melodytaiyt's Profile

見到佢零差評 以為穩陣冇伏 點知伏過直升機🚁 Pizza同急凍食品無分別 飲品得個樣 仲成杯藥水味 本來嗌咗兩杯 結果淨係嚟咗一杯 等咗一陣特登check咗點單嗰個order record 確認自己真係點咗兩杯 然後提醒咗個waiter一次 但等到所有嘢食都上晒 第二杯都仲未見影 再問多次waiter 佢先話漏單 雖然唔太明 點解online system加上我已經提醒過左一次 佢都仲可以漏單 但不幸中之大幸 係見佢漏單 直接叫佢取消算數 淨係同friend share一杯藥水就夠 唔使飲晒兩杯👍-衛生環境方面 出邊望落去算幾好 可惜個廁所就... 明白繁忙時間要頻密清潔廁所確實有難度 但打開廁所板見到有M血 真係有啲嚇親..🤮-唯一唔錯嘅係個炸雞都幾好食 同埋服務態度良好但係下次去酒吧 都係唔好對主食有太大期望😅…Read More

諗住趁假期完之前去愉景灣行吓見到instagram #愉景灣 全部都係呢間野啲相 咪諗住去打下卡囉 點知就中伏 (大伏嗰隻嗰個afternoon-tea set 貴之餘仲要勁難食總共有三層 上層同中層分別係4個自選嘅cakes 同三個pastries 下層就係三文治同乳酪三層剩係得啲三文治叫做食得入口 上邊嗰兩層嗰啲甜品浸味唔好食之餘奇怪仲要乾爭爭 然後下層嗰個乳酪聞落去就幾香但係食落口苦苦地勁奇怪同泥膠完全冇分別 難食到都唔知點形容好雖然話係自選 但係七件冇一件好食都幾難打卡係靚嘅 但係一張相值唔值每人$275就見仁見智啦…Read More