PMS19's Profile

甚少出街，咁啱行過旺角見到一間新開嘅舖頭，伸個頭去望一望，估唔到喺旺角內街，Top附近開咗間隱世鐵板燒，見佢紅紙都未滅，就嗌過魷魚鬚、一口牛。舖頭細細見佢前面聚集左一堆人，啱啱開張已經好有人氣，難得閒過緊嚟試吓啦。佢嗰醬燒魷魚鬚超級入味，加上佢個辣粉簡直食過返尋味。一口牛聽佢哋講係話日本返嘅，呢個價錢性價比真係高。食乜好充滿牛嘅鮮味，加上火槍燒到內外合度啱啱好。呢個直頭極級推介。呢間一休鐵板燒真係令人喜出望外！…Read More

今日去北角做嘢， 下午茶時間周圍行吓，因為實在太耐冇黎哩區。行入七姊妹道，見有間車仔麵裝飾懷舊風，門口有提到灣仔老店嘅分店，原來係鵝頸橋嗰間波仔記，就緊係入去試吓。佢地介紹我試下新加嘅最辣汁配撈麵，我揀左油麵試下。出奇地絕配！呢個秘製辣汁，同佢哋一貫作風一樣，食完唔會口渴，對我來講唔算好辣，本人食開譚仔小辣。不過味道真係幾香，食得出有沙茶醬同咖喱味，仲有説不出的香辣味。真係要你哋自己親身嚟試先知。不過真係值得推介，好配合車仔麵。其他嘢都保持到灣仔的水準。…Read More

平時鍾意上街市去到熟食市場搵好嘢食嘅我，今日行過灣仔鵝頸橋呢個熟食市場，梗係要上去搵吓有冇好嘢食啦，午餐時間我揀咗呢一間波仔記車仔麵，呢一間車仔麵有啲不一樣，佢吸引我嘅賣點唔係有個沙嗲湯底、牛腩汁、咖喱辣汁，而係食落口好特別而又唔會太咸亦唔會口渴嘅湯底，認真值得一讚嘅係食落口飲埋碗湯會覺得哩碗係好健康嘅車仔麵，感覺冇咩味精，但最特別嘅係碗湯唔會太清而無味。講番啲餸先，蘿蔔就不過不失，豬大腸就夠肥夠靚，味道亦都老得好夠味，講到我最印象深刻嘅就係個魚餅，真係好足料嘅凌魚肉，絕對唔係平時食開加好多粉果種！行開呢頭值得一試…Read More