meowlulu's Profile

星期六1點拎飛，2:45 先有得食。唔係為左帶小朋友去。絕對唔會山長水遠去。點左牛五花拼小牛排一份$98，同埋一份韓猪五花。個飯硬嘅。配料醬汁味道唔太好。海帶湯就是水加蔥花。牛五花偏韌，牛小排正常。最差係個猪五花。加左大是辣醬都盖不過佢個騷味。難食指數有十粒星。個餐仲要無配飯，$68真係完全唔會食得飽。男人真係要叫200g 的餐先夠。只係個送餐火車有啲意思。食物質素真係搞唔掂。試過就無下次。去番一人燒好過…Read More

食飯時間無人等, 都有D驚驚地. 不過見未試過就試下. 串燒黎到係凍既. 收左雞豬牛露荀各一串,  味道全部一樣. 豬同牛食唔出係乜野肉. 再加豬頸肉沙律. 個沙律一定唔好叫. $75 食生蔥, 生芫茜同埋生洋蔥. 生菜得一條. 豬頸肉有4-5舊. 排隊買埋食又係亂. 要在街外個COUNTER 買食物. 但入面個柜位又無寫請到外面排. 好彩人少. 唔係又要再排過. 結論: 食物唔熱. 已經唔需要再有下一次. …Read More

星期五, 阿嬤諗住放左學,帶阿仔(3歲)去呢間餐廳食中午. 當時係12:15 左右. 阿嬤要求兩個座位平排咁坐, 方便照顧小朋友食飯. 點知一個貌似經理的人, 不但止不能安排平排坐. 還要理氣壯咁講. "依家係煩忙時間, 其實本身都唔係幾歡迎帶小朋友的食客來幫襯." 你咁講, 係咪即係話你不受歡迎, 你唔啱坐的, 可以不要食??? 最後, 一個老人家帶住小朋友即時離座. 絶不光顧!!此態度極之惡劣. 如果不能帶小朋友的話, 就在門口寫清楚. 所以, 家長們. 帶小朋友的, 千萬不要去. 否則, 又會換來一肚子氣.   …Read More

3點半睇戲, 決定之前食個韓式午餐. 之前已經看過報導話很多人食. 我地1半點左右拎飛等位, 等左大約二十分鐘吧. 算是快了. 相比開初大排長龍, 今日已經很好了. 但不知何解, 侍應要我地2:50交枱. 我個人不是太喜歡要限時食飯的地方. 不過當是茶餐廳看待的話, 就算數了. 一行三人, 點了一個水冷麵, 韓式炒飯, 燒牛肉飯卷, 和燒雞沙拉. 飯卷一般, 沒有燒牛肉的香, 好像食肉鬆似的. 還是覺得尖咀韓國街外賣飯卷較好味. 韓式炒飯炒得夠干身, 辣度配合香港人口味啱啱好. 食多都不留汗. 水冷麵酸甜度適中, 麵質偏硬, 可能是下太多冰了. 冰減少的話, 口感更佳. 燒雞沙拉中的雞嚴格來講不是燒的, 是炒的. 所以很香口吸引. 配生菜一起食, 很夾. 呢個是四味菜中最好食的.  總結: 茶餐廳食法的韓食. …Read More

以為廟街呢個地方食大排檔, 以為係大件夾抵食果d. 原黎錯哂. 味係好. 但係份量好少同埋服務好差. 但係都有好多遊客去朝聖. 應該都係雜誌效應.…Read More

因為903 DJ 們的推介, 所以約埋d 朋友一行8人去品嘗呢間明星食店. 上到去間店原黎都幾細. 但係四周的墻上都簽滿哂明人的簽名. 係多到癲左囉. 可惜我無帶相機. 所以一眾食物係無得留紀念. 因為我估我都無咩機會再去食得咁豪!!!! 之外睇人地d食評話平均$200 左右. 都可以接受,因為去西貢食海鮮都要呢d價位. 點知埋單...wahhh...嚇死左~ 每人$537. 仲貴過去食buffet. 係咪好好味呢. 又唔可以話頂級. 但係都不俗. 唯一可惜唔係我點菜, 如果唔係就可以有清有濃的食物了. 是次點菜是由朋友發板, 點左1) 蒜蓉蒸巨型聖子- 個汁好味, 但係太濃,蓋\\\過左d鮮味. 但係配粉絲永遠都係最佳配搭!2) 油鹽水浸蜆- 胡椒味太重, 但味道還是很好.3) 蒜蓉開邊中蝦- 無咩特別. 話就話係中蝦, 但係size 對我黎講係普通size. 4) 豆豉蒸水豆腐- 普通. 但係佢\\\個豉油真係做得好好味.5) 上湯浸石斑- 湯底好味, 因為有蕃茄. 但係魚係炸的. 我個不是太喜歡炸魚. 我認為新鮮的魚係要清蒸先好味!6) 燒鵝河粉- 鵝燒得好香. 7) 艇仔粥- 粥底好棉, 料夠多!8) 椒鹽巨型瀨尿蝦- 真係好巨型!!! 好甜! 可惜椒鹽太多了! 食左好口渴.9) 王牌古法避風塘炒蟹- 肉鮮. 不過黑色果d 醬炒過左火. 有d 焦味. 所以麻麻地.飲品: 兩jar 竹x水同可樂.總結: 好味. 不過味太濃. 如果唔鐘意食濃味的野就唔好去試. 價位都幾貴. 間唔中一餐\\\都可以一試!服務都唔係好差姐...個阿姐成日黎問我地好唔好食, 但推介左好多皇牌菜比我地食. 可能係我地食野唔睇價錢掛..haha…Read More

上星期六一行十人去左九龍灣ruby tuesday 食飯。之前都有係沙田果間食過，唔好食，所以今次都唔抱太大期望，不過喜出望外，又幾好味喎。最深印象係個烤火雞(因為唔係我叫菜，所以唔知個正確名係咩) 好食﹗一般食果d 烤火雞都係又粗糙又無味，呢個無汁伴住都好有味道同唔太鞋。而其他野都過得去﹗最唔好食係個炸雞漢堡，其差!!!!!! 整體而言，都係好味架! 不過唔好去沙田果間就得!同埋人多的話，位置相當唔好坐，因為係長枱，唔方便夾送!…Read More

因為生日的關係加上朋友推介下，決定試下呢間有咁多食評嘅食店。七時左右到達，唔係太多人。好快我地就點左菜，有「肉骨茶」、「加多加多」、「黄姜香茅雞」、沙0爹豬肉串、雞油飯同椰汁飯。「肉骨茶」尚可，藥味唔夠濃，骨少。「加多加多」超唔得囉﹗好喇西﹗係唔易放d菜，仲要大大塊喎。之後再淋個沙0爹汁就算，一d 都唔pro呀﹗「黄姜香茅雞」第一次食，都幾好味。「沙0爹豬肉串」不過不失，好香碳燒味，但係咸左d，根本唔使點配埋一齊個汁。「雞油飯/ 椰汁飯」我only試左椰汁飯，略嫌佢太濕，都算好食。總括而言，失望﹗…Read More

23日晚, 一行八人的聖誕聚會. 由於沒有訂位, 我和一友人先去位. 目標係海港城的canifornia pizza 和dan ryan. 不幸地, 兩間都full booking 連等位都無可能. 於是, 我地走去ashley rd 碰碰運氣. 點知樓上餐館又是滿了. 結果我地撞左上黎呢間德國菜. 因為之前我係openrice 睇過d 評語都ok. 上到去真係喜出望外. 可能時間尚早(6.30左右), 入面只有幾個老外係bar 檯啤緊. 開心都黎唔切. 即刻要左八個位. 由於未齊人, 我倆未免呆等, 先叫左一個pan fried potato 加一支啤酒. 支啤酒值得一讚, 易入口好味. 再配埋薯仔一齊. 我好快就飲完一杯再安歌. 最後人齊, 我地叫左燒雞, 豬手, swiss salad, mixed sausage, 炸mushroom. 先講下個salad, 無咩特別. d cheese 唔好味, 個汁就ok. sausage 就有4 款, 我就only 試左豬肉果個, 好味. 再到燒雞, 普通. 跟住係豬手. 好期待的菜色! 不過無大驚喜, 可能我係德國食過地道的豬手. 比較之下, 此為一般貨色. 配豬手的酸菜唔好味. 但都值得推荐. 是日菜色唯有炸MUSHROOM 我係無食到. 但係所有人都話好味. 總括黎講. 食物可以一試, 啤酒一定要飲. 係happy hr 或同二人世界之選. 我比6粒星佢. 滿分十粒.…Read More

今日同事們十個人lunch黎左呢間印尼餐廳食飯. 好味喎!! 我本人食過尖咀加連威老道出名的印尼餐廳同埋佐敦泰林巷仔果間. 呢度的食物出其地好味喎! 不過今次我無點菜. 由同事們話事. 有炒雜菜, 巴東牛肉, 印尼沙律(唔記得個名), 炒面, 印尼炒飯, 姜飯, 十五夜, etc..個十五夜好得意. 好香椰香咪. 伴飯團一齊食, 口感幾好. 正! 環境就嘛嘛喇.家庭式經營, 地方好細好迫. 唔係呢頭番工都唔會特登黎食. 而我個人幾中意東南亞菜. 所以*呢間我比6個好味佢* …Read More

今日老闆萬歲. 簡左洲際0既維港畔餐廳食lunch buffet. 之前睇openrice 同聽人講都話呢度d 野食好好味. 真係好期待囉!個buffet 由12:30-2:30 完. 去到已經超多人. 拎野食係要排隊的. 好無癮! 不過佢d salad 有好多款簡. 而且都幾好味. 個帶子沙律最好味囉. 到魚生部分, 有6款選擇. 但係甜蝦係最抵! 因為d 三文魚唔係腩位, 所以唔係最佳選擇. 反而個燒三文魚扒好食唔腥. 熟食就仲有燒西冷! 不過今次我無食到. 最特別係竟然有蒸蝦餃. 好cutie!最後係甜品. 我推薦香蕉雪芭! 好味. 朱古力慕斯旦糕好味, 好似食緊黑古力咁.總結: 算好食. 不過環境唔得, 好逼好多人, 下午又曬. 唔好坐.…Read More

今次淨係幫襯左個cake. 好味到不得之了囉. 開頭以為好多cream 啦..點知. NO 囉. 好多mango 夾係入面. 份量0岩0岩好! 比五個推介佢!…Read More