lphobuddies's Profile

驅車經過九龍城，我提議不如吃泰國菜吧，結果來到了老地方隆姐，不多人介紹，但每晚總是人頭湧湧的餐廳。當天店內只有三枱客人，長輩們先進餐廳，他們想坐大圓桌，店員稱有預約，容或長輩們見店內沒人，正猶豫之際，店員姨姨語氣強烈，指著六人桌對長輩們大聲喝道：「唔該！你地！！坐呢度！！」撇除態度，食物大部分還是好吃的。先來一碟泰式生蝦，$88，大隻爽脆。必吃的豬頸肉，今次特別肥美，爸爸吃得開心。生菜包的碎肉調味鮮美，和生菜配搭得好。麵包咖喱是每桌必點的，麵包稍稍焦了一點，配炸得香脆的軟殼蟹（另上）。我特別喜歡這間加了炒蛋的咖哩，令口感更豐富。不過當天的燒魷魚，豆醬炒椰菜苗就失色了，菠蘿炒飯也一般。一轉眼，整店就滿座了，店員快快的送上甜品，收拾桌上的菜，星期天大概是想提升翻桌率吧，也是店之常情。下次帶著長輩，還是去吃中菜館，或尖沙咀地方較寬敞的新泰好了。…Read More

逛街累了，亂晃進這間米線店。進門，客人不多，店內的環境安靜得有點奇怪。點餐時猶豫了好一陣子，最後點了中規中矩的酸辣小窩米線，配三款配菜：分別是豬紅、豬大腸及豬頸肉，少少辣。追加優惠小食看起來都非常吸引，但是已經點了三款配菜，還是下次吧。米線很快就送到了，湯底看起來非常濃郁，配料份量相當多，有六七塊豬紅，差不多八件豬大腸，豬頸肉是另上一小碟，相信男士也會覺得份量夠。豬紅非常美味，豬大腸卻略硬，豬頸肉上桌時是冷的而且口感奇怪的煙靭。反而米線偏幼，口感略硬，是我喜歡的口味。湯底酸味不是十分強烈，有淡淡的辣味和強烈的甜味，如果可以再放多一些配料的肉碎蔥花酸菜芫荽等，少一點油，減低一些肥膩感就更好了。整體來說，份量足，價錢不貴，湯底及米線不錯。…Read More

同一個經常去日本旅遊的朋友加一個對味道要求高的朋友聚餐，膽粗粗揀左呢間居酒屋，到左係街度搵唔到，先發現係17樓😂餐廳細細，但乾淨企理。先點酒，一看菜單，清酒種類夠多，越後的酒果然香滑，入口有驚喜！伯樂星是印象中在北海道喝過的，大概是想像中的味道。明太子蛋卷非常多汁，各種燒串質素都非常高，全枱一致認為荔枝豚肉卷最出色。上菜速度剛好，一碟碟依序上，和朋友談天說地，慢慢吃著串燒喝著酒，一樂也。是愉快放鬆，而且味蕾滿足的一夜。…Read More

係網上睇到一張廣島蠔拉麵的相片，心動想試試肥美的蠔和拉麵這個組合，放工後特別搭車去試。地鐵站步行幾分鐘就到了，一看門口，有幾組客人在等。等了二十分鐘終於到了，一人的顧客都是坐吧台的，看到廚房的座位令人更期待拉麵！蠔拉麵要等十分鐘左右，拉麵上後，急不及待試下個湯，鮮美濃郁！再加上蔥花試第二口，更豐富了，最後試了三口湯才吃蠔和拉麵。蠔的確肥美，但冰鮮蠔始終有一點腥氣，和著拉麵及肉一起吃，滋味較好。印象最深是，吃完整碗拉麵後，個湯仲冒著煙，忍不住再飲幾啖湯先結帳離開。PS 廣島蠔拉麵是期間限定！…Read More

喺港島上班嘅朋友訂咗呢一間餐廳，講出訂座號碼之後，職員好大反應同朋友講：「打咗好多次俾你都冇人聽！」朋友表示返工聽唔到電話，職員繼續大聲：「send埋訊息俾你架！」朋友唯有再表示返工睇唔到電話。其實有唔少一返工就失聯的工種，放工後黎得呢間餐廳都係為了飲返杯放鬆，已經又攰又餓仲要有呢個接待方式，真係無言。原來係想打電話俾朋友確認留枱。「咁而家仲有冇位？」我唯有問。職員一指三人吧枱。（迫，真係迫。重要另外一張四人枱由我地6:50入座到9:00走都係冇人）好啦講返食物，部分熱門入門的食物打了交叉，最讓我出奇的是連高湯玉子燒都冇，玉子燒要的材料，其他菜式都會用到，例如高湯，醬油，鹽，糖，雞蛋，點解會冇呢？最重要的串揚，即串炸，我地點了牛、茄子（沒有味道）、雞肉紫蘇芝士等等基本，加上串燒，牛舌（有啲韌，咬唔開）、雞肉（就是普通雞肉，略乾不多汁）等等，全部都沒有讓人印象深刻的地方，炸池魚的魚骨尖而硬，最後係要好似食大條魚咁起d肉出黎食。而最重要的是！價錢！$33一串的牛串炸只有拇指咁大，茄子$29等等，基本上是約$30一串一口大小的材料。串炸本來就是一口大小，但重點是食物味道真的很普通，最好吃的是炙燒魔鬼魚乾（我們追加了一份），和大阪炒麵（但份量也是偏少）。人均接近$400一位。補充：其他員工其實相當友善，只是其中一位欠缺了待客之道，但由於味道普通，價格高，座位欠舒適，加上呢個價錢有更多更好的選擇，一加一減之下，給予普通以下的評價。…Read More

海港城逛街幾乎是週末的必備節目了，行行下想小休，不一定要去lady M，在Ocean Centre 都有蛋糕和咖啡。雖然是開放式的餐廳，但由於不位於主要通道上，咖啡店並不嘈雜。本來想要一杯咖啡，但見在座的客人都點花茶，也就跟著點了。套餐仲包一件蛋糕，友人點了伯爵茶戚風蛋糕，口感輕盈鬆軟，很適合喜歡甜點的人。我反而以喝茶為主，茶香四溢，又清淡怡人。PS 餐廳有人均消費$50，點套餐是$98。不過大部分飲品都要補差額，所以基本上是一定足夠消費的，是一個很適合小休補充體力再繼續shopping 的咖啡店😂👍🏻…Read More

帶小朋友去megabox放電後，要補充一下體力，之前都見過呢間餐廳，知道係小朋友至愛的火車主題，諗住試下。我地係第一組客人，餐廳職員態度友善，主動和小朋友打招呼，食物輸送帶上層的小火車非常吸引小朋友，加分。但食物質素大部份未達標準：-草燒三文魚$56三片（相當普通）-蔥花吞拿魚腩卷$38（紫菜卷得鬆鬆散散，餡料少）-芝士吉列蝦卷$24（炸蝦是凍的）-辣味三文魚福袋$32（中規中矩）-芝士玉子$24及明太子玉子$26（明太子玉子讓人失望，根本就是塗一層水汪汪的明太子汁？在凍凍的玉子上面）-三文魚大滿足$88（有黑松露三文魚，炙燒三文魚等，但最過分的是三文魚有骨！足足有4cm長）-唯一最正常的是牛肉拼松葉蟹棒烏冬$88雖然明知道是親子餐廳，對食物沒有抱太大期望，但也沒有預期大部分食物的質素都不達標，確是有點失望。…Read More

九龍塘的simply life本來實在不需我多作介紹，每次經過必見人龍，入內次次滿座。因為人多，平常如果光顧都要有心理準備排隊一段時間，但最近發現可用app遙距拎飛（可能已經不算新聞？），咁就大大不同了！拎定飛再慢慢行街，輕輕鬆鬆就食到。餐牌不常更換，因為喜愛手工意粉，以前每次黎都食蜆肉辣肉腸扁意，但今日見到有個海鮮意粉，仲要係辣茄汁，馬上點菜！原本我都冇諗過我會因為一碟意粉而寫食評，但意粉真是有驚喜！鱸魚皮脆肉嫩，魷魚鬚微微焦香，青口肉結實，辣茄汁更令我意粉一口接一口，停不下來！結果，我當天吃完後，第二日因事再出又一城，毫不猶豫地，再去simply life 翻尋味。PS 同場加映友人點的煙三文魚薄餅，從來不敢點薄餅的我（因為吃不完），非常喜歡sour cream， 紫洋蔥及煙三文魚的組合，濃郁卻又不膩，可以一試。…Read More

新蒲崗較近鑽石山站的一邊，遠mikiki 遠，離荷里活又有五至十分鐘距離，加上較少餐廳種類，常有餐廳沙漠的感覺…最近新開的一間冰室，雖然唔算新意，但對附近返工的打工人士黎講實在係福音！開業短短數月，連假日的午飯時間都要排隊，好在餐廳夠大，座位多，等候短短五分鐘已經可以入座。對冰室茶記的裝修一向要求不多，但呢間高樓底，加上大量使用木材，感覺溫馨，和熙攘嘈雜的冰室氛圍形成強烈對比。友人介紹燒鵝瀨粉及豬扒撈公仔面，心中奇怪，冰室食燒味？上菜時只見燒鵝賣相不錯，馬上試吃一件，入口皮脆，油香滿溢，冰室有如此質素的燒味相當少見。豬扒撈公仔面完全水準以上，以鐵板上菜，滋滋作響，豬扒夠香夠鑊氣，公仔麵乾身香濃，十分滿意。整體來說，食物高質，環境不錯，是新蒲崗最近用餐的好選擇。…Read More

在大型商場搵到價錢合理食物又高質的居酒屋真的不易，而九龍灣最近開張的一間絕對係不斷回頭之選！開張幾個月內，我已經多次光顧，店內整潔寧靜，店員態度友善細心，當然最重要的是食物！推薦明太子蛋捲（$68），明太子份量足，玉子燒又鬆軟。燒牛舌（$40）也是必食，燒各樣蔬菜也不錯，有我最喜歡的秋葵，不過蕃薯一般。各種卷物也出色，份量足，用料新鮮。…Read More

一般食泰國菜都會出九龍城食，今次朋友聚會揀選了呢間位於旺角Lost in Thai, 俾左我機會試下其他餐廳。餐廳較小，新淨整潔，非常近太子站，地理位置來說相當方便，晚飯時段滿座，店員人手略不足，有點忙不過來。老實說，相比九龍城泰菜，Lost in Thai的味道較清淡，可能更適合唔食慣重口味泰菜的人。朋友點了很多菜，豬頸肉炒飯，鮮蝦炒金邊粉，炒通菜，青咖哩薄餅，小食拼盤等，食物易入口，不過不失。但埋單人均只需$185，非常抵食。最打卡able的應該是泰式奶茶加點的小熊冰，朋友笑稱上次點，飯食完都未溶，今次相聚甚歡，離開時，已看不見小熊冰了。…Read More

平時行銅鑼灣，總係食最愛的意粉，但今次朋友話想試下新野，由Sogo行去約需5-10分鐘的西班牙餐廳。門口裝潢有濃濃的外國風情，進入餐廳更感受到食客們熱鬧交談的氣氛，令人非常期待。可惜的是，當日只餘下Bar台位置，而我的座位正對著一大面鏡子，整頓飯都在照鏡😂。講返食物，Brunch set 包括tapas, 主菜和甜品。tapas 有四款，薯粒和蕃茄多士不過不失，海鹽小青椒有驚喜，芝士和西班牙火腿也唔錯。主菜可一人一份，但我地想試招牌paella（for sharing)， 所以未有試其他。Paella的蜆鮮甜彈牙，但其他沒甚麼記憶點，下次會想試豬手。甜點有chocolate慕絲配椰子泡沫，和羊奶芝士蛋糕（一人一份，可重覆），朱古力慕絲不錯，但只能說羊奶芝士蛋糕的sauce太酸了…加上食到此時，已飽到不行，甜品就吃不完了…整體黎講，環境氣氛一流，食物中上，非常適合朋友聚會，享受悠閒時光。…Read More

經常到又一城，都是去意大利餐廳，但今日特別在旅行前吃亞洲菜，就去咗好一陣子沒吃的穴藏。仲記得第一次去嘅時候好有驚喜，覺得食材新鮮，份量又足，用餐感覺愉快。今次去，仍然係叫咗壽司天扶良定食，有前菜，沙律，壽司，天扶良和烏冬，天扶良的秋葵太老失色（偏偏我最鍾意秋葵），幸好其他都維持到。套餐有五件壽司，最欣賞炙燒壽司，其他材料厚實口感彈牙，中規中矩。同伴點了北海道海鮮丼（$228），海膽鮮甜，刺身水準不錯。壽司天扶良套餐$208，以份量黎講性價比好高，海鮮都新鮮。但用餐環境較擠擁，以至有點嘈雜。…Read More

平時都少食super sandwiches, 覺得用餐節奏快，食物選擇唔多，但今日的燒雞甜椒餡餅有驚喜！尤其運動完唔想食意粉太heavy, 又想飲凍美式咖啡，super sandwiches呢個時候就變得非常適合！講返個餐，一份餡餅餐要$77，加凍飲$7，$84中規中矩。一上餐，即刻飲左咖啡先（我係咖啡控），咖啡不錯，已經加分😆👍🏻餡餅好熱，餡料也多（一邊食一邊跌），芝士令雞肉甜椒又香又濃，重點係雞肉滑嫩，甜椒又令成個餡餅冇咁油膩，食完兩件已經飽，第三件差點食唔晒。本身加$9再有個湯，但食唔到冇要，下次試下個湯。…Read More