Veronica Yuen's Profile

係佐敦經過見到有oreo cheesecake就入去買咗件返屋企食。一入到間店發現入邊一個人都冇，但心諗openrice嘅評分算正常就試試佢。返到屋企試咗一匙，一食落口就食到有怪味，似係件蛋糕吸咗雪櫃嘅其他味，完全冇oreo味得d異味跟著吐返出黎再成件放入垃圾桶呢件蛋糕係$42蚊，係高檔蛋糕店嘅價錢但完全連吞落肚都唔得我奉獻大家真係唔好幫襯全部一粒星，絕對冇誇張或惡意中傷，成件真係食唔到落肚，完全浪費我嘅$41蚊，好彩只係幫襯咗佢買一件，希望見到我呢篇食評嘅人真係唔好去中伏…Read More

見到openrice咁多正評又就腳就決定去呢間試吓，我叫咗一個risotto已經覺得難食，除左份量少之外，舊三文魚完全冇三文魚味好明顯係雪藏魚，加上d飯都幾硬下，除左食到少少忌廉味之外，都冇芝士味，中曬伏。中肯d講呢間野location可接受，服務態度可以，但野食真係唔ok，呢個risotto如果賣$60-70我會覺得可接受，但比接近$150食佢真係唔合理。呢間野見到咁多好評先走去試，但點知百幾蚊食個咁既飯真係覺得唔合理，希望其他人唔好似我咁比d正評呃咗…Read More

見到openrice評分咁高決定去試下食點知貴+難食鰻魚卷百幾蚊同自己係屋企整既質素差唔多個豆腐魚湯個湯底一飲就知係水+酒溝出黎，同飲清水一樣淡而無味海膽石鍋飯d海膽少到完全睇唔出有，d飯好硬痴曬牙，食完包保要撩牙舊三文魚壽司兩件超過五十蚊，不過質素仲衰過連鎖排長龍間壽司店服務態度中規中矩，落單果陣個侍應將對手直接放係個爐既燒架上面，好唔衞生呢間野真係性價比極低，真係可以用「難食」同「貴」兩個字形容唔會再去+不推薦…Read More

係旺角返工成日周圍搵唔同好野食，首先野食方面算叫做過得去，但係味精極重，食完超級口渴。然後服務態度差，我掃唔到qr code 既時候就舉手同一個帶眼鏡矮矮地肥肥地既女人示意掃唔到，有冇得比紙我寫食咩或佢手寫落單。之後佢態度十分差咁叫我log in 社交平台 ，我同佢講唔得之後，個樣好串同唔耐煩，好似我錯咁。用餐期間，發現呢位女人只會對附近一間男校中學既學生有講有笑，但對著其他食客都係極不友善。旺角好多附近有好食店，但我以後就一定唔會幫襯呢間野，服務差到咁仲要咁重味精真係咪搞。…Read More