次係豬骨湯底, 兩個湯底都好好味同好足料~~但係個人黎講比較鐘意個豬骨湯底, 因為佢有少少胡椒味, 野味d~~佢有分任食既邊爐料, 同逐碟收錢既~~ 不過任食都已經好夠了~~推介既料有:1) 肥牛 - 打邊爐必食, 雖然有時會雪得硬左D, 不過都新鮮的2) 粟米 - 一個字: 甜; 兩個字: 大舊; 三個字; 好好味~ (如果叫豬骨湯底, 本身就有幾舊)3) 雲吞 - 好大粒, 多料, 咬入去好多汁, 入面既蝦好彈牙, 亦好鮮味4) 生蠔 - 新鮮, 食左幾舊, 唔覺有沙, 幾乾淨5) 丸類 - 所有丸類口感味道都一流, 我本身就鐘意食墨魚丸, 另外推薦豬肉丸~~ 好鮮味~~以上係個人5個推介, 但係其實其他料都好新鮮~~加上打邊爐, 好多時 d 野好唔好食都係取決於個湯底~~在第一打過兩次邊爐, 兩個湯底都好好味(我未打之前都會試一試味)~~有 d 邊爐料好普通, 但係因為個湯底好, 所以"六"出黎都好好食~~好似: 生根, 芋絲, 白蘿白, 油墨菜, 生菜等等~~overall 都 OK, 但係較為可惜既係我好鐘意食既脆鯇片同鱔片唔夠爽口同脆......另外有豬腦同豬黃喉等豬內臟料, 我覺得較為特別, 但係我本身唔好, 所以無試.......至於環境同服務.... 坦白講過得去啦......有時候會漏單..... 但伙記們都 nice既, 見到我地清左一碟料, 好快就會過黎收碟....不過要搵佢地既時候就叫好耐先有人理.....裝潢睇得出算係舊式酒樓, 都算乾淨~~兩次去埋單都係每人 $120 左右, 價錢都合理的~我同朋友們都鐘意打邊爐, 所以應該會再去, 同埋會試埋其他湯底的~~…Read More

家住嘉福, 自從富成燒臘茶餐廳摺左, 村內一間似樣少少既餐廳都無....好在近日在富成原址新開左間昇悅鮮廚, 今日下午茶時間去試左~~入到去環境都唔錯, 夠光, 乾淨, 有幾部 plasma 電視, 我坐卡位, 都幾舒服~~新裝修過都唔會差得去邊既~~可能因為新, 加上係下午茶時間, 所以唔係好多人, 好快就有 waitress 上茶同埋招呼我....下午茶餐都算係有幾多選揀, 有一般既小食茶餐如: 沙律多士之外, 仲有燒味粉麵茶餐~~最 surprise 係竟然零零舍舍有一個煙鴨胸焗意粉.....不過下午茶價錢既 range 都幾大, $14-28, 睇你叫咩啦....因為無食晏想食得飽d, 所以叫左煙鴨胸焗意粉($28), 同埋凍檸茶(凍飲另加$2)....諗住昇悅好似幾出名, 想叫冰鎮凍檸茶, 但係waitress唔明咩係冰鎮, 所以叫左少冰算了.....因為唔太多人, 飲品食物都好快黎....凍檸茶先到, 好飲的~ 有茶味, 而甜度適中, 唔似其他茶餐廳o個 d 好似飲緊糖水咁~~雖然檸檬切得薄, 不過都有五片, 差唔多三分一個~~食完個煙鴨胸焗意粉再飲埋o個半柸凍檸茶仍然好有茶味~~十分滿分我會俾九分, 如果佢係冰鎮的話就完美了~~而煙鴨胸焗意粉其實都 OK, 賣相唔錯, 又好夠熱, 食食下隻鐵叉其中一隻腳仲熱到曲左....個意粉用茄醬焗, d 茄醬唔會水汪汪咁, 甜甜地幾好味.....份量夠多, 幾大碟, 因為夠醬, 個意粉唔乾身, 口感亦都唔錯~~鴨胸唔太喊, 又唔係好肥, 幾好味, 雖然算係細舊, 但係都有6片咁多, 算係足料啦~~不過 $28 一個下午茶餐, 加埋凍飲要 $30..... 都係覺得偏貴左少少.....但係見佢幾好食, 又足料, 一次半次無所謂啦....可惜落街時太肚餓, 唔記得拎埋相機去影野食.....埋單時拎左一張外賣紙返屋企同富成做比較.....以前好鐘意叫富成外賣, 因為佢無最低消費, 叫一個 item 都會送....而家昇悅外賣要惠顧滿$50, 仲要每款加$1.....靜係睇抄粉麵, 中西式飯等, overall 黎講都係昇悅貴 d....不過無計, 富成已經摺左係事實...... 睇黎如果一丁人既話, 都係要移一移玉步落去食了......雖然野食較貴, 不過我覺得我會繼續去, 因為昇悅係嘉福入面唯一一間餐廳.....而且暫時黎講, 因為新開張環境衛生同食物質素都唔錯, 會期待試佢其他菜式.....不過我見個領班仲不斷地 train 緊 d waiter, 可能佢地都新啦, 做耐 d 就會上手了......如果屋企無飯開, 又唔想行咁遠的話, 都可以去食......希望昇悅真係一分錢一分貨, 可以在各方面一直保持到一個好既質素啦~~…Read More