寒蕾hanlei's Profile

最近同媽媽嚟左呢度飲茶因為媽媽鍾意鮑魚同燕窩而佢地點點心又有 所以就嚟左呢度食茶嘅種類亦都有好多有傳統茶 都有新式茶 而我哋就叫咗新式茶 白桃烏龍 入口第一啖味道係白桃嘅香味隨之而來就係烏龍嘅香味以及白桃嘅酸味食物方面：🔸️極品鮑魚雞粒酥真係超級大舊鮑魚 成隻手指咁大食起上嚟味道鹹香🔸️燕窩蛋撻喺蛋撻上面 放有燕窩燕窩並唔會好甜 基本上冇乜嘢味但係配搭蛋撻嘅甜就剛剛好一口嘅size亦令到食起上嚟好方便🔸️晶瑩海蝦餃呢個蝦餃真係超級大粒蝦喺入面一咬落去 超juicy🔸️ 櫻花蝦紫菜蘿蔔糕一般嘅蘿蔔糕都係靠煎到好脆 先至夠香但係因為呢個蘿蔔糕加咗櫻花蝦同紫菜就算唔需要煎到好脆 都已經夠曬香咁就唔使擔心食完蘿蔔糕會上火 好熱氣🔸️ 一口牛肉餅餅嘅外皮係糯米 糯米皮被炸到外脆內軟一咬落去 滿嘴都係牛肉鮮美嘅肉汁🔸️櫻花蝦紫菜瑤柱蛋白炒飯整體嚟講香口得嚟 又唔會好似其他店嘅瑤柱蛋白炒飯一樣咁喊啱曬我呢啲唔鍾意濃味嘅小朋友…Read More

呢間點心店真心性價比高人均100 食到超飽茶價方面係每位 $6 我地揀左普洱 啲茶飲到最後都冇話變澀 可見啲茶都有返一定質素 唔似某啲酒樓 只有第一盞茶好飲食物方面：🔸️ 黑松露燒賣（4粒） - 價格： $32真係粒粒面頭都有黑松露啱哂我呢啲黑松露愛好者燒賣亦大大粒 滿滿肉汁 好好味😋🔸️花膠海皇灌湯餃 - 價格：$34灌湯餃入面有成大舊花膠 唔係果啲花膠溶哂喺湯入面啖湯仲要好正性價比超高🙈🔸️點心拼盤（8件）- 價格：$48絕對係今餐性價比MV👑有蝦餃、潮洲粉果、菜苗餃、叉燒包 各2件咁多樣我最鍾意嘅蝦餃🦐大大粒蝦 又超juicy 潮洲粉果都唔錯 自己比較鍾意潮州粉果嗰種味道🔸️ 千層蘿蔔絲酥 - 價格：$42有冇人同我一樣好鍾意食蘿蔔酥🙋🏻‍♀️外酥內嫩 真係正到爆但東哥嘅蘿蔔酥再有特別之處佢地嘅蘿蔔酥有加入芹菜粒喺蘿蔔嘅香味上再添香氣啱哂我呢啲鍾意香口野嘅🙈🔸️原隻鮮蝦腸 - 價格：$32每舊腸粉都有🦐🦐腸粉比軟軟糯糯口感好好💝我地全單加埋啱啱好齊頭200人均先100好扺食啊~…Read More

最近做完野比朋友拉左去朗豪坊 Chill & Drink就去左位於朗豪坊頂層嘅酒吧餐廳一邊食飯 一邊摸住酒杯底 一邊同朋友盡訴心中情等我逐一分享下我哋食咗啲咩 又飲咗啲咩🔸️ 蜜糖檸檬雞翼食落味道有啲似柚子蜜甜甜嘅味道配合外脆內嫩嘅口感 簡直一流💝🔸️ 凍肉芝士拼盤本身我就係一個好鍾意食風乾火腿嘅人😍就算就咁食都唔怕鹹😂再試埋用烤麵包夾住 終於明啲人點解會夾住食 因為真係好正🔸️香蒜檸檬及忌廉汁炒青口忌廉汁非常香濃青口好入味但係個人覺得最正嘅莫過於係烤麵包點忌廉汁飲品方面🔸️Moon walker其實飲得出佢嘅酒精度數遍高但調酒師調得好好 所以入口都好順滑完全唔會覺得好刺激橙香同酒香交織 但又無烈酒嘅攻擊性🔸️Fireroof Boots初嚐 陣味好似 fruit punch仔細再飲真啲可以飲到蜜瓜同菠蘿味個人覺得佢無Moon walker咁烈好似日本果酒咁 淡淡酒香 加香濃嘅果香🔸️特調short 因為無乜特別嘅idea 我地叫調酒師幫我地調😂佢就話調杯好睇又好飲嘅比我地最後調咗玫瑰奶酒short比我地未飲已經聞到玫瑰花味一入口係好香濃嘅奶香但之後就係whisky超烈嘅酒精attack今次終於一完未飲過short嘅夢但我諗我以後都唔會再飲Short係真係明不虛傳 好勁 好烈 .... Finally 果幾杯short比我fd對哂佢酒量真係好好 我都係飲返水果酒啦🤣…Read More

烤物：🔸️沙爹羊肉串燒 - 價格：$58就咁食已經覺得烤得好香但係朋友瘋狂慫恿我點汁咁我就試下點汁啦（我鍾意食野唔點汁）之後發現醬汁同肉香味嘅配搭真係好正🤩🔸️烤香茅豬頸肉 - 價格：$48外面烤得非常焦脆肉香配搭香茅嘅香味 亦非常吸引唯一缺點係有少少乾身主菜：🔸️馬拉盞通菜- 價格：$88通菜炒得非常香口雖然肉眼見到有啲類似辣椒嘅東西但係一啲都唔辣👍🏻 啱曬我呢啲唔食得辣嘅人🙈份量亦都好足 好大碟 食咁多菜就唔驚便秘啦🤣🔸️菠蘿海鮮炒飯 - 價格：$128食菠蘿炒飯 好驚啲飯畀菠蘿汁浸到濕曬但係呢個無 佢嘅飯炒得乾身再加埋菠蘿酸酸甜甜嘅味道 無得頂👍🏻🔸️泰式烤雞（半份）- 價格：$128嗰日莫名其妙好想食烤雞 但本身都驚會唔會辣問咗職員之後佢話可能有好少辣後面食落覺得完全唔辣🫣 香料味仲要入曬啲雞肉裏面🤩食到我津津有味飲品：🔸️熱泰式奶茶 - 價格：$38就係相入面有拉花個杯喇🫣同我哋平時一般飲嘅奶茶唔同有啲甜甜地 煉奶嘅味道 好得意😆🔸️泰式髒髒奶茶 - 價格：$38老實講嗰句 除咗佢係凍嘅我覺得同普通泰式奶茶冇乜分別 味道上差唔多 一樣咁好飲😂…Read More

餐廳門面同內裏都幾靚但最令我心動嘅係...餐廳係正溜冰場上面 我同朋友揀咗個靠邊嘅位坐底一邊享受美食一邊睇人溜冰豈不美哉食物方面都好好味 我同朋友都食得好滿足🥰又係我share下我地食左乜嘅時候前菜🔸️超級食物羽衣甘藍沙律伴藍莓 - 價格：$148沙律內除咗有超級食物羽衣甘藍更有 藍莓 核桃 無花果 杏脯 松子 牛油果每種食物都有各自嘅礦物質同營養配搭埋一齊 營養超均衡食起上嚟偏酸 因為佢係mix with 醋嘅但係個人覺得酸得嚟好開胃好想繼續食落去主菜🔸️紐西蘭草飼羊架 - 價格：$328先講羊架 佢已香草 成功將羊嘅羶味闢咗口味比較大眾化肉質方面都好鮮嫩 羊架嘅配菜係菠菜菠菜浸住個醬料好好食 有種咸鮮味兩者配搭 又有纖維又有蛋白質仲有鐵質又係一個非常有營養嘅菜式🔸️藍芝士核桃蘋果薄餅 - 價格：$188呢個我真係覺得好好食 好神奇眾所週知 藍芝士出名臭就咁食 佢隻味真係有啲奇怪但係配搭埋青蘋果一齊食 青蘋果嘅甜味 中和左藍芝士嘅奇怪味道但係保留咗藍芝士好獨特嘅味道再配埋芝士同pizza餅底 口感一流飲品🔸️香蕉奶昔 - 價格：$58香蕉味非常香濃一開頭以為面頭嘅係麻糬粉團 點知原來係棉花糖🔸️Mocktail - Purple Haze - 價格：$68佢嘅味道非常似曾相識似係唔知邊度飲過嘅提子特飲嘅味道個人平時奶茶果類飲開走甜 所以覺得佢比較甜…Read More

🔸️芒果芝士薄餅世界（13吋）- 價格：$248Pizza 由馬蘇尼拉芝士、車打芝士、通粉、蕃薯慕絲、酸忌廉、芒果醬等製成芝士份量多 足以拉絲 味道亦非常濃鬱Pizza內含有通粉 再加上大量芝士普通食量嘅人 最多食兩塊就飽曬想食埋其他菜式嘅記得留肚🔸️香芒鮮蝦炸雞派對（6件）- 價格：$158韓式炸雞加上即炸鮮蝦 再伴以芒果醬營造出酸甜平衡嘅味道芒果醬酸酸甜甜嘅味道配搭上炸雞和炸蝦香脆的口感讓人一試難忘🔸️黃金烤肉芝士意粉樂園 - 價格 ：$193超濃稠嘅商瓜忌廉汁遇上煙韌掛汁的意粉再搭配上惹味嘅韓式烤肉 忌廉汁內含濃厚嘅芝士味及粉末狀嘅南瓜意粉煙煙韌韌有咬口得嚟又唔會難咬伴隨住香口嘅忌廉汁 非常滋味而烤肉則係傳統嘅韓式烤肉味道🔸️鮮蝦忌廉意大利飯小花園 - 價格：$198將意大利飲放入番紅花忌廉汁熬煮至濃稠狀態 配以黑橄欖、洋蔥、鮮蝦等配料每粒飯都被香濃嘅忌廉汁包裹為味蕾帶來享受…Read More

超多餸揀6️⃣餸都係 $72仲有好多廿幾蚊就有碟嘅小食我同我fd未排到入去 已經喺度諗食乜好Share 下我地食左乜🔸️6️⃣餸車仔麵 - 價格：$72 (+$22)♨️ 麵底轉真打烏冬 (+ $6)♨️ 娃娃菜 秘製蘿蔔♨️ 柱侯牛腩 瑞士雞翼 韭菜豬肉餃 (每項+ $2)♨️ 蔥爆漿貢丸(+ $4)☕️凍咖啡配餐 (+ $6)爆漿貢丸真係好正好新奇🤩中間係真係爆漿嘅 🫣好似有啲貢丸肉醬喺中間咁😆瑞士雞翼個瑞士汁就比較甜韭菜豬肉餃亦內有肉汁 個烏冬先勁🙈口感煙韌 但又好容易咬開👍🏻🔸️ 甜蜜煎釀三寶 - 價格：$26佢嘅三寶分別係茄子 青椒 同紅腸醬汁偏甜 對得上佢個名入面嘅 “甜蜜” 二字釀餡肉汁鮮美 👍🏻🔸️台式鹽酥雞 - 價格：$28外面脆 裏面有肉汁又大份…Read More

🎀主菜🔸️ 蒜香煙三文魚雜菇炒意粉 - 價格： $88蒜香味非常濃三文魚亦好好食唯一唔好嘅係食到最尾會覺得比較油🔸️ 慢煮雞胸配南瓜意大利飯 - 價格： $108雞胸肉口感非常之嫩咬落去亦好軟熟意大利飯嘅口感非常creamy個人覺得意大利飯 雖然係南瓜隻色但冇南瓜陣味反而係雞胸肉入面食到南瓜味Anyway 其實我幾鍾意呢個飯🥰🎀小食🔸️ 鮮炸薯條 配明太子醬 - 價格： $38（ 午市跟餐優惠）新鮮鮮炸 好食外脆內軟🔸️ #單骨雞翼 配蜜糖 - 價格： $38（ 午市跟餐優惠）雞翼炸到外脆內嫩 肉汁juicy#蜜糖 嘅香甜 亦非常吸引我🎀飲品🔸️ 豆腐焙茶拿鐵 - 價格： $48豆腐淡淡嘅香 同焙茶嘅香 相得益彰👍隨著飲管嘅吸入 更可以食到啖啖豆腐🔸️SL Garden(Elderflower, Cranberry, Fresh mint Mocktail)#接木骨花 嘅味較重 蔓越莓佔味較輕所以飲起上嚟 香、甜、酸交織彼此平衡 容易入口 甚至幾好飲👍好似飲緊無氣嘅梳打特調飲品😊最後嚟講下店鋪環境餐廳內部環境非常好睇超多打卡點😄仲有好多特別版Disney公仔個人覺得超有趣…Read More

小食（前菜）🔸️ 韓燒牛肉牛油果醬墨西哥片 - 價格：$96一開始見到成碟都係墨西哥脆片果陣其實係有懷疑嘅🫣 說好的牛肉呢結果喺哂個底度😂比啲脆片遮住左就咁食個脆片 真心勁脆 但都得個脆字 樸實無華但係加埋個底嘅牛肉同白汁 就即刻有曬層次🙊白汁令脆片脆得嚟無咁硬 同時牛肉為佢增添左肉香😋Main courses🔸️甲羅燒蟹肉明太子拉絲芝士焗飯 - 價格：$218成餐飯 除左甜品 最欣賞呢個飯👍🏻首先係佢有成個蟹殼喺個飯上面 就已經夠曬吸睛佢仲要成個蟹殼都係滿滿嘅蟹膏真係好鬼正 😝將啲蟹膏同個飯撈均之後每一啖飯 都有好香濃嘅蟹膏味 伴隨住白汁芝士嘅香氣 喺口入面蔓延開🙊真係香到 剩係想食個飯而忽略其他食物🙈🔸️香煎北海道帶子海鮮龍蝦汁貓耳朵 - 價格：$188不得不說 舊帶子係真心大舊龍蝦汁嘅好香貓耳朵咬起嚟好煙韌不過個人就鍾意食啲軟啲嘅野 科普一下：貓耳朵係意大利粉嘅一種 有啲似貝殼狀甜品🔸️韓國雜莓奶蓋瀑布奶油蛋糕配雪糕 - 價格：$108本身睇menu 已經覺得好吸睛呢到就更加之係佢係嗰種 要自己拉開塊膠紙 等啲奶油流落個蛋糕度嘅設計而粉紅色嘅顏色亦好靚 啱曬拍片打卡呃like💝食起嚟 一級捧👍🏻👍🏻👍🏻首先係雜莓味酸甜適中 甜甜酸酸好好食其次係蛋糕嘅質地係類似Pancake 舒芙蕾嘅質地軟綿綿咁樣 入口即化 好正🎀再加上 佢嘅cream好夠無論我將件cake 切開幾多份都可以令每一面都沾到滿滿嘅cream 食 好滿足🥰有一點需要留意 🫣因為佢嘅cream 真係好足所以如果上左都唔食個雪糕融埋 會瀉 隻碟裝唔到咁多cream/溶雪糕飲品：🔸️日本金時紫薯拿鐵奶蓋雪山 - 價格：$48上方係滿滿嘅奶蓋 奶味濃鬱而紫薯拿鐵亦係滿滿嘅紫薯 口感濃稠 彷彿每一啖都充滿住紫薯😋🔸️士多啤梨奶昔奶蓋雪山 - 價格：$48同紫薯拿鐵一樣 被厚厚嘅奶蓋覆蓋飲起上嚟甜甜酸酸 充滿士多啤梨嘅味道飲第一啖會覺得畀想像中感覺酸 但係飲多幾啖又會覺得 其實甜酸適中🎀…Read More

最近 就喺網上見到就嚟試下去到嘅第一觀感係 Wow~勁適合打卡 pink pink 嘅裝修完全滿足我嘅少女心💓我同朋友兩個人就share左：兩款米線 兩款甜品 同一款燕窩☺️🔸️澳洲嫩牛小排米線 - 價格：$108牛小排嘅質量好好 咬落去亦好香牛肉味（牛嘅天然油脂）😋完全對得起佢嘅價格米線有咬口得嚟好柔軟不同於坊間 一係太硬 一係浸到爛哂恰到好處👍🏻🔸️世一無敵牛丸米線 - 價格：$58牛丸勁濃牛肉味☺️唔似街邊果啲用粉溝出嚟嘅兩個米線 我地都係配 🍅特濃蕃茄湯蕃茄湯嘅味道勁天然 但同時又唔會好酸我同朋友都好鍾意💓佢地仲有其他湯底咖不過另外兩個湯都辣🌶而我同朋友都唔食得辣 所以無揀🫣我地仲試左佢地嘅雪燕佢地有勁多款味道揀而我地就試左比較新潮嘅口味🔸️蜂蜜3.6牛奶燉雪燕 - 價格：$58本身都有啲驚伏始終牛奶同蜂蜜都係好香 驚兩者搶味 搞到不倫不類結果超好食🫣 極度推介🌟🌟一入口係香甜嘅蜂蜜味待蜂蜜香喺口入面消散牛奶嘅香氣就緊接出現兩者搭配適宜 令人一試上癮🥰甜品方面 我地叫左🔸️北海道3.6牛乳燉蛋 - 價格：$18食落勁香蛋味 同時又唔會好甜燉蛋質地亦好軟綿綿🔸️北海道3.6牛乳鮮奶凍 - 價格：$18奶凍超滑 口感綿滑 入口即化味道方面 奶香味非常濃郁 但卻無奶騷味 味道變得温和 係果種喺口入面慢慢釋放嘅奶香味 喺口中逗留時間愈長 便愈濃奶香味極度推薦🌟🌟飲品方面 我地叫左🔸️茉莉綠茶 - 價格：$12🔸️羅漢果金銀菊花茶 - 價格：$12…Read More

最近喺社交平台經常見到呢間小食店咁啱我今日要去元朗 就一於試試佢本住未必會再嚟嘅諗法我一次過叫左6️⃣款諗住試哂呢間店嘅名物（最後分左好多餐食。。）🔸️爆多蟹籽冷麵真係超多蟹籽滿滿嘅蟹籽將冷麵完全覆蓋一放入口就係一粒粒蟹籽被咬破喺口入面爆開爽爽嘅口感搭配冷麵軟冧冧嘅口感令人好滿足🔸️蟹籽沙律其實我好怕蟹籽沙律入面青瓜嘅草青味但呢間嘅青瓜並無果種草青味雪凍咁食 青瓜加上醬汁 清清涼涼 入口很清新少許嘅螺肉亦令整體口感 味道 再多加一個層次🔸️爆炒烏冬呢個我會用「必食」呢形容因為佢真係辣得好好食有啲似鼓油王炒烏冬但因為有辣味佢嘅味道並不單調咸 辣 兩種味道交織令呢份烏冬變得好好味🔸️有賽磅蟹杯麵如果唔係好食得辣呢款我真係唔推介（我都辣到唔係好食到）佢一入口 係淡淡嘅油香味完全無辣味但轉瞬間 佢嘅後勁便出現並且非常非常‼️辣如果你鍾意食爆辣🥵我會好推薦你食呢款🔸️透明袋裝撈麵食呢個嘅時候令我好似返返以前細個果陣成日食袋裝撈麵大個左就冇乜點食絕對係懷舊小食之一💓🔸️爆辣炒飯呢個味道辣得嚟同烏冬差唔多但我會比較欣賞烏冬因為烏冬比飯更入味更香但炒飯都唔差推薦大家試試喔～…Read More

平時就好鍾意食麫包見到咁得意有趣嘅包包我就忍唔住咁一次買左幾日份量嘅🍞任何時候肚餓食都好適合💓早餐 宵夜 等車☺️🔸️咖椰菠蘿包 - 價格：$12聽講係呢間店嘅名物香蘭色嘅表面就已經好吸引想食咬一啖 表皮除左有菠蘿包酥脆嘅口感仲有香甜嘅咖椰味甜滋滋咁 好好味😋🔸️咖椰杏仁大包 - 價格：$26由於第一次見咖椰味嘅🍞當我見到整到好似一排小餐包咁嘅咖椰大包我又忍唔住了 入手了🍞嘅表面係滿滿嘅杏仁仲有甜甜嘅咖椰醬杏仁嘅咬感 同軟綿綿包包交織甜美嘅味道喺味蕾上綻放好好吃💓🔸️榴槤菠蘿包 - 價格：$15由於我真係好鍾意榴槤見到果刻已經忍唔住買喺返屋企嘅路上 已經不斷聞到陣陣榴槤飄香令我心癢癢 好想快啲食當我咬開佢 陣陣榴槤味喺我口入面迴盪咬到中間發現 原來佢真係有榴槤肉咖😆唔怪得之咁香榴槤味😊🔸️招牌葡撻 - 價格：$7 叫得招牌 我就一於買埋嚟試個酥皮👀 肉眼可見 勁多層咬落去 又酥又脆 又好濃蛋香 好正😋聽講佢係採用總統忌廉唔知係咪因為咁 所以咁酥脆呢…Read More

前果排喺網上外賣平台叫左呢間嘅外賣呢食，叫左馬拉盞通菜同海南雞清湯米粉食，個馬拉盞通菜幾好食，醬汁幾香，好大陣蝦膏好香嘅味道，唔錯。但個海南雞清湯米粉真係估唔到佢個清湯係清到咁，基本上冇味，就咁飲會係果種有少少微微嘅喊味嘅雞湯，但加埋個米粉一齊食就真心冇味之後食舊雞，每舊雞都係un嘅，過熟，雖然有機會係受外賣影響，未必可以怪佢，但個湯我真係頂佢唔順:(最後我係放啲米粉落啲菜度，用馬拉盞個醬撈米粉食雖然咁樣係幾好食，但逼到我咁做，真係唔係咁建議…Read More

自己個人很喜歡吃魚，也很喜歡吃養生的湯粉，所以看到這家店時很期待的就走進去了。自己叫了百秒海鱸魚米粉，男友叫了姫松茸鮮淮山烏雞湯飯，個人覺得個百秒海鱸魚麻麻，但男朋友個湯唔錯。百秒海鱸魚米粉：如果比分，會比3分（5分最高）首先條魚上到嚟個賣相有啲尷，好似反身再反身咁之後係個湯，莫名其妙超重胡椒粉味，遮蓋哂個魚湯本身有嘅味....唯一比較安慰嘅係條魚真係幾滑但好似鱸魚本身係比其他魚滑啲嘅姫松茸鮮淮山烏雞湯：另外偷飲左男友個湯呢個就天然好多，真係補湯嘅味道，湯料匯聚精華嘅味道，冇乜額外添加，好欣賞會比5星…Read More

喺好多年前炑八啱啱開果時已經開始食，一開頭食人均消費200左右，去到依家食人均消息350左右。今次食左佢最新個秋月套餐，＄698，燒肉包括炑八厚切五花腩，炑八牛扒，濟州梅花肉，大墨魚，牛舌，彥陽牛肉。個人最欣賞佢個牛舌，好薄好嫩，好有肉汁，尤其燒完表面有陣薄薄嘅牛油超香，超正。其次係個五花腩，燒到皮脆肉焦超正，超香口，但厚切五花腩就比一片片嘅肉難燒，燒肉技巧好先會燒得好食（感恩有個大廚爸爸）。其餘嘅都ok 唔錯，個人就覺得彥陽牛肉醃得有啲甜，有啲濃味，但我自己係果啲奶茶咖啡都飲無糖嘅人，所以口味可能有啲偏差。但真心個墨魚就麻麻，點燒都麻麻.....配菜方面勁鍾意芝士粟米，燒到啱啱好就拉絲，燒奈啲就脆口加香口。…Read More