foodtimekeke's Profile

前排得知沙田新開咗間食一人火鍋嘅餐廳，雖然依家未係冬天，但睇完啲相之後都忍唔住想去試下😋當日係平日夜晚時間，遲咗少少拎位已經勁多人，等咗差唔多個幾鐘先有枱🥹🥲我叫咗壽喜燒鍋，套餐一set除咗有肉同白飯，仲有一個小菜同埋野菜碗，壽喜燒嘅話仲會跟一隻生雞蛋🥚朋友就叫咗佢哋嘅 LE-TA-SU套餐，除咗有牛肩胛肉，仲會有埋牛舌同豬肉，如果唔想淨係食牛嘅人就可以叫呢個餐～Overall 呢間一人火鍋都幾抵食，牛嘅質素都唔錯，套餐種類亦幾多，仲可以比客人追加肉同其他shabu shabu配菜，值得一試！…Read More

當晚收工後去咗觀塘海濱匯食好耐無食嘅 Flames😋 經 openrice 訂位，單點 menu 仲有7折，兩個人埋單最後人均都係 $200 幾，食到咁多嘢仲要好味 🤩蟹肉巴馬臣芝士蕃茄忌廉汁通粉 🍝 芝士好足，襯埋蕃茄忌廉汁少少酸，成件事無咁膩，好好食🥹10安士肉眼扒配忌廉薯蓉 🥩 當晚牛扒肥咗少少，但煎得啱啱好，配埋個忌廉薯蓉真係好滿足🤤卡邦尼薄餅 🍕 上次食已經覺得 Flames個餅皮整得好好，好鬆軟，即使係pizza 邊都會令人想食埋佢當晚甜品都好好食，完美收尾！…Read More

當日難得平日放假，又係北角附近，決定去大坑搵間 cafe 坐下🥰 Fineprint 係一間我收藏咗好耐嘅 cafe，之前係ig見到啲相，作為一個極鍾意食包嘅人，一直好想試下佢哋嘅 toast 😍 Ricotta  toast 🫐🧀🍞因為個日係食咗嘢先去cafe，所以唔算太肚餓，就叫咗佢哋最出名嘅 ricotta toast試，滿滿嘅芝士同藍莓真係好正😍 酸種麵包都幾好食，下次有機會會試埋佢哋其他toast😋個日仲叫咗一杯 iced latte 同 iced mocha，latte正常，mocha比想像中好飲，朱古力味好出🥹…Read More

之前朋友介紹帶路食過第一次品香樓後，已經成日都想再去食多次😋 可惜今次只有兩個人，可以叫到嘅菜式比較少，但點都好，每次去都一定要嗌佢哋嘅火焰蜜椒牛柳粒🥹火焰蜜椒牛柳粒 🔥呢個真係每次必嗌🥹 上枱個陣會幫手點火，個火仲會keep住燒一陣，錫紙兜入面嘅嘢食會keep 住暖暖地，蜜糖好夠，牛柳粒同薯仔都好甜好好食😋椒鹽九肚魚九肚魚唔錯，但比較鍾意上一次食嘅豆腐多啲！生汁龍鳳球個波波係用雞肉包住蝦滑炸，個汁似平時茶餐廳嘅粟米忌廉汁味，味道正常，值得一試，但下一次去未必會特別再叫佢嚟食凍朱古力凍朱好濃！加埋上面嘅cream由頭甜到飲完為止，好邪惡😼…Read More

當日同屋企人一齊去將軍澳搵食😋 見到呢間越南餐廳，決定入去一試🤓整體而言係正正常常嘅味道，無話特別抵食，同埋菜式係越南+泰國都有啲，如果路過將軍澳想食下泰國/越南野，都可以去試下冬陰公海鮮炒飯飯炒得粒粒分明，炒飯入面加嘅海鮮亦無手軟，比得好足料！呢個炒金邊粉味道算偏甜，加埋隔離嘅青檸、辣椒碎，花生碎味道會好啲　安南燒乳豬乳豬係即叫即整，皮燒到好脆，但食到最後會有啲膩香芒糯米飯🥭芒果好甜！糯米都唔會太淋或者乾，口感軟糯，唔錯🤤…Read More

當日同一眾朋友食生日飯，揀咗位於啟德 AIRSIDE 嘅意大利餐廳 gathering，overall 當日叫嘅菜式都好食，staff亦都好nice，下次可以二訪😋😆Wagyu Beef Sirloin in  Mushroom Sauce 🥩🍄牛肉煎得啱啱好，會切埋先上枱，可以見到入面仲係粉紅色😋 伴碟薯蓉比想像中好食，非常滑同香！Chicken Tikka 🍕呢款係薄皮 pizza，配埋印度風味雞肉 topping，額外加啲tabasco更加好食Truffle Ricotta Ravioli in Truffle Cream黑松露味都幾出，好creamy 🥹 份量亦比想像中多Prawn Popcorn 🍤 炸得好脆，點埋他他醬食更加好食🤓…Read More

當日同朋友去觀塘搵食，咁啱見到呢間森·湯咖喱，之前一直想試北海道湯咖喱🥘，加上堂食仲有8折，所以決定經 openrice book 位試一試！當日係星期六日嘅下午3點半左右，唔係平日加上已過午餐時間，我諗唔使book，walk in都無問題，但如果係平時食飯時間就最好都book枱留位，會穩陣啲～慢煮炙燒雞叉燒湯咖喱🥘🍛咖喱味濃，一齊煮嘅蔬菜都好入味，蔬菜種類都好多，令到成個菜式顏色好豐富😋 雞叉燒都好好食！好滑唔會乾🤤小山圓焙茶刨冰🍧刨冰十分抵食！焙茶醬比得完全唔手軟！啖啖冰都有味，食到低都仲有好多醬，唔會食食下得返水味。麻糬亦好煙韌，除咗頂頂個幾粒，食食下冰入面仲會有啲細麻糬，成個刨冰好豐富🥹…Read More

朋友介紹銅鑼灣有間食陝西菜嘅餐廳，見佢連個名都係陝西方言咁特別，決定搵日去開銅鑼灣就去試一試～當日叫咗一個午市套餐，揀咗蔥爆牛肉飯，味道正常，跟餐有埋餐飲，算係唔錯嘅午餐快飯之選👍🏻油潑扯麵味道較重口味，鍾意食辣同重口味嘅人可以一試！醬料比得好足，麵身都幾掛醬，每條麵都好夠味，會越食越辣😛🔥鬆化炸豬扒 🐷炸得好酥脆！上枱放咗陣先食唔會淋晒😋 配埋蛋黃醬食一流！潼關肉夾饃出面層酥皮十分酥脆❗️入面肉餡好有肉汁，唔會乾，加埋嚟食啱啱好，唔會油膩，真係好好食🥹…Read More

一開頭見到呢間cafe叫Ohayo，坐低先發現係Ohayo by ocio😆 以前有試過佢哋係坑口同鑽石山Ocio嘅分店，Ohayo就第一次試～位於海運大廈地下，一直行到去玩具反斗城個邊就會見到，餐廳行日系小清新風，用木系顏色多，坐窗邊嘅話仲可以望到海景添！香煎刺身帶子鮮茄意粉當晚dinner set其中一款菜式係帶子鮮茄意粉，蕃茄味濃郁，都算唔錯😋Ohayo  蜜瓜窩夫🍈 窩夫幾新鮮，襯埋雪糕幾好食，但就無咩蜜瓜味水牛城單骨雞鎚雞鎚味道夠，但唔會太辣，份量亦比想像中多…Read More

當日同朋友想食西餐，於是揀咗呢間位於太子嘅餐廳，因為當日係 lunch 時間去食，只有提供 lunch menu，選擇比起晚市少🥺鹽蛋黃牛排配粗薯條 🥩🍟牛排上面加咗蒜頭同蛋黃碎，十分香口，但牛排係較薄身，亦都比較熟，不過以 lunch set 價錢嚟講仲包埋嘢飲，可以話係性價比十足西班牙伊比利亞黑毛豬豬鞍配燒薯仔🐷豬鞍比起牛排好食，上面同樣有加蒜頭，好香，豬鞍亦唔算太乾身，食落口仲係有肉汁🤤 但燒薯仔其實係薯角嚟🤣 份量亦比較少，但以 lunch set 價錢嚟講都算唔錯士拉差雞翼無咩士拉差味，比較似普通炸雞翼玉桂青蘋果綠茶🍏肉桂同青蘋果味好香，配埋綠茶清清地，比想像中夾…Read More

問朋友有咩係觀塘嘅餐廳推薦個陣，佢介紹我試呢間 Cobber Noodle and Waffle，仲千叮萬囑叫我一定要試Cobber嘅窩夫🧇😋所以特登搵晚book咗位嚟試下，我去個晚係星期五，呢間Cobber好嘅位係可以book，如果唔係，撞正晚飯時間就有機會要等位當晚試咗4款菜式，每款都好好食🥹朋友真係無介紹錯，十分滿意，食到飽一飽🫄🏻日式明太子紫菜大蝦意粉 🍝 意粉嘅汁十分夠，好creamy🤤 明太子同蝦都好足料，意粉唔會過淋，同朋友幾啖已經食完成碟🤣自家製千島醬慢煮雞肉香草Pizza 🍕 千島醬的確同出面唔同，配落大大舊雞肉上面好夾馬蘇里芝士焗薯蓉帶子薯蓉好滑，入面嘅帶子亦唔少，由頭食到尾都食到有帶子肉芒果竹炭糯米窩夫配椰子雪糕當晚最期待+最滿意😋窩夫一放入口好脆，但咬咬下就會食到煙煙韌韌嘅糯米口感，襯埋椰子雪糕同芒果，就好似食緊芒果椰汁糯米飯咁🧇餐廳環境舒服，因為接受預約，所以唔使等位，一到就可以入座，不過如果夜晚去食要留意，因為工廈正門會鎖，要兜去停車場先行到入去❗️…Read More