小荳釘's Profile

放左工見好肚餓經過見到個樣好似唔錯諗住試下新野。平日夜晚7點左右都唔算多人，仲有一半吉位。試得新野梗係叫招牌菜—燒鵝拌麵啦。個麵都算大碗，不過不失啦。但係燒鵝就真係想搵啖肉食下都無。好失望攪到好似食淨麵咁。60蚊黎講算貴⋯建議想食燒鵝既話，要叫脾，不過就要貴好多，好似百二蚊⋯…Read More

紅磡咁細竟然開左兩間十二味，新依間可能地點比較方便，係正地鐵出口，加埋新裝修所以樂多人等位。舖面好細，都幾迫下。waiter又好似唔係好夠咁，見佢地跑黎跑去都好忙下，但係想落單都要有d耐性。不過上菜個下都好滿足，碟碟都好有好大碟，熱辣辣，又唔會辣到食唔到。辣子雞都好多肉，唔會好似出邊個d得d骨、四季豆炒得好乾身、水煮牛都好好味。不過個蔥油拌麵就油左d同埋都幾細，有d唔係唔抵食。兩個人叫左4樣野完全無可能清得曬。…Read More

朋友帶食鰻魚飯，本身麻麻地，最驚食到魚皮。不過聽見本店係日本，點都試下啦。雖然lunch time, 舖頭都唔係太多客，完全唔使等位。見到menu有個鰻魚三食，講緊都係88蚊。之前去旅行已經好想試，即刻叫左個試試。個waitress 好細心，放低飯既時候仲問我地識唔識點食。先試加湯食，暖暖地都幾好味。跟住加左小小wasabi，竟然有驚喜！個味出奇地夾，仲無咁油。最後食返原味，始終都係最好味。話咁快就成碗食曬。…Read More

落住雨天氣又凍，攪到邊度都去唔到，依d日子行下商場就最岩。雖然商場人流都算多，不過Cova都唔洗等位就入去試下個lunch set。個set 大幾310蚊位，因為同行有小朋友，計落相對貴。不過reception姐姐就話都知道小朋友食唔到d咩，所以同大人share就ok。個set係半自助—apertizer係自助形式，都幾多選擇， 好似煙三文魚、火腿、沙律、芝士咁。其實大人同小朋友食依d都飽曬。成餐飯都食得好開心，除左環境之外，service 都好好，好多時都主動offer 幫手，又有禮貌。會等你食完曬apertizer先慢慢上main course。Main course：燒春雞。上菜時熱竦辣，個味都唔錯，不過雞肉就熟左d。雪糕職員推介開心果口味。開頭未食過以為會怪怪地，點知食落真係幾好食，好香開心果味。唯一扣分位就係埋單發現收多左錢，不過即時發現左所以更正返。整體黎講成餐飯都食得好開心😆😆。…Read More

聽講好多酒店既總廚得閒都會黎高高酒家食飯，特登走黎試下係咪真係咁好食。入到去覺得酒樓裝修好普通，不過待應都好熱情。帶左位坐低會推薦有咩好食。《涼拌青瓜》辣左小小，個人比教鍾意蒜蓉拌青瓜多d, 所以覺得麻麻地。《咕嚕肉》出邊好多時咬落去成口都係粉，依個一食就知粉好少，但係炸得好鬆化。酸酸地，好開胃，送飯一流。《鵝腸》賣相唔錯，個味都幾好。其實碟碟都係講緊一百蚊左右，相對好多酒樓價錢算係叫做平，碟碟份量都多。下次多幾個人食飯可以再試其他菜。…Read More

細個屋企樓下就有腸粉魚蛋碗仔翅既舖頭，以前個個星期都會去幫趁下。近年就買小見小，想食都唔知邊度先有。今日雖然食飽曬，難得見到有碗仔翅，點都要入去食返碗。魚肉翅好足料，係細個食開既味。豆漿就甜左d，開頭邊食邊飲唔係好覺。最正係成間鋪都係local人黎，都算坐得舒舒服服。鋪頭仲有其他經典小食，賣相都好唔錯，推介😋！…Read More

好多日本餐廳去到星期日或者d公眾假期都無lunch set，攪到好似假期食就貴左好多。秋月居就星期日都有set, 仲要平均都係五十幾蚊一個set，睇落個樣都好唔錯，就走左入試試。魚生飯都好新鮮，不過飯好似生左小小。個餐仲包基本飲品，好似檸茶檸水，特飲-雜果賓治要加10蚊、汽水就5蚊。價錢都算好低食。…Read More

返左成日工，收工去到深水埗，想要搵間坐得舒服d餐廳醫下肚。沿路有d餐廳個樣好似睇落都唔差，不過見到無乜客仔，都無乜信心。經過門口見為食館都坐得好full，即刻走入去試一試。一入到去伙記們已經好熱情咁帶位。服務唔錯。埋位個時見到隔離檯小菜既樣都唔錯。見到好多檯都叫左海鮮。一坐低伙記都不斷推介。不過今晚都係想食下小菜先。《脆皮牛仔腩》，好小見到有餐廳有，二話不說要叫黎試下。其實即係類似炸牛腩，可能牛太瘦，所以干左d。美極豆腐就食得多，《美極茄子》真係未試過。食落唔會好鹹，甜甜地，好juicy ，好味😋。食得小菜，通常都會叫返碟雞。今次叫左《蔥油雞》，貪佢有汁可以撈下飯。隻雞唔算肚，蒸到岩岩好，好林好滑。一陣就成碟清曬。…Read More

落雨唔想出街行，朋友就介紹左依間去試試。雖然都係快餐店，就係就感覺好舒適。係門口order完野食就可以搵個位坐低，轉個頭waiter就會羅個餐埋位👍🏻👍🏻👍🏻。檯與檯之間又唔會好迫，所以好多時都會排曬長龍（lunch time12點左右已經排曬隊）。《白汁煙肉露荀意粉》個意粉一上檯勁開心，完全意外地勁多汁。岩曬鐘意撈汁既人😄！意粉軟硬適中，好多黑椒好夠味。本身唔係咁肚餓都成碟清曬！加埋個凍檸茶埋單要成80蚊，貴左d，但係overall 都比85分😋！…Read More

忽然好想食燒鵝，又唔想去到深井咁遠，諗起之前平日經過見到好多人排隊，特登過去睇下。星期六lunch time都唔洗等位。開頭以為坐低都係遊客，不過附近都係香港人。聽見隔離個檯一邊食一邊讚，就照跟住黎叫—《卤水鵝肝》暖粒粒，入口即化。推介！《燒鵝米》燒鵝同係深井食一樣咁好味，肉好juicy，不過米粉就好一般。Service 都好好，唔使叫都會自動幫手加茶。平日lunch仲有set，可以再encore!…Read More

上一次黎食已經係好幾年前，個時仲未裝修。今日難得經過就上去懷勉下。一入門口，reception 話要等一陣，以為好多你。不過等左幾分鐘就話個位已經安排好，點知上到去都無乜人。Lunch set得兩個選擇。黎得梗係食鐵板， 所以叫左個《鐵板雞排》。餐包左湯同餐包仔。湯中規中矩。餐包完全唔熱，有d失望。《迷你雞排》一如其名，係迷你。無乜肉汁，失望。記憶中既《鐵板牛柳》好好味，所以set無都叫左個。落單同伙記再三講要5成熟，黎到都係熟曬😰。由於唔係餐，叫價差不多二百蚊，完全唔值。唔知依d係咪叫希望越大失望越大。裝修完環境舒服左，不過食物就無以前咁有水準。…Read More

難得黎到附近，專登去試下新開無耐既「常餐」。《凍檸茶》叫左小冰-原來將飲品一早整好曬放曬入雪櫃，所以跟本就係無冰😛。不過無乜甜味，茶味都唔濃。如果叫開小甜既應該會覺得ok。《忌廉雞湯通》同想象中差好遠，以為好似罐頭🥫湯咁。個湯得好淡雞湯味，但係就比較多油。所以都無飲個湯，通粉唔會太淋，都ok。成個餐最ok就係個《多士炒蛋》。多士係厚切個種，黎到仲係熱熱地。加埋個炒蛋一齊食好好味。整體黎講，食物一般般，不過勝在坐得舒服，都會再黎。…Read More

舖頭近住火車站同Poly， 所以好多時都好多人。難得今日行過有位，即刻入去坐低叫野食。侍應好有禮貌，記得曬你食開乜👍🏻👍🏻👍🏻《口水雞》由於唔係好食得辣，所以叫左半隻走辣。雞肉好嫩好滑，食下食下就成碟清曬。《孜然牛肉》出邊好小見有得食。炸到好干身，小小油都睇唔到。D肉又好淋，唔食得辣都會接受到。《蒜蓉炒菜心》依個就一般般，油左D。《上湯龍抄手》其實即係雲吞。細細粒，一淡一粒都幾好味。兩個人埋單二百零蚊，唔算貴。簡簡單又唔想日日茶記係唔錯既選擇。…Read More