wai-ting05's Profile

朋友介紹下黎左銅鑼灣樓上新開既日式餐廳，亨利中心裝修都幾靚下，餐廳有做火鍋串燒，上去前有啲飽所以上去飲下啤酒食下串燒吹下水估唔到有驚喜位！有部分唔記得影相，影左既擺哂出黎喇～店員包括廚師都好有禮貌每道菜式都會介紹一次，比較深印象既係食材既來源地並唔普通大部分來至日本，真係名副其實既日式餐廳雖然今次淨係食左串燒，但望到隔離枱既火鍋好吸引！火鍋完之後仲可以加粥變粥底吸哂啲精華應該會好正，下次一次要試下…Read More

食完晚餐想食糖水，因為粉嶺名都附近冇乜糖水舖，所以諗住試下呢間台式野。淨係買左外賣糖水，見佢張相都好吸引好大碗咁，堂食$38黑白珍珠豆花，我+$5仙草，外賣+$2。行左一陣等外賣，一收到見到咁細碗野，我真係呆左以為碗野唔係我既，咁樣收我$45，成本都唔知有冇$10⋯⋯雖然味道正常，但我真係以後都唔會再買因為兩三啖就食完了，打開袋見到個碗仲要唔係裝滿。希望粉嶺火車站附近開返啲正常既糖水舖，同埋呢間餐廳檢討下食物既份量，真係好失望。ps. 上水果啲糖水舖已經貴同少選擇，但都冇咁細碗🥲…Read More

呢幾年黎間唔時都有幫襯呢間餐廳，開頭質素唔錯，環境風景優美，上一次lunch時段幫襯，野食質素差左好多，以為係忙得濟啦，今日晚餐時段再幫襯，諗住比多次機會佢，點知都係失望到極點。首先，我叫左杯凍檸茶，個茶底勁淡好難飲，茶記都不如。第二，我同男朋友都係叫左西冷牛扒，7成熟，但我果塊同我男朋友果塊差好遠，我果塊食左第一啖已經吐左出黎，韌到咬唔到要夾硬吞！根本全塊都係筋！食到最後我地同其中一個侍應反映，佢話一開始講既話可以換過塊比我地。其實我地有諗過，但驚比人加料所以最尾先講，廢時比人覺得我地想r多塊。第三，其他人服務態度都好好，但個經理比人漫不經心既感覺，落單冇覆單，我地同佢講唔該，佢都冇反應，我知道做餐飲業好攰，但都唔會咁掛？埋單時一句都冇講，幾錢又唔講，多謝又唔講，到底係咩事？仲要收我加一服務費？總之，呢間餐廳唔會再去！亦會叫身邊既人唔好去！…Read More

經過見到入左去食，坐底睇左陣餐單就嗌野食，短頭髮既女員工點餐果陣一直都冇望過我地一眼，到野食黎，佢一野pat落張枱到，好似比乞丐食咁既態度！食完去埋單，明明見到我地拎住錢同單係收銀位到等人黎收錢，個員工竟然視而不見！見到我地望住佢好耐，先叫另一個員工黎收錢，另一個員工亦施施然過黎收錢。雖然係平平地既一餐，唔好話要咩服務態度姐，但咁既趕客態度真係以後都唔會去食！…Read More