貼地平民百姓's Profile

今次點左3餸車仔麵小辣，貢丸，豬紅，蘿蔔。麵黎到見冇落辣醬，結果女職員另外比一小碟，問題唔大。跟住咬左一啖貢丸的時候，發現係牛丸，真係吐都吐唔切(因為我戒左牛好多年)。結果女職員要求攞返粒牛丸入去比廚房睇，好明顯廚師自己都唔知比錯食物客人。跟住換返貢丸，貢丸外面暖但入面係凍既(唔係常溫，係凍冰冰)，結果冇食到，同女職員反映問題，佢收左貢丸，但完全冇覺得唔好意思。 我同朋友每個月都幫襯幾次，今次可以話係咁耐以黎最差既體驗！臨走時我望入廚房，見到個高高大大既男廚師，喺度玩電話，唔怪得知連比左啲咩食物個客都冇睇清楚啦。…Read More

買份章魚燒外賣，收錢位男店員攞起一份章魚燒，一邊搽醬汁，一邊同店內一女一男店員大聲講大聲笑。店員冇帶口罩，見住佢口水橫飛，我份章魚燒亦沾上呢位男店員既口水。而佢身邊燒章魚燒/大板燒既女店員亦冇帶口罩，高談闊論，所以顧客要預左食佢地口水，唔係講笑我非常好奇，作為一向重視食物衞生既日式連鎖食店，點解可以縱容處理食物既員工唔帶口罩？係管理制度出現漏洞還是員工漠視公司要求？其實呢間食店已經冇服務態度可言(睇其他食評都知)，但如果連最基本既食物安全/衞生都唔達標，咁真係好難吸引人幫襯嘛！…Read More

三星期前已經訂位，打算一家人可以喺聖誕節食返餐好既，當時餐廳職員話聖誕節會有semi buffet同dinner set A/B, 但早兩日入個apps先知原來啲menu變哂，只係淨返兩個dinner set (仲要以牛為主)，第一無人通知，第二set dinner以牛為主有無諗過啲唔食牛既顧客呢？好少日式餐廳咁唔細心，啲管理真係好有問題... 我同家人都係未試過諗住幫襯下，睇黎都係無我地份喇。…Read More

呢間野我食咗幾次，野食都ok既，但服務一向都麻麻，今日就仲差。話說有個帶口音既阿姐負責落單，我地一行三人要一杯Caramel Latte、兩杯Hazelnut Latte，一聽到個阿姐講野有口音，我地都識做唔講英文，用返中文落單（一杯焦糖牛奶咖啡，兩杯榛子牛奶咖啡），但係咖啡一黎到，佢就話係普通咖啡，我地要既焦糖味，榛子味唔見哂，佢好似失憶咁... 喂大佬呀！你間野收咁既價錢，我緊係expect服務有返咁上下水準，但係啲職員唔帶腦返工既。最離譜都係個女經理（短頭髮，年紀比較大嗰位），自己匿埋喺入面沖咖啡，出面就交比個咩都唔識既阿姐負責，真係無得頂！聽到我地大聲話個阿姐落錯單，佢不單無覺得唔好意思，仲完全無出過黎了解發生咩事，最後都係由另一個後生女職員出面了解，呢個女經理認真好野！（可能佢係老闆啩，但我理q得你吖！咁勁唔好學人搞飲食呀嘛，留返喺屋企沖咖啡啦～ ）用膳時間得嗰60分鐘，單又要落錯，又趕又激氣，唔會有下次！咁既服務質素，我真係祝你好運喇！…Read More

久唔久我就會幫襯呢間小店，貪佢食物質素高。今日午餐就點咗麻辣雞窩、紫菜豆腐湯，最鍾意用whatsapp落單，又快又方便，預早講低取餐時間，差唔多一去到就可以有得攞，但今日因為工作上有事行唔開，最後比預期時間遲咗成個幾鐘先去取餐，老闆娘非常細心，不但幫我翻熱食物，仲送多個菜比我慰勞我遲開飯，間鋪頭除咗食物好食之外，入面既人都充滿人情味，真係好抵讚。一定會繼續幫襯！…Read More

見到openrice啲負評話間野服務態度差，心諗我買外賣啫，應該無野啩，點知都係中招。話說第一次幫襯，一去到，因為手攞住一袋二袋，就打算放一放低個手袋揾個銀包出黎叫野食，咁都要比條身穿全黑衫既妹喝，喂～嗰邊唔係我地嫁，心諗，我黎食野啫，唔洗好似喝狗咁喝呀嘛，你屋企人可能係狗，但我唔係喎，幫襯你都要受你氣。好，返到屋企，再試埋你個米線，真係唔知有嘜咁好食?味精超勁，食完口渴，米線過分淋，價錢又唔係經濟。仲有呀...落單既時候要留電話，收錢條女仲懶醒咁話用黎認返你叫過咩野食，攞餐既時候又大大聲講你貴姓同電話號碼，唔知有無違反個人私隱守則呢？其實收咗錢比張單顧客之後攞野食咪得囉，好多地方都係咁。你間鋪咁細，林鄭又唔生性話唔可以有4人聚會，我真係祝你好運喇。你都係做街坊生意啫，無街坊幫襯，你真係食X啦～ 所以對人客氣啲好啲，周圍積怨到頭來你自己受返哂。點都好，呢間野真係不可一，不可再。…Read More

不嬲都幫襯開大師兄，貪佢食物好食，性價比高。每次幫襯都係外賣自取形式，因為佢啲點心蒸飯都係即叫即蒸，所以老闆建議客人可以預早20分鐘打電話叫定外賣，然後自取。但最近兩次遇到極奇怪的待遇。一次係上星期五，有個廣東話都未講得正既阿姐打黎吹攞外賣，20分鐘都無，吹到褲甩。今晚又遇到同樣事件，又係嗰個眼大白淨廣東話都未講得正既阿姐打黎，我問佢其實你吹咩呢？都係20分鐘啫，我求先搭緊巴士剛剛先落車，宜家趕緊過黎，有得快我都想快啲，你係咪好趕住收工呀？跟住佢好有道理咁話，哦…唔係，我驚你啲野食凍咗唔好食啫，吓... 咁都得? 啲食物係我既，冷熱又如何呢？反正我返到屋企都要等埋屋企人返齊先開餐，唔通我又好似佢咁打電話吹我啲屋企，然後話，無...我驚啲野食凍咗唔好食啫。唉...真係唔明內地同胞既想法。呢啲咁既阿姐可能平日太得閒，老闆若果睇到呢個食評，記得比多啲野你嗰個又勤力又關心食客既伙記做，好好發揮員工所長，善用資源，唔好浪費咗佢既才能。…Read More