AJ2004's Profile

女朋友話要去食甜品見攰攰地咪去呢間一入去，得小貓三四隻心諗六點幾七點都冇人?以前好似好多人排哂隊架喎見女朋友叫心太軟，我又叫埋一份之後仲派錯單俾我地等咗成20分鐘先見到個廚房慢吞吞咁攞碟心太軟出黎仲好hea咁問我；「第二個心太軟整得唔好，整過個俾你?」我本來話好，但我一見到我女朋友o個個心太軟就即刻取消咗佢舊心太軟個底突出黎成舊野完全企唔穩一整開舊野，入面完全係 over-cooked少少流心都冇，仲幾難食吓隔離舊雪糕，細到兩啖食得哂成個甜品完全冇伴碟望落同俾隻狗食o既狗糧冇乜大分別誠意唔係零，係直頭負infinity唔通我為咗你下個唔知整得好唔好o既心太軟浪費多我20分鐘??而且由頭到尾一句唔好意思都聽唔到好似唔當d客唔係人咁話哂都等咗咁耐但得唔到正常可以得到o既野唔怪之得冇哂人啦搵鬼幫襯咩…Read More

白色情人節與女友黎到呢間出名o既吉列豬扒店。我叫咗吉列豬扒，女友叫咗吉列蝦+吉列蠔。當我o既set黎到，我呆咗.....點解好似同其他食客post上黎o既相有d出入o既?....(我第一次黎，唯一認知係靠相，又睇唔到其他人o既豬扒)點解好似...咁迷你咁o既?.....切開咗只有六小件?....我覺得塊豬扒唔會大得過平時快餐店早餐o個塊吉豬.........結果我只係用咗十分鐘就食完呢塊所謂吉豬而我女友o既炸蝦同蠔都係普通過唔普通好後悔冇影到相，唔係我諗可以直頭去消委會告呢間野永遠 blacklist !!!…Read More

今日同女友去開朗豪坊睇戲，又知佢鍾意食甜品，就諗住黎呢間好多人讚好o既店食朱古力雪糕啦。事前我已經o係度睇咗大家提及過o既價錢 --- $28一球 / $38 兩球，點知去到同個收銀講話要兩球，佢話要收 $52.......但我order之前，又搵唔到邊度有寫朱古力雪糕o既價錢喎雖然有d奇怪，但本住只試一次o既心態，就冇反問返個收銀係咪 $38 先啱....究意係我俾個收銀呃咗吖??定還是真係由7月加價，仲加成 $14 咁多呢???:(不過講返個朱古力雪糕，兩球o既份量又真係幾多真係幾重朱古力味，但對我黎講就甜咗少少應該唔會再幫襯了...…Read More

晚上九點鐘，黎大坑搵野食，見到呢間 pizza 店應該係新開o既，而且我感覺到幾有外國風味，就黎黎試吓啦。[註: 用餐日期是2012年1月2日]入到餐廳，一位男士非常有禮貌而誠懇咁用英文介紹各款 pizza 俾我同朋友知 (估計佢應該係老闆，其實都識講中文)。最後我地叫咗個 parma ham pizza，一杯 hoegaarden 同一杯鮮搾橙汁。Pizza 焗得啱啱好，材料味道都唔錯。反而我同朋友比較有興趣o既係佢呢間店o既裝潢，多過食物o既質素。周圍都佈滿一d幾懷舊感覺o既擺設。坐o係店入面傾計真係好舒服，雖然間店坐落街道o既角位，但 open 得黎坐o係入面又唔係覺得太嘈吵。我同朋友傾傾吓都唔知時間過得快，老闆竟然俾我地坐到十一點幾都唔趕我地走，我地都有d唔好意思。老闆同服務員o既態度真係值得一讚。…Read More