apple940221's Profile

📍LUMOS Restaurant and Bar屯門紅橋一間新開嘅西餐/bar✨位置少少隱蔽  但平日夜晚依然人流好旺環境舒適有情調  座位好闊落  好適合慶祝💕而且每晚都有live band演出！🎤整體嚟講環境chill chill的(•̀ᴗ• ) ♬.♥ 麵包每枱食客都會有麵包🍞麵包熱辣辣又鬆軟唔乾  就咁點牛油已經好好味.♥ 煙三文魚他他 $128煙三文魚他他不會腥  易入口(?)再配上火箭菜同nachos係好夾同清新嘅味道  係好開胃嘅前菜🤤.♥ 烤大啡菇及溫泉蛋配黑松露鮮冬菇忌廉扁意粉 $142黑松露味好重  相信會滿足到黑松露lover✨意粉偏硬身  剛好是我喜歡的口感🤎蛋黃味好濃郁  而且唔滯整體分量都算大  兩個人食剛剛好～.♥ 芥末蜜糖烤焗法國黃油春雞 $178春雞個皮非常出色！脆脆的  而且真係好香蜜糖味🥹雞肉就很juicy  而且很嫩薯條就偏軟身  中規中矩  係隔離個薯仔沙律幾好味 ♥ Dry Martini $78苦艾酒的味道澀澀地🍸 酒精味都重(⁎⁍̴̛ᴗ⁍̴̛⁎).♥ Hot Chocolate $48很普通  如果唔係好似我咁要戒凍飲的話  可以不點🥲…Read More

📍喜運點心專門店 (沙田)喺正石門站A出口的點心店 超級就腳店面唔算大 得八張枱 而且啲凳冇得挨不過overall唔會坐得迫的不過一個人食到嘅點心好有限😂🙈淨係叫咗1飯+1點心🥟.#北菇滑雞飯 $33雞肉正常發揮 不過冬菇得一粒😢點上豉油好有港式風味🤤份量比一般正餐少 要叫埋其他點心先夠.#原隻鮮蝦腸 $34有3條唔長但厚嘅腸粉 食落都幾滑！每條腸粉有兩隻大鮮蝦🦐唔算平🧐 但喺冇加一嘅情況下可接受.茶芥 $3/位一壺茶任裝 好抵飲🫖.呢間未去到特登搭車入嚟食嘅地步但如果喺石門嘅話不妨一試(*'ω'*)順帶一提 佢staff好親切同埋有禮貌令成個用餐體驗加左分🥹…Read More

📍洋食商店 (長沙灣)長沙灣一間日西fusion居酒屋🎏🎎✨Ig見到佢嘅靚相 點都要過嚟朝聖一下～餐廳行日式懷舊風 門面同店內佈置都十分用心四處都係打卡位 而其中日系雜貨店style嘅打卡位就最吸睛✨影出嚟效果真係好sharp好靚🎈📸餐廳係pet-friendly的 而且全部都係室內冷氣座位🌬Weekend人流都多 最好預先whatsapp訂座～食物方面 主食選擇唔多 如果可以多啲就好🫣定價方面都偏高 不過勝在可以瘋狂打卡任影唔嬲🤣.#辣肉腸手工pizza $188份量都算大 3-4人食都得！啖啖都食到辣肉腸同溶咗嘅芝士 超邪惡🍕.#海鮮明太子意粉 $188除咗明太子仲有青口 魷魚同軟殼蟹🥹個醬食落好creamy! .#KimonoTea $38#雪糕梳打 波子汽水 $58雪糕梳打淨係個外型已經覺得好清涼🥹影相要快手 因為雪糕溶得快～.#玫瑰荔枝刨冰 $128外型好靚好吸睛🍧 2-3人share都冇問題荔枝味好香甜 除咗鯛魚燒形狀嘅雪糕三文治外入面仲有馬卡龍同埋小丸子🍡推介呢個！又靚又消暑 碎冰食落透心涼🌬.#洋食商店 (長沙灣)長沙灣福榮街538號喜遇地下2號舖…Read More

📍Find the way (元朗)元朗廣場附近一間小小的cafe♥門面唔顯眼 第一次唔小心skip左😂店面同店內行日式木系風格 感覺幾溫馨🕯小店面積細 只有八個吧枱座位座位雖然少窄 不過都有籃子俾食客裝嘢🧺店內氣氛都幾寧靜 店內播住好聽嘅日文歌～我地weekend 3點去到好彩啱啱有位不過食完就見到有幾個人輪候了P.S. 店內主要提供甜品同飲品 同埋只收現金～💰.#熱香餅 (配飲品$80)比一般嘅熱香餅大份😍 糖漿可以因應自己喜好加睇住店主現場即整 非常新鮮的🥞蛋味好香 口感好鬆軟！必點🤍.#焦糖雞蛋布丁 ($45)擺盤十分日式同精緻 打卡靚靚🍮甜度比熱香餅稍高 但味道都很不錯不過整體個人認為熱香餅更驚艷😛✨.#IceCappuccino (跟餐)#抹茶牛奶 $40可以揀牛奶或者豆乳 我揀左豆乳無調整豆乳味超濃郁 再帶點抹茶嘅微苦飲落好順滑 冇多餘嘅糖粉 完全是我的comfort drink🥛🍵(順帶一提 佢嘅熱飲杯全部唔同款的都好有質感同埋靚😳).店面小小的 加上假日有人輪候 未必可以坐得耐不過咁啱嚟開的話 去食個療癒嘅下午茶都不錯(?)♪…Read More

📍土耳其小城 (元朗)元朗大馬路一間土耳其餐廳🇹🇷餐廳佈置有土耳其特色 播住土耳其音樂店員都唔係香港人 唔知係咪當地人🤔環境四正 都算坐得舒服～我哋揀咗其中一款二人餐 ($252).#浮雲沙律 #Fatoush都幾大份 個醬嘅味道有啲似魚柳包嘅醬😂如果唔夠醬可以喺枱面自己拎嚟加.#脆皮鮮奶卷 唔算好熱🤔 不過都炸得脆 鮮奶味都好香.#烤野雞肉卷餅非常非常足料 入面啖啖雞肉～醬比較多 食到最尾少少滯 不過都好好味🤰🏻.#草原牛肉水稻飯都係十分足料 牛肉有落香料調味牛肉就咁食會少少鹹 不過撈埋飯食就ok~.#熱檸茶味道同茶餐廳飲到嘅唔一樣 幾有新意.#土耳其茶 飲落好重果香味 介乎蘋果同水蜜桃味🍎🍑但味道清清地 好天然同埋唔假 有驚喜！(如果佢有出茶包我是會買的😳).…Read More

📍8號茶居 (元朗)第一次試呢間朋友介紹嘅點心店☕️兩間分店都係喺元朗 今次去咗元朗廣場後面嗰間環境四正 店面唔算好大 食飯時間都要等一陣位staff服務態度好好 同埋會keep住收碟/refill茶🤣.#薑蔥牛柏葉 $29分量多 咬落爽口～.#山竹牛肉球 $26牛肉味好香 都幾大粒同彈牙.#黑松露野菌粉果 $20黑松露嘅味道好濃😍 加上野菌嘅香氣差啲唔記得原來係粉果嚟😂.#雪山叉燒包 $24叉燒熱辣辣的 不過個外皮就比較粉同冇味🤔.#鵪鶉蛋燒賣 $27#蟹籽燒賣皇 $18兩個燒賣都真材實料 大大粒鮮蝦🦐.#海苔鮮蝦腐皮卷 $28煎得脆口 不過餡料就未算好多😂.#香滑鮮蝦腸 $30超足料！大大份 啖啖都咬到鮮蝦🤤.#豉椒排骨蒸飯 $45豉香濃郁 加埋豉油送飯一流.#桂花糕 $22涼浸浸好啱而家呢個天氣✨而且食落好清爽 完全冇甜膩感.茶方面推薦菊花茶 好香菊花味又不會太苦呢間整體未去到需要特登搭車入嚟食嘅地步但都算係區內係平靚正嘅點心選擇🫶🏻…Read More

📍No Money So Lonely (旺角)第一次試呢間位置非常方便的泰西fusion cafeCafe行森林🌴童話🧸再加復古style🪆🎠店面佈置十分用心 有唔少擺設 幾igable我哋有book位 坐到佈置得好靚嘅卡位☘️而且仲可以慢慢坐足三個鐘～餐牌啲嘢食名都幾有gimmick🫶🏻.#貧窮是寂寞拼盤 (半份) $98欣賞佢呢度可以揀全份或者半份 夠flexible✌🏻半份就喺佢六樣嘢入面揀三樣野我地揀咗炸魷魚、蝦餅同埋腐皮扎肉炸魷魚比較一般 其餘兩樣都好香脆～.#冬陰功大蝦pizza $148批邊幾薄幾脆 份量適合兩至三個人share🍕冬陰功味ok濃 味道惹味 唔食得辣嘅朋友都唔覺得辣幾隻大蝦味道鮮美🥹🦐 整體很不錯～.#沒有肉都好惹味的生菜包 $108欣賞佢可以揀有肉或者冇肉版本 我哋就揀咗有肉嘅比傳統泰式生菜包少啲肉粒 比較多豆角同豆腐生菜得4塊 有點少 包唔晒啲配料🥲仲有幾塊蝦餅 硬咗少少 但辣辣地好好食整體嚟講呢個性價比不高 叫其他野食好過.#泰式香蕉煎餅配肉桂焦糖蘋果 $88個煎餅熱辣辣 再加上肉桂焦糖 甜度都ok🥞可惜 海鹽雪糕味道同個煎餅非常唔夾 扣咗好多分覺得如果佢轉返雲呢拿雪糕會好好多....#海鹽焦糖咖啡加少少黑椒唔該 $48見到個名都令我好奇佢係咩味🤔飲落海鹽味道重過焦糖 鹹中帶甜味道幾特別 飲完之後真係會有少少辣辣地嘅感覺飲到最底見到有黑椒粒😂.#夏日麼麼茶 $48朋友點的～大大杯有百香果粒 感覺幾消暑🍹…Read More

📍BYOB Coffee Roaster (屯門)呢間cafe喺屯門有兩間分店 今次就去珀御分店珀御分店有室內同戶外座位 有落地玻璃雖然窗外只係輕鐵路軌景 但都幾開揚同埋chill🌴環境都坐得舒適 唔逼 適合慢慢坐🤍週末1點到啱啱有位可以入座 不過見之後就要略為等位了Counter落單後職員會送餐 所以不收加一的～.#Byob全日早餐 $108一上碟 份量唔少啊☺️ 而且仲係熱辣辣的✨牛油果新鮮好埋香甜 仲有唔少片🥑薯絲蝦係幾特別嘅配搭 薯仔絲好脆口蒜蓉包蒜味唔算濃郁 不過食落幾香脆黑松露雜菌黑松露味道濃郁 幾香炒蛋冇落奶/黑胡椒嗰啲 似快餐店嘅味道🥲.#北海道帆立貝明太子意粉 $100明太子醬好多 意粉彈牙入味🍝帆立貝都幾新鮮 (雖然得兩舊🫣).#火焰芝士肉醬意粉 $80肉醬唔算新鮮 而且醬份量多到唔啱比例芝士燒得過龍 令整體味道有點苦 自己整仲好食過佢🥹.#百利甜酒朱古力咖啡 $42 (燕麥奶另加$3)有淡淡嘅Baileys香氣 飲落就冇咩酒味唔飲酒嘅人都易入口🍹整體感覺都順滑 朱古力味濃郁.#命運之茶 $30 (凍飲加$3)正常發揮 普通茶包的味道～.♥️回頭度：8/ 10未去到要特登入嚟食嘅地步不過喺大西北嘅不妨嚟chil下🍵.BYOB Coffee Roaster屯門良德街8號珀御地下G06號舖…Read More

📍Hygge (將軍澳)初訪呢間將軍澳南商場入面嘅北歐風cafe(๑˃̵ᴗ˂̵)店面行暖色木系風格 環境坐得闊落舒適🤎.☁️ #意大利手工肉丸薄餅 $128個pizza幾大個～批邊厚同煙靭肉丸厚實唔粉 真材實料✨但個人覺得pizza餡料比較少 同想像中有落差.☁️ #黑松露雜菌意大利飯 $138飯粒有質感 松露味十分濃郁🤤濕潤度恰到好處 唔太乾唔太濕.☁️ #蘇格蘭蛋 $118第一次試呢款英式料理 食嗰陣仲係新鮮滾熱辣出晒煙的😍油炸過嘅麵包包住肉碎同蛋 味道又幾夾 都唔乾！.☁️ #紫薯牛奶 $42 (轉燕麥奶加$4)(每次點紫薯鮮奶都係一場賭博😵‍💫怕冇紫薯味或者紫薯嘅甜味太人工)不過呢杯淡紫色嘅顏色幾靚💜 紫薯味唔算好濃但勝在天然鮮奶味道好香 整體好飲而唔會過甜🍠 .P.S. 朋友推介呢間嘅tiramisu好味但我去嗰日冇🥺.♥️回頭度：8/ 10價位少少高 但環境同食物質素都幾唔錯…Read More

📍SENSU (太古)太古城商場入面一間日系簡約風cafe環境唔算大 不過都坐得幾舒適～食左個平日限定嘅lunch set🍴.#日式香辣海鮮炒飯 $118蝦、魷魚、青口等等海鮮都算足料飯粒有咬口 整體辣辣地好香口🤤💯.#香烤雞扒配黑松露蜜糖醬 $168雞扒係幾好食 不過食落同快餐店差唔多同埋份量少到真係覺得are you kidding me🤦‍♀️呢個價錢完全唔抵食 覺得被騙🙅🏻‍♀️.#薯條配黑松露醬 (跟餐)薯條炸得好香 黑松露醬比較稀但份量唔少 每條薯條都沾到醬～.#白桃烏龍鮮奶+$48烏龍鮮奶就見過 加埋白桃配搭睇落幾特別 就試下估唔到加上淡淡的白桃香味幾夾 味道都平均🍑🥛而且杯具都好有質感☕️.♥️回頭度：7/ 10…Read More

📍Bacaba (將軍澳)將軍澳海皮一間餐廳酒吧 平日夜晚人流唔多有室內同戶外座位 燈光昏暗有氣氛🕯空間感幾大 座位寬闊 環境十分舒適🥰而且一行出餐廳就係海皮～感覺很chill我地點左dinner set for 2 ($360).#酥炸魷魚即叫即整 上枱時仲熱辣辣點上沙律醬鮮味十足🐙.#紐西蘭西冷牛扒配牛油汁牛味濃郁～外皮就比較乾同少燶叫左medium well但食落似medium多啲😂個牛油sauce只有油味咁 點唔點都冇乜分別...伴碟嘅芝士絲千層薯蓉反而就好出色🥔.#MeatMasterPizza Pizza大大個 兩個人食綽綽有餘蕃茄味濃郁而且薄批好爽脆🍕不過以佢叫得meat master呢個名 料就真係比較少 只有非常薄的一層🥲.♥️回頭度：7.8/ 10.…Read More

📍皇室甜品 (九龍城)無意中去咗試呢間宋王臺站附近嘅甜品店✨選擇都好多 新式同傳統嘅甜品都有.#宇治金時 $45一上枱就見到個份量比餐牌圖片仲大份😍紅豆軟硬度適中 仲有少少紅豆沙嘅感覺抹茶雪糕奶味偏重 抹茶味偏淡～.#榴槤公主 $52主要有榴槤果肉同埋奶凍榴槤味非常重 同奶凍味道好match🤤啫喱果凍細細粒幾有咬口.#皇室甜品📌九龍城城南道15號…Read More

📍Peloton (將軍澳)將軍澳南一間露營單車主題嘅cafe🚲⛺️有分室外同室內座位 相信日光下坐室外會幾chill座位之間都有一定距離 都幾舒適同寬敞有啲座位用左露營凳同埋枱 幾特別～.♡ #冬陰功海鮮椰香手打意粉 $108手打意粉好彈牙 冬陰功味都明顯 仲幾夾😍椰汁味重 好creamy 辣辣地好惹味分量比起一般cafe嚟講都幾大份🙌🏻.♡ #牛油果軟殼蟹多士 $118好鐘意佢個麵包 外面脆 個芯腍腍地咬落唔會乾爭爭🥪牛油果醬份量多 軟殼蟹炸得酥香🦀側邊仲有啲紅菜頭醬包圍 整體食落都幾fresh🥑.♡ #EarlGreyChocolate $40朱古力奶唔會死甜 帶出了伯爵茶嘅香氣兩者比例大概一比一 味道都幾match🍫.♡ #焙茶拿鐵 $45即使啲冰未溶 焙茶同牛奶都已經極淡味成杯野就似有奶味嘅水 唔推介可能都係叫返熱飲好啲🫣.♥️回頭度：8/ 10…Read More

📍雅 ‧悠蔬食 (尖沙咀)再次encore呢間尖沙咀新派素食餐廳✨環境坐得舒適 仲有個盒仔俾食客放袋 幾貼心服務態度好 會keep住幫食客斟水～.#泰式腰果糖醋猴頭菇 $158腰果脆口同新鮮 入面仲有啲馬蹄好爽口😍幾香口同開胃 食落似真肉嘅感覺.#鮮蔬豆腐粉絲煲 $128味道家常 材料豐富 係健康嘅味道🥬.#蜜汁脆燒腐皮卷 $88新鮮出爐 上枱時候熱辣辣 而且咬落脆口外表營造出雞髀嘅感覺～所以店員會貼心提醒入面有條雪條棍 (唔講真係唔會知🤣).♥️回頭度： 9/ 10.…Read More

📍Roommate (新蒲崗)新蒲崗一間新開嘅韓風cafe🤍店面&店內以奶油色調為主 面積不大但都坐得舒服Cafe向西南方 午後陽光透過落地玻璃滲入嚟有種療癒的感覺✨我地幸運地坐到望街景嘅window seat, 影相十分靚唔近窗口嘅座位就未必影到咁靚嘅環境相～Cafe人氣都高～weekday 2點幾排咗20分鐘先入座餐牌選擇唔算多 點餐同斟水就係自助形式的.♡ #香濃粟米湯粟米味濃 飲落都幾creamy~不過就冇粟米粒.♡ #卡邦尼意粉 $88意粉屬於較乾身 唔會膩 係煙肉比較硬🤔加左少少沙律菜令個感覺fresh左睇落份量唔多 但食完都有飽足感.♡ #AllDayBreakfast $128份量豐富 焗薯同雜菌焗得香洋蔥卷皮夠脆 加埋熟咗嘅洋蔥絲幾有特色～.♡ #巴斯克芝士蛋糕 $48蛋糕夠凍 中間仲有少少流心🤤🍰芝士味適中 唔會太甜 令人眼前一亮了✨朋友表示會為咗佢再回訪～♡ #IceCappuccino $41 (跟餐減$20)♡ #MatchaLatte $43 (燕麥奶+$5) (跟餐減$20)抹茶味濃郁 配上燕麥奶正好沖淡左苦澀味絲毫唔會有膩嘅感覺🍵順帶一提 杯具摸落都好有質感.♥️回頭度：9/ 10除咗等候時間比較耐 其餘一切都很完美♪…Read More