靚仔發's Profile

周不時都聽人講呢間嘢有幾好食有幾抵食，但係我去親都好多人，或者係食晏時候，所以好多次都敗興而回。不過我真係好想去試一下，咁唯有有緣再試啦！撞啱今日我可以同個女早啲出嚟食嘢，本來想去麥當勞食早晨全餐，但係剛剛過咗11點，又咁啱諗起呢間大榮樺，所以就滿懷期望過去一試。我點咗一個肉醬意粉比個女，我就叫咗個吉列豬扒飯。半個鐘頭後，我個豬扒飯到咗，但係我個女個意粉仲未到，所以都追下啦！於是我就先試下個豬扒飯，一食之下..... 好普通喎！再20分鐘後，我個女個意粉卒之都到咗。點之一食之下，唔單止普通到非常，而且仲有啲唔係咁熟添，點攪呀！不過要趕住接細佬，所以求其食啲就走。百一二蚊好似係幾抵食，但係質素都好重要。希望佢會跟進一下囉，不過我就唔會再去喇！…Read More

尋日見啲細路仲放緊假就帶埋佢地去食牛雜，我1點半左右到，都唔算好多人，個後生仔仲幫我安排4個位添。我係第一次去，所以都幾期待。我兩大兩細叫咗6碗粉麵，一碗牛腩河，4碗牛雜河、米同麵，仲有一碗係麻煩個後生仔幫忙嘅牛沙瓜河，因為佢本來話冇喇，不過都問下佢爸爸仲可唔可以啦！原來個後生仔係太子仔。食物方面味道都可以的，牛肚都好腍。就喺差唔多食飽嘅時候，太子仔就送咗兩罐可樂比我啲小朋友飲，真係好窩心。下次我會再早啲去食今次食唔到嘅嘢。…Read More

我叫咗個鳳爪排骨飯加咗碟排骨同燒賣，個排骨飯都已經麻麻地，但係個排骨同燒賣竟然係唔熱嘅。我第一次幫襯，亦都係最後一次。我本來好肚餓，但係真係食唔落，所以我食咗個飯就算。…Read More