OscarLam1234's Profile

睇雜誌知道銅鑼灣開左間韓國蜂巢果汁，甘岩今日去銅鑼灣開會，決定試下新嘢！入門口有好大塊牌，上面有成20款唔同類型的水果蔬菜任簡3款！就連依期好興的羽衣甘藍都有！真係唔知點簡！店員個個都好好笑容！見我好似有選擇困難症甘，就俾左杯韓國梨我試飲！勁清甜，勁新鮮！佢地個落單系統都好得意，有個籃仔放三粒代表唔同水果嘅「鑼絲」 入去，就可以scan到杯嘢有幾多卡路里，有咩維他命！最後我簡左杯韓國梨、菠蘿同埋羽衣甘藍！佢地個門面係可以睇到後廚，見到佢哋真係落完order即刻切新鮮生果！堅好飲，勁fresh!飲完即刻叫多杯芒果汁返去俾兩位平時唔肯食水果嘅大帝品嚐！估唔到兩位大帝居然搶住飲！睇黎依間嘢啲品質真係靠得住！…Read More

姓黄主管由入座開始就黑口黑面！唔知係無落單定係咩原因，一碗生牛肉河等左超過20分鐘都未有！要投訴後先有！另一碗春卷撈檬，居然等左超過半個鐘先有，但係黎嘅居然係蝦餅撈檬！姓黄主管居然係一句唔好意思都無就話：你要唔要？唔要就再等！埋單時我要公司電話投訴，姓黄主管唔俾之餘仲反問我有咩好投訴？！仲將責任推俾廚房話佢地做得慢做錯佢都無辦法！…Read More

觀塘區工廈小店，晚市人唔多！但食物質素非常好！特別係羊架和芝士吉列豬扒，真係非常好味！今晚吉列豬扒仲配上黑松露沙律醬，入口香脆，散發淡淡黑松露香！大廚見我身型，怕羊架我唔夠飽，再加上意粉！十分貼心免收加一，有老闆咭片再有八五折！…Read More