Brown_Chun的個人專頁

之前行完新開動漫館見到依度有特色餐廳，想試好耐，今日咁岩黎開依度就同屋企人黎試下，滿足下阿仔鐘意鐵路野。入座果陣會提醒用饍時間係九十分鐘。食飯地方設計成日本鐵路既高級座位，食環境真係一流，待應服務值得加分，中途會主動過黎酙水。有少少蝦碌野係三文魚便當個沙律黎到無加沙律醬，同待應講完即刻會補番比你。講番食物先，味道比想像中好，本身抱住去cafe心態係食環境，但出到黎有小驚喜。個意粉煮得岩岩好唔會太淋，而且好creamy！阿仔食完自己果碗仲話要繼續食。三文魚便當同牛肉便當份量望落有D少，但便當有沙律同關東煮既小食連埋個麵鼓湯其實都夠飽。鹽燒三文魚岩岩好，魚肉唔會好老，牛肉厚度略薄但牛味好重。最尾叫左個抺茶蛋糕做結尾，中間既抺茶cream少少苦配少少甜既忌廉食就岩晒！三個人食連加一賣單$360發現佢做緊個活動，消費夠一定金額帶福袋，"小"福袋要$350，發現岩岩好佢地話可以夾一個月既單夠$2000，可以換最大既福袋，本身都心郁郁，但依排比較忙，未必一個月內黎食其他餐廳。最尾都係決定換左先，之前發現原來佢同變型金剛餐廳應該係有關係，個福袋入面全部都係變型金剛既產品(文件夾、鉛筆&鉛筆刨、貼紙、原子筆），仲有件M size既粉紅色T-shirt真係好奇最大既福袋有D咩野…查看更多

約左老師要18:30上堂所以又要食個快飯依間餐廳應該都開左十幾年以前成日覺得佢無咩生意但估唔到佢做下做下就十幾年好耐之前見佢賣開三餸飯平時晚飯時間見好多人黎食三餸飯可能係舊區啦黎既都係老人家而且通常都係自己一個店入面第一張台放晒好多雜物係度通常都係個老板/老板娘坐係度老板就會整下電器老板娘就會插下花個畫面真係幾"得意"今日個時間見下午茶既炒粉面好抵揚州炒飯加熱檸水都係35蚊味道方面呢真係好家常炒飯既感覺味道就會淡D個炒飯料都算足蝦都有唔少菜量就真係算多野飲方面熱檸水就無咩特別評價啦檸檬片數算夠,水夠熱=P雖然佢話係下午茶但份量真係無話特別縮細所以CP值都算高下次有機會就試下佢出名既三餸飯=]…查看更多

長沙灣依間係街角既茶記無論早午晚都係咁多人好彩地方夠大普遍大家都係快食快走所以唔洗點等位今日食左佢個快餐但餐單本身寫牛扒黎到變左雞扒因為趕時間都唔理啦拿拿臨食完就閃如果食午餐A或B除左有野飲外仲會送湯對男士黎講一定夠飽黑椒汁唔算好辣果種個雞扒煎得好香口而已好大塊建議細食既朋友記住叫少飯杯凍央真係好岩我口味叫少甜就岩岩好個西湯夠熱但因為真係好飽所以都係飲左半碗就放棄左埋單50都唔洗如果本身係學生仲有得平以長沙灣黎講個價錢算中間啦份量就真係多所以CP值真係唔錯除左傳統快餐仲有車仔面選擇平均30幾蚊左右仲有雲吞面果D真係集百家之大成唔錯唔錯!但因為係傳統茶記相對"佬"味會濃D環境算幾乾淨地下唔會濕淋淋…查看更多

由於小弟公司極不人道，食飯時間連一粒鍾都無係鰂魚涌入面想食個快飯真係選擇唔多，所以選左依間連鎖店食夜晚。基本上佢既餐單係由午餐到晚餐都係一樣，只係有午餐同晚餐價錢分別L1-L7係每日不變既餐單而A至G係每日會唔同既天氣比較凍，好想食邪惡野所以選擇左梅菜扣肉飯明明餐單寫凍飲或例湯但侍應好好，送左碗湯比我飲如果唔夠食仲可以叫多飯個梅菜扣肉真係幾香，係肥位偏多少少既扣肉入口即溶，但真係好邪惡梅菜就比較咸，配啖飯就岩岩好依間餐廳既凍檸茶偏苦個人就覺得麻麻地下次有機會就試下杯凍央今晚夜晚50蚊唔洗係鰂魚涌黎講真係算平…查看更多