食食食:D's Profile

門面寫住係全港首創純素拉麵，又真係冇喺其他地方食過，一試果然有驚喜無可能真係豬柳強拉麵配四菇濃湯底湯底有好濃郁嘅菇味，食得出係無味精！手打拉麵幾有咬口、口感適中，豆卜吸收咗湯汁好好味，植物肉豬柳就略嫌過咸。鮮茄甘筍濃湯車仔麵鮮茄甘筍湯底好正，好濃郁、仲食到甘筍蓉！手打拉麵口感好特別，無喺其他地方食過，有咬口唔會太腍，每一啖拉麵吸收埋湯底一齊食令味道昇華到另一個層次！自選餸方面，猴口菇吸收到湯汁、白菜冬菇木耳餃餃子皮唔怕太厚、甘筍金菇卷同西蘭花就普普通通無乜特別。總括嚟講湯底同埋純素拉麵都好特別好正！好值得一試同支持！…Read More

店內裝潢簡約，以白色為主，好適合打卡，難得嘅係食物質素同服務都好好絕對值得支持！黑椒牛肉多士配薯條多士係sourdough，烘得好香脆，黑椒牛肉同上面嘅芥末醬好夾，幼薯條炸得好脆，又唔怕太咸，好好食！煎蛋多牛油果多士因為唔方便食水波蛋所以膽粗粗問吓可唔可以轉全熟嘅煎蛋，點知店員對呢啲麻煩嘅要求完全無不滿！煎蛋好香、sourdough 亦烘得香脆，上面塗咗啲牛油果醬，另外仲有差唔多成個切片牛油果，食完好滿足，正！黑芝麻拿鐵原來可以加錢轉大杯！有靚靚拉花，口感幼滑，黑芝麻味好濃好香，亦唔怕太甜！…Read More

素食園坊餐牌上菜式選擇多、食物質素亦絕對係水準之上，而且價錢唔貴，呢度基本上喺我哋嘅食堂，突然醒起食過咁多次都唔記得幫佢寫食評。松露醬木耳毛茄炒淮山份量好足！黑松露醬好香，有好幾種唔同嘅菇，全部都炒得好香口好好味，略嫌淮山較少，雜菌同淮山嘅份量可以調節一下。腐竹銀杏百合浸菜苗好啱我哋口味！腐竹同菜芯索咗啲湯好好味，菜芯仍然爽口唔會浸到腍哂，每次必食！燒汁猴頭菇西蘭花食咗一半先記得影相，燒汁味道剛好唔會太濃味，猴頭菇應該有先煎過，口感同味道都一流雪菜肉絲炒米大份得嚟好夠鑊氣，米粉炒得好乾身好香，配料充足，調味亦剛好！呢度差不多每一款菜式都大大份又好味！完全唔覺得自己食緊齋，而且價錢唔貴，絕對係值得推介嘅素食餐廳…Read More

之前一直經常幫襯北角店﹐知道搬咗入嚟坑口之後都有食過一次﹐但經過今次嘅用餐體驗之後應該唔會再試了。可能係因為星期六晚人比較多﹐未到八點已經聽到店員話菜芯、豆腐等食材都已經賣哂﹐食物水準同服務質素都屬水準之下。沙嗲芥蘭素鮮魷 ($68)﹐味道還可以﹐素鮮魷都幾彈牙﹐但份量比預期少﹐只有3-4片素鮮魷同少少芥蘭。黑椒蜜汁素叉燒 ($68)﹐見好多食評都推介素叉燒就試一試﹐但都幾失望。不但唔似叉燒﹐炸到好油﹐入口只食到甜味﹐而且感覺似失手調味太重。雪菜火鴨絲炆米﹐成餐飯最好食嘅係雪菜火鴨絲炆米﹐味道唔錯﹐而且份量都算多。清炒芥蘭($50)﹐上枱嘅時候真係呆咗﹐份量真係少得過分。今次之後應該都係繼續番去幫襯已易手嘅北角店﹐雖然遠少少但食物水準真係差好遠…Read More

餐牌上可選擇的菜式好多，正當我哋揸唔定主意嘅時間親切嘅店員就過嚟介紹佢哋嘅招牌菜。最後點咗豆腐海鮮湯、蒜茸炒豆苗、海鮮煎蛋、乾煎咖哩雞同蒜茸蒸鮮魷。豆腐海鮮湯熱辣辣，湯料見到有5-6條細魚同唔少豆腐，味道唔算特別鮮甜，不過不失。蒜茸炒豆苗夠鑊氣，好香味道都好好。蒜茸蒸鮮魷好正！店員話魷魚係喺當地漁民嗰度攞貨，食得出好新鮮海鮮煎蛋好厚好足料，每一啖都食到配菜（洋蔥、粟米粒等）同海鮮（食到有蝦米仔），亦煎得好香！乾煎咖哩雞係店員推介嘅招牌菜，唔係一般咖哩嘅做法，而係將雞件輕炸並用咖哩粉調味，幾特別同香口惹味如果到訪南丫島可以一試唔係淨係可以食海鮮的。…Read More

入南丫島住咗幾日，身為麵包控嘅我每日都起碼幫襯呢間麵包店一次🤣麵包店賣的麵包款式大多數屬於西式麵包，例如牛角包、bagel、法棍等，比較特別嘅有石磨小麥包、雜糧黑麥包、杏仁無花果藜麥包。我哋試咗杏仁無花果藜麥包，雜糧黑麥包同埋罌粟bagel。杏仁無花果藜麥包每一啖都食到果仁粒同無花果籽，口感豐富而且小麥味好香罌粟bagel上面有好多罌粟籽，bagel好食完全唔怕痴牙！雜糧黑麥包黑麥味好香，用料充足、外皮香脆每一啖都好多種子同穀物。感覺到店內嘅麵包都係用心製作、足料無添加！如果入南丫島絕對值得一試！…Read More

一行四人嚟到觀塘工廈搵食，諗住試吓新嘢，點知好有驚喜食到一間質素同價錢都係令人絕對要回頭嘅餐廳！Lunch set 選擇有意粉、魚牛雞等，隨餐附送餐湯、麵包同埋甜品。個餐湯（番茄湯）竟然好好飲！味道偏酸但好啱口味，完全唔係好稀好無誠意嗰種，亦唔似其他番茄湯咁甜或者有茄膏味，連餐包都唔係普通多士或白麵包，係烘到有少少脆嘅黑麥種子包作為麵包控好感動！Main方面我哋叫咗紐西蘭走地雞扒配意式番茄醬($58)同埋麻辣香蔥鴨胸意大利粉($68)。上枱見到雞扒好厚好大塊，配有薯仔同埋少少煎香咗嘅瓜。雞扒煎得好香唔怕乾，即使唔沾番茄醬食都夠味，雖然咁厚但切開仍然好juicy!!薯仔每舊都好香個皮好脆，真係好好食，連配菜都絕不馬虎！雖然唔食得辣但因為想試吓佢哋嘅意粉，最後都係叫咗麻辣香蔥鴨胸意大利粉。鴨胸足足有4-5大塊，食第一啖已經覺得好麻辣好香，嗜辣嘅人一定會鍾意！最重要係意粉煮到al dente，配麻辣汁夠哂惹味最後當然成碟清空！食物質素咁高但埋單竟然都唔洗加一分分鐘仲平過去茶餐廳食個頹飯，真心擔心佢回唔到本😅隨餐附送嘅甜品就略為遜色，建議餐廳可以比客人自由選擇要飲品或甜品。…Read More

收費唔貴，公眾假期晚餐都只係$150一位，抵食而且食物選擇好多！冷盤除咗普通沙律菜仲有好多其他嘢，例如口水素雞、麻醬菠菜，肉鬆涼拌茄子等。幾款炸物都幾出色，薯條同椒鹽素魷魚鬚都炸得好香脆，但最好食都係炸鮮奶外層香脆但內裡幼滑！熱盤種類亦不少，大概有十多款，其中最推薦的是炒米粉，米粉炒得乾身唔怕油，調味亦剛好黃金炒雙花都encore 咗幾次，應該用咗南瓜調味，味道幾特別。另外芋頭魚、豉汁帶子蒸豆腐、瑤柱扒時蔬都唔錯！甜品都有幾款，豆腐花、綠豆爽、仲有brownie。整體而言食物質素以同類型餐廳嚟講屬高質，連平日少食素自助餐嘅媽媽都食得好滿足！不得不讚餐廳refill食物嘅速度好快，幾乎無一樣食物係被清空而無人refill的！…Read More

星期日lunch time 嚟到但餐廳都冇坐滿，餐廳裝修以白色為主，簡約舒服！Menu上有沙律、意粉、burger、甜品等等可供選擇，亦可以由麵包到toppings都自己揀。Avocado linguine上菜時熱辣辣，個汁幾有驚喜，menu話係Oatly sauce，味道清新都幾特別，最重要係唔怕膩，意粉嘅軟硬度都適中。Carbonara相比之下Carbonara略為遜色，可能因為餐廳冷氣太凍，上菜時意粉已經凍凍哋，無汁的Carbonara有少少太乾，味道亦偏淡，還好脆脆的芝士片幾香幾好味 。Mixed Berries CroffleCroffle烘得好脆，口感唔錯，比起croissant少咗酥皮嘅油膩感但又比waffle多咗少少香Mixed berries嘅分量都好夠，略嫌淋太多糖漿有少少過甜。…Read More

Lunch set menu 有多過10款選擇，呢個價錢有埋沙律/餐湯+餐飲，好抵食！今日嘅餐湯喺紫薯忌廉湯，本身都驚紫薯+忌廉會好膩好滯，但飲落又唔怕好濃忌廉味，反而有淡淡的紫薯香味，間中仲食到紫薯粒。餐湯 - 紫薯忌廉湯主菜我哋叫咗蒜香蝦肉意大利麵同埋紅酒燴羊膝。先講蒜香蝦肉意大利麵，蝦大大隻，蝦肉彈牙調味適中，另有幾粒香甜車厘子做配菜，意粉al dente！煮得啱啱好，欖油同蒜味好香，夠味得嚟又唔怕太油！蒜香蝦肉意大利麵羊膝用紅酒汁慢煮，原隻上，非常大隻！$128真心抵食！食落唔覺得羶，肉質亦唔怕韌，不過因為太大隻要切開有啲難度。配菜嘅瓜類又甜又多汁，薯蓉都好滑，味道啱啱好。紅酒燴羊膝侍應服務都唔錯，細心同有禮貌。眼見lunch time繁忙時間都只得幾枱客，希望大家可以多啲支持高質小店！…Read More

星期五晚預早book咗位食個early dinner 之後去睇show，餐廳座位唔多都算坐得舒服，set dinner menu有唔少選擇，價位以灣仔嚟講算抵食，平均百零二百蚊就有沙律/湯+主菜，仲可以平價配飲品，另外有一些沙律和小食可以share 食。本身想點個鹽燒阿根廷紅蝦share, 但當晚咁啱冇紅蝦，最後我哋要咗兩份set dinner: 慢煮厚切日本四元豚肉·肉桂蘋果·薯蓉同埋欖油香辣菠菜苗靈芝菇意大利麵。先上兩個蘑菇湯同蒜蓉包，蒜蓉包烘得好香脆，蘑菇湯值得一讚，唔係creamy到好膩嗰種，而且每一羹都食到唔少菇菇粒，好足料慢煮厚切日本四元豚肉·肉桂蘋果·薯蓉豚肉好厚，但不會過熟，容易切開，食落唔會痴牙。單獨食豚肉會有啲鹹，但配上酸甜的肉桂蘋果蓉，中和了味道感覺啱啱好！薯蓉口感幼滑，味道較淡，搭配味道較濃郁的主菜就覺得好舒服。欖油香辣菠菜苗靈芝菇意大利麵真心推介！意粉軟硬度剛好，好香欖油味，菠菜苗和菇的份量充足，再配有一些洋蔥絲，辣度都適中，惹味又香口，菠菜苗好新鮮好嫩，整體來講所有嘢配合得啱啱好！服務都好好，侍應有禮貌，會留意食客的需要，時不時會主動加水，上菜和收碟速度都算快。呢間小店絕對值得推介提議提早book枱，當晚見到有唔少食客想walk-in但冇位。…Read More

訂座時唔記得講同行會有bb，好彩入座時間尚早，店員立即貼心地幫我們安排另一張夠位放bb車的枱。餐廳環境裝修不算華麗但色彩繽紛，配上有裝飾的吊燈感覺很和諧舒服。除了傳統西餐會供應的菜色外，menu上亦有不少有創意的選擇，例如爆炸楓糖三文魚柳、冬蔭公海蝦闊條麵等。我們點了爆炸楓糖三文魚柳、德國咸豬手、西班牙海鮮飯、香煎澳洲安格斯西冷、招牌明太子海鮮手工薄餅，全部都好好味！三文魚柳煎得很香口，旁邊有不同顏色的蔬菜做裝飾，令人胃口大開，墊底的薯蓉亦十分出色，口感和調味剛剛好咸豬手絕對值得推介大大隻的豬手外皮香脆但肉質仍然保持到嫩滑，不會像其他地方的咸豬手般又乾又硬，可以說是物有所值！西班牙海鮮飯味道都好好，若份量可以多少少會更好。明太子海鮮薄餅好足料，薄薄的薄餅很香口，配上紫菜碎、芝士和明太子醬，口感一流！整晚都食得好開心好滿意！用餐當晚是星期六，餐廳好像是滿座的，有興趣試的朋友最好預先訂座以免失望而回。…Read More

餐廳恢復晚市堂食，戲院重開，當然要支持支持！睇戲之前食個early dinner，六點半左右嚟到烏蠅館，坐低咗幾分鐘就已經滿座了shocked因為時間唔夠今次只可以食冒菜，Menu上可以選擇的食物很多，而且有其他餐廳比較少見的萵筍、風琴豆腐串、姬松茸等。點了豪華單人A餐，份量足夠，滋補菌湯很香，配料全部都好味，只是黑豚肉略嫌稍嚡，特別鍾意萵筍、鮮淮山、蓮藕片、姬松茸，姬松茸甚有驚喜！香氣濃郁，配上滋補菌湯更能帶出姬松茸特有的鮮甜味yummy另加$10配了一杯人蔘烏龍茶like 見大部份食客都食烤魚，好似又香又豐富，下次要再嚟食烤魚！餐廳職員整體上態度和服務質素良好，上餐速度快，值得推薦！…Read More

將軍澳一直以來都缺乏這類型的咖啡專門店，無意中發現Urban Coffee Roaster於將軍澳南開設了分店，當然要試試星期日中午十二時左右到達，餐廳門外已有大概十多人在排隊，幸好等候時間不算長。餐廳裝潢以簡約、工業風為主，空間大，座位數目亦算多。Avocado and fig toast ($88) 因為餐廳是採用QR code自行落單，所以落單前特意先跟店員確認多士是Sourdough。賣相不錯，無花果和牛油果醬鋪滿在多士上可惜多士的口感有點怪，不但不香脆亦欠缺了Sourdough應有的酸味。Japanese  style  beef  burger ($128)Burger有驚喜！牛肉肉汁豐富，口感不錯，中間夾了一塊酸蘿蔔，味道出奇地配合得好好！Cappuccino  ($45)…Read More

原本想去的餐廳實在太多人排隊,，所以即刻search吓附近有咩其他選擇, 誤打誤撞搵到這間高質日式咖啡店。餐廳裝潢簡約,，店內用日系的淺色木做主調，再配不同的乾花作裝飾,，環境舒適,，除了品嚐美食外亦適合打卡。慢煮封門牛柳定食 ($108)擺盤精美牛柳經過慢煮之後肉質嫩滑同時鎖住了肉汁，伴碟的醋汁既提味又開胃， 定食配有珍珠米飯、味噌湯、薯蓉及沙律菜。薯蓉調味不重，好滑又保留到一些薯仔塊，口感有層次!意式蟹肉配酸種包·味噌炒蛋·沙律會選擇這間餐廳全因為見到menu有sourdough 炒蛋很嫩滑而且有蛋香，沙律份量不少，沙律菜好新鮮配有少少麻醬點綴，好味! Sourdough的包皮烘得很香脆，蟹肉則有點似蟹沙律，調味不太出眾，但整體而言十分滿意!Cappuccino ($38)Cappuccino比較普通，咖啡味不算特別香濃。…Read More