jobylam's Profile

星期六 晴天☀️3個人着咗懷念吓台灣旅行回憶，所以就特登入去大角咀試吓呢間台灣菜。朋友話已經觀望咗好耐都未試過，每次搭車經過都見到有食客排隊等位，聽到就忍唔住抱住有啲期待入去試吓。餐廳只接受walk-in，大約排咗15-20分鐘已經有位，但係個日天氣相當炎熱…企咗5分鐘已經流哂大汗…雖然餐廳等候位置無任何遮蔭位，不過見餐廳好貼心望咗幾把長遮俾客人借用，帶位侍應有禮貌，排隊個陣已遞上餐牌自助下單，環保♻️餐牌嚟可循環再用。*記得要人齊先准入座，同埋用餐時間都有限時。3個人叫咗3個招牌便當，仲有一款小食(2個朋友堅持一定要食😂)，當然唔少得仲有台式飲品。香酥魚菲力便當香酥排骨便當香酥脆雞便當甜不辣  (6塊)飯後有感: 朋友聚會，回味下台灣風味其實ok，飲品都值得推介嘅，不過食物因為都係油炸，偏油膩，主菜唔係我鐘意嘅，值得一讚係飯同配菜有心機，食到淡淡牛油🧈同菇嘅香味，仲有甜不辣好好味，大家下次可以一試。…Read More

平時夜晚去大埔食宵夜首選，海鮮同食材都好新鮮，朋友生酮飲食都可以有好多選擇，所有食物都即叫即燒，所以要等比較耐，個人好推薦芝士撞棍。小店好有人情味，又可以刺激黄色消費。…Read More

一向都鐘意食東南亞菜，但係越南菜好似出面多數都係大型連鎖店，係上環搵到呢間小店，有別於一般越南菜連鎖店。今日去叫咗秘製香茅烤腩撈檬，第一次見到呢款撈檬，烤腩入口超香香茅味，加埋莞茜同薄荷葉好有風味，食落感覺無加味精，好有住家嘅味道，食完都唔覺得口渴。另外再叫咗杯滴滴咖啡，睇住越式咖啡一滴一滴過濾，幾好玩打卡又好睇，聽老闆講咖啡同漏杯都係原裝越南入口。環境方面有幾分甜甜嘅感覺，淺色望落乾淨，見到有幅花花牆幾文青，可以打個卡，不過一個人就無selfie，唔係都幾尷尬😂正宗越南海防菜，下次可以再試下其他菜式…Read More