Kazarin's Profile

今日經長沙灣深水埗個頭，諗起有間長久屹立不倒的小金井，咁就捉左男朋友一齊食。小金井既午市套餐係五十幾去七十幾都有，的叫左壽司定食，男友叫左豬排拉麵，前菜係醃芽菜，彈牙爽口，醃得好入味，跟餐配日式手打烏冬，烏冬滑身，質素好好，配上十分淡口既面湯，加上紫菜絲，突出左烏冬既美味。主食壽司有蟹柳小卷、三文魚、熟蝦、帶子、玉子、北寄貝、油甘魚。油甘魚油香重、帶子味濃唔錯、玉子甜味突出，其他ok，紫菜微脆身，不過飯包得較實同硬，可以落少點份量既醋。男友叫既豬排拉麵勁大碗，佢話都ok。食物唔算突出，不過呢間小金井性價比高，相對低廉既價錢，食到份量多的一餐。…Read More

哈哈我又可以準時收工，皆因約咗朋友去食晚餐。(^o^)第一次去Ocio食晚餐同甜品，去到差啲認唔到間餐廳，因為佢個招牌個名用特別潦草嘅字寫，仲搵左一陣，哈哈！我同朋友首先揀set dinner中的紅酒T骨牛排，塊牛排好大，好易切，易入口又唔韌。個牛扒用紅酒燴過，肉味重加上少咸，調味出色，口感好。加上沾醬濃味，配搭幾好。薯條新鮮炸，乾身唔淋，好味，茄汁自己加幾多都得。跟餐要沙律，醋量適中，菇片好入味，入口好fresh。飲品叫左雪糕咖啡，初頭唔知點解係熱底，原來係分開上，變左好似食甜品咁。不過兩樣夾埋一齊個味唔會有違和感。OK。跟餐甜品簡左青蘋果奶凍，奶味適中、帶微青蘋果味，上面的青蘋果片可加多。我地仲叫左份甜品，蜂巢熱香餅伴雪糕，揀咗雲呢拿味，雪糕滑身，熱香餅本身淡口，每切一口熱香餅加配一部分雪糕，上加添一點蜜糖，哈哈暖凍交加，又有甜絲絲既味，幾好。另外有一細舊蜂巢，都幾甜，配熱香餅中和返。食物分量頗大，同朋友一路傾一路食消磨時間，係一個唔錯既選擇。…Read More

今日行過泡芙店，同男友買左兩個泡芙食，買左吉士泡芙同芒果乳酪泡芙。吉士泡芙糖粉分佈ok，微甜，不過外皮較硬，令口感感覺差左d。吉士餡多，滑溜甜。芒果乳酪泡芙乳酪本身帶微甜同微酸，刺激味蕾，芒果甜度一般，不過幾大粒，相對難突出個甜味同口感。…Read More

今日同同事過Megabox食午餐，黎到Red Ant 紅螞蟻個menu 都幾多選擇，有8個午餐，有素食有麵食。我叫左酸辣湯底雞翼配烏冬～麵底好多款揀，發絲麵、米線，我叫烏冬就加5蚊。湯底酸辣底，其實唔辣，少許辣椒片係拎黎調味，湯底微咸同酸，都幾開胃，冇一般既酸辣湯咁多油。四隻雞翼係另上，冇浸入湯度淋晒，煎得唔錯，不過油略多，易影響口感，之後放入去都幾索湯水。個烏冬唔差，圓身實烏冬。飲品檸茶少冰，OK分量適中，選擇都多，如果多同事或者朋友一齊食lunch都有得揀，下次可以試下佢個lunch set 配西瓜汁。用會員卡仲有9折同儲分。…Read More

次次行過日和號都會留意下佢今期係咩主題;)今日雖然冇咩主題，但係想入去食，就拉左一堆人拎位等落單食野 (￣▽￣)叫左角切魚生飯飯面放紫菜，些鋪魚生粒，而魚生面上一層蟹籽，賣相唔差。魚生大部分都係三文魚，只有好少吞拿魚粒油甘魚（得三四粒倒），都有些許切粒玉子，雖然切位技術不足，缺少角切口感，不過味道唔錯，珍珠飯入口 OK，唔淋唔乾身。日式蒸蛋個餐包左一個日式茶杯蒸飯蒸蛋配有香菇、少許蟹柳，味濃，入口滑身，有些許偏咸，沙律分量岩岩好，少許胡麻醬、沙律茶蕃茄仔，ok。柚子蜜微淡，OK下次等佢有主題再食過，希望有進步。…Read More

今晚約左男友同男友媽媽一起吃飯，想食d濃味d既野，諗起尖沙咀The One 有間 Cambo 排隊幾個字，順便諗埋食咩野，入到去仲即刻落單，等唔切啦！泰式生蝦蝦既size 大，酸汁、蘿蔔絲、沙律菜、蒜、辣椒，辣喉惹味刺激味蕾，正！雞肉牛肉豬肉串燒串燒燒汁均勻掃面，火候控制得岩岩好，甜味加上肉味咸香，十分香口。牛肉入口唔算太軟，相對黎講豬肉同雞肉醃得入味d，點配沙爹醬，風味十足！推介！冬蔭公湯冬蔭公湯係瓦煲上，要再加熱，三人個分岩岩好，帶有開胃的微酸、微辣，用作調味香芧，入味草菇，蝦，唔錯。明爐烏頭叫左條明爐烏頭，原條魚似傳統泰式料理用魚煲上檯，仲好大條添，伴有外加既湯。湯酸度適中，勾起食慾，外加香芧香味，十分惹味。送白飯或者單食都得。魚肉滑身，大條既魚唔代表嚡，推介！最後仲叫咗個泰式炒濕河有蘿蔔片、椰菜、芥蘭、草菇、加上用甜嘅茨汁調味，味道十分好，可過河粉略幼，降低口感。泰國菜黎講呢間質素好又唔算貴，食左幾次都保持到呢個水準， 排多陣都抵！當然可以提早d book 位唔洗排 …Read More

今日難得準時少少放工，約左男朋友食飯，後尾見樓下有人派傳單，就上黎食放題。個場都幾大，座位都算方便出入。有甜品櫃、飲品櫃、朱古力噴泉，裝潢唔錯。等左一陣就入得。出去攞野食見到一個counter 有師傅整日式煎蛋，講定要拎幾人份量佢就會整俾你。日式煎蛋入口軟身，蛋味十足，煎蛋用日式煎Pan，保留蛋既水份，加上甜既燒汁同creamy沙律醬，味道口感皆一流，推介！當然唔少得放題必叫既刺身！講真質素唔錯，新鮮，叫幾輪水準都keep 到。大蝦刺身 creamy 微甜唔錯甜蝦新鮮有咬口三文魚塊塊都係厚切，冇渣滑喉鮑片、北寄貝都幾大片，ok帶子彈牙鮮甜但較薄，可做厚切增加口感都唔少得壽司黑松露牡丹蝦壽司，黑松露味濃，蝦較淡口，ok意大利火腿壽司，淡味、口感較實，一般般成餐咁長，梗係要食d熱野啦～我叫左個牛油炒什菇菇類多，炒得均勻，微帶牛油味同咸香，下次會再叫。燒魷魚筒唔錯，燒汁夠多、魷魚又唔韌見到有鍋物紙就叫左個日式牛肉鍋個甜醬油湯底好甜，娃娃菜切細左幾入味但太甜，牛肉同蛋ok餐後叫甜點燒菠蘿大件，不過微酸雪糕係Movenpick，一人可落一杯今餐整體食得舒服，用料新鮮，味道唔錯…Read More

今日行過泡芙店，等人個時買左三重朱古力泡芙食。朱古力cream 滑而濃味，唔錯，有朱古力漿加成，香甜的味道層次提升。表皮上的朱古力碎令口感加強，微脆。雖然呢間泡芙比之前食質素下降左，不過間唔中食下都ok。…Read More

行過贊和豆品，見佢有八周年免費試食豆花雖然是免費，都幾大碗，其實正價個時都食過，個人覺得佢有進步。豆腐花豆味ok，唔算好濃，十分嫩滑，豆花片得薄，易融合甜味。食客可以揀落黃糖、冰糖漿或薑汁。我就偏向落糖漿，唔會影響豆腐花本身既白滑口感。唔錯！…Read More

今日同一大堆同事食午餐，黎到薏米蘆有位就入。我叫左麻辣雞中翼配薯粉～本身係擔擔麵底，我改叫薯粉，加4蚊湯底唔算麻辣，只係微辣，不過調味幾好，咸中帶點辣。四隻雞中翼真接係湯面入面上碟，不過唔算好索湯水，唔淋，幾香口，煎得唔錯。個面係用最幼身的薯粉條，入口幼滑，呢種幼度較難索汁入味，如用扭紋薯粉會入味d。有份上湯菜，OK 檸茶少冰，OK分量岩岩好，茶餐廳黎講都算唔錯！…Read More

依然好味的雙皮奶雙皮奶表面滑身，仲識反光，看似彈力十足。用匙更挖一口，表面彈身，內軟白滑。食落有d似奶味濃郁既牛奶布甸，不過入口軟身滑喉，好淋。入口奶香重而甜味十足，熱力完全trap住，食完暖粒粒，好正！比起舊店，裝潢也較乾淨明亮…Read More

今日我同妹妹決定食小菜，妹妹成日講：聽左咁多年都未食過金潮小廚，我就帶左佢地黎食。今日星期一八點幾，等一陣就入得。我地叫左兩個小菜，兩個白飯，三人分食啱啱好粉絲什菜煲，90元大大煲，粉絲滑身爽口唔淋，什菜有青翠菜芯、芥蘭、西蘭花、白菜、什菇、魷魚等。未食眼已經飽。整體口感清爽，菜同清湯底組合十分協調，魷魚調出一般鮮味、配合粉絲係一道十分好的開胃菜！推介！ 秘汁炒牛爽肉，90元牛肉爽滑，偏牛柳質地，咬口唔太夠，不過醃得好入味，微甜，有d似加左瑞士汁既味道，送飯唔錯。係牛爽肉分量少左d，size 細左d。 白飯，10元值得一底飯唔硬，係餸菜好伙伴。 金潮d分量都算大份，可以就住就住落單，開心sharing！ (^o^)/…Read More

同一堆朋友趁大家聖誕節有假期去野餐，估唔到佢買左Make it cupcake 聖誕版，咁我地一於食食食！最多既係一齊影影影！我食左其中兩個：血橙慕絲先食面既Cream 層，淡味打底，下層係血橙慕絲，都係creamy特性，血橙新鮮、口感酸甜，易刺激味蕾，不錯。 白朱古力蛋糕（蠟燭形）蠟燭形係由4片白朱古力片砌成，蠟燭面係白朱古力碎片，內層既芯係朱古力海綿蛋糕加醬，整體組合實左甜左d，食落較膩，最後白古力片同內層蛋糕都食唔晒。 兩個甜點既生果都好新鮮，裝飾好靚，賣相吸引係佢地加分位。拎住影相，人都開心d。…Read More

行過Godiva，諗起前排朋友既食雪糕熱朝，令我有d口癢。我叫左個黑朱古力同白朱古力雙重口味Godiva雪糕朱古力味濃、質地十分滑身冇空氣感，真係要講句好sweet 。雪糕淋上的些許朱古力醬和脆筒旁朱古力脆脆，脆筒冇軟化，整體口感豐富。 個人較鍾意雙重口味，食緊黑朱古力時仲會highlight 白朱古力既白甜，so good…Read More

同屋企食餐家常便飯，聽人講呢間有特色爽腩，崩沙腩同坑腩，都係相對少食既部位。我地叫左清湯腩餐轉爽腩餐另加小食，要開動啦！清湯爽腩爽腩爽口滑喉，腩味濃，油香重，有咬口好滋味，size數量唔錯，食落滿足。加錢價錢ok，清湯清甜味濃，可以講係畫龍點睛，推介。腩汁蘿蔔甜蘿蔔連湯汁炆得好入味，拎黎送飯好正！跟餐咸雞有d似手撕雞、家鄉咸雞個d，調味ok，有麻油咸香。蕃茄湯好少見蕃茄湯係真係會加蕃茄粒煲，呢度既蕃茄粒唔係炆到爛個d，入口溶，真材實料，唔錯！係就係個人覺得太大碗，如果係套餐配搭份量可以少d。炸鯪魚球外脆內軟，鯪魚肉富彈性，配咸蜆醬，點少少，口感咸香，好食！蜂蜜薑汁薏米薑汁多左d，些許辣喉感。…Read More