laulau401's Profile

我同好朋友見到有$148 串燒放題咁抵就買定coupon 試下啦 ，諗住就試下佢咩料環境方面其實新開都乾淨，企理。但上菜勁慢，開頭叫左一轉先，但都等左成半個鐘先有菜上，仲要第一轉叫得唔多，雖然無限時，但都餓死人啦平均叫每轉都要起碼等半個鐘，同場都有唔少客人， 跟本做唔切🙄🙄味道方面豬肉串燒唔新鮮，勁重調味料都食唔落d豬，雞同牛都可以，但係就好重味精，真係濃濃嘅大陸味同埋唔包野飲，得熱茶，勁咸，焗你叫其他嘢飲，好老實講嘢食全部都係一個味。麵就唔知，因為剩係得串燒任食，如果下次有人請我食，我都要考慮吓，第一因為位置都幾隔涉，二來係真係串燒放題，全部都係味精味，我就真係搞唔掂…Read More

食左幾次，終於記得影相寫食評。一次比一次唔好食，退步左，如無意外，係最後一次食呢間野今次都有叫小籠包，8色小籠包$118皮薄，汁幾好味，比較推薦原味小籠包🤣D味正常d外婆紅燒肉 $92唔洗試，唔好味，咁多肥肉都好啦，舊肉都唔稔，偏鞋同硬。椒鹽小黃魚$108出面唔夠乾身，肉質係滑嘅，調味唔夠咸，依個價錢🙄🙄🙄唔得鮑魚炒飯 $118濕炒黎，味道普通，係屋企輕鬆整到嘅野黎。口水雞 $85個醬勁咸好似紅燒牛肉公仔麵嘅醬料包咁嘅味，但點雞食勁咸，食完會口渴。肉質係ok ge, 但敗筆係太咸。撩開醬食都覺咸炒白菜 $65 係啊 炒白菜都要講，因為唔好食🤣菜太老，調味唔得🤣總結：:(佢係小籠包幾好，其他野全部唔得，今次係最後一次食佢，退步太多。 bye樂天…Read More

一家人假日去左飲茶，係想去List幾耐嘅餐廳終於有時間去試一試叫左幾樣野食、首先試嘅係帶子蒸燒賣 $65 :(味道普通 ，食到帶子有沙然後係XO醬煎蘿蔔糕，依個都幾推薦。$95，蘿蔔糕香脆幾好味，有少少辣辣地，幾惹味。份量唔大碟。然後係筍尖蒸蝦餃$68味道普普通通，皮偏厚，蝦都有鮮味，但都唔可以算話好好味，蝦餃好味過個燒賣。跟住上脆皮雞 $280/半隻皮脆，個皮好味，但雞肉偏鞋，過左火侯…都唔係偏鞋咁簡單，直頭有d柴，唔中意個肉，但個皮都真係幾好嘅。同埋無左浸肥膏。然後係蜜汁叉燒$238無乜汁，肉偏軟身，應該係梅頭。對呢碟野有失望。因為係聽聞依間叉燒好得，所以去試， 肉偏瘦，再肥多少少會好d，之前食（已結業嘅銅鑼灣蛇王二）比佢出色好多！ 係最後先食晒嘅餸，因為認真覺得麻麻最後係豉汁蒸鳳爪 $52普通到不得了，唔會話特別好味。總結成間野食水準一般，如果想食好味點心又比佢平，不如去試下名苑。燒味一般….燒味舖會更好 。服務一般。環境幾好。麻麻地…唔係幾抵食…Read More

早前唐閣出左個星級午後套餐，同老公去撐枱腳 $988兩位用。話晒唐閣都係三星米芝蓮，依個價錢兩位用，試試佢都抵。坐低覺得環境優雅🤣好寫意嘅感覺， 已經叫定左個二人餐，但我地比較大食，所以叫多兩個點心，怕唔夠飽首先係金華滑燒賣 $98/4粒有豬肉有蝦，豬肉肥而不膩好味道。然後係灌湯餃 （唔記得幾錢😂）鹼水味比較重，我覺得麻麻地然後就係二人餐嘅食物原價隻飽魚酥+黑松露菌鮮粉果原隻隻飽魚酥味道覺得偏咸，酥皮都脆，但因為覺得太咸，個人覺得唔係咁中意。而黑松露菌鮮粉果就好重黑松露味，粉果皮厚薄適中，唔錯。金錢鮮蝦球蝦好彈牙好有鮮味，缺點係太油一般，以佢間餐廳質素，可以處理得好d釀焗鮮蟹蓋蟹蓋外層炸到好酥脆香口好味，但入面嘅忌廉洋蔥汁溝埋一齊膩到x街。 同埋好油，唔中意鮮淮山如耳炒露筍普通野，一般師奶都整到嘅水平，同埋我嚴重懷疑佢地d油唔洗錢，咩都勁多油。見唔見到d反光位？ 全部都係油黎蛋白杏仁茶配杞子桂花糕呢d係整得難食要拉去打靶系列，無咩特別，唔出色但都唔難食總結 服務好，環境好食物普遍太油依個價錢黎講，普普通通唔好expect太多。…Read More

今日同老公同朋友一齊去左星小館食飯事因有朋友話幾好食，所以朋友聚會食飯就一齊去試下新野。Book左5位8點 ，剛發現茶位收左6位 🙄反白眼好啦入座即叫左野食 侍應話不如食左冷盤先（即象拔蚌刺身），其他後上，咁我地就話好啦 。點個個剌身切左40分鐘都未切好，我地開始催，咁佢地先上其他野先。 首先想表達對佢地嘅安排十分失望 ！ 如果明知自己整個刺身都咁耐嘅時候不如唔好主動咁提啦！ 首先上嘅係酸菜桂花魚 $388肉質嫩滑，酸菜味就略嫌唔夠，食到都幾重嘅胡椒味。 我個人覺得好普通，不過身邊朋友讚不絕口 ， 所以都俾佢4粒星啦。 但好大個魚頭，其實魚肉份量好少，呢個都係不足之處。風味脆魷魚鬚 $68調味唔錯，炸出黎唔會油膩，入面魷魚又彈口，都頗推薦。等左一個鐘嘅加拿大A蚌刺身 $1888我地5個人叫左好大條象拔蚌一齊食，唔知係咪切太耐，覺得佢係唔夠凍，但都幾新鮮。芥末脆皮德國原隻豬手 $148皮係脆嘅，肉質偏鞋身，調味咸咸地，正正常常，不過不失。鮮魚湯雲勝手打魚腐 $118我覺得個湯同勝瓜都好正常，味道出係魚腐到！ 好大問題！ 一咬落去似梅左嘅魚蛋，超難食！仲要寫到明手打魚腐，建議去買返超級市場d魚腐頂當算，會好食好多！ 勝瓜份量極少，五個人食平均一人分到2-3粒勝瓜。 呢個價錢，呢個質素，極不推薦。正宗海南文昌雞 半隻 $138皮脆 ，肉都滑，但係好奇乜海南雞唔係點三色醬咩 ，咩醬都是但啦， 都幾好 杏汁燉白肺 $268分到大概6-7碗湯， 中意佢杏仁味唔濃🤣 個湯都幾好味 ，個人幾中意大利銀芽豉油王炒麵 $118偏油，但調味都幾好嘅，可以食，但唔太推薦。減肥見到佢就怕怕。最後送左個綠豆沙俾我地好難食 ， 甜到爆 太甜 唔中意。總結：服務質素麻麻，有個大叔侍應成日唔帶口罩，令人反感。 上菜速度慢到人都癲，肚餓會發脾氣人仕要小心，跟單跟到一舊舊，咩上左咩未上亂糟糟，！收多左一個人茶芥，唔係錢嘅味題，令人覺得不爽食物質素overall黎講都ok ge, 但上菜速度同服務同埋個唔帶口罩大粒野侍應扣左好多分 由變左評分得ok …Read More

無意間loop到呢間餐廳，見到無負評好驚訝 ，所以book左枱同老公一齊去試下佢。坐低侍應先擺低左個蕃茄俾我地先，好refreshing 同時好香蒜香，開胃好味，俾5星。始終燒烤都需要時間 ，等左陣終於到第一碟菜 🤣就係刺身啦 $228 /好抵食 厚切，新鮮。俾5星。月見免治豚肉 $58@一串一個碟裝，一串跟一個蛋黃點🤣好有心機 燒得幾香，都唔錯。但美中不足有小小偏咸 ，俾4星。然後上左雞翼串 🧐味道就好普通 ，話晒雞翼好難整得難食 但佢又無令人wow一聲$32@ 普通芫茜豚肉卷🫔岩芫茜怪食 芫茜味極濃 不過偏咸，老公幾中意，我就覺得麻麻地 再黎就係呢個燒帆立貝$128@有少許失望 帶子位火喉ok配個汁都幾好帶鮮味，不過裙邊位太咸然後係我最欣賞嘅燒牛舌，超推薦。味道ok ,食一啖飲一啖酒，超正！燒得好juicy,我老公咁嘴刁都俾好高分然後就上燒魚，是日鮮魚 $368@少骨，燒得都幾香，配左柚子醋點魚食，感覺好refreshing. Quite good燒牛小排，$188@叫時侍應問要幾成熟。我地叫左5成，出到黎略嫌柴左少少，$188黎講性價比不高。燒西班牙黑毛豬肋條$188@ 略嫌豬肉有雪味，但配上少少酸辣嘅蘿蔔蓉覺得幾得意嘅，可以試一試，覺得麻麻地整體黎講餐廳食物質素不錯，擺碟配嘅汁都幾好。店舖感覺都整潔。鋪頭好岩三五之已一齊飲酒吹水食野，入面好多客人大聲傾計哈哈笑🤣都幾似去左日本覺得無差評係正常 ，總括黎講係唔錯…Read More

今日同老公兩個又去搵野食，其實呢間野唔係第一次食，不過之前係食外賣，今次係堂食。首先講分量，呢間餐廳份量都算偏大碟覺得份量上大食嘅朋友唔需要太擔心。一坐低叫完野食送左個上海醬鴨黎，覺得d鴨肉偏乾同略騷，我個人就唔係咁中意。俾2星然後上左蒸蟶子，火候控制得唔錯，時間啱啱好，有好濃蒜香，個人幾中意。俾4星而翡翠炒帶子就好差 ， 帶子老過雞胸肉！主角帶子差到不得了 ，但d甜豆好味🤣拉返都係成碟菜得2星老干媽炒鱔球味道偏咸，要用茶浸走d鱔嘅咸味先再食，但老公好欣賞佢嘅口感，值2星最後主角炒蟹，叫左中辣，同譚仔中辣差不多，幾香幾好味。但蟹蓋就唔得，嘥左。服務上整體上菜都快，但女侍應偏hard sell , 覺得有d反感。 整體感覺餐廳不過不失，可以一試。…Read More

同老公又去左食好西 ，呢間食壽司真係一流 好似去左日本咁食第二次 味道都係keep得好好 食材新鮮無得彈。唯一不足之處係等位時間較耐。又無得留電話。搞到企係到戇居居等左好耐。不過好在上菜都快嘅，環境同服務都唔錯…Read More

今日同老公去左食誠記疫情期間一坐低就抺下張台先抺左三次月左三張濕紙巾抹出黎都係灰色嘅衞生情況十分差！ 好啦攞個餐牌叫野食，個餐牌都係污糟到不得了 。最後叫左加銀芽膳糊，回鍋肉，兩個生煎牛肉包，小籠包膳兩杯豆漿。回鍋肉個汁太甜 肉有so味。銀芽膳糊好咸好味精 。生煎包好乾身，小籠包就正少少。但真係食得好唔開心 ，一黎污糟，二黎個女侍應唔知做咩事 收碗放好係要整到好大聲,又不停大聲講野。傾計唔係唔得，但可唔可以細聲少少呢。 衞生方面侍應收錢 攞野食 收餐具都無清潔雙手。疫情期間真心覺得恐怖 唔會再幫襯！ …Read More

即係咁，今日叫左open rice 外賣自取。諗住撐黃店。但我真心覺得處理得好差 。我總共叫左四樣野，但攞外賣得三個盒，一問先知，原來將醉蝦同灼元貝放埋左係一齊。真心好嬲，兩個餸放埋一齊感覺好差好似食返d剩餸咁樣，撈埋一堆，我完全唔知分開食咩味！叫個油菜本身都諗住正常油菜咁，但個菜生嘅！好差 ！ 唯一值得讚嘅係牛肉米粉嘅牛肉，米粉好普通，但牛肉係出色嘅。希望商店可以作出改善。肯接納意見先係真·黃店…Read More