Ah_Fei's Profile

因為假期怕晚市會多人，所以我四點半左右就上咗去。點知上到去冇人😂朋友未到，餐廳職員好好叫我坐低等大概五點半，朋友同其他食客就陸陸續續黎到之前返深圳食過太二酸菜魚覺得好好味，所以見到銅鑼灣開咗間食酸菜魚，就即刻去試下！銅鑼灣嘅鋪頭同大陸嘅裝修風格好相似，彷彿好似去咗太二酸菜魚嘅分店一樣我哋兩個人，叫咗個二人份量嘅酸菜魚，加咗粉絲，金菇菜同白飯有熱/冷茶提供 (免費)酸菜魚份量超大，酸菜同魚都好多，粉絲同金菇菜索晒味，好正！用酸菜魚湯底做泡飯，味道一流大家真係要試吓整體上不論味道同份量都同大陸都一樣，只係價錢上貴左兩至三倍，如果大家唔係經常返大陸想慳時間，不妨黎試吓…Read More

夏天開始到，總係想食冷盤黎降降温。晚飯後，見個胃仲有少少位，就去左IFC既辻利茶舖食返個甜品 XD辻利主要分抹茶🍵同焙茶兩個系列，由雪糕🍦沙冰🍧布丁🍮蛋糕🍰卷蛋到冷熱茶類飲品都有，真係花多眼亂因為想一次過試晒抹茶同焙茶，所以叫左抹茶拼焙茶軟雪糕，走窩夫底🍨(食完晚飯真係飽...)雪糕質地滑，抹茶味濃，甜度適中尤其個焙茶雪糕，茶味好出色，比抹茶更加香濃！鐘意茶味重既朋友仔一定要試下焙茶系列…Read More

星期五晚，同朋友到人氣一直高企既cheesecake factory食晚飯。心中奢望熱潮過去唔使點排隊，點知當晚都係要排個幾兩個鐘...我地叫左一個沙律，一個意粉，一件蛋糕🥗加州風味牛油果醬沙律 $148份量超大，成座山咁！入面有好多沙律菜，牛油果，粟米，黑豆，洋蔥，芝士，再加上墨西哥粟米條，d美國feel出晒黎！🍝卡邦尼意大利幼麵 $166份量又係超大！好cream好cheese，好味🍰原創芝士蛋糕 $72食到末段，已經好飽，排咗咁耐隊，點都要叫一件試下既。個芝士味道雖然冇想像中咁重，不過都好滑好味！旁邊既cream亦都超好味！總結: 食物質素唔錯，價錢又親民。不過要排咁耐隊，大家就真係要諗清楚喇…Read More

新開張個陣日日大排長龍，真係唔願排。今日經過見冇乜人，所以就決定試試佢地杯招牌水果茶因為唔想飲甜野凍野，所以叫左杯熱無糖一芳水果茶。熱飲都係用飲管，所以飲品只係微熱，唔會燙口。第一啖，好酸！可能係無糖既緣故，d 水果酸味完全霸佔晒我既味蕾！酸到我都唔知自己飲左d乜，熱飲杯又睇唔到𥚃面。如果下次再飲，都係叫杯有糖吧總結: 唔建議大家揀無糖水果茶…Read More

灣仔分店好細，室內大約只有10幾個位，室外亦有條後巷可以坐。座位咁少，難怪門口經常有人龍中午天氣成30幾度，企係馬路邊排隊，排左陣已經想放棄。入到室內以為可以涼下，點知個冷氣超弱，通去後巷個度門又長開。叫凍飲，雪櫃拎出嚟既罐裝飲品係室温，人熱到未食飯已經開始冇胃口...魯肉乾麵 (包溏心蛋) - $52撈勻左d魯肉粒同麵底都幾好食，溏心蛋好味。慶幸自己叫左乾麵，如果咁熱仲食湯麵，會頂唔順埔里花雕牛肉麵 (灣仔分店限定) - $88花雕味唔算好重，不過d牛好淋入味，唔錯鹽酥豆腐 - $22好重蒜味，味道普通總結: 食物唔錯，不過夏天時冷氣雪櫃都發揮唔到作用，扣分。希望餐廳能夠盡快處理問題吧…Read More

舊年到日本奈良，一直飲恨未能食到 ”釜飯志津香”。所以襯住星期五晚，相約朋友到登龍街食賣日本釜飯既 ”奈良上釜” 補返數餐廳鋪面好細，一眼望晒，枱與枱之間坐得好迫好近我叫左個銀鱈魚釜飯 - $178前菜: 茶碗蒸，胡麻醬凍豆腐，蘿蔔漬物茶碗蒸好足料，有蟹肉，蝦，冬菇，三文魚籽主菜: 銀鱈魚釜飯 ，湯銀雪魚肉質鮮嫩，有飯焦。不過飯既份量比想像中細，味道亦未如想像中鮮甜最後得出左，我地有煲仔飯，韓國有石頭飯，日本就有釜飯總結: 味道普通，未食過釜飯既朋友可以一試。…Read More

夏天經常落大雨，所以lunchtime去左位於金鐘太古廣場嘅Dim Sum Library，唔使淋雨佢地既裝修中西合璧，係一間以黑色為主調既高級點心餐廳。因為裝修得太西式既緣故，好難稱佢為一間酒樓，門口帶位亦係外國人打開Menu發現大部份點心都好特別，好多更用上較矜貴既食材大紅袍 $18/per person茶味香濃，齒頰留香黑松露蝦餃 ＄48皮薄，有淡淡黑松露味薑蔥龍蝦包 $88包好軟熟，裏面有一粒粒既龍蝦肉黑蒜燒賣 $48每一粒燒賣入邊都會藏住黑蒜，不過我就覺得苦味多左少少巴馬火腿蘿蔔糕＄68兩樣鹹點擺埋一齊，味道原來都幾match！花枝響鈴炸兩＄68薄薄既皮包住炸脆左既響鈴，好香脆，好味！懷舊酥皮蛋撻＄52櫻花蝦茴香豚肉炒飯 $158總結: 點心款式創新，不過價錢略貴，比較吸引外國人或喜歡創新既朋友。…Read More

聽聞沙田陳根記因租約問題而未能績租同面臨結業 (註: 最近有報道指已成功績租至年底)，所以襯住假期約埋朋友一齊試試呢間人氣大排檔陳根記營業時間係晚上6點，我地駕車到達禾輋邨時大概5:55，驚見整個大排檔已經坐！滿！！人！！！心知不妙立即衝落車，希望仲有一兩個位剩…行左一圈好好彩揾到一張枱可以搭枱。如果再遲多幾分鐘，恐怕要等其他食客食完第一轉先會有枱。Wasabi蟹籽手撕雞(例牌)＄82食落幾有趣，比平時既手撕雞少左一份肥膩，多咗一點刺激魚香茄子煲＄62好香，d茄子入晒味豉椒炒蜆＄76個汁稠左dd, 好多蜆香煎蠔餅＄68好香脆，d蠔粒粒都好大隻芒果一口脆＄36即係炸芒果pancake，即叫即炸，外脆內冷，再加上cream，幾好食。不過甜品並唔係落單架，要親身排隊，我地排左大概半個鐘。註: 如果駕車前往，記得埋單時攞返張單，商場有泊車優惠。總結: 食物唔錯，主要食大排擋風味…Read More

機場間Lady M係禁區個邊，好易揾，就係海關同辦理離境個層。平日我地一入禁區，眼球總係放係味千拉麵/麥記個邊。記住停一停！望一望對面，Lady M就係個度貫徹Lady M一向既裝潢，採用白色大理石，係銀白色為主色既機場內，比較唔顯眼晚上8點，堂食只有兩三枱客，排隊外賣既亦只有兩三人。想當初佢開幕，我排左差唔多2小時先入座！見到宜家可以唔使排隊就可以食到，心情真係無限激動！！基於呢個原因，原本只係想望兩👀既我，變左一場黎到，又唔使排隊，唔係唔買呀嘛！可能已經係夜晚既緣故，外賣就只有兩款可以選擇。一款椰子千層蛋糕，一款類似朱古力蛋糕。我外賣左一件椰子千層蛋糕🍰($75)。如果唔係即刻食既，記得同餐廳職員加乾冰，免費架。紙盒亦會附上叉子當晚班機delay左半個鐘，前前後後，由我外賣到空中服務員派餐，大概2小時後我先食到蛋糕。椰子🥥味好香，cream好滑，蛋糕亦好香，只可惜我覺得有d”林”左，可能隔得太耐先食吧😔如果想食到蛋糕既最佳狀態，建議大家選擇堂食吧。而且蛋糕總類會多好多好多，至少我見到有原味&綠茶味千層蛋糕。注意: 如果堂食，餐廳係會收加一服務費。總結: 唔使排隊，價錢不變，機場分店完勝…Read More

今日收到好姊妹send黎佢結婚當日嘅相，令我諗起唔夠兩個月前先啱啱係Club@28食咗個tea set做好姊妹嘅bridal shower個bridal shower其實安排得好急，盲頭烏蠅咁希望揾到一個既有景又舒服，可以傾計既地方，最終係食飯前兩三日決定咗喺銅鑼灣皇冠假日酒店嘅28樓Club@28 high tea因為係第一次去酒店high tea，所以我都有好多問題。訂枱嘅時候，餐廳嘅職員都不厭其煩咁一一為我解答，值得一讚！搭𨋢一上到去，我就知道冇揀錯地方，至少係環境方面佢哋個景觀係一流！餐廳呈長方形，一邊係露天游泳池可以望到銅鑼灣鬧市，遠眺維港，另一邊係望跑馬地馬場，個view真係無得輸！呢點對我地黎講好重要，因為係bridal shower，一定會影好多相我哋一行四人，叫咗兩個Berrylicious Afternoon Tea Set (春日果香下午茶)，包一杯飲品 - $448 / 兩位 (星期六、日及公眾假期)Tea set甜點: 士多啤梨慕絲蛋糕，櫻桃酒啫喱，朗姆酒朱古力條，黑莓慕絲馬卡龍，美國士多啤梨拿破崙餅，白朱古力韓國士多啤梨布甸伴雲呢拿汁鹹點: 焗芝士帶子酥盒，香煎鵝肝伴烤西瓜，串燒澳洲牛柳伴洋蔥砵酒汁，鮮蝦牛油果沙律迷你竹炭包，醉雞青瓜卷坦白講佢哋嘅甜點同鹹點都好普通，每一樣都係不過不失飲品有兩款1. 士多啤梨威士忌濃縮咖啡 (cocktail)2. 士多啤梨白雪 (mocktail)可能平時冇飲開酒嘅關係，我飲嘅咖啡混入左啲酒嘅味道，覺得好苦好奇怪總結: 雖然食物普通，但景觀攞100分！如果想搵一個影相靚嘅餐廳，可以考慮Club@28…Read More

星期日約咗舊同事食飯敘舊，揀咗一間係銅鑼灣冇限時用餐嘅餐廳餐廳好開陽光猛，光線充足，真係好鐘意有自然光既餐廳。下午1點多，人客唔算好多，環境好舒服我地叫左兩份意粉，一個pizza，每人一杯飲品意大利蕃茄大蝦意粉 - $148我哋揀咗天使麵，隻大蝦真係好大隻，意粉帶點辣，加埋番茄好開胃煙肉豌豆巴馬臣芝士手製薯糰 - $108芝士味好香，薯糰好煙韌，第一次食呢一種意粉，好有趣！太陽蛋煙三文魚pizza 9吋 - $128太陽蛋流心，有好多芝士好香，pizza底係薄底，就算食咗兩三片都唔會覺得好飽Latte - $38點左普通嘅latte，估唔到會有3D卡通造型，好驚喜！香蕉忌廉凍朱古力 - $48賣相一流！同事揀嘅飲品，冇問到味道如何總結: 百零蚊可以係銅鑼灣食到手製意粉真係超值！環境寧靜舒服，係談天說地嘅好地方。…Read More

星期五晚冇訂枱，所以揀咗間新嘅餐廳，希望唔需要排隊七點鐘到達，已經九成坐滿座，只剩返高枱，因為我同朋友都已經照好肚餓，所以照入餐廳內有好多室內植物，環境舒服好清新☘️我地叫左兩碗湯粉，一杯飲品，因為食物份量好大，食唔晒🙈特級蟹膏湯檬 配軟殻蟹 - $168湯底好清甜，裏面好多配料，扎肉，肉丸，豆卜，蕃茄，洋蔥軟殼蟹雖然只係得1件，切開兩邊分開上，不過好好食，入邊仲有蟹膏添！🦀咖喱豬扒湯檬 - $88平時好少叫咖喱湯底，想試下新口味。d粉入晒味，正！塊豬扒有炭燒味，喜出望外牛油果沙冰 - $38有牛油果肉🥑，雖然有dd稀，不過好清新！夏天消暑解渴一流！總結: 味道好唔錯，若果想喺銅鑼灣鬧市搵一間小店坐低好好休息食個飯，不妨黎試吓呢一間越南餐廳。…Read More

早幾年同朋友到過新加坡食過海南雞飯，一直念念不忘最近聽到天天海南雞飯黎到香港開分店，所以就即刻約埋朋友一齊去試吓可能因為係星期五晚同埋啱啱開張，好多人慕名而來，所以我哋排咗45分鐘先安排到入座。排隊期間天氣太熱，餐廳職員不時會送上凍水俾我哋降溫有別於新加坡嘅大排檔形象，香港分店係行高級新潮路線，環境同碗碟都好講究我同朋友因為食量唔大，所以我哋決定主打海南雞同雞飯天天海南雞(半隻) - $268啲雞好嫩滑，好好味，有三隻醬汁可以點天天石鍋雞飯(1-2人份量) - $48個飯真心好味，好香，某程度上比海南雞更出色因爲排隊太耐太肚餓，唔記得咗影相總結: 食物質素高，不過價錢略貴。米芝蓮推介，值得一試…Read More