Timothy234's Profile

本來以為佢有一個海景，食物質素應該OK。點知叫嘅點心全部係暖的，即係唔熱似係用微波爐叮嘅，並唔係即叫即蒸。今時今日酒樓這樣是不合格。最大問題一間酒樓連水都係唔熱嘅。貫徹稻香集團一般只係用一個暖水壺俾你。但係暖水壺倒出嚟嘅水只係微暖，所以啲茶葉都沖唔出茶味。其實間酒樓大約11點開門12點飲茶點會唔熱。證明啲水其實已經係隔夜嘅。咁嘅服務質素根本不能接受。由於呢間酒樓是稻香集團旗下，佢嘅點心同一般稻香及其他集團成員酒樓是一樣的，但佢嘅點心都比起稻香集團其他嘅分店為貴。價錢收得貴，但點心及服務都比其他差，沒有理由再有下次。…Read More

裝修本身已經似茶餐廳。點知坐低，服務比茶餐廳更惡劣。每次隔籬枱有東西要攞，侍應每一次都嚟我張枱攞（例如餐牌、碗筷）。仲要呼喝你傳遞俾佢，難道食客係侍應嘅一部份？這樣服務嘅水準喺銅鑼灣時代廣場不能接受。稻香集團果然係稻香集團。…Read More

本來見到comment話有日本feel，所以去食。點知中伏裝修本身都有日本居酒屋嘅風味，至於價錢本來於銅鑼灣食飯價錢貴唔係問題，但呢個價錢食物卻是港式日本菜就唔值得。員工亦係港式嘅員工，我以為自己去食緊廉價放題。我問過朋友，原來此餐廳早已經轉咗手，轉咗手之後變咗港式日本菜。唔會再去。…Read More

面積天花樓底很矮，一入去已經有唔舒服嘅感覺。因為樓面用膠板間開枱與抬之間，因此差不多是枱貼枱，疫情下感到非常擠迫。侍應人數少得對比起酒樓面積不合比例，全場只有兩至三個侍應，令到佢十問九唔啋。點心是中環的價格，食物質素並非中環的質素。個薑蔥撈麵油都唔食得，而且可能啲熟油過熱，連麵嘅質地都變埋。如此水準在中環，只此一次，不會再去…Read More