Yuki1220的個人專頁

食麥當勞，如果食到熱辣辣炸出嚟嘅薯條，已經無憾🥹每次係呢間叫嘅都係熱嘅！雖然多人，但都值得👍🏻上次10號波都係多得呢間係商場入面仲有開，好方便🙆🏻‍♀️…查看更多

又係唔知自己食咗咩系列4個人係荃灣三坡坊間潮興海鮮酒家食咗$2000最貴呢碟椒鹽瀨尿蝦$1000 (800幾蚊斤)本身諗住帶父母食好嘢貴啲都冇所謂，但最期待嗰碟竟然係最難食🥲🥲啲肉霉嘅、冇鮮甜味，愈食愈懷疑人生滷水拼盤: 鵝片、鵝腸、墨魚ok，豬耳好食，雞腎一般，豆腐好難食辣酒煮海螺: 中規中矩，蘿蔔好食過啲螺椒鹽九肚魚: 幾好食，夠熱小炒王: 幾好食蒜蓉粉絲蒸扇貝: 火候啱啱好，係有啲炸蒜蓉好硬要吐返出嚟環境: 充滿麻甩佬的地方總結: 食小菜穩陣過食貴價海鮮，海鮮唔平質素又冇保障🥲埋單時同店員反映，態度冷淡愛理不理，應該都唔係第一次有客投訴海鮮唔新鮮🫠…查看更多

係大角咀呢啲舊區，最適合發掘一啲隱世小店。睇得出呢間cafe放左好多心思係裝修上，整體既感覺令人好放鬆。食物質素都唔錯，有多種選擇。唯獨是塊雞扒略咸，同老闆反映之後佢主動話換過塊俾我，肯接受顧客意見，所以挽回分數！可能係我孤陋寡聞，第一次見餐廳用可重用既飲管。為環境出一分力，好感動٩(˃̶͈̀௰˂̶͈́)و…查看更多

同個fd係旺角行街，突然想食放題，之後係街見到呢間係到派傳單，同條魚影相就有9折，所以就去左試:-P間舖環境吾錯，啲座位又吾逼，個老細好快幫我地安排左位。如果之前book左位，學生任何時段都係$150加一，抵到爆！係啲圖到冇影到好好食既日式炸年糕！個皮咸左少少，但都係正野！所有熱食，炸物都好夠熱好新鮮:)另外有帶子刺身，好香甜！好食過之前食過勁貴既赤貝勁多，不過呢個要加錢，但都係值得既！。野飲方面，汽水，茶都有，估吾到清酒都有兩款任飲啲服務員個個都好有禮貌，有個仲好靚仔添…查看更多

去沙田諗住搵姨媽飲茶嘆下..點知到最後食唔飽又谷鬼氣!一去到知道表姐話要去果間酒樓原來係富臨都嚇左一嚇因為大角咀開左間新分店..聽人講話D杯杯碟碟好污糟..都考慮去唔去試見今日唔黎都黎左..算啦..試下新野到左門口後見到好似好多人咁..以為要等好耐..點知一同佢講幾多個就即刻叫我地入去..心諗:好似好好咁喎?!點知條友叫我地行到最入之後..D員工都好似唔知發生咩事咁..帶我地兜左幾個圈先搵到張枱俾我地!好啦..到坐底啦..個地下真係好污糟..紙巾碎之類搞到連腳都唔敢掂地幸好坐左陣有個清潔呀姐黎掃地..咁就算數啦開始洗碗碟..一望...ER....都唔知係茶葉渣定係咩..黑蚊蚊個托碟又油林林..掂都唔想掂但最嬲都唔係呢樣..係D員工既服務態度!!2:14分..叫左菜苗餃同鳳爪等等..野都就黎食完..菜苗餃同鳳爪都唔見縱影..諗住搵個人問下有冇漏單..舉左成十分鐘手都冇人黎..個部長見住我你眼望我眼揮埋手叫你過黎.都可以扮睇我唔到走左去咩料呀!? 價錢收得平唔洗做呀? 應有既服務去哂邊呀?見我地就走就由我地呀?好啦..終於有個呀姐過黎..但個樣未訓醒咁..又黑口黑面..問佢點解D野咁耐都未黎..又再過多陣查完先同我講賣哂冇落單!!!!我落單果陣已經驚你地會漏..連枱號都幫你寫埋..點解咁都可以漏到!?姨媽都頂唔順發火鬧..但個呀姐連對唔住都好句,,好似我地鬧錯佢咁我問你..如果我係紋身客..你仲夠唔夠膽咁既態度?臨尾頂佢地唔順取消左碗粉但埋單果陣照計埋落去..唔睇都拎唔番D錢..大家記得CHECK清楚希望見到我呢篇食評既人唔好為左平果小小去搵氣受食幾多都補唔番條數!就算去都唔好去沙田果間!!順便講下D食物.:南瓜露凍左好難食,就算熱個味都怪怪地!! 燉奶就叫得過..幾香幾滑香麻流沙包太甜..只不過係芝麻糊加林哂既包煎花枝餅唔錯春卷炸到變左啡色..(但有D人確係鐘意咁既)金蒜燒茄子都OK..但街邊既煎釀三寶仲好…查看更多

今次係第二次去啦!!因為要成二百幾蚊一個人..所以唔可以成日去但係絕對物超所值!!必食既牡丹蝦刺身!個身就咁食..個頭可以揀炸/煲面豉湯/煲粥(加$30)今次要左一個粥..另外兩隻就炸個粥好鮮甜好足料..加錢係值得既!炸果兩個頭好鬆脆好香..正!另外三文魚腩刺身都係唔可以唔食..今次同爸爸同妹妹去叫左兩客如果唔係仲有好多好野未食..會再叫多D!! 赤貝刺身都好食..好爽..但有點腥..加小小wasabi就冇問題鹽燒牛舌好香好林..都係第二次食了!火灸芝士焗生蠔好抵好正! 48蚊有兩隻有D粟米係入面..好香..連我好憎食生蠔既人都鐘意!冷稻庭手打烏冬好得意..有隻奄春蛋做個汁..美中不足既係D烏冬份量得好小..三個人每人得三小啖..如果有得加底就好啦XDDDD烏冬好彈牙好滑..大力小小SHU到落喉嚨係咁咳0_0"最後個雪糕都好正..又香又滑..有芝麻,紅豆,抺茶揀..一份有三球每個員工既服務態度都好好..食7點..唔BOOK位都OK..但晏小小既BOOK定就最好啦全程個經理都好主動問客人既需要..又幫你介紹好野..真係唔話得我食量好細..唔岩食放題..但二百蚊既放題既質素一定冇可能比得上山葵..我寧願逐碟計錢..俾多少少錢..去享受真正既美食! 下次帶埋媽咪去試!原諒我只係識講好香好正好滑~成晚都掛住食..冇空餘時間影相XD…查看更多

本身見到報紙有優惠..鵝肝牛柳套餐238再8折..再每人送多兩隻生蠔..見咁抵..諗住去食餐好既本身BOOK左位..但7點幾都坐唔滿人..所以唔洗驚冇位坐到入去勁凍..燈光極暗..你可以話有情調..但對眼一D都唔好一開始食生蠔..勁難食..吞左仲有成陣味係個口到..差D嘔左出黎..但有個FD食開生蠔就覺得OK...(我暫時唯一覺得一壽司既生蠔係好食既)個法式田螺(另加)真係唔錯..熱辣辣..係底既薯蓉都好好食跟住到個三文魚揵揵送一隻生蟑螂 !! 放左落口先見到有隻蟑螂係隻碟上面爬!!慶幸既係..佢只係一隻蟑螂BB拿拿林叫個侍應黎..未影切相就俾佢急急腳收走左過左一排最大果個就拎過碟黎..加多一塊三文魚撻..加多左幾塊菜同我講話琴日滅左蟲..所以D蟲走圍走先咁..(傻的嗎?滅左仲有蟲咁滅黎做咩? 咁既理由想我接受?)問佢點計數先..就借D E 走左去算啦..諗住埋單再同佢傾傾..睇下佢會唔會俾個合理既解釋我份主菜係好大份..詳情睇相,,野飲都唔掂..奶茶茶味太重..凍檸茶都唔好飲埋單..叫番佢最大果個黎..唔問由至可..一問把鬼火好好聲氣問句: 係咪應該有個合理既折扣呢?點知竟然長篇大論咁答我:我地已經送左個心太軟俾你地啦(個餐包埋架大佬)其實呢..有隻蟲好小事姐..我地同D昆蟲係並存架嘛..唔通係屋企見到有隻蟑螂你會扣佢家用咩?(對住同行的UNCLE AUNTIE講)其實呢一千幾百我真係唔自在..但依家D後生仔女唔可以咁架..唔可以教壞佢地..驚佢地以為有隻蟲仔就可以唔俾錢..不勞而鑊..我寧願你地唔黎啦下話又冇食到係咪先(我搶答:到真係食左就太遲啦)係咁重覆講..話自己由心而發..講到好偉大為左我好咁..真係好無稽囉好冇..聽完得啖笑..我都未講我想要既實際折扣..就已經驚死我地會因為咁而唔俾錢..我明..因為間野真係冇麥人幫襯..我都唔好意思叫佢俾半價但佢咁既反應..真係令我好嬲囉UNCLE叫佢係咪最少都有句對唔住先?佢話係..應該..我叫埋所有職員廚師出哂黎道歉都得..(我依家受唔起呀?係咪同我玩野?)AUNTIE想息事寧人我算..我地走.."我寧願你地下次唔黎"..下次你8人大橋請我都唔黎自己做錯野仲咁講野..各位讀者可能會同佢一樣覺得我無理取鬧..小事化大..但既然你唔介意唔該同我食左隻蟲佢..如果態度好我都唔會同你計我哂時間打篇食評出黎係唔想再有其他人好似我咁食得咁唔開心!價錢同質素唔成正比..各位請好好考慮…查看更多